કેટેગરી જીવનશૈલી

જાણો, ઋષિકેશના સ્વામિનારાયણ આશ્રમની ગુજરાતીઓ માટે કઈ ખાસિયતો છે

નીરવ જોશી , ઋષિકેશ (M-7838880134 & 9106814540)

કહેવાય છે કે ચારધામની યાત્રાએ જતા પહેલા ગુજરાતી હરિદ્વાર અને ઋષિકેશની અચૂક મુલાકાત લે છે ત્યારે ઋષિકેશમાં સ્વામિનારાયણ આશ્રમ કરીને એક એવું ગુજરાતી માટે સ્થળ આવેલું છે કે જ્યાં જઈને ગુજરાતીને પોતેકાપણું લાગે છે ! અહીંના આશ્રમના વ્યવસ્થાપક અને સંસ્થાપક એવા સુનિલ ભગતજી સાથે વાત કરીને આપણને કોઈ સ્વજનને મળ્યા હોય તેવો અનુભવ થાય છે !

ઋષિકેશ સીસમ જાડી પાસે આવેલી સ્વામિનારાયણ આશ્રમ ના આધાર સ્તંભ એવા સુનિલ ભગતજી સાથે એવીએસ પોસ્ટે ખાસ વાતચીત કરી હતી અને આ સંસ્થાના ઉદ્દેશ્યો તેમ જ એના કાર્યો વિશે વિગતે વાત કરી હતી. રજુ છે એમની સાથે મુલાકાત ના પ્રશ્નોત્તર રૂપે અંશ.

Nirav Joshi: *આ સંસ્થાના મુખ્ય ઉદ્દેશો કયા છે ?*

*સુનિલ ભગતજી:વડતાલ સંપ્રદાયના પુરાણી વિષ્ણુ પ્રકાશદાસજીની પ્રેરણાથી 2002માં આ સંસ્થાની સ્થાપના થઈ.આ સંસ્થાના મુખ્ય ઉદ્દેશમાં સૌથી પહેલું આવે છે અન્ન અને આશરો.

અત્યારે હાલ કઈ ગયા ક્ષેત્રમાં સેવા થઈ રહી છે ?

*સુનિલ ભગતજી:* અત્યારે અમે 2006 માં બ્રાહ્મણો માટે સંસ્કૃત મીડિયમ પાઠશાળા જેને શાસ્ત્ર વિદ્યાલય કહેવામાં આવે છે, તેની સ્થાપના કરી.

*કેટલા વિદ્યાર્થીઓએ અત્યાર સુધીમાં આનો લાભ લીધો છે અને આ વિદ્યાર્થીઓ કયા કયા ક્ષેત્રમાં થાય અથવા તો પોતાનું રોજગાર મેળવી રહ્યા છે?*

*સુનિલ ભગતજી:* દર વર્ષે અમે 25 થી 30 વિદ્યાર્થીઓને એડમિશન આપીએ છીએ તો એ પ્રમાણે 18 વર્ષમાં ઘણા બધા વિદ્યાર્થીઓ ભણી અને આગળ પોતપોતાનું કાર્ય કરી રહ્યા છે જેમ કે ઘણા વિદ્યાર્થીઓ કથાકાર બની ગયા છે, ઘણા સંગીતકાર બની ગયા છે , ઘણા બધા વિદ્યાર્થી મોટા મોટા જે મંદિરો છે તેના પૂજારી થઈ ગયા છે! ઘણા વિદ્યાર્થીઓ સ્કૂલમાં અધ્યાપન કરાવે છે.

*Nirav Joshi:* આ સંસ્થા ભગવાન સ્વામિનારાયણના આરાધના કરનારા સંતો વડે સ્થાપના કરવામાં આવી છે, તો ગુજરાતના લોકો અહીં આવી કઈ રીતે પ્રેરણા મેળવે છે અને ભગવાન સ્વામિનારાયણના ભક્તો ખાસ કરીને સંસ્થા સાથે સંકળાયેલા ભક્તોને કયા પ્રકારની અહીંયા સગવડો મળે છે?*

*સુનિલ ભગતજી:* અમારા પૂજ્ય ગુરુજીનો એક જ ઉદ્દેશ્ય છે કે – ગંગા કિનારે આવનાર વ્યક્તિ સામાન્ય વ્યક્તિ નથી હોતા, એના આ જન્મના અથવા તો આગલા જનમના અથવા તો એના પૂર્વજોના આશીર્વાદને કારણે પહોંચ્યો હોય છે એટલે આપણી સંસ્થા દ્વારા એને ખાધીપીધેને સાચવવા, એને રાજી કરવા! કારણકે અહીંયા આવનારી વ્યક્તિ ઘરવાળાથી શેઠિયાઓથી ધંધાથી પડોશી થી કંટાળી થાકી અને અહીંયા આવે તો અહીંયા એને શાંતિ મળે એવું વાતાવરણ આપણે આપવું.

Nirav Joshi: *કોરોના 2020 પહેલા સ્વામિનારાયણ આશ્રમ નું સ્વરૂપ અલગ હતું અત્યારે જે નવું સ્વામિનારાયણ આશ્રમ બન્યો છે એમાં કયા કયા પ્રકારની સુવિધાઓ ઉમેરાઈ છે અને આ નવા સ્વરૂપના બીજા કયા ઉદ્દેશ્યો છે?*

*સુનિલ ભગતજી* :કોરોના 2020 પહેલા સ્વામિનારાયણ આશ્રમ નું સ્વરૂપ અલગ હતું. અત્યારે જે નવું સ્વામિનારાયણ આશ્રમ બન્યો છે એમાં અનેક પ્રકારની જન સેવાકીય સુવિધાઓ ઉમેરાઈ છે અને આ નવા સ્વરૂપના બીજા ઉદ્દેશ્યો પુરા થયા છે જેમકે કોરોના સમયમાં શ્રી સ્વામિનારાયણ આશ્રમ ને ખૂબ મોટી સેવા કરવાની તક મળી હતી! જે રોજ હજારો ફૂડ પેકેટ બનાવી અને જરૂરિયાતમંદો સુધી પહોંચાડવામાં આવતી હતી. ઋષિકેશના સીસમ જાડી વિસ્તારમાં રહેતા દરેક વ્યક્તિને કોરોનાના કપરા કાળમાં મહિનાઓ સુધી ભોજન પૂરું પાડવામાં આવ્યું! જેથી કરી આ સેવા જોઈ અને ઘણા બધા લોકો આ સંસ્થા સાથે જોડાયા!!! મોટો સમુદાય જોડાય એટલે એમને રહેવા જમવાની સુવિધાઓ કરવી પડી જેના માટે અમે એક ગલી નંબર 13 માં 72 રૂમનું એક બિલ્ડીંગ ઊભું કર્યું અને ત્યાં સરસ મજાનું રહેવાનું અને જમવાની વ્યવસ્થા કરી- સહજાનંદ વેલનેસ જેનું નામ આપવામાં આવ્યું !ત્યાં યોગ અને આરોગ્યને લક્ષી પણ ઘણા બધા કાર્યો કરવામાં આવે છે, કોરોના પછી ઘણા બધાને કામ છૂટી ગયા હતા તો અમે મહિલાઓ માટે સિલાઈ પ્રશિક્ષણ કેન્દ્ર પણ આ જગ્યાએ શરૂ કર્યું જેમાં અત્યાર સુધીમાં લગભગ 200 થી 300 મહિલાઓએ સિલાઈ પ્રશિક્ષણ લાઈવ અને પોતાનું રોજગાર ચલાવે છે! પોતાના પગ પર ઉભા થયા છે અને આજે પણ આ સંસ્થા કેન્દ્ર ચલાવી રહ્યું છે!!!

બાળકો માટે પણ અલગથી અભ્યાસ માટે જે લોકલ છોકરાઓ ટ્યુશન કરી શકે એવા ન હતા એના માટે અઠવાડિયામાં ચાર દિવસ બે કલાક ફ્રીમાં ભણાવવામાં આવે છે! તો કોરોના પછી જે જે સગવડો જેમ સમાજને જોતી હતી -એ પ્રમાણે અમે અન્ન ક્ષેત્રની શરૂઆત કરી. પહેલા ફક્ત સંતોને જમાડતા હતા હવે પહેલાં સંતો અને પછી ગરીબો- જે જરૂરત મંદ લોકો છે, એમને બંને સમય દાળ ભાત રોટલી જમાડીએ છીએ, જેથી કરી એની ભૂખ સંતોષાય!

Nirav Joshi: આપના જે પણ આગામી સમયના આયોજનો છે તે માટે આપની ગુજરાતના સમાજ પ્રત્યે શું અપેક્ષા છે???

*સુનિલ ભગતજી:* ગુજરાતનો સમાજ ખૂબ સેવા કરે છે, સ્વામિનારાયણ આશ્રમમાં પણ 99% સહયોગ ગુજરાતનો જ છે, તો આવી રીતે સહયોગ કરતા રહે અને આ જગ્યાનો ઉપયોગ પણ કરતા રહે. અહીં આવી ભજન, ભક્તિ, સત્સંગ પૂજા પાઠ, ધ્યાન – આરાધના, સાધના કરે -એવી અમારી ઈચ્છા છે.

જય સ્વામિનારાયણ!

(ઋષિકેશ સ્વામિનારાયણ આશ્રમ ના સ્થાપક એવા સુનીલ ભગતજી નો સંપર્ક સૂત્ર : – 93198 25050)

*Location*
https://maps.app.goo.gl/H2XtnqTzW7tXSnUN9

Swaminarayan Ashram, Shisham Jhadi, Gali No. 13, Rishikesh, Uttarakhand

GANGA DARSHAN GROUP
*व्हाट्सऐप ग्रुप पर जुड़ें-*
https://chat.whatsapp.com/H32HfYhzsSpGNkj4j4AXEe

For Room Booking please contact:
*8511151708*

https://swaminarayan.yoga/rooms/

https://sahajanandwellness.carrd.co/

Nirav Joshi: દરરોજ સાંજે અહીંયા ગંગા આરતી થાય છે – એની શરૂઆત ક્યારે થઈ? અને એની વિશેષતા જણાવો.

સુનિલ ભગતજી: 2002માં અમારા ગુરુ પુરાણી વિષ્ણુ પ્રકાશદાજી સ્વામી – અથાણાવાળા વડતાલ જેમના હાથે પ્રથમ આરતી ઉતારવામાં આવી હતી ત્યારબાદ અવિરત આરતી ચાલી આવી રહી! કેદારનાથના પુર 2013 પછી આ ગંગા આરતી ભવ્ય અને દિવ્ય રૂપથી કરવામાં આવી અને કોરોના પછી જે લોકો અહીંયા આવી શકે એમ ન હતા તો એ લોકો માટે અમે સોશિયલ મીડિયા ના પ્લેટફોર્મથી youtube ચેનલના

Web- YouTube માધ્યમથી ઘરે બેઠા દર્શન કરી શકે એવી ઋષિકેશ ધામ નામની ચેનલના માધ્યમથી ઘરે બેઠા રોજ ગંગાજીના દર્શન – આરતીના દર્શન કરી શકે એવી સુવિધા શરૂ કરી.

એપ્રિલ 29, 2024
સાધક કોન હૈ? – योगी कौन है

*🛕 सत्संग / कथा ज्ञानामृत 🛕*

*साधक कौन है।*

साधक वही है जो अपने आपको साधकर रखता है।

साधक वही है जो मन वचन कर्म से शालीन आचरण करने वाला होता है।

कुछ विशेष मंत्र का सवा लाख जप कर लिया या फिर किसी विशेष स्तोत्र का पाठ कर लिया या फिर अन्य कोई भी छोटी मोटी साधना कर ली उससे कोई भी व्यक्ति साधक नहीं बन जाता है।

जब आप सही अर्थ में साधक बनते है तब आपके अंदर विवेक का उदय होता है। आप सत्य और असत्य के बीच का भेद भलीभांति जान पाते है। और दुनिया की सुनने के बाद ये पता नहीं चलता मगर आपके अंदर के आत्म चिंतन से ही ये आपको पता चल जाता है।

साधक वही है जो धीरे धीरे अपने स्वयं के विकारों से मुक्त होने की यात्रा पर आगे बढ़ रहा है। आज जितना है उससे अधिक मुक्त होने पर अग्रसर होता है। वो धीरे धीरे अपने विकारों से ऊपर बढ़ता चला जाता है।

साधक वही है जो अपने कर्म के प्रति सभान होने लगता है। उसका प्रत्येक कर्म उसके विवेक और उसके ज्ञान से युक्त होता है। जो अपने प्रत्येक कर्म को अन्य की भाती बिना सोचे समझे नहीं करता जाता है।

साधक वही है जो अपने इंद्रियों को नियंत्रण से मुक्त होने लगता है और वो स्वयं अपनी इंद्रियों पर पूर्ण नियंत्रण प्राप्त कर लेता है। उसके लिए दिन प्रतिदिन वो स्वयं जागृत होते जाता है। उसका नियंत्रण इतना सटीक होता है कि फिर उसे कोई भी प्रलोभन तोड़ नहीं सकता है।

साधक वही है जो पूर्ण रूप से स्वतंत्र होते जाता है। जो धीरे धीरे सभी प्रकार के विचारों या पूर्वग्रह से मुक्त होकर अपनी स्वतंत्र विचारधारा को जन्म देता है। इसे ऐसा समझे की वो अपने हृदय के ग्रन्थ को खोलता है और उसी का अनुसरण करने लगता है।

साधक एक निष्ट होता है। उसके इष्ट और इष्ट सेवा निरंतर और एक निष्ठा के साथ चलती है। कोई भी उसकी श्रद्धा को चलित नहीं कर सकता है। कोई भी उसके मार्ग को रोक नई सकता है। क्योंकि उसकी निष्ठा ही उसका आधार होता है।

साधक वही है जो केवल कल्पनाएं नहीं करता है अपितु अपने पथ पर हर पल हर समय चलता है जब तक उसे मूल हासिल नहीं होता है। जब तक उसे मूल तत्व प्राप्त नहीं होता है या उसका उद्देश्य सिद्ध नहीं होता है तब तक बिना रुके जो परिश्रम करने के पथ पर अग्रसर होता है।

साधक वही है जो अपने गुणों को खोता नहीं है अपितु दूसरों के सद्गुण स्वयं धारण कर लेता है । जो दिन प्रतिदिन अपने सद्गुणों में वृद्धि और दुर्गुणों का त्याग करता है।

साधक वही है जो सहजता और सरलता को धारण करते जाता हैं। जो आपके पास होता है तो आप अपने समग्र अस्तित्व को खोकर उसके अस्तित्व से युक्त हो जाते है। जो अपनी सरलता और सहजता से आपके समग्र अस्तित्व को अपने अंदर समाहित कर लेता है। जहा आप पूर्ण रूप से मुक्त होकर अपने आपको प्रगट कर सकते है।

साधक बनें। यदि नहीं है तो उसकी और आगे बढ़ने की यात्रा शुरू करें। एक दिन अवश्य ही आप पहुंच जाएंगे।

એપ્રિલ 19, 2024
ગાંધીનગરના લાકરોડામાં દર્શન યોગધામમાં સમર્પણ ભવનનું લોકાર્પણ રાજ્યપાલના હસ્તે થયું

નીરવ જોશી ,હિંમતનગર (M-7838880134 & 9106814540)

*ગાંધીનગરના લાકરોડા ગામે દર્શનયોગ ધામમાં રાજ્યપાલ શ્રી આચાર્ય દેવવ્રતજીના હસ્તે સમર્પણ ભવનનું લોકાર્પણ અને વૈદિક ગુરુકુલ ભવનનો શિલાન્યાસ*
—————–
*વૈદિક ગુરુકુલોમાં વેદ પરંપરા અને નૈતિક શિક્ષણની સાથોસાથ સાયન્સ -ટેક્નોલૉજી સાથે આધુનિક અભ્યાસનો સમન્વય જરૂરી : રાજ્યપાલ શ્રી આચાર્ય દેવવ્રતજી*
——————–
*આર્ષ ગુરુકુલનો વિદ્યાર્થી ડૉક્ટર, એન્જિનિયર, બેરિસ્ટર કે અધિકારી નહીં બને, પરંતુ આ તમામને સાચા અને સારા મનુષ્ય બનાવવાની ક્ષમતા તે વિદ્યાર્થીમાં હશે.*
————————

ગાંધીનગર જિલ્લાના માણસા તાલુકાના લાકરોડા ગામે સાબરમતી નદીના તીરે વૈદિક સંસ્કૃતિ અને ગુરુકુલીય શિક્ષાની સુરક્ષા અને સંવર્ધન હેતુ સ્થાપિત દર્શનયોગ ધામમાં રાજ્યપાલ શ્રી આચાર્ય દેવવ્રતજીએ આજે સમર્પણ ભવનનું લોકાર્પણ કર્યું હતું. આ ભવનમાં 36 સાધના કુટિર છે. રામનવમીના પાવન પર્વે શ્રી આચાર્ય દેવવ્રતજીએ આ સંકુલમાં વૈદિક ગુરુકુલ ભવનનો શિલાન્યાસ પણ કરાવ્યો હતો.

ગાંધીનગરના લાકરોડામાં વૈદિક સંસ્કૃતિની સુરક્ષા, આર્ષ જ્ઞાન-વિજ્ઞાનના પ્રચાર-પ્રસાર તથા સુસંસ્કાર નિર્માણ માટે સક્રિય આદર્શ સંસ્થા – દર્શનયોગ ધામમાં વ્યાકરણ શાસ્ત્ર, વેદ સાહિત્ય, આયુર્વેદ, જ્યોતિષ, દર્શન અને ઉપદેશક મહાવિદ્યાલય આકાર લેશે. રાજ્યપાલ શ્રી આચાર્ય દેવવ્રતજીએ આજે આ અવસરે કહ્યું હતું કે, વૈદિક ગુરુકુલોમાં વેદ પરંપરા, યોગ, સંધ્યા-હવન અને નૈતિક શિક્ષણની સાથે સાથે આધુનિક અભ્યાસનો સમન્વય કરવાની આવશ્યકતા છે. બદલાતા સમયમાં શાસ્ત્રોના વિદ્વાનોને વિજ્ઞાન અને ટેકનોલોજીનો સહયોગ જરૂરી છે. જો આમ થશે તો શાસ્ત્રોના વિદ્વાનોને રોજગારીના પ્રશ્નો નહીં નડે. એટલું જ નહીં, તેમના જ્ઞાન અને વિદ્યાનો વ્યાપ વધુ વિસ્તરશે.

રાજ્યપાલ શ્રી આચાર્ય દેવવ્રતજીએ કહ્યું હતું કે, આર્ષ ગુરુકુલનો વિદ્યાર્થી ડૉક્ટર, એન્જિનિયર, બેરિસ્ટર કે સેનાનો અધિકારી નહીં બને, પરંતુ આ તમામને સાચા અને સારા મનુષ્ય બનાવવાની ક્ષમતા તે વિદ્યાર્થીમાં હશે. આજે રાષ્ટ્રના સર્વાંગી વિકાસ માટે અને મહાન રાષ્ટ્રના નિર્માણ માટે આવા મનુષ્યોની આવશ્યકતા છે.

તેમણે કહ્યું હતું કે, ગુજરાતની ધરતી પર જન્મેલા મહર્ષિ દયાનંદ સરસ્વતીજીની 200ની જન્મ જયંતી ઉજવી રહ્યા છીએ ત્યારે તેમના કાર્યોને આગળ ધપાવવા સંકલ્પબદ્ધ થઈએ. વેદ પ્રતિ અત્યંત નિષ્ઠા સાથે તેમણે સમાજના કુરિવાજો દૂર કર્યા. દેશમાં વ્યાપ્ત અજ્ઞાન, અન્યાય, અભાવ અને આળસને દૂર કરવા તથા દેશને કલ્યાણના માર્ગે લઈ જવા તેમણે હજારો વિદ્વાનો તૈયાર કરવાની આવશ્યકતા પર ભાર મૂક્યો હતો. દર્શનયોગ ધામ જેવા સંસ્થાનો આ દિશામાં મહત્વનું કાર્ય કરી રહ્યા છે ત્યારે સમાજે પણ આવા કાર્યોમાં સંપૂર્ણ સહયોગ આપવો જોઈએ એવી અભિલાષા રાજ્યપાલશ્રીએ વ્યક્ત કરી હતી. આર્ષ ગુરુકુળમાં અભ્યાસ સંપન્ન કરીને સમાજને સમર્પિત થતા વિદ્વાન વિદ્યાર્થીઓના દીક્ષાંત સમારોહ યોજાય અને સમાજ પણ આ વિદ્યાર્થીઓને સત્કારવા તત્પર રહે એવો અનુરોધ પણ તેમણે કર્યો હતો.

આ અવસરે દર્શનયોગ ધર્માર્થ ટ્રસ્ટના પ્રબંધક ન્યાસી સ્વામી શ્રી વિવેકાનંદજી પરિવ્રાજક અને સાર્વદેશિક આર્ય પ્રતિનિધિ સભા, દિલ્હીના પ્રધાન શ્રી સુરેશચંદ્ર આર્યએ પ્રાસંગિક ઉદબોધન કર્યું હતું. આર્યવન આર્ષ કન્યા ગુરુકુલ, રોજડના આચાર્યા શીતલજી, વાનપ્રસ્થ સાધક આશ્રમ, રોજડના અધ્યક્ષ શ્રી સત્યજીત મુનીજી, ગુરુકુલ કાંગડી વિશ્વવિદ્યાલયના ભૂતપૂર્વ ઉપ કુલપતિ શ્રી ડૉ. સુરેન્દ્ર કુમાર આર્ય, દિલ્હી આર્ય પ્રતિનિધિ સભાના મહામંત્રી શ્રી વિનય આર્ય, મધ્ય ભારતીય આર્ય પ્રતિનિધિ સભાના પ્રધાન શ્રી પ્રકાશ આર્ય અને નાગરિકો વિશાળ સંખ્યામાં ઉપસ્થિત રહ્યા હતા.

એપ્રિલ 17, 2024
બનાસ ડેરી, સણાદર ખાતે રાજ્યપાલશ્રી આચાર્ય દેવવ્રતજીની અધ્યક્ષતામાં પ્રાકૃતિક કૃષિ સંવાદ યોજાયો

माहिती संकलन : नीरव जोशी , हिम्मतनगर (M-7838880134 & 9106814540)

ગુજરાતના ગવર્નર આચાર્ય દેવ વ્રત જૈવિક ખેતી અને રસાયણ મુક્ત આહાર તેમજ બાગાયતી પાકો અંગે ખુબ સરસ પરીસંવાદ અલગ અલગ જિલ્લાઓમાં કરતા હોય છે ગઈ સાલ એપ્રિલ મહિનામાં તેઓ સાબરડેરી હિંમતનગર પધાર્યા હતા આવો જ કાર્યક્રમ ક્ષેત્ર નવરાત્રી પર બનાસ ડેરીમાં પણ આયોજિત કરવામાં આવ્યો હતો.

બનાસ ડેરી, સણાદર ખાતે રાજ્યપાલશ્રી આચાર્ય દેવવ્રતજીની અધ્યક્ષતામાં પ્રાકૃતિક કૃષિ સંવાદ યોજાયો

રાસાયણિક ખાતરોનો વપરાશ છોડી તંદુરસ્ત જીવન જીવવા માટે પ્રાકૃતિક કૃષિ પદ્ધતિ અપનાવવા રાજ્યપાલશ્રી આચાર્ય દેવવ્રતજીનું આહ્વાન

રાજ્યપાલશ્રી આચાર્ય દેવવ્રતજીએ ગામે ગામ પહોંચીને ગાય આધારિત પ્રાકૃતિક ખેતી થકી માનવજીવનને સુરક્ષિત કરવાના અભિયાન સાથે જીવન પરિવર્તનનું મોટું કાર્ય કર્યું છે : અધ્યક્ષશ્રી શંકરભાઈ ચૌધરી

બનાસકાંઠા જિલ્લાના દિયોદરના સણાદર ખાતે આવેલી બનાસ ડેરીમાં રાજ્યપાલશ્રી આચાર્ય દેવવ્રતજીની ગરિમામય ઉપસ્થિતિમાં પ્રાકૃતિક કૃષિ સંવાદ યોજાયો હતો. રાજ્યપાલશ્રીએ ડેરી ખાતે આઈસ્ક્રીમ પ્લાન્ટ તથા પોટેટો પ્લાન્ટની મુલાકાત લઈ ડેરી વિશે જાણકારી મેળવી હતી.

ભારતીય નવું વર્ષ – ચૈત્ર માસના પ્રારંભે શુભકામનાઓ આપી રાજ્યપાલશ્રી આચાર્ય દેવવ્રતજીએ બનાસ ડેરીમાં મોટી સંખ્યામાં આવેલા પશુપાલકો અને ખેડૂતોને પ્રાકૃતિક કૃષિ અંગે વિગતવાર માહિતી આપી પ્રાકૃતિક કૃષિ તરફ વળવા અનુરોધ કર્યો હતો.

રાજ્યપાલશ્રી આચાર્ય દેવવ્રતજીએ જણાવ્યું હતું કે, આજે બનાસકાંઠા જિલ્લાના અનેક ખેડૂતો એકતા, સંગઠન અને સહકારિતાના ભાવ સાથે ખૂબ પ્રગતિ કરી રહ્યા છે અને ખૂબ આવક મેળવી રહ્યા છે, તે બનાસ ડેરીના માધ્યમથી ચેરમેનશ્રી શંકરભાઈ ચૌધરીના નેતૃત્વમાં થયું છે. આજે જ્યારે દુનિયાની સૌથી મોટી સમસ્યા ગ્લોબલ વૉર્મિંગ છે, જેનાથી માનવજીવનને ખૂબ મોટું નુકશાન થઈ રહ્યું છે, ત્યારે પ્રાકૃતિક ખેતીથી તેને નિવારી શકાય છે. ન્યુયોર્કની એક આંતરરાષ્ટ્રીય ન્યૂઝ એજન્સીના ભારતના આંધ્રપ્રદેશના સંશોધનાત્મક અહેવાલ વિશે જણાવતાં રાજ્યપાલશ્રીએ જણાવ્યું હતું કે, ભારે વરસાદથી ખેતરોમાં ખૂબ મોટા પ્રમાણમાં પાણી ભરાઈ રહે છે. જેના કારણે જમીન અને પાકને ખૂબ મોટું નુકશાન થાય છે. આવા સમયે પ્રાકૃતિક ખેતી કરતા ખેડૂતોના ખેતરોમાં ખૂબ જ ઓછું નુકશાન થાય છે, જ્યારે રાસાયણિક ખેતી કરતા ખેડૂતોને ખૂબ મોટા પ્રમાણમાં નુકશાન થાય છે.

રાજ્યપાલશ્રી આચાર્ય દેવવ્રતજીએ જૈવિક ખેતી અને પ્રાકૃતિક ખેતી અંગેનો ભેદ સ્પષ્ટ કરી પ્રાકૃતિક ખેતીના ફાયદા અને મહત્વ ખૂબ સરળ ભાષામાં સમજાવ્યા હતા. ડીએપી અને યુરિયા જેવા રાસાયણિક ખાતરોના વપરાશથી જમીનની ઉપરનું પડ ખૂબ સખત બની જાય છે, જેથી પાણી જમીનમાં શોષાતું નથી અને ખેતરોમાં ભરાઈ રહે છે. જેને લીધે ખેતર બંજર અને બિન ઉપજાઉ બની જાય છે. રાસાયણિક ખાતર અને જંતુનાશક દવાઓના બેફામ ઉપયોગથી કેન્સર સહિતના ગંભીર રોગોનો ખતરો રહે છે. જ્યારે પ્રાકૃતિક ખેતીથી પાણી જમીન પર ભરાઈ રહેવાને બદલે ઝડપથી શોષાઈ જાય છે અને જમીન મુલાયમ અને ફળદ્રુપ બને છે. વધુમાં તેમણે જણાવ્યું હતું કે ખેતીલાયક જમીન અને ખેતીને જો બચાવવી હશે તો દેશી ગાય આધારિત પ્રાકૃતિક ખેતી જ શ્રેષ્ઠ વિકલ્પ છે. પ્રાકૃતિક કૃષિ પદ્ધતિ અને જીવામૃત બનાવવાની રીત સમજાવી લોકોને રાસાયણિક ખાતરોનો વપરાશ છોડી તંદુરસ્ત જીવન જીવવા માટે પ્રાકૃતિક કૃષિ પદ્ધતિ અપનાવવા રાજ્યપાલશ્રીએ જણાવ્યું હતું.

બનાસ ડેરીના ચેરમેન અને વિધાનસભાના અધ્યક્ષશ્રી શંકરભાઈ ચૌધરીએ ઋષિતુલ્ય જીવન જીવતા રાજ્યપાલશ્રી આચાર્ય દેવવ્રતજીનું સ્વાગત કરતાં જણાવ્યું હતું કે, તેમણે ગામે ગામ પહોંચીને ગાય આધારિત પ્રાકૃતિક ખેતી થકી માનવજીવનને સુરક્ષિત કરવાના અભિયાન સાથે જીવન પરિવર્તનનું મોટું કાર્ય કર્યું છે. અધ્યક્ષશ્રીએ જણાવ્યું હતું કે, પ્રાકૃતિક કૃષિથી ખેડૂતોને ખૂબ ફાયદો થશે અને નાગરિકોને ઝેરમુક્ત ખોરાક મળી રહેશે, આપણે સૌ બનાસકાંઠાવાસીઓ ભેગા મળીને આ કાર્યને આગળ લઈ જઈએ. પ્રાકૃતિક કૃષિને વેગ મળે એ હેતુથી પ્રાકૃતિક ખોરાકનું બ્રાન્ડીગ બનાસ ડેરીના માધ્યમથી કરવામાં આવે છે. આજે બનાસ ડેરીના માધ્યમથી એક કરોડ કરતાં વધુ વૃક્ષો વાવીને બનાસની ધરતી પર વૃક્ષોનું વાવેતર અને જતન કરવામાં આવે છે. બનાસ ડેરી ગાયના ગોબરમાંથી CNG તૈયાર કરીને વેચાણ કરે છે તથા જાપાનની કંપની સાથે MOU પણ કર્યા છે, જેનાથી ખેડૂતો દૂધની જેમ ગોબરથી પણ આવક મેળવી રહ્યા છે.

આ પ્રસંગે બનાસ ડેરીના વાઇસ ચેરમેનશ્રી ભાવાજીભાઈ રબારી, એમડી શ્રી સંગ્રામભાઈ ચૌધરી સહિત મોટી સંખ્યામાં ખેડૂતો, પશુપાલક ભાઈ-બહેનો ઉપસ્થિત રહ્યા હતા.

આ પણ વાંચો…

રાજ્યપાલશ્રી આચાર્ય દેવવ્રતજીની ગરિમામય ઉપસ્થિતિમાં બનાસ મેડિકલ કોલેજ, મોરિયાનો પ્રથમ દીક્ષાંત સમારોહ યોજાયો*

*પ્રથમ બૅચના ૧૪૦ વિધાર્થીઓને રાજ્યપાલના હસ્તે ડિગ્રી – સર્ટિફિકેટ એનાયત કરાયા*

*જીવનમાં સત્ય બોલવા, ધર્મનું આચરણ કરવા અને સ્વાધ્યાયમાં આળસ ન કરવા વિદ્યાર્થીઓને રાજ્યપાલશ્રીની અપીલ*

*કાર્યક્ષેત્રમાં ટીમવર્કથી કામ કરી સમાજમાં ખુશીનું વાવેતર કરજો : અધ્યક્ષશ્રી શંકરભાઈ ચૌધરી

રાજ્યપાલશ્રી આચાર્ય દેવવ્રતજી અને ગુજરાત વિધાનસભાના અધ્યક્ષશ્રી શંકરભાઈ ચૌધરીની ગરિમામય ઉપસ્થિતિમાં બનાસ મેડિકલ કોલેજ મોરિયા, પાલનપુરનો પ્રથમ દીક્ષાંત સમારોહ યોજાયો હતો. શ્રી ગલબાભાઈ નાનજીભાઈ પટેલ ચેરીટેબલ ટ્રસ્ટ સંચાલિત બનાસ મેડિકલ કોલેજના વર્ષ ૨૦૧૮ની પ્રથમ બૅચના ૧૪૦ વિધાર્થીઓને રાજ્યપાલ શ્રી આચાર્ય દેવવ્રતજીના વરદ હસ્તે ડિગ્રી સર્ટિફિકેટ એનાયત કરી સન્માનિત કરવામાં આવ્યા હતા.

રાજ્યપાલશ્રી આચાર્ય દેવવ્રતજીએ જણાવ્યું કે, બનાસ મેડિકલ કોલેજ દેશ દુનિયાની એવી કોલેજ છે જે ખેડૂતો અને પશુપાલકોના પુરુષાર્થથી નિર્માણ પામી છે.અહીં આવવાની અત્યંત ખુશી છે એમ જણાવી રાજ્યપાલશ્રીએ દીક્ષાંત કાર્યક્રમનો અર્થ અને મહત્વ સમજાવતાં વિદ્યાર્થીઓને સમાજ જીવનમાં ઉપયોગી સોનેરી સલાહ આપી હતી. રાજ્યપાલશ્રી આચાર્ય દેવવ્રતજીએ જણાવ્યું હતું કે, ભારતની પ્રાચીન ગુરૂકુલ પરંપરામાં પણ ઋષિમુનિઓ પોતાના શિષ્યોને શિક્ષા-દીક્ષા અર્પણ કરી સત્ય બોલવા, ધર્મનું આચરણ કરવા અને અભ્યાસમાં આળસ ન કરવાનો ઉપદેશ આપતા હતા. તેમણે પદવી ધારણ કરતા વિદ્યાર્થીઓને સ્વાધ્યાયમાં- જ્ઞાન ઉપાર્જનમાં કયારેય આળસ નહીં કરવા જણાવી વિદ્યાનો પરમાર્થ, સૌના કલ્યાણ માટે ઉપયોગ કરવા જણાવ્યું હતું. વધુમાં તેમણે માતા-પિતા અને ગુરુજનોને દેવતુલ્ય ગણી તેમનું આજીવન સન્માન કરવા જણાવી તમામ વિદ્યાર્થીઓ શુભકામનાઓ પાઠવી હતી.

વિધાનસભાના અધ્યક્ષશ્રી શંકરભાઈ ચૌધરીએ બનાસ મેડિકલ કોલેજના દીક્ષાંત સમારોહ પ્રસંગે કોલેજના પાયાના પથ્થરો સમાન વ્યક્તિઓને યાદ કરી તેમનો જાહેર ઋણ સ્વીકાર કરતાં ધન્યતા અનુભવી હતી. આજનો દિવસ આપણા સૌના માટે સદભાગ્યનો દિવસ છે. રાજ્યપાલશ્રી આચાર્ય દેવવ્રતજીનું સાંન્નિધ્ય વિદ્યાર્થીઓ માટે જીવનભરનું સંભારણું બની રહેશે એમ જણાવી તેમના આશીર્વાદ અને આશીર્વચનને જીવનમાં ઉતારવા અપીલ કરી હતી. અધ્યક્ષશ્રીએ જણાવ્યું કે, જેમ મધમાખી ફુલોમાંથી રસ કાઢી મધ બનાવે છે એમ પશુપાલકોના પરિશ્રમથી બનાસ મેડિકલ કોલેજ બની છે. આ લાખો પશુપાલકોના આશીર્વાદ સદાય તમારા પર રહેશે એમ જણાવી જ્યાં કામ કરો ત્યાં ટીમવર્કથી કામ કરવા અને ખુશીઓનું વાવેતર કરવા જણાવી અધ્યક્ષશ્રીએ લોકોના જીવનમાં સેવા રૂપી દીપ પ્રજ્વલિત કરવાના અનુરોધ સાથે શુભાશિષ પાઠવ્યા હતા.

આ પ્રસંગે બનાસ મેડિકલ કોલેજના ચેરમેનશ્રી પી.જે ચૌધરી, હેમચંદ્રાચાર્ય ઉત્તર ગુજરાત યુનિવર્સિટીના કુલપતિશ્રી ડૉ. કિશોર પોરિયા, સરદાર પટેલ કૃષિ યુનિવર્સિટી, દાંતીવાડાના કુલપતિશ્રી આર.એમ ચૌહાણ સહિત ડીરેક્ટર્સ, ફેકલ્ટીઝ, વિદ્યાર્થી ભાઈ બહેનો અને વાલીઓ મોટી સંખ્યામાં ઉપસ્થિત રહ્યા હતા.

પશુપાલક પરિવારોના આર્થિક યોગદાન થકી ચાલતી દેશની એકમાત્ર ખેડૂતોની માલિકીની બનાસ મેડીકલ કોલેજની ૨૦૧૮ની પ્રથમ બૅચનું પરિણામ ૯૩.૭૫ ટકા આવ્યું છે. કોલેજની વિદ્યાર્થીની અક્બાની નગમા રફીકભાઈએ ૯૦૦ ગુણમાંથી ૬૫૭ ગુણ મેળવી હેમચંદ્રાચાર્ય ઉત્તર ગુજરાત યુનિવર્સિટીમાં પ્રથમ ક્રમાંક પ્રાપ્ત કરી પરિવાર સહિત બનાસ મેડીકલ કોલેજનું નામ રોશન કર્યું છે, જેના થકી જિલ્લાના શિક્ષણ ક્ષેત્રની યશકલગીમાં વધુ એક મોરપીચ્છ ઉમેરાયું છે.
————

એપ્રિલ 11, 2024
મુમુક્ષુ ભાવેશ ભંડારી વરસીદાન વરઘોડો હિંમતનગરમાં યાદગાર બની રહ્યો

નીરવ જોશી હિંમતનગર (M-7838880134 & 9106814540)

હિંમતનગરના રહેવાસી સંઘવી ગીરીશભાઈ ભંડારીના પુત્ર ભાવેશભાઈ અને પુત્રવધુ જીનલબેન 22 4 2024 ના રોજ દીક્ષા લેવા જઈ રહ્યા છે તે માટે હિંમતનગરમાં ત્રી દિવસે દીક્ષા મહોત્સવનું આયોજન કરવામાં આવ્યું. તેમાં શુક્રવારના રોજ ભવ્ય વર્સીદાનનો વરઘોડો વખારિયા વાસના દેરાસરથી નીકળીને વિવિધ વિસ્તારોમાં ફરતો ફરતો સાબર સોસાયટી આવ્યો હતો.

રસ્તામાં દીક્ષા લેનારા ભાવેશભાઈ અને જીનલબેને અનેક વસ્તુઓને દાન ઉછામણી રૂપે કરીને સંસાર ત્યાગનો પરિચય આપ્યો હતો.

સાબર સોસાયટીના વિરોત્સવ નગરની ભૂમિ પર ત્રણ દિવસ માં લગભગ 10,000 માણસોની સંઘ જમવાની ભક્તિ કરવામાં આવી, જેને જૈન ધર્મમાં સ્વામી વાત્સલ્ય કહેવામાં આવે છે. હિન્દુ ધર્મ માં ધાર્મિક કાર્યક્રમ પર પ્રસાદીને ભંડારો કહે છે.

આ સ્વામી વાત્સલ્ય કાર્યક્રમમાં રાત દિવસ શ્રી બગીચા જૈન યુવક મંડળના સભ્યો ખીલોનભાઈ, મયંકભાઇ, ડિકુલભાઈ રાજનભાઈ,કિશોરભાઈ , પરાગભાઈ કેયુરભાઈ, અજય ભાઈ, મનીષભાઈ દેવાંગભાઈ,દિલીપભાઈ,ભાવિકભાઈ મિતભાઈ, પાર્શ્વ ભાઈ, ધીરુભાઈ મિતલભાઇ, ગીરીશભાઈ તેમજ અન્ય સભ્યોએ ખૂબ જ મહેનત કરીને મહોત્સવમાં ચાર ચાંદ લગાવી દીધા.

સ્વામી વાત્સલ્ય પ્રસાદીનો લાભ જૈન અને જૈનેતર બંને ભાવીભક્તોએ ખૂબ આદરપૂર્વક, ભક્તિ તેમજ આભારની લાગણી સાથે ગ્રહણ કર્યો હતો.

હિંમતનગરના જૈન ઇતિહાસમાં ભવ્ય વરસીદાન નો વરઘોડો હિંમતનગર હરસિદ્ધ માતા મંદિરની સામે આવેલા પ્રાચીન મહાવીર સ્વામી જૈન દેરાસરથી નીકળ્યો… તેમાં એક હાથી, 10 ઘોડા બગી,સાજનમાજન શણગારેલા દીક્ષાર્થીઓના, બગીઓ અને લગભગ 5000 માણસ વરઘોડામાં હાજર હતું.

આ બધા લોકોએ જૈન ધર્મની દીક્ષા મહોત્સવ પૂર્વનો માહોલ જોવાનો પણ આનંદ લીધો હતો.*

માર્ચ 23, 2024
શ્રાવક ભાવેશભાઈ ભંડારી અને જીનલબેનની વેરાગી ગાથાનો આજે કાર્યક્રમ

નિરવ જોશી , હિંમતનગર (M-7838880134 & 9106814640)

ભાવેશ ભંડારીના દીક્ષા સ્વીકાર મહોત્સવ પ્રસંગ નિમિત્તે બનેલા વિરોત્સવ નગર માં પહેલા દિવસે ભવ્ય મહા આરતી તેમજ ભાવેશભાઈ ભંડારી અને જીનલબેન નો જીવન પરિચય કરાવતો ફોટોગ્રાફ ગેલેરી પર મુલાકાત માટે ખુલ્લી મુકવામાં આવી હતી.

ઉલ્લેખનીય છે કે કરોડપતિ નગર શેઠ ભાવેશભાઈ ભંડારી અને તેમના ધર્મ પત્નીના બે બાળકો ભવ્ય અને દીકરી વિશ્વા એ આશરે બે વર્ષ પહેલા જૈન મુનિ અને જૈન સાધ્વીની દીક્ષા લઈ લીધી હતી.

આજે સાબર સોસાયટીના કોમન પ્લોટ પર ઉભી કરેલા વિરોધ્સવ નગરમાં દીક્ષાર્થીના મુખે તેમની વૈરાગ્ય ગાથા રાતના 8:00 વાગે કહેવાશે.

22 માર્ચના રોજ સવારના 8:00 amથી દીક્ષા લેનાર મુમુક્ષોનો વરસી દાન વરઘોડો છે અને ત્યારબાદ સ્વામી વાત્સલ્યનો પણ કાર્યક્રમ છે.

બધાને સાદર આમંત્રણ. જય જિનેન્દ્ર

માર્ચ 21, 2024
સાબરકાંઠામાં આંતરરાષ્ટ્રીય યોગ દિવસની ઉજવણી માટે તાલીમ શિબિર યોજાઈ

નીરવ જોશી , હિંમતનગર

(M-7838880134 & 9106814540)

આગામી 21 જૂન 2024 ના રોજ આંતરરાષ્ટ્રીય યોગ દિવસ ને 100 દિવસ બાકી છે ત્યારે તેને અનુસંધાનમાં યોગ ઉત્સવ – કોમન યોગ પ્રોટોકોલ તાલીમ સત્ર હિંમતનગરના મોતીપુરા વિસ્તારમાં આયોજિત કરવામાં આવ્યું હતું. ઉદ્દેશ છે વધુમાં વધુ યોગ પ્રશિક્ષકો અને યોગ કરનારા નાગરિકો તૈયાર કરવા.

ગુજરાત રાજ્ય યોગ બોર્ડ દ્વારા આયોજિત 21 જૂન યોગ દિવસની અનુલક્ષીને 100 DAY COUNT DOWN અભિયાનનો શુભારંભ ગત રોજ માનનીય ગૃહ અને રાજ્ય મંત્રી શ્રી હર્ષભાઈ સંઘવી સાહેબના વરદ હસ્તે કરવામાં આવ્યો, જેના ભાગરૂપે આજે સાબરકાંઠા જિલ્લામાંCOUNT DOWN 98DAY નો કાર્યક્રમ થયો.

સાબરકાંઠાને યોગમય અને નિરામય સાબરકાંઠા બનાવવા માટે ગુજરાત રાજ્ય યોગ બોર્ડના પ્રતિનિધિ તરીકે શ્રી અજીતભાઈ પટેલ, જિલ્લા કોર્ડીનેટર અમીબેન પટેલ, યોગ કોચ, યોગ ટ્રેનર, સહિત ઉપસ્થિત મહેમાન તરીકે પતંજલિ જિલ્લા પ્રભારી લલિતભાઈ પટેલ, નગરપાલિકાના પૂર્વ પ્રમુખ યતિની બેન મોદી, BJP મહિલા મોરચાના પૂર્વ પ્રમુખ અને હિંમતનગર પાલિકા કોર્પોરેટ હંસાબેન પિત્રોડા, આરએસએસ ના કાર્યકર્તા અનિલભાઈ, અને હર્ષભાઈ, તથા તાલુકા સદસ્ય શ્રી પ્રકાશભાઈ વૈધ, આ કાર્યક્રમમાં ઉપસ્થિત રહ્યા.

ગઈકાલે સાંજે 4:30 થી લઈ 6:30 સુધી યોગ કોર્ડીનેટર અમીબેન તેમજ ફાલ્ગુનીબેન અને બીજા યોગ પ્રશિક્ષકો વડે યોગ રેલી નું આયોજન પણ મોતીપુરા વિસ્તારમાં કરવામાં આવ્યું હતું.

શુક્રવારે સવારના 6:30 થી 8:30 સુધી ખૂબ મોટી સંખ્યામાં યોગી ભાઈ બહેનો ઉપસ્થિત રહી કોમન યોગ પ્રોટોકોલ ના અભ્યાસ સાથે ખુબ સુંદર કાર્યક્રમનું આયોજન કરવામાં આવ્યું, મહેસાણા થી આવેલા જોન પ્રભારી અજીતભાઈ પટેલે યોગ કોચને ખુબ સુંદર માર્ગદર્શન આપ્યું હતું અને વધુમાં વધુ સંખ્યામાં લોકોને યોગ કરતા કરવા તે અંગે ખૂબ જ ઉત્તમ અને વ્યવહારુ સૂચનો કર્યા હતા.

🕉️🙏👏

માર્ચ 15, 2024
હિંમતનગરમાં પંચદેવ મંદિરનો 40મો પાટોત્સવ ઉજવાયો

નીરવ જોશી, હિંમતનગર (M-7838880134 & 9106814640

હિંમતનગરમાં મહાવીર ચાર રસ્તા વિસ્તારમાં પંચદેવ મંદિર આવેલું છે જેની સ્થાપનાને આજે 40 વર્ષ પૂર્ણ થયા હતા. છેલ્લા ત્રણ દિવસથી 40 માં પાટોત્સવની ઉજવણી ભવ્ય રીતે કરવામાં આવી હતી.

40 મુ પાટોત્સવ હોવાના પરિણામે આ વખતે મંદિરના ટ્રસ્ટી મંડળે ખૂબ જ સુંદર આયોજન કર્યું હતું..

ત્રણ દિવસ ચાલનારા પાટોત્સવના મહોત્સવમાં આર્યુવેદિક મેડિકલ કેમ્પ તેમજ ભગવાનના લગ્ન ગીતો અને ફટાણા નો સ્પર્ધા કાર્યક્રમ પણ બીજા દિવસે રાખવામાં આવ્યો હતો.

જ્યારે ત્રીજા દિવસે માં આંબાની શોભા યાત્રા સમગ્ર મહાવીર નગર વિસ્તારમાં ફેરવવામાં આવી હતી અને પાંચ કુંડી હવન કરી સાંજે મહાપ્રસાદ નું આયોજન પણ કરવામાં આવ્યું હતું.

મંદિરના મંત્રી દિનેશભાઈ સોનીએ માહિતી આપી હતી.

માર્ચ 12, 2024
ચાણોદ પાસે આવેલા ગંગનાથ મહાદેવ દિવ્ય મહિમા

નીરવ જોશી, હિંમતનગર

(M-7838880134 & 9106814540)

નર્મદા કિનારે આવેલા અતિ પ્રાચીન શિવાલય ગંગનાથ મહાદેવના દર્શન. કહેવાય છે અહીંના મહાદેવ સામે ગંગાજી સ્વયં પ્રગટ થયા હતા અને તેથી આ શિવાલયનું નામ ગંગનાથ મહાદેવ પડયું હતું. આ એક સ્વયંભૂ શિવલિંગ છે અને વર્ષોથી તપસ્વીઓ અહીંયા તપસ કરીને રહેતા હતા!

મહાયોગી મહર્ષિ અરવિંદ ની તપોભૂમિ પણ શરૂઆતના વર્ષોમાં એટલે કે આઝાદી પહેલા ગંગનાથ મહાદેવ ભીમપુરા ગામ, તાલુકો ચાણોદ રહી.

ગાયકવાડ રાજવીના સમયમાં એક વિશ્વપ્રસિદ્ધ મહાત્મા બ્રહ્માનંદજી… કહેવાય છે 300 વર્ષ જીવ્યા હતા અને અહીંયા ખૂબ જ પ્રખર સાધના કરી હતી!!!

મહાયોગી તરીકે તેમની અહીં જ સમાધિ થઈ હતી. ક્યારે ચાણોદ જાવ તો જરૂર ગંગનાથ મહાદેવ આવજો!

એવું અદભુત સ્થળ છે કે જીવનમાં ક્યારેય ન ભુલાય ! હર હર મહાદેવ! જય ગંગનાથ મહાદેવ! ઓમ નમઃ શિવાય.

માર્ચ 8, 2024
મહાશિવરાત્રીએ વોટર વિલે વોટરપાર્ક હિંમતનગર બાયપાસ પાસે ખુલ્લુ મુકાશે

નીરવ જોશી, હિંમતનગર (M-7838880134)

હિંમતનગરની અને સાબરકાંઠા જિલ્લાના લોકો માટે ખાસ કરીને પાણીની રમતોના શોખીન લોકો માટે હિંમતનગર બાયપાસ પાસે એક અદભુત અને યાદગાર તેમજ રોમાંચક વોટર વિલે નામનો વોટરપાર્ક મહાશિવરાત્રીના રોજ ઉદ્ઘાટન થવા જઈ રહ્યો છે! વોટરપાર્ક ના મેનેજર અને માલિક ના દીકરા મિકાઈલ ડોડીયાએ મંગળવારે પ્રેસ કોન્ફરન્સ કરીને નીચે મુજબ માહિતી આપી હતી.

ઉલ્લેખનીય છે કે આ વોટરપાર્ક નું ઉદઘાટન બે અઠવાડિયા પહેલા દિવ દમણના પ્રશાસક પ્રફુલભાઈ પટેલે કરી ચૂક્યા છે… પરંતુ હવે જનતા આ વોટરપાર્ક નું ઉદઘાટન કરવા મહાશિવરાત્રીના રોજ પહોંચી જશે!

આ વોટરપાર્ક હિંમતનગર પાસે આવેલા ગામ પરબડાના મતાધારા તેમજ મુંબઈના ડોક્ટર કિરણ પટેલ વડે ભાગીદારીમાં શરૂ કરવામાં આવી રહ્યો છે. ત્રણ વર્ષથી બની રહેલા આ આ વોટરપાર્ક ની ખાસિયતો જણાવીએ…

સાબરકાંઠામાં કે મહેસાણામાં જે વોટરપાર્ક છે તેનાથી પણ વધારે આકર્ષક અને રોમાંચક વોટર રાઇડ્સ અહીંયા આપને માણવા અને એન્જોય કરવા મળશે…

એટલું જ નહીં મોટા લોકો માટે એટલે કે યુવાનો અને વડીલો માટે આશરે 13 જેટલી વોટર રાઇડ્સ ખૂબ જ રોમાંચનો અનુભવ કરાવે તેવી ગોઠવવામાં આવી છે!

બાળકો માટે પણ ખુબ સરસ રાઇડ્સ અને અવનવા આકર્ષણો બનાવવામાં આવે છે.

તો જરૂરથી આ વોટર વિલે વોટરપાર્ક ની મુલાકાત લઈ જાતે જ એનું અનુભવ કરો…

ચાલુ દિવસે ₹ 1100 રૂપિયા અને શનિ રવિએ ₹ 1300 ટિકિટ નો દર પ્રતિ વ્યક્તિ દીઠ રાખવામાં આવે છે. બીજા ખર્ચાઓ પણ અલગ છે જેમ કે કોસ્ચ્યુમ , લોકર અને ખાણીપીણી નો ચાર્જ.

મુલાકાતથી જ તો જાણી શકો કે આ વોટરપાર્ક કેવી રીતે બીજા વોટરપાર્ક થી અલગ પડે છે!

માર્ચ 7, 2024