કેટેગરી જીવનશૈલી

ખેડબ્રહ્મા ખાતે ગણપતિ મહોત્સવનું ધામધૂમથી આયોજન

નીરવ જોષી , ખેડબ્રહ્મા (m-7838880134)

ખેડબ્રહ્મા ગામમાં વર્ષોથી ગણપતિ મહોત્સવ નગરના અલગ અલગ વિસ્તારમાં ભારે ઉત્સાહથી ઉજવાય છે. આજે અનંત ચતુર્દશી ના રોજ હરણાવ નદીમાં ગણપતિ દાદા ના અલગ અલગ મૂર્તિનું વિસર્જન ભારે આનંદ અને ઉત્સાહથી કરવામાં આવશે. નગરના પ્રસિદ્ધ કાશી વિશ્વનાથ મંદિરના ગણપતિ મહોત્સવની શોભા યાત્રા પણ બપોરે નીકળનાર છે. શેઠ કેટી હાઈસ્કૂલ પાસે આવેલા ચોકમાં પણ ગણપતિ દાદા નું સ્થાપન દસ દિવસ માટે છેલ્લા 20 વર્ષથી કરવામાં આવે છે તેની શોભાયાત્રા પણ બપોરે નીકળશે.

આ ઉપરાંત બ્રહ્માજી ચોકમાં પણ ગણપતિ દાદા ના વરઘોડાને આનંદ ઉમંગથી યુવાનો પ્રસ્થાન કરાવશે.

ખેડબ્રહ્મા ના ગામ વિસ્તારમાં આવેલા પ્રજાપતિ ચોક ખાતે પ્રજાપતિ કા રાજા નામના ગણપતિ મહોત્સવ નું આજે સમાપન થનાર છે. બુધવારે રાત્રે ના ગણપતિ દાદા ને અનેક વાનગીઓનું ભોગ પણ લગાવવામાં આવ્યો હત.

આ ગણપતિ મહોત્સવની ખાસિયત એ છે કે પ્રજાપતિ ફળિયાના મોટાભાગના પરિવારો આ કાર્યક્રમમાં અને આ મહોત્સવમાં ભાગ લે છે અને ફાળો એકત્રિત કરીને સાર્વજનિક ગણપતિ દાદા નું આહવાન કરે છે.

આ ઉપરાંત આ સાર્વજનિક મહોત્સવમાં ભજન, નાટક ,ભવાઈ તેમજ અન્ય સાંસ્કૃતિક કાર્યક્રમો જેવા કે ગરબા અને નાના બાળકોના નૃત્ય સંગીતનું કાર્યક્રમ પણ ખૂબ જ ઉત્સાહ અને આનંદભેદ યુવાનો આયોજિત કરે છે.

સપ્ટેમ્બર 28, 2023
કેશરફ્રેશ ખેડૂત ઉત્પાદન કંપનીની પ્રથમ વાર્ષિક સાધારણ સભાનું આયોજન હાથ ધરાયુ

નીરવ જોશી , હિંમતનગર (M-7838880134)

કેશરફ્રેશ ખેડૂત ઉત્પાદન કંપનીની પ્રથમ વાર્ષિક સાધારણ સભાનું આયોજન હાથ ધરાયુ..

ખેડૂત ઉત્પાદન કંપની થકી ખેડૂતોને આર્થિક રીતે પગભર થવાના ઉદેશ્યથી સાબરકાંઠાના વડાલી તાલુકાના કેશરગંજ ગામે સક્રિય ખેડૂતોના સંગઠનના સહિયારા પ્રયત્નથી ગત વર્ષ ખેડૂત ઉત્પાદન કંપનીની રચના કરવામાં આવી હતી.

પ્રસ્તુત કેશર ફ્રેશ ખેડૂત ઉત્પાદન કંપની એક વર્ષ પૂર્ણ થતાં 23 સપ્ટેમ્બર 2023 ના રોજ બસ્સો જેટલા સભાસદોની ઉપસ્થિતીમાં ડેરી હોલ ખાતે પ્રથમ સાધારણ સભાનું આયોજન હાથ ધરાયુ, સાધારણ સભામાં કેશરફ્રેશ ખેડૂત ઉત્પાદન કંપનીના ચેરમેન મહેશભાઈ દ્વારા ચાલુ સાલમાં કંપની દ્વારા કરવામાં થયેલ બિઝનેસ અને આગામી આયોજન વિષયક સારા નરસા અનુભવો અંગે ખેડૂતો સભાસદો સાથે ઉંડાણ ચર્ચા કરવામાં આવી , ડાયરેક્ટર શ્રી હરેશકુમાર દ્વારા આગામી સમયમાં કંપનીના બિઝનેસ વિષયક રણનીતિ અંગે અને કંપનીની આગામી વ્યુહ રચના વિશે માહિતીગાર કરવાનો પ્રયત્ન કરી સભાસદો સાથે પ્રશ્નોતરી થકી ચર્ચા કરવાનો પ્રયત્ન કર્યો હતો, કંપનીના સી.ઓ ચિરાગભાઈ દ્વારા આંકડાકીય માહિતી સાથે વર્ષ દરમિયાન થયેલ બિઝનેસનો હિસાબ રજૂ કરીને કંપની આર્થિક સ્થિતિ અંગે માહિતગાર કરવાનો પ્રયત્ન કર્યો હતો.
પ્રસ્તુત સાધારણ સભાને સફળ બનાવવા રાજસ્થાન બાળ કલ્યાણ સમિતિમાંથી મૂકેશ ગોર તથા રિલાયન્સ ફાઉન્ડેશન ટીમ દ્રારા જરૂરી માર્ગદર્શન આપી નોંધપાત્ર પ્રયત્ન હાથ ધરવામાં આવ્યો.

ખાસ – કંપનીના દરેક સભાસદોને 35.20 ટકા પેટ્રોનટ બોનસ આપવાની ની ઘોષણા કરવામાં આવી, તેમજ પ્રગતિશીલ 3 ખેડૂતોને પ્રોત્સાહિત કરવામાં આવ્યા હતા.

સપ્ટેમ્બર 26, 2023
UPના મૌર્ય સમાજના ભક્તો વડે હિંમતનગરમાં મા અંબાનો અનોખો સેવા યજ્ઞ

નીરવ જોશી , હિંમતનગર (M-7838880134)

કહેવાય છે કે માં અંબા ની ભક્તિ એ સમગ્ર સમાજ અને ભારત વર્ષમાં થતી ભક્તિ છે. જગતજનની મા અંબા સમગ્ર ત્રિભુવનની માતા છે. હિંમતનગરમાં છેલ્લા 25 વર્ષથી ઉત્તર પ્રદેશના ફતેપુરા જિલ્લામાંથી આવીને વસેલા તેમજ ટાઈલ્સ ફિટિંગ ના ધંધા સાથે સંકળાયેલા મૌર્ય સમાજના અનેક કુટુંબો છેલ્લા 18 વર્ષથી માં અંબાનો સેવા કેમ એનજી સર્કલ, મહેતાપુરા પાસે આવેલા એક મેદાનમાં આયોજિત કરે છે.

આ માં અંબાના ભક્તો સ્વભાવે ખૂબ સરળ અને દિલના એકદમ વિનમ્ર ભક્તો છે. છેલ્લા 18 વર્ષથી તેઓ માં અંબાના ભક્તિ માટે ભાદરવી પૂનમ ના સાત દિવસ પહેલા માં અંબાના હજારો ભક્તો માટે સાત દિવસની સેવા કેમ્પ- ચા નાસ્તો camp લગાવે છે. આ સેવા કેમ્પ જય અંબે યુવક સેવા કેમ્પ તરીકે ઓળખાય છે. રવિવારના રાતના સાબરકાંઠાના જિલ્લા કલેકટર દવે સાહેબે પણ એમના ધર્મપત્ની સાથે અહીંયા પધારીને સેકડો ભક્તો સાથે સાંજની આરતી કરી હતી. ઉલ્લેખનીય છે કે મૌર્ય સમુદાયના પુરુષોને સ્ત્રીઓ ભગવાન રામની ભક્તિ કરે છે અને મા દુર્ગાની પણ ભક્તિ કરે છે.ચંદ્રગુપ્ત મૌર્યના વંશજો કહેવાય છે.

ઉપર જુઓ UP ના ફતેપુરાના મૌર્ય સમાજની ભક્તિ અને વિડિયો.

સપ્ટેમ્બર 26, 2023
શક્તિપીઠ સેવા આશ્રમ ટ્રસ્ટનો વક્તાપુર રોકડિયા હનુમાન મંદિર ખાતે ભોજન યજ્ઞ

નિરવ જોશી હિંમતનગર (M-7838880134)

અંબાજી જતા પગપાળા યાત્રાળુઓ માટે વક્તાપુર હિંમતનગર રોકડિયા હનુમાનજી મંદિર ખાતે તારીખ 21/ 9 /2023 થી તારીખ- 25 /9 /2023 સુધી સતત 24 કલાક ભોજન પ્રસાદ મેડિકલ સેવા, માલિશ કેન્દ્ર તેમજ માલિશ નું સ્પેશિયલ આયુર્વેદિક તેલ વિતરણ શ્રી સંકટમોચન હનુમાન ભક્ત મંડળ વિઝોલ, વટવા જીઆઇડીસી ,અમદાવાદ તથા શક્તિપીઠ સેવા આશ્રમ ટ્રસ્ટ દ્વારા અલગ અલગ વાનગીઓ જેમાં મોહનથાળ , જલેબી ,દૂધપાક, પૂરી શાક ભાજીપાઉ લાઈવ ઢોકળા પાણીપુરી, ગોટા ચા – નાસ્તો ,સેવ ઉસણ, મઠીયા ,કઢી ખીચડી વાનગીઓ ભાવિક ભક્તોને સતત 24 કલાક પીરસવામાં આવી હતી.

આ કેમ્પ હજુ તારીખ -25 /9/ 2023 સોમવાર સુધી ચાલુ રહેશે એમ સંસ્થાના પ્રમુખ પૂર્વ મ્યુનિસિપલ કાઉન્સિલર અતુલભાઇ રાવજીભાઈ પટેલ દ્વારા જણાવ્યુ છે.

સંકટમોચક હનુમાન ભક્ત મંડળની મહિલાઓ જેઓ હાથીજણ વિસ્તારમાં તેમજ બીજા એરિયામાંથી આવી હતી તેમને પણ મોટી સંખ્યામાં રસોઈ બનાવવાની સેવામાં ઉત્સાહભેર હાજરી આપી હતી અને ભોજન યજ્ઞ ખૂબ જ યાદગાર બનાવ્યો હતો.

સૌ ભક્તોની આ પદયાત્રા અંબાજી જગદંબા ભાવથી પૂર્ણ કરે તેવી માના ચરણોમાં મંડળ દ્વારા પ્રાર્થના કરવામાં આવી છે.

સપ્ટેમ્બર 25, 2023
હિંમતનગરના આંગણે 74 જૈન તપસ્વીઓનો સિદ્ધિતપ પારણા ઉત્સવ ઉજવાયો

નીરવ જોશી, હિંમતનગર (M-7838880134)

જૈન ધર્મ માં તપસ્યા નું અનોખું મહત્વ છે ખાસ કરીને શરીરને તપાવીને શરીરના કસાયો તેમજ શરીરની આંતર શુદ્ધિ કરવાને જૈન ધર્મ ખૂબ જ મહત્વનું સાધનાનું અંગ માને છે.આના માટે અલગ અલગ પ્રકારના ઉપવાસો જેમ કે આઠ દિવસના ઉપવાસ નું તપ અને 40 દિવસનું વર્ષીતપ તેમજ બીજી અન્ય શરીરને તપાવતી તપસ્ચરિયાઓનો સમાવેશ થાય છે.

ઉલ્લેખનીય છે કે હિંમતનગરમાં તારીખ 21 સપ્ટેમ્બર ગુરુવારના રોજ 74 જેટલા તપસ્વીઓ જેમાં અનેક યુવાન, યુવતીઓ અને વડીલોનો સમાવેશ થાય છે તેમણે તપસ્યા કરી અને વર્ષી તપના પારણા કર્યા હતા.

હિંમતનગરમાં જૈન સમુદાયના શ્વેતાંબર મૂર્તિપૂજક સમાજે 74 તપસ્વીઓના સામુદાયિક સિદ્ધિદાયક સિદ્ધિ તપના પારણોત્સવ ઉજવીને સમગ્ર હિંમતનગર અને સાબરકાંઠામાં જૈન સમાજ અને શ્વેતાંબર મૂર્તિપૂજક સંઘ નું નામ યાદગાર કર્યું છે.

આ પ્રસંગે સમગ્ર ગુજરાતમાંથી જૈન મૂર્તિપૂજક સમુદાયના સગા વહાલાઓ હિંમતનગરના જૈન સમાજ માટે ઉપસ્થિત રહ્યા હતા. આ પારણા ઉત્સવમાં હિંમતનગરના સોસાયટી નગર જૈન શ્વેતાંબર મૂર્તિપૂજક સંઘની ભૂમિકા ખૂબ યાદગાર બની હતી. તેમજ આ સિદ્ધિ તપ પ્રેરક આચાર્ય ભગવાન શ્રી હેમચંદ્ર સાગર સૂરીજી મહારાજ સાહેબ ની ભૂમિકા પણ ખૂબ પ્રેરણાદાયક રહી હતી જો કે તેઓ રૂબરૂ હાજર નહોતા, પરંતુ તેમનું શિષ્ય વૃંદ આ કાર્યક્રમમાં હાજર રહીને સર્વે તપસ્વીઓને સિદ્ધિ તપના પારણા કરાવ્યા હતા.

કાર્યક્રમને અંતે બપોર બાદ 74 તપસ્વીઓના તપની પ્રેરણાદાયક વાત રજૂ કરવા માટે તેમનો વર્ષી તપ વરઘોડો પણ નગરમાં કાઢવામાં આવ્યો હતો.

સપ્ટેમ્બર 24, 2023
ખેડબ્રહ્મા:શેઠ કેટી હાઈસ્કૂલના પ્રાથમિક વિભાગના આચાર્યનો વિદાય સમારંભ યોજાયો

નીરવ જોશી, ખેડબ્રહ્મા (M-7838880134)

ખેડબ્રહ્માની પ્રસિદ્ધ કેટી સ્કૂલના પ્રાથમિક વિભાગના આચાર્ય શ્રી ધીરજભાઈ પટેલ નો વિદાય સમારંભ શ્રાવણ સોમવારના રોજ ખૂબ જ આનંદ અને ઉત્સાહના વાતાવરણમાં સંપન્ન થયો.

આજરોજ મારા બાળપણના ગામ અને મારા જન્મ સ્થળ ખેડબ્રહ્માની મુલાકાત કરી હતી, મારી પ્રાથમિક શાળામાં જે આર્ટસ કે ચિત્ર શિક્ષક ધીરજભાઈ પટેલ કે જેઓ એમની યુવાની અવસ્થામાં નોકરી લાગ્યા હતા તેમનો ભાવભર્યો વિદાય સમારંભ આયોજિત કરાયો હતો.

મારી પ્રાથમિક શાળાના જીવનમાં લોકપ્રિય બનેલા ચિત્ર શિક્ષક તેવા ધીરજભાઈ પટેલ જે ગલોડિયા ગામના વતની છે અને ખૂબ સારા જમીનદાર અને પશુપાલક છે… તેમણે તેમના વ્યવસાયિક જીવનમાં ચિત્ર શિક્ષકની ભૂમિકા પણ ખૂબ નિષ્ઠાથી ભૂમિકા નિભાવી હતી. 2014 થી તેઓ પ્રાથમિક વિભાગના આચાર્ય પણ બન્યા હતા અને ખુબ સરસ કામગીરી કરી હતી.

તેઓએ આજે તેમના શિક્ષક જીવનની પૂર્ણતાના અને વિદાયની લાગણીઓ તેમના મિત્રો સમક્ષ પ્રગટ કરી હતી..

ટૂંકમાં એક આચાર્ય શિક્ષકનો વિદાય સમારંભ આજે સંપૂર્ણ થયો હતો. મંગળવાર ના રોજ સ્કૂલના આશરે 2,000 જેટલા બાળકોને આ શિક્ષક ધીરજભાઈ પટેલ ભોજનનો પ્રસાદ અર્પણ કર્યો હતો…

જે સ્કૂલમાં એમનું નામ થયું અને પોતાના જીવનની કાર્યશાળા બની તેમના પ્રત્યે તેમનું ઋણ અદા કરવા આજે અને આવતીકાલે ભોજન સમારંભ આયોજિત કર્યું અને તેમને પોતાના મિત્રો , સ્વજનો અને સમગ્ર શાળા જીવનને ખૂબ જ ભવ્ય રીતે અમૂલ્ય સંભારણું કે યાદગીરી આપી છે!

શિક્ષક શ્રી ધીરજભાઈ પટેલને તેમના નિવૃત્તિ જીવનના પ્રારંભે તેઓ વધારે ખૂબ ઉત્તમ કાર્ય કરે અને સમાજ જીવનને અને સમગ્ર તેમના જીવનને પરિપૂર્ણ કરે તેવી હાર્દિક શુભકામનાઓ, શુભેચ્છાઓ અને માં અંબા તેમને એવી શક્તિ પ્રદાન કરે, મહાદેવ એમને આશીર્વાદ આપે એવી પ્રભુને પ્રાર્થના!

#kthighschool #Khedbrahma #farewell #teacher #primaryschool

સપ્ટેમ્બર 14, 2023
શ્રાવણી અમાવસ્યાએ મહેતાપુરાના જરણેશ્વર ખાતે શિવકથાનું ભવ્ય સમાપન

નીરવ જોશી, હિંમતનગર (M-7838880134)

આજે હિંમતનગરના મહેતાપુરા સ્થિત જરણેશ્વર મહાદેવ ખાતે શ્રાવણી અમાવસ્યના રોજ સાત દિવસીય શિવકથાનું ભવ્ય રીતે સમાપન થયું. કપડવંજ થી આવેલા ઋષિ કુમાર – કથાકાર તરીકે સૌને મહાદેવની 138મી શિવકથાનું રસપાન કરાવ્યું.

ઉલ્લેખનીય છે કે ઋષિ કુમાર આ પહેલા અધિક માસમાં મહેતા પુરાના રામજી મંદિર ખાતે આવેલા રામદ્વારા હોલમાં રામકથાનું પણ નવ દિવસ આયોજન કર્યું હતું. જેમાં તેમણે રામકથાનું રસપાન મહેતાપુરાના ભાવિક ભક્તોને કરાવ્યું હતું.

એ અધિક માસના રામકથાના સમાપન સમયે જ મહેતા પુરાના શિવભક્ત જશકુવરબા શેતાન સિંહ ભાટીએ શ્રાવણ માસમાં તારીખ 8 થી 14 સપ્ટેમ્બર રોજ મહેતા પુરાના સુપ્રસિદ્ધ જરણેશ્વર મહાદેવ ખાતે શિવકથા ના આયોજનની જાહેરાત કરાવી હતી, જે મુજબ આજરોજ સાત દિવસીય શિવકથાની ભવ્ય રીતે સમાપ્તિ થઈ હતી અને અનેક ભક્તોએ શિવકથાનું રસપાન કર્યું હતું.

મંદિરના મહંત લક્ષ્મણગીરીબાપુ તેમજ કેટલાક ટ્રસ્ટીઓ અને શિવ ભક્તોએ શિવ કથાનો શ્રાવણ માસમાં દિવ્ય સત્સંગ કર્યો હતો અને આજે સમાપનના દિવસે આવતા શ્રાવણ માસમાં ઓમીબેન શાખલા વડે શિવ કથા આયોજિત કરવામાં આવશે તેની જાહેરાત પણ કરાઈ હતી.

હર હર મહાદેવ!😀💐🌹🙏🏻

સપ્ટેમ્બર 14, 2023
હિંમતનગરના સુપ્રસિદ્ધ શિવાલય- ઝરણેશ્વર મહાદેવમાં જન્માષ્ટમીની ભક્તિભાવથી ઉજવણી કરાઈ

નીરવ જોશી , હિંમતનગર (M-7838880134)

મહેતાપુરા સુપ્રસિદ્ધ શિવાલય- ઝરણેશ્વર મહાદેવમાં જન્માષ્ટમીની ભક્તિભાવથી ઉજવણી, દર વર્ષે જન્માષ્ટમી ઉજવાય છે તેમ જરણેશ્વર મહાદેવ મંદિર ખાતે મોટી સંખ્યામાં ભક્તો ભેગા થયા હતા અને ધૂન બોલાવીને શ્રી કૃષ્ણ ના જન્મ પર બાળ ગોપાલની પૂજા કરી અને આરતી ઉતારી હતી તેમજ પંજરીનો પ્રસાદ પણ બધાને સરસ રીતે આપ્યો હતો.

ભગવાન શ્રીકૃષ્ણના જન્મ પહેલા ભારી ભક્તિથી ધૂન બોલાવી હતી અને મહિલાઓએ પણ ખુબ સરસ રીતે ભજનો ગયા હતા.

જુઓ વિડિયો…

મહેતાપુરા માં આવેલા પ્રાચીન રામજી મંદિર ખાતે પણ શ્રી રામજી મંદિર સેવા મંડળના યુવાનોએ જન્માષ્ટમી નિમિત્તે મટકી ફોડ કાર્યક્રમ કરી ભારે આનંદથી કૃષ્ણ જન્મોત્સવ બનાવ્યો. ઉપસ્થિત રહેલા ભક્તોને પ્રસાદી પણ ખૂબ જ ઉત્સાહથી વહેંચી હતી ….

જુઓ વિડિયો…

સપ્ટેમ્બર 8, 2023
હિંમતનગર તાલુકાના તાજપુરી ગામે ભગવાન શ્રીકૃષ્ણની ભવ્ય શોભાયાત્રા આયોજિત કરાઈ

નીરવ જોશી,હિંમતનગર(M-7838880134 & 9106814540)

હિંમતનગર શહેર અને તાલુકામાં આવેલા તાજપુરી ગામે ગુરુવારના રોજ જન્માષ્ટમી પર્વની ભારે ધામધૂમ અને આનંદ ઉલ્લાસથી ઉજવણી થઈ હતી.

હિંમતનગરના પાસે આવેલા તાજપુરી ગામે આશરે 200 થી 300 જેટલા યુવાનોનું બનેલું શ્રીકૃષ્ણ સેવા મંડળ અને વડીલોએ તેમજ શ્રદ્ધાળુ મહિલાઓએ શ્રી કૃષ્ણ ભગવાન ની શોભાયાત્રા સમગ્ર ગામમાં ફેરવીને ભગવાન પ્રત્યે આનંદ, પ્રેમ, શ્રદ્ધા અને ભક્તિનું ભાવ પ્રગટ કર્યો હતો.

ઉલ્લેખનીય છે કે તાજપુરી ગામ તેની આસપાસ આવેલા ગામડાઓ કુંડોલ,અશોકપુરા, વખતપુરા તેમજ મહોબતપુરા ગામોને સમાવિષ્ટ કરતું ગ્રામ પંચાયત વાળું ગામ છે. તાજેતરમાં જ ગરમીના દિવસોમાં એટલે કે ઉનાળામાં અશોકપુરા અને કુંડલ ગામે મા ઉમિયા, મહાદેવ અને ભગવાન વિષ્ણુ – શ્રીરામની તેમજ શ્રીકૃષ્ણની રાધાકૃષ્ણ સાથેની મૂર્તિઓની પ્રાણ પ્રતિષ્ઠા કરવામાં આવી હતી.

આમાં બે ગામોમાં કુંડોલ અને અશોકપુરા જે ફક્ત તાજપુરી ની આજુબાજુ બે કિલોમીટરની ત્રિજ્યામાં જ આવેલા છે ત્યાં ભવ્ય નવા મંદિરના નિર્માણ ગ્રામજનોના લોકફાળાથી થયા છે.

તાજપુરી ગ્રામ પંચાયતમાં યુવાનો છેલ્લા દસ વર્ષથી જન્માષ્ટમી પર શ્રીકૃષ્ણની શોભા યાત્રા સમગ્ર ગામમાં ફેરવે છે અને બધાને શ્રી કૃષ્ણ પ્રત્યે સમર્પણ ભાવ કરીને ભક્તિ કરી જીવનમાં ઉત્તમ કાર્ય કરવા પ્રેરણા આપે છે.

ભગવાન શ્રીકૃષ્ણ સમગ્ર ગામની જનતા તેમજ તેની આજુબાજુ આવેલા પાંચ ગામોની જનતાને સુખી કરે તેવી જ મંગળ પ્રાર્થના…

સપ્ટેમ્બર 8, 2023
રાષ્ટ્રીય ગ્રામીણ આજીવિકા મિશન વડે વિજયનગરના પોળો જંગલ ખાતે સખી શોપ ખુલ્લી મુકાઈ

નીરવ જોશી, હિંમતનગર (M-7838880134)

રાષ્ટ્રીય ગ્રામીણ આજીવિકા મિશન વડે વિજયનગર તાલુકાના પોળો જંગલ ખાતે સખી શોપ ખુલ્લી મુકાઈ.

સાબરકાંઠા જિલ્લામાં કાર્યરત રાષ્ટ્રીય ગ્રામિણ આજીવિકા મિશન યોજના અંતર્ગત રચના કરવામાં આવેલ સ્વસહાય જૂથો દ્વારા ઉત્પાદિત હેંડી ક્રાફટ,હેન્ડ લુમ,ફૂડ પ્રોડક્ટ, ઇમેટ્સન જ્વેલરી,મહુવા પ્રોડક્ટ, કોયર પ્રોડક્ટ, મડ વર્ક પેઇન્ટિંગ,વાસ તેમજ ખજૂરીના પાનની પ્રોડક્ટ અને રમકડાં ના વેચાણ અર્થે પોળો ફોરેસ્ટ વિજયનગર ખાતે આજ રોજ માન.જિલ્લા પંચાયત પ્રમુખશ્રી ધીરજભાઈ પટેલના હસ્તે સખી શોપ ખુલ્લું મૂકવામાં આવ્યું .

આ સખી શોપમાં સાબરકાંઠા જિલ્લાના સ્વસહાય જૂથોની મહિલાઓ દ્વારા ઉત્પાદિત થતી ચીજ વસ્તુ ને નજીવા ભાવે વેચાણ કરવામાં આવશે.

આ ઉપરાંત વિજયનગર તાલુકાની આદિવાસી મહિલાઓ દ્વારા નેચરલ મહુડાના ફૂલમાંથી બનાવેલ લાડુ તેમજ મહુડા શુપનું પણ વેચાણ કરવામાં આવશે.

આ સખી શોપના માધ્યમથી વેચાણ થતી ચીજ વસ્તુ થકી જિલ્લા ની મહિલાઓને કાયમી ટકાઉ આજીવિકા મળવાનો આશય ફળીભૂત થશે.

જુઓ , વિજયનગર તાલુકાના આદિવાસી વિસ્તારના ગ્રામિણો વડે તેમની ચીજ વસ્તુઓની પ્રદર્શની અને આ વેચાણ કેન્દ્રના ઉદ્ઘાટનનો (શોપ ઓપનિંગ)નો રસપ્રદ વિડીયો.😀⚘⚘⚘⚘

સપ્ટેમ્બર 2, 2023