AVS POST

કવિ: Nirav Joshi

  • આવતીકાલે પ્રખ્યાત લેખિકા, સમાજ સુધારક તેમજ સાંસદ સુધા મૂર્તિનો જન્મદિવસ

    આવતીકાલે પ્રખ્યાત લેખિકા, સમાજ સુધારક તેમજ સાંસદ સુધા મૂર્તિનો જન્મદિવસ

    Writer: ડો.આશિષ ચોક્સી, Amdavad

    સુધા મૂર્તિ : કર્ણાટકમાં ૩૦૦૦ જેટલી દેવદાસીઓ અને તેમના સંતાનો સામે એક પ્રવચનમાં)
    જન્મ : ૧૯/૦૮/૧૯૫૦

    સંકલન:નિરવ જોશી, અમદાવાદ (M-7838880134)

    ગુડ મોર્નિંગ … have a nice day !😀⚘
    ૧૮ ઓગષ્ટ ૨૦૨૪
    સાલ : ૧૯૭૪

    સ્થળ : ઇન્ડીયન ઇન્સ્ટીટયુટ ઓફ સાયન્સ : બેંગલોર
    ૨૪ વર્ષની એક છોકરી એમ.ટેક ના અંતિમ વર્ષમાં અભ્યાસ કરી રહી હતી. મિકેનિકલ એન્જિનિયરીંગના દરેક વર્ષમાં કોલેજ ટોપર રહેનાર તે યુવતીને ph.D કરવા અમેરિકા જવા માટેની સ્કોલરશીપ પણ મંજુર થઇ ગઈ હતી. તેની હોસ્ટેલના નોટીસબોર્ડ પર એક જાહેરાત તેની નજરમાં આવી. જાહેરાત ‘ટાટા મોટર્સ – પુના’ ની હતી. તેમાં જણાવેલ કે યુવાન, મહેનતુ અને સારા શૈક્ષિણક લાયકાત ધરાવતા એન્જિનિયરોની જરૂર છે.

    તે ચોપાનિયાની છેલ્લી લીટી “WOMEN CANDIDATES NEED NOT APPLY” વાંચતા યુવતી હતાશ થઇ ગઈ. તરત તેના રૂમમાં જઈ તેણે પોસ્ટકાર્ડ લીધું. સીધું ટાટા જુથના ચેરમેન JRD TATA, PUNE ના સરનામે લખ્યું. તેણે પોસ્ટકાર્ડમાં લખ્યું, ‘તમારે ત્યાં સ્ત્રીઓને તક નહી આપવાની વાતથી સ્ત્રીઓ આગળ વધવામાં અને દેશના વિકાસમાં મહત્વપૂર્ણ યોગદાન આપવાની તકથી વંચિત રહેશે. ખુબ નિરાશા થઇ છે.’ પોસ્ટકાર્ડ પોસ્ટ કર્યા પછી ૧૦ દિવસ પછી યુવતીને TELCO ની ઓફીસ પુના ખાતે બોલાવવામાં આવી અને તેને સર્વિસ આપવામાં આવી.

    એ છોકરી એટલે ‘સુધા મૂર્તિ’નો કાલે ૧૯ ઓગષ્ટે ૭૫ મો જન્મદિવસ છે. એ પછી આંઠ વર્ષ ટાટા ગ્રુપમાં જ પુના, મુંબઈ અને જમશેદપુર કામ કર્યા બાદ ૧૯૮૨ માં પતિ નારાયણમૂર્તિની નવી સ્થાપેલ કંપની ‘ઇન્ફોસિસ’માં મદદરૂપ થવાય આથી તેમણે TATA છોડ્યું. તે વખતે JRD TATA એ તેમને સલાહ આપી, ‘સમાજ આપણને આગળ વધવા માટે ઘણી તકો આપે છે અને ઘણી મદદ કરે છે. સમય આવ્યે આપણે પણ સમાજને પાછુ આપી ઋણ ચુકવવું જોઈએ.’ સુધા મૂર્તિએ આ દિવસ યાદ રાખ્યો અને આ સલાહને સંપૂર્ણપણે વળગી રહ્યા.

    તેમના સામાજિક કામો અને સિદ્ધિઓ વિશે એક પુસ્તક લખાય. ઈન્ફોસીસમાં ચેર પર્સન, સલાહકાર, શિક્ષક, લેકચરર તેમજ કન્નડ અને અંગ્રેજી ભાષામાં તેમણે ૨૪ જેટલા ઉત્તમ પુસ્તકો લખ્યા જે દેશની ૧૬ ભાષામાં અનુવાદ થયા. ઘણા વર્તમાનપત્રોમાં કોલમિસ્ટ, સમાજ સેવિકા, ‘બિલ ગેટ્સ ફાઉન્ડેશન’માં સ્વાસ્થ્ય બાબતમાં સલાહકાર, પદ્મશ્રી (૨૦૦૬), પદ્મભૂષણ(૨૦૨૩) તેમજ રાજ્યસભાના સભ્ય થયા. ખુબ સાદાઈથી જીવન જીવનારા, વ્યવહારમાં નમ્રતા, દરેક સ્તરની વ્યક્તિ સાથે પ્રોત્સાહક વિચારોથી વાતો કરનાર સુધામૂર્તિએ ઘણી નવલકથાઓ લખી, એન્જિનિયરીંગના પુસ્તકો લખ્યા, બાળસાહિત્ય, મોટીવેશનલ તેમજ પ્રવાસવર્ણનના પુસ્તકો લખ્યા. તેમના લખેલા પુસ્તકો દ્વારા ઘણા લોકોને નવા વિચારો સાથે જીવન જીવવાની નવી દિશા મળી.

    દાદા પાસે સંસ્કૃત શ્લોકો શીખેલી પૌત્રી, કવિયત્રી માતા તેમજ સર્જન પિતાની દીકરી, ભારતની બીજા નંબરની IT કંપનીના ચેરમેનના પત્ની અને બ્રિટનના ભૂતપૂર્વ વડા પ્રધાન ઋષિ સુનકના સાસુ એવા સુધા મૂર્તિ પિકચરો જોવાના ઘણા શોખીન છે. તેમણે આપણા દેશમાં શિક્ષણ, સ્વાસ્થ્ય અને સ્વચ્છતા અભિયાનમાં ઘણો ફાળો આપ્યો. તેમના ઇન્ફોસિસ ફાઉન્ડેશને લગભગ ૫૦,૦૦૦ લાયબ્રેરી સ્થાપવામાં, ૨૩,૦૦૦ જેટલા ઘરો બનાવવામાં અને ૧૦,૦૦૦ જેટલા શૌચાલયો બનાવવામાં મદદ કરી છે.

    છેલ્લો બોલ : “ હે પ્રભુ, મને રાજપાટ નથી જોયતું કે ન તો મને સમ્રાટ બનવું છે. ન તો મારે સોનાની ચમચી સાથે પુનર્જન્મ લેવો છે કે ન તો સ્વર્ગની ઝંખના છે. મને તારી પાસેથી કશું જ નથી જોયતું. હે ઈશ્વર, જો આપવું જ હોય તો મને એટલું આપજે કે મારી છાતીમાં એક કોમળ હ્રદય હોય અને કઠોર પરિશ્રમ કરી શકે એવા હાથ હોય જેથી હું પીડાતા લોકોના આંસુ લુછી શકું”

    (સુધા મૂર્તિ : કર્ણાટકમાં ૩૦૦૦ જેટલી દેવદાસીઓ અને તેમના સંતાનો સામે એક પ્રવચનમાં)
    જન્મ : ૧૯/૦૮/૧૯૫૦

  • સાબરકાંઠાવાસીઓએ 78માં સ્વતંત્ર દિવસની કરી ભવ્ય ઉજવણી

    સાબરકાંઠાવાસીઓએ 78માં સ્વતંત્ર દિવસની કરી ભવ્ય ઉજવણી

    નીરવ જોશી, હિંમતનગર (M-7838880134 & 9106814540)

    સાબરકાંઠાવાસીઓએ 78માં સ્વતંત્ર દિવસની કરી ભવ્ય ઉજવણી

    ભાજપનું ગઢ ગણાતા મહેતાપુરા વિસ્તારમાં હિન્દુ સિનિયર સિટીઝનો વડે ધ્વજ આરોહણ કાર્યક્રમનું આયોજન કરીને મહેતાપુરા એકતા મંચ વડે હર ઘર તિરંગાનું સંદેશ અપાયો.

    પાણપુર અને આરટીઓ તેમજ  જઈરાબાદ વિસ્તારના મુસ્લિમ પરિવારો-યુવાનોએ તિરંગા રેલી કાઢીને રાષ્ટ્રવાદની ભાવનાથી વાતાવરણ છલકાવી દીધું!

    સરકારી આયોજનના ભાગરૂપે હિંમતનગર ખાતે મંત્રીશ્રી ડો. કુબેરભાઇ ડિંડૉરની અધ્યક્ષતામાં ૭૮મો સ્વાતંત્રતા પર્વ ધામધૂમ થી ઉજવાયો

    સાબરકાંઠાના વિવિધ તાલુકાઓમાં પણ રાષ્ટ્રીય સ્વાતંત્ર દિવસની હર્ષભેર ઉજવણી.

    વિવિધ સાંસ્કૃતિક કર્યક્રમો  શાળાના વિધાર્થીઓ દ્વારા રજુ કરાયા

    *******

          સાબરકાંઠા જિલ્લામાં જિલ્લાકક્ષાનો ૧૫મી ઑગસ્ટ સ્વાતંત્રતા પર્વ આદિજાતી વિકાસ અને શિક્ષણ મંત્રીશ્રી ડો. કુબેરભાઇ ડીંડોરની અધ્યક્ષતામાં પોલીસ પરેડ ગ્રાઉન્ડ હિંમતનગર ખાતે  હર્ષલ્લાસપૂર્વક ઉજવાયો હતો. મંત્રીશ્રી ડો. કુબેરભાઇ ડીંડોરના વરદ હસ્તે ધ્વજ વંદન કરાયું તેમજ પરેડનું નિરીક્ષણ કરી સલામી ઝીલી જિલ્લાવાસીઓને સ્વતંત્રતા પર્વની શુભેચ્છા પાઠવી હતી.    

      મંત્રીશ્રીએ આ અવસરે જણાવ્યું કે, આઝાદીના અમૃતકાળમાં ગુજરાત બમણી ગતિથી વિકાસ કરી રહ્યું છે. વડાપ્રધાન શ્રી નરેન્દ્રભાઈ મોદીએ ત્રીજી વખત દેશનું સુકાન સંભાળ્યા બાદ ગુજરાતને અનેક વિકાસ પ્રકલ્પોની ભેટ આપી છે. મુખ્યમંત્રી શ્રી ભૂપેન્દ્રભાઈ પટેલની નિશ્રામાં ગુજરાતમાં દશે દિશાઓમાં વિકાસના કાર્યો થઈ રહ્યાં છે. જે રાજ્યની વિકાસની સીમાને વધુ ઉપર લઈ જશે.

        મંત્રીશ્રીએ વડાપ્રધાનશ્રી દ્વારા ‘એક પેડ મા કે નામ’, એમએસએમઈનો વિકાસ, રાજ્યમાં મજબૂત રેલવે માળખું, આંતરમાળખાકિય સુવિધાઓ, સોલાર સહાય, જેવી કેન્દ્ર પુરસ્કૃત યોજનાઓ અને રાજ્ય સરકાર દ્વારા શ્રમિક અન્નપુર્ણા યોજના, રેનબસેરા યોજના, મહિલાઓ માટે વિશેષ યોજનાઓ, ખેડૂત કલ્યાણના પગલાઓ સહિત વડાપ્રધાનશ્રીના જ્ઞાન આધારીત ગરીબ, યુવા, અન્નદાતા અને નારીશક્તિના કલ્યાણને યોજનાની વિગતો આપી હતી.

    મંત્રીશ્રીએ વધુમાં ઉમેર્યું કે, આધુનિક સમાજ વિકાસના નિર્માણમાં મહિલાઓની ભાગીદારી સુનિશ્ચિત કરવા માટે નારીશક્તિનું સન્માન કરતા બજેટની જોગવાઈનો ઉલ્લેખ કરીને રાજ્યમાં પોષણ, આરોગ્ય અને શિક્ષણને પ્રોત્સાહિત કરવાના અભિગમ સાથે નવી શરૂ કરાયેલી નમો લક્ષ્મી યોજના, નમો સરસ્વતી યોજના અને નમોશ્રી યોજનાનો સમાવેશ કરવામાં આવ્યો છે. ગ્લોબલ વોર્મિંગની સમસ્યાઓને ખાળવા માટે રાજ્યમાં હરિયાળીનું પ્રમાણ વધે તે માટે ‘એક પેડ મા કે નામ’ અભિયાન અંતર્ગત વૃક્ષોનું વાવેતર કરીને રાષ્ટ્રીય સ્તરે ગુજરાતે સ્થાપેલા કિર્તીમાનનો ગૌરવભેર ઉલ્લેખ કર્યો હતો.

     આ પ્રસંગે દેશભક્તિનો ભાવ પ્રગટ કરતા વિવિધ સાંસ્કૃતિક કર્યક્રમો  શાળાના વિધાર્થીઓ દ્વારા રજુ કરાયા હતા. મંત્રીશ્રીના હસ્તે વિશિષ્ટ વ્યક્તિઓનું સન્માન, વૃક્ષારોપણ કરવામાં આવ્યું હતું. તેમજ તાલુકા વિકાસ માટે રૂ. ૨૫ લાખનો ચેક અર્પણ કર્યો હતો. 

    આ સ્વાતંત્રતા પર્વ પ્રસંગે જિલ્લા પંચાયત પ્રમુખ શ્રીમતી ભારતીબેન પટેલ, સાંસદ શ્રીમતી શોભનાબેન બારૈયા, શ્રીમતી રમીલાબેન બારા, ઈડર ધારાસભ્ય શ્રી રમણલાલ વોરા, હિંમતનગર ધારાસભ્ય શ્રી વી. ડી. ઝાલા, પ્રાંતિજ ધારાસભ્યશ્રી ગજેન્દ્રસિંહ પરમાર, જિલ્લા કલેક્ટર શ્રી ડો રતનકંવર  ગઢવીચારણ, જિલ્લા વિકાસ અધિકારીશ્રી હર્ષદ વોરા, જિલ્લા પોલીસ વડાશ્રી વિજય પટેલ, પૂર્વ સાંસદશ્રી દિપસિંહ ચૌહાણ,  અગ્રણી શ્રી કનુભાઇ પટેલ, શ્રી વિજય પંડ્યા, મહિલા અગ્રણી કૌશલ્યાબા તેમજ  વિવિધ અમલીકરણ અધિકારીશ્રીઓ, કર્મચારીશ્રીઓ, શિક્ષકગણ તેમજ મોટી સંખ્યામાં વિધ્યાર્થીઓ હાજર રહ્યા હતા.

     

    સ્વાતંત્ર દિવસ પૂર્વે હર ઘર તિરંગા કાર્યક્રમ: રાષ્ટ્રભક્તિના રંગે રંગાઈને નાગરિકોએ સાબરકાંઠા અને અરવલ્લીમાં ધૂમ મચાવી!!!

    દેશના યશસ્વી વડાપ્રધાન આદરણીય શ્રી Narendra Modi સાહેબ દ્વારા કરવામાં આવેલા “હર ઘર તિરંગા” અભિયાનના આહ્વાનને સાર્થક કરવા પ્રત્યેક નાગરિક કટિબદ્ધ અને ઉત્સાહિત છે.

    ત્યારે આ અભિયાનને આગળ ધપાવવાના પાવન ધ્યેય સાથે ગત મંગળવારે અરવલ્લી જીલ્લાના મોડાસા ખાતે મોડાસા તાલુકા/ શહેર સંગઠન અને જિલ્લા મોડાસા તાલુકા/ શહેર યુવા મોરચા દ્ધારા આયોજિત “તિરંગા યાત્રા”માં સાબરકાંઠા અરવલ્લી લોકસભાના લોકપ્રિય સાંસદશ્રી શોભનાબેન મહેન્દ્રસિંહ બારૈયાજી ને રાજયકક્ષાના માન. મંત્રીશ્રી અને ભીખુસિંહજી પરમાર અને પ્રાંતિજ વિધાનસભાના પૂર્વ ધારાસભ્યશ્રી મહેન્દ્રસિંહ બારૈયા સાથે ઉમળકાભેર સહભાગી થવાનો અવસર પ્રાપ્ત થયો

    આ યાત્રામાં હોંશભેર જોડાયેલ સર્વે નગરજનોનો અપાર ઉત્સાહ અને ઊર્જા દર્શાવે છે કે “હર ઘર તિરંગા” અભિયાન સૌ કોઈ માટે પ્રેરણાત્મક બની રહ્યું છે.

    આ યાત્રામાં, અરવલ્લી જિલ્લા યુવા મોરચા પ્રમુખશ્રી અમીષભાઈ, અરવલ્લી જિલ્લા પ્રભારીશ્રી અનિલભાઈ પટેલ, મોડાસા શહેર પ્રમુખશ્રી રણધીર ચૂરગર, મોડાસા તાલુકા પ્રમુખશ્રી ભીખુસિંહ પરમાર, મહામંત્રીશ્રી જગદીશભાઈ સહિત તાલુકા શહેર સંગઠના ના પ્રમુખશ્રી મહામંત્રીશ્રીઓ, જિલ્લા/ તાલુકા અને શહેર સંગઠનના અને તાલુકા/ શહેર યુવા મોરચા ના હોદ્દેદારો અને કાર્યકર્તાઓ હાજર રહ્યા.

    સાબરકાંઠા: હર ઘર તિરંગા*

    *સાબરકાંઠામાં વિવિધ આરોગ્ય કચેરીઓ ખાતે તિરંગો લહેરાવ્યો*

    સાબરકાંઠા જિલ્લામાં નાગરીકોમાં રાષ્ટ્રભક્તિ અને રાષ્ટ્રીય ચેતનાને પ્રબળ બનાવવાના ઉદ્દેશ સાથે આગામી સ્વાતંત્ર પર્વ પૂર્વે ઠેર-ઠેર “હર ઘર તિરંગા” કાર્યક્રમ ચાલી રહ્યો છે. જેના ભાગરૂપે સાબરકાંઠા જિલ્લામાં વિવિધ તાલુકા હેલ્થ કચેરીઓ ખાતે તિરંગો લહેરાવ્યો હતો. સાબરકાંઠા જિલ્લામાં સ્વાતંત્ર્ય પર્વની ઉજવણીના ભાગરૂપે તાલુકા આરોગ્ય કચરી વડાલી, તાલુકા આરોગ્ય કચેરી હિનમતનગર, તાલુકા આરોગ્ય કચેરી ઇડર, આયુષ્માન આરોગ્ય મંદિર દલાની મુવાડી, આયુષ્માન આરોગ્ય મંદિર ઊંચી ધનાલ વગેરે આરોગ્ય કચેરીઓ ખાતે માન સન્માન સાથે તિરંગો લહેરાવ્યો હતો.

  • જોડિયા તાલુકામાં રાઘવજીભાઈ પટેલની આગેવાનીમાં તિરંગા યાત્રા યોજાઇ

    જોડિયા તાલુકામાં રાઘવજીભાઈ પટેલની આગેવાનીમાં તિરંગા યાત્રા યોજાઇ

    જોડિયા તાલુકામાં કેબિનેટ મંત્રીશ્રી રાઘવજીભાઈ પટેલની આગેવાનીમાં તિરંગા યાત્રા યોજાઇ

    *સમગ્ર રૂટ દેશભક્તિના ગીતો અને ભારત માતા કી જય ના નારાથી ગુંજી ઊઠ્યો*

    જામનગર તા.૧૨ ઓગસ્ટ, સ્વાતંત્ર્ય પર્વની ઉજવણીના ભાગરૂપે સમગ્ર રાજ્યમાં સ્વતંત્રતા સપ્તાહની ઉજવણી અંતર્ગત તિરંગા યાત્રાનું આયોજન થઈ રહ્યું છે. ત્યારે રાજ્યના કૃષિ, પશુપાલન, ગૌ સંવર્ધન, મત્સ્યોદ્યોગ, ગ્રામ વિકાસ અને ગ્રામ ગૃહ નિર્માણ વિભાગના મંત્રીશ્રી રાઘવજીભાઈ પટેલની આગેવાનીમાં જામનગર જિલ્લાના જોડિયા તાલુકામાં તિરંગા યાત્રાનું આયોજન કરવામાં આવ્યુ હતું.

    જોડિયા તાલુકા કન્યા શાળાથી હુન્નર શાળા થઈ શાક માર્કેટ બાદ તાલુકા પંચાયત ખાતે યાત્રા પૂર્ણ થઈ હતી. તિરંગા યાત્રામાં શાળાની વિદ્યાર્થીનીઓના તિરંગાને અનુરૂપ પોશાક અને ફુગ્ગાઓ આકર્ષણનું કેન્દ્ર બન્યા હતા. સમગ્ર રૂટ દેશભક્તિના ગીતો અને ભારત માતા કી જયના નારાથી ગુંજી ઊઠ્યો હતો. દેશના વીર જવાનોની શૌર્યગાથાને બિરદાવવા મંત્રીશ્રીએ તમામ લોકોને પોતાના ઘર પર રાષ્ટ્રધ્વજ ફરકાવવા અપીલ કરી હતી.

    તિરંગા યાત્રામાં જિલ્લા કલેકટરશ્રી બી.કે. પંડ્યા, જિલ્લા વિકાસ અધિકારીશ્રી વિકલ્પ ભારદ્વાજ, તાલુકા પંચાયતના પ્રમુખશ્રી રસીલાબેન ચનિયારા, ધી જામનગર ડિસ્ટ્રીક્ટ કો – ઓપરેટિવ બેંકના ડાયરેક્ટરશ્રી ધરમશીભાઈ ચનીયારા, નાયબ જિલ્લા વિકાસ અધિકારીશ્રી ગઢવી, અગ્રણીશ્રીઓ, અધિકારીશ્રીઓ, શાળાના વિદ્યાર્થીઓ, પોલીસ જવાનો, આંગણવાડીના બહેનો તથા ગ્રામજનો વિશાળ સંખ્યામાં જોડાયા હતા.

     

  • ગાંધીનગર: લાકરોડા ગામ પાસે દર્શન યોગ ધામમાં ક્રિયાત્મક યોગ શિબિર શરૂ થઈ

    ગાંધીનગર: લાકરોડા ગામ પાસે દર્શન યોગ ધામમાં ક્રિયાત્મક યોગ શિબિર શરૂ થઈ

    नीरव जोशी  , गांधीनगर (M-7838880134  & 9106814540)

    મહાત્મા દયાનંદ સરસ્વતી સ્થાપેલા આર્ય સમાજે સમગ્ર ભારત અને વિશ્વમાં અધ્યાત્મ અને યોગ વિદ્યા તેમજ ચાર વેદો નો મહિમા કર્યો છે.આર્ય સમાજ ગુજરાતમાં પણ ખૂબ જ સક્રિય છે, જેમાં તલોદ તાલુકા પાસે રોજડ ગામે આવેલું આર્ય વન વેદો ના અધ્યયન માટે સમગ્ર ભારતમાં વિખ્યાત છે. આર્ય વનની બીજી શાખા ગાંધીનગર ના લાકરોડા મુકામે દર્શન યોગ ધામ તરીકે નવી શાખા આશ્રમ બની રહી છે. મહુડી થી ફક્ત આઠ કિલોમીટરના અંતરે આ દર્શન યોગ ધામ આવેલું છે. અહીંયા અવારનવાર રાષ્ટ્ર નિર્માણ માટે સાધકોની યોગ શિબિરો આયોજિત થાય છે. તારીખ 9 જુલાઈ થી છ દિવસની ક્રિયાત્મક યોગ શિબિર શરૂ થઈ છે. આ શિબિરમાં અલગ અલગ અધ્યાત્મના વિષયો તેમજ વેદો પર નિયમિત પ્રવચન થાય છે અને અલગ અલગ આચાર્યો આવી સમગ્ર ભારતમાંથી આવેલા સાધકોને વેદો અંગે માર્ગદર્શન આપે છે . વૈદિક મંત્રોચાર થી નિયમિત હવન પણ થાય છે .જેનો વિડીયો આપ જોઈ શકો છો.

    स्वामी शांतानंद सरस्वती, संयोजक धर्म विभाग दर्शन योग धाम आश्रम, Lakroda, गांधीनगर

    योग प्रशिक्षण शिविर का उद्देश्य क्या है

    स्वामी शांतानंद सरस्वती :  योग प्रशिक्षण शिविर का उद्देश्य है आज की युवा पीढ़ी को वैदिक संस्कृति, योग और यज्ञ की संस्कृति से से जोड़कर उनके अंदर अध्यात्म विद्या का संचार करना तथा जन मानस में सच्ची ईश्वर भक्ति , राष्ट्र भक्ति तथा गौ भक्ति का संचार करना | युवा पीढ़ी में सत्य सनातन वैदिक धर्म का प्रचार- प्रसार करना , युवाओं को ईश्वर भक्त बनने के साथ-साथ देशभक्त बनाना और उनके मन में भारतीय संस्कृति के प्रति श्रद्धा , विश्वास उत्पन्न करना| वर्तमान समय में समाज में जो दुराचरण बढ़ रहा है , समाज में भ्रष्टाचार बढ़ रहा है उसका उन्मूलन करना तथा चरित्रवान धार्मिक युवा पीढ़ी का निर्माण करना – इस प्रकार इस शिविर का उद्देश्य व्यक्तिगत उन्नति के साथ-साथ सामाजिक उन्नति आध्यात्मिक उन्नति और वैश्विक उन्नति करना है

    गांधीनगर के लोकरोड़ा दर्शन योग धाम में हो रही क्रियात्मक योग शिविर की विशेषताएं क्या है?

     स्वामी शांतानंद सरस्वती: दर्शन योग धाम लाखरोड़ा में चल रहे में क्रियात्मक योग शिविर की विशेषताएं इस प्रकार हैं – यहां प्रतिदिन प्रातः स्वयं योग ध्यान का अभ्यास कराया जाता है तथा प्रत्येक दिन सुबह आसन, व्यायाम, प्राणायाम तथा प्रति दिन सुबह शाम यज्ञ का अनुष्ठान होता है | वेद दर्शन आदि आध्यात्मिक ग्रंथ का अध्यापन होता है| अष्टांग योग का प्रशिक्षण दिया जाता है…. शिविर के साधक को के मन में उठ रहे अनेक समस्या का समाधान किया जाता है | रात्रि में आत्म निरीक्षण कक्षा के माध्यम से आंतरिक दुर्गुणों को दूर करने का प्रयत्न किया जाता है | इस शिविर में स्त्री , पुरुष, बालक वृद्ध – सभी वर्ग के लोग समान रूप से भाग ले रहे हैं और अपने आध्यात्मिक उन्नति के साथ सर्वांगीण विकास के लिए प्रशिक्षण प्राप्त कर रहे हैं | यहां का प्रसाद शुद्ध , सात्विक, पौष्टिक और ऑर्गेनिक है | अध्यापक गण पुरुषार्थ पूर्वक विद्या – अध्यात्म का मार्गदर्शन देते हैं तथा शिविर में आए हुए सज्जनगण लगन से विद्या अध्ययन करते हैं | क्रियात्मक योग की विशेषता है तथा दिन में अनेक घंटा मौन व्रत अभ्यास करते हैं

    Nirav Joshi: साबरकांठा और गांधीनगर के साधक गण क्रियात्मक योग शिविर की लाभ कैसे उठा सकते हैं

    स्वामी शांतानंद सरस्वती : साबरकांठा और गांधीनगर के साधक गण इस शिविर से इस प्रकार लाभ ले सकते हैं – जैसे की सुबह शाम यहां आकर कक्षाओं में भाग लेकर अपना आध्यात्मिक ज्ञान बढ़ा सकते हैं, सामाजिक सेवा के दौरान आकर के वृक्षारोपण आदि सेवा कार्य कर सकते हैं | हवन के समय यज्ञ करके पर्यावरण के शुद्धि हेतु योगदान दे सकते हैं तथा स्वाध्याय , सत्संग के माध्यम से अपने आध्यात्मिक दार्शनिक , आत्मिक , उन्नति कर सकते हैं तथा देश धर्म की उन्नति के लिए भी संकल्प लेकर देश की, राष्ट्र की प्रगति कर सकते हैं

    શિબિર ચાલુ થયાના ત્રણ-ચાર દિવસ પહેલા આ રીતે બધા સાધકોને મેસેજ મોકલવામાં આવ્યા હતા.

    नमस्ते जी,

    समादरणीय श्री‎ साधक

    आपना‎ दर्शन‎ योग‎ धाम में *09 से‎ 14‎ जुलाई‎ तक* पूज्य स्वामी‎ विवेकानंद जी परिव्राजक‎ की अध्यक्षता‎ में *क्रियात्मक योग‎ प्रशिक्षण‎ शिविर*‎ आयोजित‎ होने‎ जा रहा है‎ जिसमें‎ 16 राज्य से‎ चयनित कुल‎ 112‎ पुरुष‎ एवं‎ 38 महिलायें‎ कुल 150 शिविरार्थी भाग ले रहे‎ हैं।‎ शिविरर्थियों‎ से अतिरिक्त आप सपरिवार‎ अनिवासीय‎ रूप में‎ (प्रातः‎ जागरण से‎ रात्रि‎ अंतिम‎ कक्षा तक) *इस‎ शिविर में सादर‎ आमंत्रित है*।

    दर्शन‎ योग‎ धाम‎ के लिए बड़े गौरव‎ की बात है कि इस क्रियात्मक‎ योग‎ प्रशिक्षण‎ शिविर मे‎ अधिकांश‎ शिविरार्थी नूतन‎ है अर्थात वैदिक‎ विचारधारा से‎ अपरिचित‎ है‎ ।‎ लगभग 90 से अधिक‎ महानुभाव‎ स्नातक-स्नातकोत्तर है‎ । इस‎ शिविर‎ में शिविरर्थियों‎ से‎ अनिवार्य स्वैच्छिक राशि‎ अनुदान‎ रखा गया‎ है‎ ।‎ संस्थान के‎ तरफ से‎ इस‎ शिविर में‎ शिविरार्थियों हेतु पाठ्यसामग्री, भोजन, आवास‎ तथा‎ अन्य‎ आवश्यक साधन आदिकी‎ सुप्रबंध किया जाएगा।‎ हमारा‎ अभिलाषा‎ है कि‎ इस‎ पुनीत कार्यों में‎ आप पधारे ओर‎ संस्थान‎ का अंग बनें।‎ स्वयं सदस्य‎ बनें तथा अन्यों‎ को‎ भी‎ सदस्य‎ हेतु‎ प्रेरित करें। शेष‎ कुशल।
    ~आचार्य प्रियेश (9306374959)

    दर्शन‎ योग धाम,‎ संस्कृति‎ वन।

    नमस्ते‎ जी,
    आपना‎ दर्शन‎ योग‎ धाम‎ में 09 से 14 जुलाई तक पूज्य स्वामी‎ विवेकानंद जी‎ परिव्राजक की‎ अध्यक्षता में‎ क्रियात्मक‎ योग प्रशिक्षण‎ शिविर आयोजित होने जा‎ रहा‎ है‎ जिसमें 16 राज्य‎ से‎ चयनित‎ कुल‎ 112 पुरुष‎ एवं‎ 38‎ महिलायें कुल‎ 150 शिविरार्थी‎ भाग ले रहे‎ हैं।‎ शिविरर्थियों‎ से अतिरिक्त‎ आप सपरिवार अनिवासीय‎ रूप में (प्रातः जागरण‎ से‎ रात्रि‎ अंतिम‎ कक्षा‎ तक) इस शिविर‎ में सादर‎ आमंत्रित‎ है।

    दर्शन‎ योग‎ धाम‎ के‎ लिए बड़े‎ गौरव की‎ बात‎ है‎ कि‎ इस क्रियात्मक योग‎ प्रशिक्षण‎ शिविर‎ मे‎ अधिकांश शिविरार्थी‎ नूतन‎ है‎ अर्थात‎ वैदिक‎ विचारधारा से अपरिचित है ।‎ लगभग 90 से‎ अधिक महानुभाव स्नातक-स्नातकोत्तर है‎ ।‎ इस शिविर में शिविरर्थियों से अनिवार्य‎ स्वैच्छिक राशि अनुदान रखा‎ गया‎ है ।‎ संस्थान के‎ तरफ से इस‎ शिविर‎ में‎ शिविरार्थियों हेतु‎ पाठ्यसामग्री,‎ भोजन, आवास‎ तथा अन्य आवश्यक साधन आदिकी सुप्रबंध किया जाएगा। हमारा‎ अभिलाषा है‎ कि‎ इस पुनीत कार्यों‎ में‎ आप पधारे ओर संस्थान का‎ अंग बनें।‎ स्वयं‎ सदस्य‎ बनें तथा अन्यों को भी सदस्य‎ हेतु‎ प्रेरित‎ करें।‎ शेष‎ कुशल।

    ~आचार्य‎ प्रियेश (9306374959)
    दर्शन योग धाम, संस्कृति‎ वन

  • પાલનપુરની સરકારી સિવિલ હોસ્પિટલે ફેક્ચર દર્દીના નિશુલ્ક ઓપરેશન કરી માનવતા મહેકાવી

    પાલનપુરની સરકારી સિવિલ હોસ્પિટલે ફેક્ચર દર્દીના નિશુલ્ક ઓપરેશન કરી માનવતા મહેકાવી

    નીરવ જોશી (બનાસકાંઠા – પાલનપુર) M-7838880134 

    *જનરલ સિવિલ હોસ્પિટલ પાલનપુર ખાતે ૬૦ દિવસની લાંબી સારવારના અંતે રજા અપાઈ.*

    *ભરૂચ ખાતે રોડ અકસ્માતમાં વડગામ તાલુકાના મેતા ગામના યુવાનને જમણા પગે ફ્રેકચર થતા સફળ ઓપરેશન કરાયું*

    પાલનપુર ..

    કેટલી વખત સરકારી હોસ્પિટલમાં અકસ્માતનો ભોગ બનેલા દર્દીઓ જે તે વિભાગના ડોક્ટર વડાઓ કે એમની ભૂલોના પરિણામે કેટલાક દર્દીઓ દયાજનક હાલતમાં મુકાઈ જતા હોય છે !!! પરંતુ આવા દર્દીની સારવાર પણ બીજી કોઈ શહેરની જનરલ હોસ્પિટલમાં નિશુલ્ક કરી અને એમની ભૂલનો ભોગ ફરીથી ન થાય તેવું એક ઉદાહરણ બનાસકાંઠાની પ્રસિદ્ધ પાલનપુર ખાતે આવેલી સરકારી સિવિલ હોસ્પિટલના સર્જનો ખાસ કરીને ઓર્થોપેડિક વિભાગએ સાબિત કર્યું છે, આ દાખલો એ સામાન્ય પ્રજાને કેવા પ્રકારની સારવાર સરકારી હોસ્પિટલમાં મળે છે – એ પણ જાણવા માટે વાંચવો જરૂરી છે.

    સરકારી સિવિલ હોસ્પિટલમાં માનવતાને મહેકાવે એવા ઘણા ડોક્ટરો રહેલા છે તે પણ આ વાર્તા કે સમાચાર જાણીને અનુભવી શકાય છે!

    બનાસકાંઠા જીલ્લાના વડગામ તાલુકાના મેતા ગામના ૩૫ વર્ષીય વિપુલભાઈ અમરતભાઈ રાઠોડ જેઓ ભરૂચ ખાતે દરજીકામનો ધંધો કરતા હતા ત્યારે જેઓ સાંજના સમયે પોતાના ઘરે ચાલતા જઈ રહ્યા હતા તે દરમિયાન અજાણ્યા ગાડી વાહન ચાલકે ટક્કર મારતા પગ તેમજ માથાના ભાગે ગંભીર ઈજાઓ થતા બેભાન અવસ્થામાં રસ્તા વચ્ચે ઢળી પડ્યા હતા. અકસ્માતના પગલે ગાડી ચાલક પોતાની ગાડી લઈને નાસી છુટ્યો હતો. જોકે ઘટનાના પગલે સ્થાનિક લોકો આવી જતા ૧૦૮ મારફતે ભરૂચની સિવિલ હોસ્પિટલ ખાતે લઈ જવાયા હતા.જે બાદ સવિલ સ્ટાફ દ્વારા પરિવારને જાણ કરવામાં આવતા પરિવાર તાબડતોડ હોસ્પિટલ ખાતે પોહચી હોસ્પિટલ ખાતે પ્રાથમિક સારવાર હાથ ધરવામાં આવી હતી.

    વધુ સારવાર માટે બીજા દિવસે ૧૦૮ મારફતે અમદાવાદ હોસ્પિટલ ખાતે લઈ જવાયા હતા ત્યાંના ઓર્થોપેડિક વિભાગના ડો. તપાસ કરતા જમણા પગે ફ્રેકચર હોવાનું માલુમ પડતા ચાર જેટલા એક્સરે રીપોર્ટ ટુ-ડી ઇક્કો તેમજ લોહીના રીપોર્ટના આધારે જરૂરી એન્ટીબાયોટીક દવોઓ આપી ૧૦ માં દિવસે જમણાં પગે ઓપરેશન કરી ચોથા દિવસે રજા આપવામાં આવી હતી.અકસ્માતમાં ઈજા પામનાર વિપુલભાઈ જણવ્યું હતું કે છેલ્લા આઠ મહિનાથી અમદાવાદની હોસ્પિટલ ખાતે પગના ભાગે ફ્રેકચર થતા દવાઓ તેમજ ટ્રીટમેન્ટ ચાલુ રાખવામાં આવી હતી અને પગના ભાગે રસી થઈ જતા ચાલી શકાતું પણ નોહતું…. ઓપરેશન દરમિયાન જમણાભાગે નાખેલો સળીયો લાંબો હોવાથી ઢીચણ તેમજ પગે સોજા આવી જતા હતા. વડગામના સ્નેહીજનો ના જણાવ્યા પ્રમાણે પાલનપુર ખાતે આવેલી બનાસ જનરલ સિવિલ ૧૯ એપ્રિલના રોજ ઓર્થોપેડિક વોર્ડ ખાતે લવાયા હતા. જેમાં ઈજાગ્રસ્તના અગાઉના તમામ રીપોર્ટ તેમજ કેસની ગંભીરતા ને ધ્યાને રાખી સિવિલ હોસ્પિટલ પાલનપુર ખાતે નવીન સી.બી.સી, સી.આર.પી એક્ક્ષરેના રીપોર્ટના આધારે જમણા પગના થાપાનાં હાડકામાં રસી થતા પગે ચાલી શકતા ના હોવાથી અસહ્ય દુખાવાથી પીડાતા હતા જેના લીધે દાખલ કરી આગળની સારવાર હાથ ધરવામાં આવી હતી.

    સિવિલ સુપ્રિટેન્ડેન્ટ ડો.સુનીલભાઈ જોશીના માર્ગદર્શન હેઠળ ઓર્થોપેડિક વિભાગના સર્જન ડો.અજય પટેલ, ડો રવિ પટેલ તેમજ તેમની ટીમ દ્વારા થાપાના બહારના ભાગેથી પગમાં ચાર થી પાંચ જેટલા ભાગોમાંથી રસી આવતી હતી. જેના લીધે ૨૦ સેન્ટીમીટર નો ચીરો પાડી અગાઉ નાખેલ સળીયાને બહાર કાઢીને થાપાના હાડકાની સાફસફાઈ કરી જરૂરી દવાઓ ચાલુ કરવામાં આવી હતી. રસી મટી જતા ૨૦ દિવસ બાદ બીજા તબક્કામાં પાલનપુર સિવિલ હોસ્પિટલ ખાતે થાપાના હાડકામાં પુન નિર્માણ સળીયો નાખીને ની: શુલ્ક સફળ ઓપરેશન કરવામાં આવતા ૬૦ દિવસની લાંબી સારવારના અંતે આજે રજા આપવામાં આવતા પરિવારે સિવિલ હોસ્પિટલ તેમજ નર્સિગ સ્ટાફનો આભાર વ્યકત કર્યો હતો.

    શ્રી ગલબાભાઈ નાનજીભાઈ પટેલ ચેરીટેબલ ટ્રસ્ટ સંચાલિત જનરલ સિવિલ હોસ્પિટલ પાલનપુર ખાતે મેડીસીન, સર્જીકલ ,ઈ.એન.ટી સ્કીન,ડેન્ટલ તેમજ ઓર્થોપેડિક સહિતના વિભાગોમાં ગુજરાત વિધાનસભા અધ્યક્ષ શ્રી શંકરભાઈ ચૌધરીના માર્ગદર્શન હેઠળ તેમજ જનરલ સિવિલ હોસ્પિટલ પાલનપુર અને મેડીકલ કોલેજના ચેરમેન શ્રી પી.જે.ચૌધરીની દેખરેખ હેઠળ તમામ વિભાગોમાં ઉચ્ચકોટીની સારવાર બનાસડેરીના પાંચ લાખ પશુપાલકોની પોતાની માલિકીની પુરા ભારતભરની એકમાત્ર જનરલ સિવિલ હોસ્પિટલ પાલનપુર ખાતે આપવામાં આવી રહી છે.

     

  • પહેલું સુખ એ જાતે નર્યા – કહેવત સાર્થક કરતું મિલિન્દ સોમણનો પરિવાર

    પહેલું સુખ એ જાતે નર્યા – કહેવત સાર્થક કરતું મિલિન્દ સોમણનો પરિવાર

    સંકલન: નિરવ જોશી અમદાવાદ (M-7838880134  & 9106814540)

    રાજ ગોસ્વામી ( લેખક, વરિષ્ઠ એડિટર)

    મોર્નિંગ મ્યુસિંગ્સ (રવિવાર સ્પેશિયલ):

    મિલિંદ સોમણનું નામ યાદ છે? વર્ષો પહેલાં તેની તે વખતની ગર્લફ્રેન્ડ અને મોડેલ મધુ સપ્રે સાથે ટફ શૂઝની એક જાહેરાતના વિવાદને લઈને અથવા ગાયક અલિશા ચિનોયના મ્યુઝિક વિડીઓ ‘મેઈડ ઇન ઇન્ડિયા’ના કારણે મિલિંદનું નામ મનમાં ગુંજે તે શક્ય છે, પરંતુ તેની એ ઓળખાણ પુરતી નથી. આજે 57 વર્ષની વયે આ એક્ટર અને મોડેલ તેની ફિટનેસને કારણે વધુ જાણીતો છે.


    એમાં જાણે મોણ નાખ્યું હોય તેમ, તેની વૃદ્ધ માતા અને પત્ની પણ ‘વટલાયાં’ છે. કદાચ ભારતનો આ પહેલો પરિવાર છે જ્યાં મા-દીકરો અને પુત્રવધુ ત્રણેય ફિટનેસ પાછળ દીવાનાં છે. કદાચ એટલે જ તેમને ભારતનું ‘ફિટેસ્ટ ફેમિલી’ કહેવાય છે.
    બે વર્ષ પહેલાં, તેની 55મા જન્મદિવસનું સેલિબ્રેશન કરવા માટે મિલિંદે ગોવામાં એક બીચ પર નિર્વસ્ત્ર દોડ લગાવી હતી. તેનો હેતુ નગ્નતા બતાવાનો નહોતો, પણ તેની ફિટનેસનું પ્રદર્શન કરવાનો હતો. પાછી એ તસવીર તેની પત્નીએ જ લીધી હતી અને સાર્વજનિક કરી હતી. મિલિંદે તે તસવીર સાથે લખ્યું હતું, “હેપ્પી બર્થ ડે ટૂ મી, ફિફ્ટી ફાઈવ એન્ડ રનિંગ.”

    આ સાથેની તસવીર જુવો. તેમાં 57 વર્ષનો મિલિંદ, તેની 84 વર્ષની માતા ઉષા અને 32 વર્ષની પત્ની અંકિતા છે. ત્રણેય કેવાં ફિટનેસ પ્રેમી છે તે તમને તેમના શરીર અને ચહેરા પરથી દેખાશે (ઉષા બહેને સાડી પહેરીને દીકરા સાથે અમદાવાદથી મુંબઇની દોડ કરી હતી). ત્રણેયે ભેગા મળીને તેમની ફિટનેસ ફિલોસોફી પર ‘કીપ મૂવિંગ’ નામનું આ એક સરસ પ્રેરણાદાયી પુસ્તક લખ્યું છે.

    પુસ્તકનો મુખ્ય સંદેશ એ છે કે સ્વાસ્થ્ય અને ફિટનેસ માટે કોઈપણ ઉંમરે માનસિકતા ઘડી શકાય છે. ત્રણે જણાએ તેમની ઉંમરના અલગ અલગ પડાવ પર ફિટનેસને લક્ષ્ય બનાવ્યું હતું. અર્થાત, “આ ઉંમરે હવે કંઈ ના થાય” અથવા “મારે હજુ વાર છે” જેવું કશું હોતું નથી. જગ્યા ત્યાંથી સવાર.

    શરીર કોઇ પણ ઉંમરે ફિટ થવા માટે કહ્યાગરા બાળકની જેમ તૈયાર હોય છે. મુસીબત ખાલી મનની હોય છે, જે વંઠેલા વયસ્ક જેવું હોય છે.

    “If you do not challenge yourself every day, consciously create small challenges for yourself, your body begins to get weaker and weaker.”
    – Milind Soman, Keep Moving.

  • હિંમતનગર પોલીસ પરેડ ગ્રાઉન્ડ ખાતે ૧૦માં આંતરરાષ્ટ્રીય યોગ દિવસની જિલ્લા કક્ષાની ઉજવણી કરાઇ

    હિંમતનગર પોલીસ પરેડ ગ્રાઉન્ડ ખાતે ૧૦માં આંતરરાષ્ટ્રીય યોગ દિવસની જિલ્લા કક્ષાની ઉજવણી કરાઇ

    નીરવ જોશી, હિંમતનગર (M-7838880134)

    સાબરકાંઠાના મુખ્ય મથક હિંમતનગર ખાતે આજે વિશ્વ યોગ દિવસની 10મી આવૃત્તિ એટલે કે 10 મો ઇન્ટરનેશનલ યોગ ફેસ્ટિવલ મનાવવામાં આવ્યો હતો. ખાસ કરીને હિંમતનગર ખાતે ગુજરાત યોગ બોર્ડ ના ટ્રેનરો તેમજ અન્ય યોગની સંસ્થાઓના સભ્યો અને શાળાના વિદ્યાર્થીઓ તેમજ એનસીસીના કોલેજના વિદ્યાર્થીઓ , હિંમતનગર ડિફેન્સ એકેડેમીના યુવાનો તેમજ સરકારી અધિકારીઓ અને પોલીસના જવાનોએ સાબરકાંઠા પોલીસ ગ્રાઉન્ડ ખાતે એક કલાક યોગ કરીને દસમાં આંતરરાષ્ટ્રીય યોગ દિવસની શોભા વધારી હતી. સમગ્ર  વર્ષ દરમિયાન યોગ કરીને સ્વસ્થ રહેવાનો સંકલ્પ કર્યો હતો.

    આ ઉપરાંત જિલ્લાની ધાણધા ગામ ખાતે નર્સરીએ આવેલા યોગ પ્રેમીઓને વિનામૂલ્યે ફળફળાદીના રોપાનું વિતરણ કરીને કાર્યક્રમ ખૂબ જ ઉત્તમ બનાવ્યું હતું.

    સ્વંય અને સમાજ માટે યોગ’’

    હિંમતનગર પોલીસ પરેડ ગ્રાઉન્ડ ખાતે ૧૦માં આંતરરાષ્ટ્રીય યોગ દિવસની જિલ્લા કક્ષાની ઉજવણી કરાઇ

    સાબરકાંઠા જિલ્લાના હિંમતનગર પોલીસ પરેડ ગ્રાઉન્ડ ખાતે સાંસદશ્રી શોભનાબેન બારૈયાની ઉપસ્થિતિમાં વહેલી સવારે  ૧૦મા આંતરરાષ્ટ્રીય યોગ દિવસની જિલ્લાકક્ષાની ઉજવણીની કરવામાં આવી હતી. જેમાં વિશાળ સંખ્યામાં નાગરિકો જોડાયા હતા અને યોગ કર્યા હતા.

    આ કાર્યક્રમમાં સાંસદશ્રી શોભનાબેન બારૈયાએ જણાવ્યુ હતુ કે યોગ એ ભારતની પુરાતન સંસ્કૃતિ એ વિશ્વને આપેલી અણમોલ ભેટ છે. યોગ એ ઋષિમુનિઓની પરંપરા છે. જેને આજે સમગ્ર વિશ્વએ સ્વીકારી છે. યોગ એટલે જોડવુ, યોગ શરીર, મન અને આત્માને જોડે છે. અષ્ટાંગ યોગ એ આપણી પ્રાચીન વિરાસત છે. વધુમાં તેમણે જણાવ્યુ હતુ કે વડાપ્રધાનશ્રીએ સંયુક્ત રાષ્ટ્રસંઘમાં યોગ દિવસની ઉજવણી માટે મુકેલા પ્રસ્તાવને સમગ્ર વિશ્વએ સ્વિકારી પ્રતિ વર્ષ ૨૧મી જૂનનાં રોજ આંતરરાષ્ટ્રીય યોગ દિવસ મનાવવાની સ્વીકૃતિ આપી હતી.

    ભારતીય સંસ્કૃતિની આ પરંપરાના ફાયદા સ્વીકારીને સમગ્ર વિશ્વ ૨૧ મી જૂનના રોજ યોગમય બને છે. ચાલુ વર્ષે રાજ્યમાં આંતરરાષ્ટ્રીય યોગ દિવસ“ સ્વંય અને સમાજ માટે યોગ’’ની થીમને ધ્યાનમાં રાખતા યોગ દિવસની ઉજવણી કરવામાં આવી છે.

                આ કાર્યક્રમમાં ધારાસભ્ય શ્રી વી ડી ઝાલાએ જણાવ્યુ હતુ કે તંદુરસ્ત જીવનશૈલી માટે નિયમિત યોગ કરવા ખૂબ જરૂરી છે. યોગ તણાવ મુક્ત અને આરોગ્યપ્રદ જીવનશૈલી માટે યોગ ઉત્તમ ઉપાય છે. યોગ  શારીરિક અને માનસિક વિકાસમાં પણ લાભદાયી છે.

    NCC -Idar cadet ના વિદ્યાર્થીઓ પણ હાજર રહીને કાર્યક્રમમાં ખૂબ ઉત્સાહભેર યોગ કર્યા હતા

    આ કાર્યક્રમ દરમિયાન રાજ્યકક્ષાના જીવતં પ્રસારણને નિહાળ્યુ હતુ.  દર વર્ષે જેમ હિંમતનગરની અનેક શાળાના બાળકો પણ મોટી સંખ્યામાં આ કાર્યક્રમમાં હાજર રહી યોગ દિવસ નું મહત્વ પોતાના જીવનમાં ઉતાર્યું હતું, દર વર્ષની જેમ હિંમત હાઈસ્કૂલના બાળકો પણ મોટી સંખ્યામાં હાજર હતા

             આ કાર્યક્રમમાં નગરપાલિકા પ્રમુખશ્રી વિમલભાઇ ઉપાધ્યાય, જિલ્લા કલેકટરશ્રી નૈમેષ દવે,જિલ્લા પોલીસ વડાશ્રી વિજય પટેલ, નિવાસી અધિક કલેક્ટરશ્રી ક્રિષ્ણા વાઘેલા,ગ્રામ વિકાસ એજન્સી નિયામકશ્રી પાટીદાર,પ્રાંત અધિકારીશ્રી,અગ્રણીશ્રી કનુભાઈ પટેલ સહિત મોટી સંખ્યામાં જિલ્લાવાસીઓ ઉપસ્થિત રહ્યા હતા. ગુજરાત યોગ બોર્ડના જિલ્લા કક્ષાના કોર્ડીનેટર અમીબેન પટેલ બીજા યોગ પ્રશિક્ષકો આશિષભાઈ, ફાલ્ગુનીબેન, રાજેશભાઈ Modi તેમજ અન્ય યોગ ટ્રેનરોએ યોગ માર્ગદર્શન આપ્યું હતું.

    દર વર્ષે જેમ ગુજરાત યોગ બોર્ડની ભૂમિકા પોલીસ ગ્રાઉન્ડ ખાતે આંતરરાષ્ટ્રીય યોગ દિવસની ઉજાણી સફળતાપૂર્વક કરાવવામાં ખૂબ મહત્વની રહી હતી

    આંતરરાષ્ટ્રીય વિશ્વ યોગ દિવસ ૨૧ મી જૂને સાબરકાંઠા જિલ્લાના મુખ્યમથક હિંમતનગર પોલીસ પરેડ ગ્રાઉન્ડ ખાતે યોગ નિદર્શન યોજવામાં આવ્યું જેમા ગુજરાત રાજ્ય યોગ બોર્ડના સાબરકાંઠા જિલ્લા કોઓર્ડીનેટર પટેલ અમીબેન અને તેમના ટીમ દ્વારા સ્ટેજ પર યોગ કરવાનો અવસર મળ્યો, ઉલ્લેખનીએ છે કે સમગ્ર વર્ષ દરમિયાન યોગ બોર્ડ વડે તૈયાર થયેલા યોગ પ્રશિક્ષકો અલગ અલગ હિંમતનગરના નગરપાલિકાના બગીચાઓમાં યોગ પ્રશિક્ષણના વર્ગો પણ નિયમિતપણે ચલાવે છે જેથી હિંમતનગરમાં વધુમાં વધુ યોગ અંગે જાગૃતિ ફેલાઈ શકે.

    સાબરકાંઠા અરવલ્લી લોક સભાના લોકપ્રિય સાંસદશ્રી શોભનાબેન મહેન્દ્રસિંહ બારૈયાએ સહભાગી થઈ યોગાભ્યાસ કર્યો.

    ૨૧મી જૂનએ સૂર્યભ્રમણ પૃથ્વી ધરી પર ફરતો હોય છે ત્યારે ૨૧ મી જૂનએ લાંબા માં લાંબો દિવસ છે.

    વર્તમાન સમયમાં લોકોની જીવનશૈલી બદલાવાના કારણે ડાયાબિટીસ, હાર્ટએટેક, કીડની જેવા રોગો વધ્યાં છે.ત્યારે યોગ દ્વારા લોકોની ઈમ્યુનિટી પાવરમાં વધારો કરી રોગો સામે રક્ષણ મળે છે. યોગએ ભારતીય સંસ્કૃતિથી આપણને મળેલી અમૂલ્ય ભેટ છે.

    સ્વામિનારાયણ સ્વામિનારાયણ મંદિર ખાતે 10 માં આંતરરાષ્ટ્રીય યોગ દિવસની ઉજવણી.

    વિશ્વ યોગ દિવસ , બીએપીએસ સ્વામિનારાયણ મંદિર , કાંકણોલ હિંમતનગરને સાબરકાંઠા જિલ્લા પ્રશાસન ધ્વારા આઈકોનિક સેન્ટર તરીકે મંજુર કરેલ.


    વિશ્વ યોગ દિવસ કાર્યક્રમની શુભ શરૂઆત બીએપીએસ સ્વામિનારાયણ મંદિરના કોઠારીશ્રી મંગલપુરૂષ સ્વામી તેમજ શ્રીકૌશલમુની સ્વામીના હસ્તે દીપ પ્રાગટ્ય કરી આંતરરાષ્ટ્રીય યોગ દિવસનુ માર્ગદર્શન તેમજ આશીર્વાદ આપી કાર્યક્રમની શુભ શરૂઆત કરવામાં આવેલ.

    આ આઇકોનિક સ્થળ ઉપર આંતરરાષ્ટ્રીય વિશ્વ યોગ દિવસ કાર્યક્રમમાં 200થી વધુ ભાઈઓ-બહેનો અને સાધકો જોડાયા અને ગુજરાત રાજ્ય યોગ બોર્ડ ઘ્વારા સોશિયલ મીડિયા કન્વીનર તેમજ યોગ ટ્રેનર ઘ્વારા યોગ પ્રોટોકોલ મુજબ યોગ શિબિર કરવામાં આવી.

  • ગુજરાતને સ્વામી સચ્ચિદાનંદના વિચારોની તાતી જરૂરિયાત છે

    ગુજરાતને સ્વામી સચ્ચિદાનંદના વિચારોની તાતી જરૂરિયાત છે

    નીરવ જોશી, ગાંધીનગર (M-7838880134)

    થોડાક સમય પહેલા સ્વામી સચ્ચિદાનંદ વિશે એવી વાતો બહાર આવી હતી કે તેમની તબિયત નાજુક કે લથડી છે તેઓની ઉંમર હવે 90 ની આસપાસ થઈ ગઈ છે એટલે ઘણા ભક્તોમાં સ્વામી સચ્ચિદાનંદના જીવન અંગે અનિશ્ચિતતા ફેલાઈ ગઈ છે !

    કહેવાય છે કે આત્મજ્ઞાની કે શાસ્ત્રોનો કોઈ જ્ઞાની પુરુષ એના શરીર થી જીવતો નથી હોતો! પરંતુ એના આત્મિક અનુભવો અને એના આત્માના પ્રકાશથી સમગ્ર આ લોક અને પરલોકને પ્રકાશિત કરે છે.

    શું છે 20 મી સદીના દિવ્ય ચિંતન ધરાવનારા ગુજરાતના ગૌરવંતા સચિદાનંદ સ્વામીજીના અનુભવો – જે ખરેખર ગુજરાતની આજની દિશા વિહીન અને પસંદગી વગરની ગુજરાતી યુવા પેઢીને વાંચવા જોઈએ.

    મારા અનુભવો … પ્રકરણ ૧- સ્વામી સચ્ચિદાનંદજી
    “ભિખારીઓની વચ્ચે”

    તીવ્ર વૈરાગ્યની ધૂનમાં ઈ. ૧૯૫૩માં એક રાત્રે માત્ર સવા રૂપિયો
    મૂઠીમાં લઈને મેં ગૃહત્યાગ કર્યો. મૂઠીમાં એટલા માટે કે સીવેલાં કપડાં પહેરેલાં નહિ, અને સવા રૂપિયો એટલા માટે કે તેની જેટલી ટિકિટ આવે તેટલે દૂર પહોંચી જઈ પછી લક્ષ્મીનો સ્પર્શ નહિ કરવાનો નિયમ લેવો હતો. જોકે ટિકિટબારી ઉપર જ એક પરિચિત ભાઈ ઊભા હોવાથી હું ટિકિટ લઈ શક્યો નહિ. કારણ કે મેં મારી જાતે જ સાધુનો વેશ ધારણ કરી લીધો હતો, અને આવા વેશમાં જો ઓળખાઈ જાઉં તો રેલવે સ્ટેશન ઉપર જ નાટક થઈ જાય.લોકો ભેગા થઈ જાય તથા ગાડી ઊપડી જાય અને લક્ષ્ય ચૂકી જવાય. મારી સામે હવે બે જ માર્ગ હતાઃ એક તો ટિકિટ લીધા વિના જ ટ્રેનમાં બેસી જવાનો અને બીજો સવારની બીજી ગાડી આવે ત્યાં સુધી ઘેર પાછા ફરવાનો.

    બીજો માર્ગ શક્ય ન હતો. કારણ કે છેલ્લા છ મહિનાના પ્રબળ મનોમંથન પછી મેં ઘર છોડ્યું હતું. જે કાંઈ ચીજવસ્તુઓ હતી તે મિત્રો તથા સ્નેહીઓને ભેટ આપી દીધી હતી. પૈસા માગનારાઓને પૈસા આપી દીધા હતા તથા મારા જે દેવાદારો હતા તે બધાને કહી આવ્યો હતો કે હવે મારે પૈસા લેવાના નથી, હિસાબ ચૂકતે થઈ ગયો સમજજો. મારા વ્યવહા૨થી લોકો
    સમજી ગયા હતા કે આ છોકરો હવે સાધુ થઈ જશે. પણ મેં કદી કોઈને તેવી વાત કરી ન હતી તથા કોઈએ સીધી મારી સાથે તેવી ચર્ચા પણ કરી ન હતી.

    છેલ્લા દિવસે મારા જમા પૈસાની વ્યવસ્થા કરતા બે પત્રો મેં લખ્યા હતા, જે પોસ્ટમાં નાખવા માટે મારી સાથે હતા. આ પત્રોમાં એક પત્ર જે સંસ્થામાં પૈસા જમા હતા તેના મૅનેજર ઉપર તથા બીજો પત્ર જેને એ પૈસા આપી દેવાના હતા તેના ઉપર હતો. મારી પાસેના રોકડા પૈસાનો મેં ઘરમા છૂટો ઘા કરી દીધો હતો. મારા ગયા પછી જેને લેવા હોય તે લઈ લે. માત્ર ટિકિટ પૂરતો સવા રૂપિયો જ હાથમાં લીધો હતો. શ્રીરામકૃષ્ણ પરમહંસના ઉપદેશોની મારા ઉપર તીવ્ર અસર હતી, જેમાં કાંચનકામિનીના ત્યાગની વાતો સર્વપ્રધાન હતી.

    તીવ્ર વૈરાગ્યનો અનુભવ જેને ન થયો હોય તેને આ વાત નહિ સમજાય પણ વ્યક્તિને જ્યારે તીવ્ર વૈરાગ્ય પ્રગટે છે ત્યારે સંસારનું આ સર્વાધિક આકર્ષણ (કાંચન અને કામિની) અત્યંત ત્યાજ્ય લાગે છે. ઘરનાં બારણાં ઉઘાડાં મૂકીને અંધારી રાત્રે (ત્યારે વીજળી નહોતી આવી) હું એકલો ચુપચાપ થેલામાં ચાર કપડાં લઈને સાધુનો વેશ ધારણ કરીને નીકળી પડ્યો હતો.
    મારા આનંદની કોઈ સીમા ન હતી. છેલ્લા છ મહિનાથી હું જે ઘડીની પ્રતીક્ષા કરતો હતો તે જ ઘડી આવી ગઈ હતી. આ નિશ્ચિત દિવસની તાલાવેલીમાં છેલ્લા તેર દિવસથી હું પૂરું જમી શકતો ન હતો. ચિંતા તથા ભયમાં જેમ માણસનો ખોરાક ઘટી જાય તેમ હર્ષની તાલાવેલીમાં પણ ખોરાક ઘટી જતો હોય છે.

    મને દિવસમાં ચાર વાર ખાવાની ટેવ હતી. એકવીસ વર્ષની ઉંમરે ભૂખ તો લાગે જ ને! ખરું પૂછો તો સાધુ થવામાં ખરી અડચણ આ ચાર વાર ખાવાની ટેવ હતી. મને થયા કરતું કે પછી મને ચાર વાર કોણ જમાડશે? બીજી કોઈ વસ્તુ પ્રત્યે કામના નહોતી રહી, પણ જમ્યા વિના તે ચાલતું હશે? જૈન સાધુને આવો વિચાર નથી કરવાનો હોતો, કારણ કે તેમની સુઘડ વ્યવસ્થા તેમના સુઘડ સમાજે કરી છે, પણ હિન્દુ સાધુઓ માટે ક્યાં કશી વ્યવસ્થા છે! એક તરફ ધાર્મિક સમાજ જવાબદારી વિનાનો છે તો બીજી તરફ સાધુઓ પોતે પણ ક્યાં વ્યવસ્થિત છે? તેમનામાં અસંખ્ય ભેદો તથા આચારપાલનની
    અત્યંત શિથિલતા. બધા જ પ્રકારના માણસો આમાં ભળ્યા છે એટલે જૈન સમાજ જેવી વ્યવસ્થા શક્ય નથી રહી. ત્રીજું, હિન્દુ પ્રજાનો સંઘ જ ક્યાં છે ? બધું જ વેરવિખેર. અસંખ્ય શાસ્ત્રો, અસંખ્ય દેવો અને અસંખ્ય ગુરુઓથી આક્રાન્ત પ્રજા અવ્યવસ્થા ના મેળવે તો બીજું શું મેળવે?

    ચાર વાર ખાવાની ટેવે મને વારંવાર ઢીલો પાડ્યો હતો. પણ આવી પ્રત્યેક ઢીલાશને કાઢી ફેંકે તેનું નામ તો વૈરાગ્ય કહેવાય. ભોજનચિંતા અને વૈરાગ્ય વચ્ચે છ મહિના સુધી સંઘર્ષ ચાલતો રહ્યો. ભોજનર્ચિતા ડહાપણ આપતી: ના….. નથી થવું સાધુ.. કઈ માસી ચાર વાર જમાડશે?” પણ
    પેજ ૫

    દિનપ્રતિદિન વૈરાગ્યનું જોર વધતું ગયું. છેવટે વૈરાગ્ય જીત્યો અને તેણે દૃઢ નિશ્ચય કરાવ્યો કે ભૂખે મરી જઈશ પણ હવે તો સાધુ થવું જ છે.’ કોઈ પાકી ધૂન વિના સાહસ નથી કરી શકતું, અને ધૂની માણસને લોકો ડાહ્યો નથી માનતા. જોકે આવા ધૂની માણસો જ કોઈ વાર મહાન કાર્ય કરી શકતા હોય છે. બહુ ફૂંકીફૂંકીને પગલાં ભરનારા બહુ બહુ તો સારી રીતે ઘરબાર-
    પેઢીઓ સાચવનારા થતા હોય છે. ઇતિહાસ રચનારા નહિ.

    સાધુસમાજ કે સાધુજીવનનો મને કશો જ અનુભવ ન હતો. તે એટલે સુધી કે દીક્ષા લીધા વિના સાધુનો વેશ ધારણ ના કરાય તેટલું જ્ઞાન પણ ન હતું. કેટલા સંપ્રદાયો છે તથા મારે કયા સંપ્રદાયમાં દીક્ષા લેવી છે તેનું પણ ભાન ન હતું. માત્ર તીવ્ર વૈરાગ્યની ધૂન હતી. આ ધૂને મને ગજબની શક્તિ આપી. લક્ષ્મીનો સ્પર્શ કર્યા વિના પોણા ભાગના ભારતમાં હું ત્રણ
    વર્ષ સુધી ગુરુની શોધમાં રખડતો રહ્યો, તે આ ધૂનને જ આભારી હતું. મેં ઘર છોડી દીધું હતું અને હવે પાછા ફરવાનું શક્ય ન હતું. પાછા ફરવું એ એક પ્રકારની કાયરતા કે અનિશ્ચિતતા જ હતી. પણ ત્યારે કરવું શું? પેલા ભાઈ તો ટિકિટબારીએથી ખસતા જ નથી. ગાડી તો આવી અને આ સુસવાટા કાઢતી ઊભી, હમણાં ઊપડશે અને હું ત્રિશંકુની માફક બન્ને તરફથી રહી જઈશ.

    અંતે મેં ટિકિટ વિના જ બેસી જવાનો નિર્ણય કર્યો. આદર્શો પરિસ્થિતિ સાથે બાંધછોડ કરી લેતા હોય છે. જે આવી બાંધછોડ નથી કરતા તે કાં તો દેવ થઈને પૂજાય છે, કાં તો વેદિયા થઈને હાંસીને પાત્ર બને છે.

    પ્રવેશદ્વારથી નહિ, થોડે દૂર વાડના વાયરો, જેને પહેલેથી જ જરૂરિયાતવાળા માણસો મુખ્યતઃ રેલવેના જ માણસો)એ ઊંચાનીચા કરી નાખેલા, તેમાં થઈને હું ધડકતા હૈયે એન્જિન પાસેના પ્રથમ ડબ્બામાં ચડ્યો. મને બે ભય હતાઃ એક તો હું ટિકિટ વિનાનો હતો અને બીજો, કદાચ આ ડબ્બામાં કોઈ ઓળખીતો માણસ બેઠો હોય તો?

    જેવો હું ડબ્બામાં ચડ્યો કે એક ભિખારીએ કોઈ સંત સમજીને મને હાથ જોડીને કહ્યું, “બાપજી, નમોનારાયણ!” હું ચમક્યો અને સ્વસ્થ થયો. મને પોતાને જ ભાન નહોતું કે હવે હું સંત થયો છું. (સંત જેવો દેખાઉં છું.) હું હસ્યો. મારા પોતાના જ ઉપર, અને મુઠ્ઠીમાં પકડેલો સવા રૂપિયો પેલા ભિખારીને આપી દીધો. તેને તો આનંદ થયો જ તેના કરતાં મને વધુ આનંદ
    થયો. ‘હાશ..છૂટા કાંચનથી ‘ હવે મારી પાસે ચાર વસ્ત્રો
    વાપરવાનું, એકાદ ઓઢવાનું, ગીતા વગેરે બેચાર પુસ્તકો અને એક મોટો લોટો, આ સિવાય કાંઈ ન હતું. હું અકિંચન થઈ ગયો. પોતાની ઇચ્છાથી અકિંચન થયો હતો. કોઈના દબાણથી કે લોભ-લાલચથી નહિ. એટલે અકિંચનપણાનો આનંદ રોમેરોમ ઊભરાઈ રહ્યો હતો.

    પાછળની પાટલી પર બેસવાની જગ્યા હતી. લોકોએ મને માનપૂર્વક વધુ જગ્યા કરી આપી. મેં ધીરે રહીને જોઈ લીધું. કોઈ ઓળખીતું માણસ નથી એવો નિશ્ચય થતાં શાન્તિ થઈ. પણ લોકો મને ધારી ધારીને જોવા કરતાં હતાં. કદાચ તેનું કારણ મારી નાની ઉંમર, થોડું દેખાવડું શરીર, બધાં જ નવાં વસ્ત્રો, નવો થેલો,નવો લોટો અને તરતનું જ મુંડાવેલું માથું: આ બધું લોકોના કુતૂહલ માટે કારણ થઈ શકે તેમ હતું. પણ કોઈ કાંઈ બોલ્યું નહિ.

    સુરત આવ્યું અને સાડાબાર વાગી ચૂક્યા હતા. મારે અહીં જ ઊતરવાનું હતું તથા ટાપ્ટીવેલી રેલવે લાઇને પગપાળા ચાલીને ઠેઠ પ્રયાગરાજના કુંભમાં પહોંચવાનું હતું. હું ઊતરી પડ્યો અને દ્વાર ઉપર ટિકિટ માગશે તો? એવા ભય સાથે આગળ વધ્યો. મારા આશ્ચર્ય વચ્ચે ટિકિટ લેનાર અધિકારીએ ટિકિટ
    માગવાની જગ્યાએ મને પ્રણામ કરી થોડા ખસી જઈને જગ્યા કરી આપી. આ દેશમાં આજે પણ સાધુસંતો પ્રત્યે કેટલો ભાવ છે! આટલી ઘોર અવસ્થામાં પણ આવો ભાવ ટકી રહ્યો છે.

    પ્રતીક્ષાલયમાં આવ્યો. હવે બાકીની રાત્રી સૂવું ક્યાં? કોઈ સ્થાયી માણસને પૂછ્યું, “ભાઈ અહીં નજીકમાં કોઈ ધર્મશાળા છે?” તેણે લાંબો હાથ કરીને થોડે દૂર એક ધર્મશાળા બતાવી. માણસ પાસે બે પૈસા થાય અને સાથે સાથે સદબુદ્ધિ પણ વધે તો એ પૈસામાંથી કાંઈક સારાં કામ કરતા જવાની ઇચ્છા થાય. કોઈ સંત-સાધુ કે માતા-પિતાની પ્રેરણાથી તે ધર્મશાળા બંધાવે
    અસંખ્ય માણસો તેની ધર્મશાળાનો આશરો લે અને સુખી થાય. હા, તેમાં ખોટો માણસો પણ આવે અને ખોટો ઉપયોગ પણ થાય. પણ તેથી શું? વ્યવસ્થાની ખામીથી આવું બને અથવા ઉત્તમ વ્યવસ્થા હોય તોપણ કેટલાક અંશમાં આવું થવા જ કરવાનું, દુરુપયોગના બે ટકા આગળ કરીને જે લોકો
    પ્રત્યેક કાર્યને કમખોડે છે, તે કદી સારાં કામો નથી કરી શકતા. અગ્નિમાં ધુમાડો હોય તેમ પ્રત્યેક સત્કર્મમાં પણ કંઈક દોષ તો રહેવાનો જ. કામો કરવાં હોય તેણે બે-પાંચ ટકાવાળી ઉધાર બાજુ જોયા કરવાની નહિ, પંચાણું ટકાવાળી જમા બાજુ જોવાની.(સંકલન/ ટાઈપીંગઃ હસમુખ ગોહીલ)

    હું પેલી ધર્મશાળાએ પહોંચ્યો. એ ધર્મશાળા હતી? એ તો એક લાંબું ભંગાર અને ગંધાતું પડાળિયું હતું. બારણાં વિનાનું, વ્યવસ્થાપક વિનાનું, આખા શહેરના ભિખારીઓના આશ્રયસ્થાન સમું એ નરકાગાર હતું. આપણાં શહેરો
    (તેમાં પણ જૂનું સુરત) આમેય ગંધાતાં હોય છે, તેમાં પણ આવાં ભિક્ષુકગૃહોની તો વાત જ શી કરવી?

    એક વાર તો પાછા વળી જવાની ઇચ્છા થઈ, પણ પાછા વળીને અત્યારે રાતના એક વાગ્યે ક્યાં જવું? ક્ષણભર નાક દબાવી દીધેલું તે છોડી દીધું અને હસીને આ પડાળિયાને રાજમહેલ માની લેવા સમજણને સાથ દેવા નિમંત્રણ આપ્યું, ખરેખર સમજણ આવી પહોંચી અને ક્ષળવારમાં સ્વસ્થતા પ્રાપ્ત થઈ. વીર સાવરકરને કાળાપાણીની કેદમાં લઈ જતી વખતે સ્ટીમરના સંડાસ પાસે જકડી બાંધી રાખ્યા હતા. છેક આંદામાન સુધી તે ભયંકર દુર્ગંધ સહતા રહ્યા.

    ભિખારીઓની વચ્ચે સુવાય એટલી જગ્યા ખાલી હતી. ત્યાં થોડી સ્વચ્છતા કરી મેં લંબાવ્યું. માંકડ-મચ્છર, ચાંચડ, દુર્ગંધની સાથે ભિક્ષુકોની ટાઢે ઠરવાની બૂમો, વ્યર્થની ગાળો, બીડીઓના ધુમાડા આ સાથે ગૃહત્યાગની પ્રથમ રાત્રી વિતાવવા હું શેતરંજી પાથરીને સૂતો હતો. સારું થયું કે રાત હતી અને મારા આવવાની નોંધ લેવા રડયાખડ્યા ભિક્ષુકો સિવાય કોઈ જાગતું ન હતું. દૂર માર્ગ પરની નગરપાલિકાની બત્તીનું અજવાળું આ પડાળિયાને થોડું અજવાળું પૂરું પાડતું હતું, એટલે મારા તરફ ખાસ કોઈનું ધ્યાન પણ ના ગયું અને આમેય અહીં કોણ કોની પ્રતીક્ષા કરતું આંખો બિછાવીને રાતના એક વાગ્યે ટગર-ટગર જોયા કરતું હોય!

    હું સૂતો તો ખરો પણ તરત જ અનુભવ થયો કે ઓઢવાનું ઘણું ઓછું છે. ટાઢ વાઈ રહી છે, પણ હવે શું થાય? ઘેરથી થોડું વધારે લીધું હોત તો? એક વિચાર આવ્યો અને હસી પડ્યો. મનોમન બોલ્યોઃ “ઘર જ ના છોડવું હોત તો ?” કવિ પ્રીતમની પંક્તિઓ યાદ આવીઃ

    હરિનો મારગ છે શૂરાનો, નહીં કાયરનું કામ જો ને,
    પરથમ પહેલું મસ્તક મૂકી વરતી લેવું નામ જો ને.

    મેં આંખો મીંચી ઊંઘવા પ્રયત્ન કર્યો, પણ ઊંઘ ન આવી, એટલું જ નહિ, તેર દિવસની ભેગી થયેલી ભૂખે એકીસાથે આક્રમણ કર્યું. જેની તાલાવેલી હતી તે પ્રાપ્ત થઈ ગયું હતું.એટલે હવે પેટ પણ કકળાટ કરવા માંડયું પણ
    હવે જમવાનું ક્યાં હતું? જમવાનું હતું ત્યારે જમાતું ન હતું અને હવે જ્યારે પાસે પૈસોય નથી રહેવા દીધો ત્યારે પેટ કકળાટ કરી રહ્યું છે! માંકડ-ચાંચડ-મચ્છર પણ કદાચ નવી વાનગી સમજીને એકીસાથે મારા ઉપર તૂટી પડ્યાં. ટાઢ કહે કે મારું કામ. ટાવરના ટકોરા ગણતાં ગણતાં અને શરીરને વલૂરતાં વલૂરતાં મેં ચાર વગાડી દીધા. શારીરિક દુઃખનાં તો બધાં જ
    કારણો ઊભાં થયાં હતાં, તોપણ મનમાં ગૃહત્યાગના હર્ષના હિલોળા લેવાઈ રહ્યા હતા. હજી આ તો પ્રથમ દિવસ છે. આગળ શું થશે તેની કલ્પના જ કરવાની હતી. પણ હવે મને ભય કે ચિંતા ન હતાં. પરમાત્મા પ્રત્યેની અતૂટ શ્રદ્ધા તથા અંતે મરી જવાની તૈયારી મારા અંતરને આહ્લાદ આપી રહ્યાં હતાં.
    ચાર વાગ્યે હું ઊઠી ગયો. ભિક્ષુકોમાં કેટલાક આખી રાત જાગતા રહ્યા હતા, કારણ કે તેમની પાસે ઓઢવાનું જ નહોતું. કેટલાક વિક્ષિપ્ત મસ્તિષ્કવાળા હતા, કેટલાક મુસીબતના માર્યા અહીં ધકેલાઈ ગયા હતા. સૌ-સૌનો જુદો ઇતિહાસ હતો. દુનિયાને આમની ક્યાં પડી છે? કોઈ સખી-દાતાર કાણાવાળો
    પૈસો ફેંકીને તેમની બેડોળ અને ગંધાતી આકૃતિથી મુક્ત થઈ જતો. કોઈ અન્નપૂર્ણાની આવૃત્તિસમી નારી વધ્યું-ઘટ્યું, એઠું-જૂઠ્ઠુ આના ઠીકરામાં ફેંકીને ધન્ય થઈ જતી. સૌની ઘૃણા, સૌનો ફિટકાર અને સૌના અણગમા વચ્ચે પણ આ જીવી રહ્યા હતા. સારું થજો આ બારણા વિનાની તથા મૅનેજર વિનાની
    ધર્મશાળા બંધાવનારનું, જેણે આ અભિશપ્તોને રાત કાઢવા જગ્યા આપી.જો આ ધર્મશાળાને બારણાં હોત અને મૅનેજર હોત તો અહીં ચમચમતી બૅગોવાળા શ્રીમંતો જ ઊતર્યાં હોત. વાંકી કમ્મરવાળો અને બક્ષિસની મોટી આશાવાળો મૅનેજર તેમની ચારે તરફ જીહજૂરી કરતો હોત. સાચા અર્થમાં
    એ ધર્મશાળા ધર્મશાળા ન રહેતાં શ્રીમંતોને ઊતરવાની લૉજ થઈ ગઈ હોત. ધર્મશાળાવાળાનો મનોમન ખૂબ આભાર માનીને ભિક્ષુકો પ્રત્યેનું લાગણી-ધન લઈને હું સ્નાન કરવા સ્ટેશને પહોંચી ગયો.(સંકલન/ ટાઈપીંગઃ હસમુખ ગોહીલ)

    આજે પણ ભિક્ષુકોનો બહુ મોટો પ્રશ્ન આપણી સામે છે. લાખ્ખોની સંખ્યામાં આ લોકો ભારતના ખૂણેખૂણે ફરી વળ્યા છે. તીર્થો, મંદિરો, પવિત્ર નદીઓ વગેરે સ્થળોએ તેમની ભીડ અવ્યવસ્થા, ગંદકી, જુગુપ્સા તથા રોગચાળો વધારવાનું કામ કરે છે. આમાં કેટલાંક અનિષ્ટો પણ પેસી ગયાં છે, કેટલાંક સશક્ત માણસો પણ આ માર્ગે જીવી રહ્યાં છે. સીનાજોરી અને
    દાદાગીરી કરનારા પણ આમાં છે. તોપણ મારા મનમાં આ લોકો પ્રત્યે આજે પણ લાગણી છે. હું વિચારું છું એમને જીવનમાં શું મળ્યું છે? એમની પાસે ઘર નથી, નોકરીધંધો નથી, બેંક-બૅલેન્સ નથી, કશું જ નથી. શરીરની કે પછી સ્વભાવની લાચારીએ તેમને ભિખારી બનાવી દીધા છે. એક ટુકડો રોટીની
    એ અપેક્ષા રાખે છે, મોટા ભાગે આ ટુકડો શ્રીમંતોને ત્યાંથી નહિ, ગરીબોને ત્યાંથી તેને મળતો હોય છે. ઉપર આકાશ અને નીચે ધરતી સિવાય તેમની પાસે શું છે? તે કાંઈ દેવો નથી કે આપણે તેમની પાસે ઉત્તમ સ્વભાવ કે જીવનની અપેક્ષા રાખી શકીએ. તેમનામાં અનેક દોષો છે. દોષો તો આપણામાંય ક્યાં નથી? પણ દોષોનું ઢાંકણ પૈસો છે. ગમે તેવા દોષોને પણ
    પૈસો ઢાંકી શકે છે. આપણે આપણા દોષોને પૈસાથી ઢાંકી શકીએ છીએ. પેલા પાસે પૈસાનું ઢાંકણ નથી એટલે તેમના નાના દોષો પણ મોટા દેખાય છે.(સંકલન/ ટાઈપીંગઃ હસમુખ ગોહીલ)

    બાર કરોડ રૂપિયાની ગાયની ચરબી વેજિટેબલ ઘીમાં ભેળવી દેનાર પેલા શ્રીમંત શેઠ કરતાં આ ખોટ નથી. દેશનાં ગુપ્ત રહસ્યોને પરદેશીઓને વેચી મારનાર વ્યક્તિઓ કરતાં પણ આ ખોટાં નથી. લાંચ-રુશવત લઈને લાલચોળ થયેલા ઑફિસરો અને પરલોક સુધારી આપવાના ઇજારદાર, સોના-
    ચાંદીની ચાખડીઓવાળા કરતાં પણ આ ખોટા નથી.

    અમેરિકાના એક ટી.વી. ઇન્ટરવ્યૂમાં મને ભારતના ભિક્ષુકો વિશે પૂછેલું. મેં જવાબ આપેલો: જો તમારો દેશ આજે તમામ પ્રકારની વેલ્ફેર સહાય બંધ કરી દે તો કરોડો માણસો પગ ઘસીને મરી જાય. સામાજિક સહાયતાની જવાબદારી સરકારે લીધી હોવાથી બેકારી ભથ્થું કે વૃદ્ધાવસ્થાનું ભથ્થું કે અન્ય
    કોઈ ભથ્થું અહીં લોકો મેળવે છે ને જીવે છે. અમારે ત્યાં આવું કોઈ ભથ્થું નથી આપતું. છતાં લોકો જીવે છે. કારણ કે ગરીબ પ્રજા પોતાના ટુકડામાંથી ટુકડો આપીને આ અભિશપ્ત હતભાગી પ્રજાને જિવાડે છે.

    ભિખારીઓના પ્રશ્નને સમજવા, કદાચ લાગણી પ્રગટાવવા પરમાત્માએ મને સર્વપ્રથમ આ અનુભવ કરાવ્યો હશે.

    સુરૂ હોતા હૈ ઈન્સાં ઠોકરેં ખાને કે બાદ,
    રંગ લાતી હૈ હિના પત્થર પે પીસ જાને કે બાદ.

    -સ્વામી સચ્ચિદાનંદજી

  • સાબરકાંઠા અને બનાસકાંઠામાં મતગણતરીને લઈને તંત્ર સુસજજ કરાયું

    સાબરકાંઠા અને બનાસકાંઠામાં મતગણતરીને લઈને તંત્ર સુસજજ કરાયું

    સંકલન:  નીરવ જોશી, હિંમતનગર (M-7838880134)

    ઉત્તર ગુજરાતના લોકસભાના બે મહત્વના જિલ્લાઓ જેમાં સાબરકાંઠા અને બનાસકાંઠા નો સમાવેશ થાય છે તેમાં કેવા પરિણામો રહેશે તે અંગે સમગ્ર ગુજરાત ની નજર મંડાયેલી છે …. ત્યારે આ બંને જિલ્લાના વહીવટ તંત્રએ મતગણતરી માટે કેવી તૈયારી કરી છે તે અંગે એક રસપ્રદ અહેવાલ.

    લોકસભા સામાન્ય ચૂંટણી-૨૦૨૪માં મતગણતરી કેંદ્રની ૧૦૦ મીટરની ત્રિજ્યામાં મોબાઇલ સહિતના આધુનિક સંદેશા વ્યવહારના સાધનો પર પ્રતિબંધ

    ***********

    ભારતના ચૂંટણી પંચ ધ્વારા લોકસભાની સામાન્ય ચૂંટણી-૨૦૨૪ નો ચૂંટણી કાર્યક્રમ જાહેર થયેલ છે. તે મુજબ સાબરકાંઠા જિલ્લામાં લોકસભા સામાન્ય ચૂંટણીનું મતદાન તા.૦૭/૦૫/૨૦૨૪ના રોજ નિયત કરવામાં આવેલ છે તથા મતગણતરી તા.૦૪/૦૬/૨૦૨૪ના રોજ હાથ ધરાનાર છે. સાબરકાંઠા જિલ્લામાં તા. ૦૪/૦૬/૨૦૨૪ ના રોજ પોલીટેકનીક કોલેજ,મોતીપુરા  હિંમતનગર ખાતે મતગણતરી થનાર છે. મતગણતરીના દિવસે સવારે ૭.૦૦ કલાકથી મતગણતરી પુરી ન થાય ત્યા સુધી મતગણતરી પ્રક્રિયામાં કોઇ ખલેલ ન પહોચે,મુકત, ન્યાયી અને નિષ્પક્ષ રીતે મતગણતરી થઈ શકે તે માટે કાયદો અને વ્યવસ્થા જાળવી રાખવા ખુબ જ જરૂરી હોઇ મતગણતરી કેંદ્રની અંદર તથા મતગણતરી કેંદ્રની આજુબાજુના વિસ્તારમાં અમુક કૃત્યો કરવા ઉપર પ્રતિબંધ ફરમાવવો જરૂરી જણાય છે.

          શ્રી નૈમેષ દવે(આઇ.એ.એસ) જિલ્લા મેજીસ્ટ્રેટશ્રી, સાબરકાંઠાને ફોજદારી કાર્યરીતિ અધિનિયમ-૧૯૭૩ ની કલમ-૧૪૪ થી મળેલ સત્તાની રૂએ ચૂંટણી સંદર્ભે સાબરકાંઠા જિલ્લાના મતગણતરી કેંદ્રો તથા તેની આજુબાજુ ૧૦૦ મીટરની ત્રિજ્યાના વિસ્તારમાં તા.૪/૬/૨૦૨૪ ના રોજ સવારના ૦૭.૦૦ કલાકથી મતગણતરીની કામગીરી પુર્ણ ન થાય ત્યાં સુધી પ્રતિબંધીત હુકમો ફરમાયા છે.

    ૧) મતગણતરી કેન્દ્ર ઉપર કે તેની ૧૦૦ મીટરની ત્રિજયાના વિસ્તારમાં કોઈપણ મોબાઈલ ફોન, સેલ્યુલર ફોન, પેજર, કોર્ડલેસ ફોન, વાયરલેસસેટ/ વોકીટોકી સેટ અને અન્ય વિજાણું સંદેશા વ્યવહારના સાધનો લઈ જઈ શકશે નહીં કે તેનો ઉપયોગ પણ કરી શકશે નહીં.

    (૨) મતગણતરી કેન્દ્રમાં કે તેની આજુબાજુ ૧૦૦ મીટની ત્રિજયામાં કોઈપણ વ્યકિત વાહનો સાથે આવી શકશે નહી.

    (૩) મતગણતરી કેન્દ્રમાં ઉમેદવાર, ઉમેદવારના ચૂંટણી એજન્ટ/ મતગણતરી એજન્ટ, મતગણતરીની કામગીરી સાથે સંકળાયેલ અધિકારીશ્રી/ કર્મચારીશ્રી તથા ચૂંટણી પંચે અધિકૃત કરેલ વ્યકિત સિવાયની વ્યકિત પ્રવેશ કરી શકશે નહીં.

    (૪) મતગણતરી કેન્દ્રમાં કોઈપણ વ્યકિત રાજકીય પક્ષના પ્રતિકો કે ઉમેદવારોના પ્રતિકો કે કોઈ નિશાનીઓ લાવી શકશે નહીં.

    આ હુકમમાં નીચે મુજબ અપવાદ છે.

    ભારતના ચૂંટણી પંચ/ રાજય ચૂંટણી આયોગ દ્વારા નિમાયેલા નિરીક્ષકશ્રી, અધિક જિલ્લા મેજીસ્ટ્રેટશ્રી, ચૂંટણી અધિકારીશ્રી, મદદનીશ ચૂંટણી અધિકારીશ્રી, વધારાના ચૂંટણી અધિકારીશ્રી ચૂંટણી અધિકારીશ્રી મુદ્દા નં.-(૧)માં જણાવેલ ઉપકરણ મતગણતરી કેન્દ્ર સુધી લઈ જઈ શકશે, પરંતુ મતગણતરી હોલમાં જવાના પ્રસંગે આવું ઉપકરણ સાઈલન્ટ મોડમાં રાખવાનું રહેશે.

    (૨) કાયદો અને વ્યવસ્થાના ઈન્ચાર્જ અધિકારીઓ તથા સુરક્ષા કર્મચારીઓ સલામતીની દ્રષ્ટિએ જરૂરી હોય તેવા મુદ્દા નં.-(૧) માં જણાવેલ ઉપકરણ મતગણતરી કેન્દ્ર સુધી લઈ જઈ શકશે., પરંતુ મતગણતરી હોલમાં આવું કોઈ ઉપકરણ લઈ જઈ શકાશે નહીં.

    (૩) અધિક જિલ્લા મેજીસ્ટ્રેટશ્રી/ ચૂંટણી અધિકારીશ્રી દ્વારા વાહન પરમીટ આપેલ વાહનો મતગણતરી કેન્દ્રના પોર્ચ સુધી લાવી શકાશે.

    (૪) મતગણતરી માટે નિમણૂક આપેલ અધિકારીશ્રીઓ/ કર્મચારીશ્રીઓને લઈને આવતું વાહન પાર્કીંગ એરીયા સુધી લાવી શકાશે.

    (૫) ઉમેદવાર, ઉમેદવારના ચૂંટણી એજન્ટ/ મતગણતરી એજન્ટ પોતાનું વાહન ચૂંટણી અધિકારીશ્રીએ તે માટે નકકી કરેલ એરીયા સુધી લાવી શકશે.

    આ આદેશનો ભંગ કરી જો કોઈ વ્યક્તિ પાસે મોબાઈલ ફોન, સેલ્યુલર ફોન, પેજર, કોર્ડલેસ ફોન, વાયરલેસસેટ/ વોકીટોકી સેટ અને અન્ય વિજાણું સંદેશા વ્યવહારના સાધનો મળી આવશે તો અથવા પ્રતિબંધીત વિસ્તારમાં કોઈ વાહન પ્રવેશ કરશે તો સ્થળ પરના સુરક્ષા અધિકારી કર્મચારીશ્રીનું આવુ વાહન જપ્ત કરી શકાશે. આ આદેશનો ભંગ કરનાર વ્યક્તિને ભારતીય દંડ સંહિતાની કલમ-૧૮૮ હેઠળ સજાને પાત્ર થશે.

     

     

    बनासकांठा

    બનાસકાંઠામાં કેવી છે ચૂંટણી ના પરિણામોને લઈને તંત્રની તૈયારીઓ.

    *બનાસકાંઠા જિલ્લા ચૂંટણીતંત્ર દ્વારા તમામ તૈયારીઓને અપાયો આખરી ઓપ*

    *બનાસકાંઠા લોકસભા સીટની 23 રાઉન્ડમાં હાથ ધરાશે મતગણતરી*

    લોકસભા સામાન્‍ય ચૂંટણી-૨૦૨૪ માં ૦૨- બનાસકાંઠા બેઠકની મતગણતરી એન્જીનિયરિંગ કોલેજ, જગાણા ખાતે તા.૦૪/૦૬/૨૦૨૪ ના રોજ સવારે ૮-૦૦ વાગ્‍યાથી શરૂ થશે. બનાસકાંઠા લોકસભામાં સમાવિષ્ટ સાત વિધાનસભા મત વિસ્‍તાર મુજબ અલગ-અલગ ટેબલ/હોલમાં કુલ ૨૩ રાઉન્‍ડમાં મતગણતરી યોજાશે.જેમાં કુલ કુલ ૧૩,૬૫,૯૮૯ ઇ.વી.એમના મતો અને ૧૧, ૪૭૫ પોસ્ટલ બેલેટની મતગણતરી થશે.

    બનાસકાંઠા લોકસભા બેઠકમાં સમાવિષ્‍ટ સાત વિધાનસભા મતદાર વિભાગ મુજબ અલગ-અલગ રૂમમાં ૧૪ ટેબલની વ્‍યવસ્‍થા કરવામાં આવી છે. દરેક ટેબલ ઉપર એક મતગણતરી સુપરવાઇઝર, એક માઇક્રોઓબ્‍ઝર્વર અને એક મતગણતરી સહાયક રહેશે. મતગણતરીની કામગીરી સુપેરે પાર પડે તે માટે બનાસકાંઠા જિલ્લા ચૂંટણીતંત્ર દ્વારા તમામ તૈયારીઓને આખરી ઓપ આપવામાં આવ્યો છે. મતગણતરી માટે કુલ ૮૬૨ થી વધુ અધિકારી/ કર્મચારીઓ ફરજ બજાવશે.

    *જિલ્લા પોલીસ તંત્ર દ્વારા મતગણતરી કેન્દ્ર પર ચુસ્ત બંદોબસ્ત*

    જિલ્લા પોલીસ અધિક્ષકશ્રી અક્ષયરાજ મકવાણાના માર્ગદર્શન અને સૂચના હેઠળ જિલ્લા પોલીસતંત્ર ખડેપગે મતગણતરી કેન્દ્રમાં ફરજ બજાવશે. જિલ્લા પોલીસ અધિક્ષકશ્રી સહિત 3 DYSP, 7 PI, 37 PSI, 337 પોલીસ સ્ટાફ, 92 મહિલા પોલીસ કર્મચારીઓ અને 12 ઘોડેસવાર પોલીસ જવાનો સમગ્ર મતગણતરી કેન્દ્રની સુરક્ષામાં ખડેપગે ફરજ નિભાવશે.

     

    *મતગણતરી સંદર્ભે નીચેની બાબતો ધ્યાને લેવા પત્રકારમિત્રોને વિનંતી છે* :-

    મતગણતરીનાં વિઝ્યુઅલ અને ફોટોગ્રાફ માહિતી ખાતા દ્વારા આપવામાં આવશે. આમ છતાં પોતાનાં કેમેરામાં વિઝ્યુઅલ કે ફોટોગ્રાફ લેવા માંગતા પત્રકારમિત્રોએ મીડિયા રૂમમાં મોબાઇલ ફોન જમા કરાવવાનાં રહેશે. માહિતી ખાતાનાં કર્મચારીઓ તેમને ટર્ન બાય ટર્ન મતગણતરી કેન્દ્ર સુધી લઇ જશે. મતગણતરી રૂમમાં નિયત લાઇનમાં રહી વીડિયોગ્રાફી/ફોટોગ્રાફી કરવાની રહેશે.

    આ ઉપરાંત નીચેની બાબતો પણ ધ્યાને લેવા વિનંતી છે.

    ૧.) કાઉન્ટીંગ સેન્ટર પર મીડિયા રૂમમાં જ તમામ મીડિયા પર્સન મોબાઈલનો ઉપયોગ કરી શકશે. તેની બહાર મોબાઈલનો ઉપયોગ પ્રતિબંધિત રહેશે.

    ૨.) ફક્ત ECI દ્વારા અધિકૃત પાસ હોલ્ડરને જ હેન્ડીકેમ કેમેરા સાથે પ્રવેશવાની મંજુરી આપવામાં આવેલ છે.

    ૩.) વિડીયો શુટિંગ કરવા માટે મોબાઈલનો ઉપયોગ કરી શકાશે નહિ તેમજ વિડીયો કવરેજ માટે ફક્ત હેન્ડીકેમનો ઉપયોગ કરી શકાશે. કોઈપણ પ્રકારના ટ્રાયપોડ કે કેમેરા સ્ટેન્ડનો ઉપયોગ કરી શકાશે નહિ.

    ૪.) વિડીયો કવરેજ માટે હેન્ડીકેમ કેમેરા સિવાય અન્ય કોઈપણ પ્રકારના કેમેરા કે અન્ય કોઈપણ પ્રકારના ગેજેટનો ઉપયોગ કાઉન્ટીંગ હોલની અંદર પ્રતિબંધિત છે.

    વધુમાં વિડીયો કવરેજ માટે કાઉન્ટીંગ હોલની અંદર નિયત કરેલ પ્રેસ મીડિયા લાઈનની મર્યાદામાં રહીને વિડીયો કવરેજ કરી શકાશે. કોઈપણ સંજોગોમાં EVM અથવા બેલેટ પેપર પર નોંધાયેલ મતની ફોટોગ્રાફી અથવા વિડીયોગ્રાફી પ્રતિબંધિત છે.

    *સહકારની અપેક્ષા સહ…*
    *જિલ્લા માહિતી કચેરી, બનાસકાંઠા

  • રાજકોટ:અગ્નિકાંડમાં ભોગ બનેલાના પીડીતો માટે CPI-Mએ ન્યાયની માગણી કરી

    રાજકોટ:અગ્નિકાંડમાં ભોગ બનેલાના પીડીતો માટે CPI-Mએ ન્યાયની માગણી કરી

    નીરવ જોશી ,હિંમતનગર (M-7838880134)

    તારીખ : ૩૦/૫/૨૦૨૪

    રાજકોટ ખાતે ગેમઝોન માં બનેલ દુર્ઘટના માં નિર્દોષ 30 લોકો બાળકો મૃત્યુ પામ્યા છે . સદર ગેમ ઝોનમાં ફાયર સેફટીના કોઈ સાધનો નહોતા અને સંબંધીત અધિકારીઓની રહેમ નજર અને ભ્રષ્ટાચારી રીત રસમની બલિહારી ને લીધે કોઈપણ પ્રકારની મંજૂરી વગર ત્રણ વર્ષથી , અને ગેરકાયદેસર ચાલતા ગેમ જોન એ નિર્દોષ લોકો અને બાળકોને લીધો છે .
    ભારતનો સામ્યવાદી પક્ષ માર્ગ ( માર્ક્સવાદી ) સીપીએમ સાબરકાંઠા જિલ્લા સમિતી માન. મુખ્યમંત્રીશ્રીને આપના દ્વારા આવેદનપત્ર આપી માંગ કરે છે કે
    – નામદાર હાઇકોર્ટના સીટિંગ જજની અધ્યક્ષતામાં તપાસ સમિતિ રચવામાં આવે .

    – ભોગ બનેલ તમામને માથા દીઠ 25/લાખ રૂપિયા ની સહાય કરવામાં આવે .