AVS POST

કેટેગરી મહત્વના સમાચાર

  • દેશની પ્રથમ આદિવાસી મહિલા ભારતની રાષ્ટ્રપતિ બની

    દેશની પ્રથમ આદિવાસી મહિલા ભારતની રાષ્ટ્રપતિ બની

    નિરવ જોશી, હિંમતનગર (M-7838880134)

    દેશના 15 માં રાષ્ટ્રપતિ તરીકે આદિવાસી સમાજના મહિલા દ્રોપદી મુરમુ ની પસંદગી થઈ છે. ખાસ કરીને જે રીતે ભાજપ વડે દેશની સર્વપ્રથમ આદિવાસી મહિલાને રાષ્ટ્રપતિ બનાવવાનો પ્લાન થયો એને શરૂઆતથી જ ઘણું મોટું પાયે આવકાર મળ્યો, ના કેવલ ભાજપના સાથી પક્ષો વડે પરંતુ વિપક્ષમાં પણ આદિવાસી મહિલાને સર્વ પ્રથમ રાષ્ટ્રપતિ બનાવવાની અપીલ ઘણી કામ કરી ગઈ,બીજું એ કે દ્રૌપદી મોરમુ સૌથી વધારે સમય દલિત મહિલા નેતા તરીકે પણ ભારતીય રાજકારણમાં જાણીતા થયા છે, તેઓ ઓરિસ્સામાં ને રાજકીય નેતા તેમજ મિનિસ્ટર પણ રહ્યા છે અને ઝારખંડમાં ગવર્નર તરીકે પણ રહી ચૂક્યા છે. તેઓ ઓરિસ્સાના ગરીબ આદિવાસી સમાજમાંથી આવે છે. તેમણે અત્યંત ગરીબાઈમાં પોતાનું જીવન વિતાવ્યું હતું અને તેમના રાજ્યમાં તેમના ગામમાં તેઓ સર્વપ્રથમ ગ્રેજ્યુએશન કરનારા મહિલા હતા. આ ઉપરાંત બીજા પણ કેટલાક સર્વપ્રથમ રહેનારા આદિવાસી મહિલા તરીકે તેમને ઓળખ -આગવી ઓળખ મેળવી હતી.

    આજે દ્રોપદીના દિલ્લી ખાતેના નિવાસ સ્થાને અનેક રાજ્યોના કલાકારો આવીને ભારે ઉત્સાહથી દ્રોપદીના રાષ્ટ્રપતિ બનવાના પ્રસંગ પર રંગારંગ કાર્યક્રમ કર્યો હતો. સાંસ્કૃતિક કાર્યક્રમો  કરવામાં આવ્યા હતા અને વડાપ્રધાન મોદીએ દ્રૌપદી મૂરમુના ઘરે જઈને બુકે આપી અને તેમને ખૂબ ખૂબ અભિનંદન આપ્યા હતા… બીજા અન્ય નેતાઓ પણ તેમના નિવાસ્થાને જઈને અભિનંદન આપી રહ્યા છે.આમ દ્રોપદી મોરમુ કેવળ સત્તાધારી પક્ષ નહીં પરંતુ વિપક્ષમાં પણ ખૂબ જ મોટા પાયે નેતાઓનું સમર્થન મેળવીને ખૂબ જ લોકપ્રિય રાષ્ટ્રપતિ બનશે તેવી આશા સેવાઈ રહી છે.

  • બાગાયત ખાતા દ્વારા દિવ્યાઞો/ મહિલાઓ માટે અર્બન ડેવલોપમેન્ટ અંગેની તાલીમ યોજાઈ

    બાગાયત ખાતા દ્વારા દિવ્યાઞો/ મહિલાઓ માટે અર્બન ડેવલોપમેન્ટ અંગેની તાલીમ યોજાઈ

    નીરવ જોશી, હિંમતનગર (M-7838880134)

    હિંમતનગર ખાતે  બાગાયત ખાતા દ્વારા બહેનો માટે અર્બન ડેવલોપમેન્ટ અંગેની તાલીમ યોજાઈ

    સાબરકાંઠા જિલ્લામાં હિંમતનગરના  ઉમિયા મંદિર ખાતે જિલ્લા બાગાયત કચેરી દ્વારા હિંમતનગર શહેરી વિસ્તારની બહેનો માટે અર્બન હોર્ટીકલચર  ડેવલોપમેન્ટ અંગેની એક દિવસય તાલીમનું આયોજન કરાયુ હતુ. આ કાર્યક્રમમાં શહેરી બહેનોને ઘર આંગણે કિચન ગાર્ડન દ્વારા વાવેતર કરવામાં આવતા વિવિધ શાકભાજી પાકો, ફળપાકો, ફુલપાકો, ઔષધિય પાકોના વાવેતર અંગેની સમજ આપવામાં આવી હતી.  તેમજ પાકોના વાવેતરમાં આવતા રોગ,જીવાત અને તેને સાચવવાની થતી વિવિધ કાળજી અંગે પ્રેઝન્ટેશન રજૂ કરવામાં આવ્યું હતુ. આ એક દિવસીય તાલીમમાં મદદનીશ બાગાયત નિયામક જે. એમ.પટેલ દ્વારા શહેરી વિસ્તારની બહેનોને અર્બન હોર્ટીકલચર  ડેવલોપમેન્ટ અંગેનું માર્ગદર્શન આપવામાં આવ્યું હતુ.

     

     આ કાર્યક્રમમાં આવેલ બહેનોને કિચન ગાર્ડનની શરૂઆત કરી શકે તે માટે કચેરી દ્વારા કુંડા તેમજ વિવિધ શાકભાજી પાકોના બિયારણ વિતરણ કરવામાં આવ્યા હતા.

    આ કાર્યક્રમમાં બાગાયત અધિકારી શ્રી એ.વી .ગઢવી, અગ્રણી ડો.ચીમનભાઈ પટેલ, પ્રેમીલાબેન પટેલ તેમજ વિવિધ તાલુકાના બાગાયત અધિકારીઓ ઉપસ્થિત રહી કાર્યક્રમને સફળ બનાવ્યો હતો.

    બાગાયત ખાતા દ્વારા હિંમતનગર ખાતે દિવ્યાઞો માટે અર્બન ડેવલોપમેન્ટ અંગેની તાલીમ યોજાઈ

    તારીખ ૧૬/૦૭/૨૦૨૨ના રોજ જલારામ મંદિર હિંમતનગર ખાતે નાયબ બાગાયત નિયામકશ્રી ની કચેરી દ્વારા હિંમતનગર શહેરી વિસ્તારના દિવ્યાઞ બહેનો અને ભાઈઓ માટે અર્બન હોર્ટીકલચર ડેવલોપમેન્ટ અંગેની એક દિવસે તાલીમનું આયોજન કરવામાં આવેલ. આ કાર્યક્રમમાં શહેરી બહેનો અને ભાઈઓએ ઘર આંગણે કિચન ગાર્ડન દ્વારા વાવેતર કરવામાં આવતા વિવિધ શાકભાજી પાકો, ફળપાકો, ફુલપાકો, ઔષધિય પાકોના વાવેતર અંગેની તેમજ તેમાં આવતા રોગ જીવાત અને તેની રાખવાની થતી વિવિધ કાળજી અંગે પ્રેઝન્ટેશન દ્વારા જે એમ પટેલ, મદદનીશ બાગાયત નિયામક દ્વારા માર્ગદર્શન આપવામાં આવેલ. આ કાર્યક્રમમાં કચેરી દ્વારા આવેલ બહેનો અને ભાઈઓને કિચન ગાર્ડનની શરૂઆત કરી શકે તે માટે બે કુડા તેમજ 10 પ્રકારના વિવિધ શાકભાજી પાકોના બિયારણ અને ટમેટા, મરચાં અને રીંગણ જેવા પાકોના ધરું વિતરણ કરવામાં આવેલ હતા. આ કાર્યક્રમમાં શ્રી જીગર પટેલ મદદનીશ બાગાયત નિયામક,શ્રી એ.વી .ગઢવી બાગાયત અધિકારી તેમજ વિવિધ તાલુકાના બાગાયત અધિકારી ઉપરાંત કૃતિકા બેન પટેલ, શી & વી સંસ્થા અમદાવાદ, જઞદીશભાઈ ઉપસ્થિત રહી અને કાર્યક્રમને સફળ બનાવ્યો હતો

  • સાબરકાંઠાની બેંક સખી દ્વારા કલેક્ટર તેમજ ડીડીઓ ખાતે સમસ્યાઓની રજૂઆત કરવામાં આવી

    સાબરકાંઠાની બેંક સખી દ્વારા કલેક્ટર તેમજ ડીડીઓ ખાતે સમસ્યાઓની રજૂઆત કરવામાં આવી

    નીરવ જોશી, હિંમતનગર ( M-783888034)

    આજરોજ હિંમતનગર ખાતે સાબરકાંઠાની બેંક સખી દ્વારા કલેક્ટર કચેરી ખાતે રજૂઆત કરવામાં આવી હતી. આ રજૂઆતના મુદ્દાઓ આ પ્રમાણે છે…

    ખાસ કરીને આ બહેનોએ જે વાસ્તવિક કોરોના કારણે બે વર્ષમાં પરિસ્થિતિ ઉદ્ભવી છે અને એના વડે જે સમસ્યાઓ વ્યવહારિક સ્તરે ઉકેલવી જોઈએ એ પ્રમાણે કાર્ય નથી થયું તે અંગે પોતાનું આક્રોશ અને મનનો ગુસ્સો ઠાલવતા મીડિયા સમક્ષ જણાવ્યું કે અમે બધી સાબરકાંઠાની બેંક સખી મંડળની મહિલાઓને જે પ્રમાણે મહેનતાણું ચુકવવું જોઈએ તે પ્રમાણે ચૂકવવામાં ગ્રામ વિકાસ એજન્સી ઠાગાઠૈયા કરી રહી છે.

    કોરોનાના કપરા સમયમાં કેટલાય સમયથી તેમને પગાર પણ સમયસર મહિનાના અંતમાં ચૂકવાતો નથી. કેટલાક સમય તો બે ત્રણ મહિનાનો પગાર ભેગો આવે છે તે પણ સાવ નજીવો!!! તેમને ફક્ત મહિનાને 12 દિવસ નો જ પગાર મળે છે જ્યારે કામમાં અનેક પ્રકારની કામગીરીઓ કરાવીને ખૂબ જ વ્યસ્ત રાખવામાં આવે છે .આવી તેમજ બીજી કેટલીક અન્ય વ્યાજબી માગણીયો લઈને આજે સાબરકાંઠા સખીમંડળની બહેનોએ કલેકટરને તેમજ ડીડીઓને આવેદનપત્ર આપીને પોતાને પડતી સમસ્યાઓનો તાત્કાલિક ધોરણે નિવેડો આવે તેવી અરજ કરી હતી. ગ્રામ વિકાસ એજન્સીના નિયામક પાટીદાર વ્યસ્ત હોવાના કારણે મહિલાઓ બપોર સુધી તેમનો સમય માગી રહી હતી.

     

    હવે જોવાનું એ રહે છે કે આગામી સમયમાં ગ્રામ વિકાસ એજન્સી અને તેમના નિયામક કઈ રીતે આ મહિલા મંડળની સમસ્યાઓને નિવારવા માટે એવા અસરકારક પગલાં લે છે.

  • જન્મદિવસ સવારે મુખ્યમંત્રીએ અધ્યાત્મગુરૂના કર્યા વંદન! મોદીએ જન્મદિવસની શુભેચ્છાઓ પાઠવી

    જન્મદિવસ સવારે મુખ્યમંત્રીએ અધ્યાત્મગુરૂના કર્યા વંદન! મોદીએ જન્મદિવસની શુભેચ્છાઓ પાઠવી

    નિરવ જોષી, ગાંધીનગર

    મુખ્યમંત્રીશ્રી ભૂપેન્દ્ર પટેલના ૬૧માં જન્મ દિવસે વડાપ્રધાનશ્રી નરેન્દ્રભાઈ મોદીએ તેમને ટેલીફોન કરીને જન્મદિવસની શુભેચ્છાઓ પાઠવી હતી.
    મુખ્યમંત્રીશ્રીના નમ્ર અને વિકાસલક્ષી નેતા તરીકે ગુજરાતના વિકાસ પ્રત્યેના સેવા ભાવની વડાપ્રધાનશ્રીએ સરાહના કરી છે

    વડાપ્રધાનશ્રીએ ગુજરાત મુખ્યમંત્રીશ્રી ભૂપેન્દ્ર પટેલના નેતૃત્વમાં નવી ઊંચાઈઓ પાર કરે અને ગુજરાતના લોકોની સેવા તેઓ લાંબા સમય સુધી સ્વસ્થ જીવન અને તંદુરસ્તી સાથે કરી શકે તેવી મનોકામના વ્યક્ત કરી હતી.
    મુખ્યમંત્રીશ્રીએ આવી લાગણી સભર શુભેચ્છાઓ માટે વડાપ્રધાનશ્રીનો આભાર વ્યક્ત કરીને ગુજરાતના વિકાસમાં તેમનું માર્ગદર્શન અને પ્રેરણા સતત મળતા રહે છે તેનો પણ આભાર માન્યો હતો.

    જન્મ દિવસ સવારે મુખ્યમંત્રીએ અધ્યાત્મ ગુરૂના કર્યા વંદન!

    મુખ્યમંત્રીશ્રી ભૂપેન્દ્ર પટેલે આજે પોતાના ૬૧માં જન્મ દિવસે દિવસનો પ્રારંભ અડાલજ ત્રીમંદિર જઈને દર્શન અર્ચનથી કર્યો છે.તેમણે આ મંદિર પરિસરમાં શ્રી સીમનધર સ્વામી તથા યોગેશ્વર ભગવાન સહિત દેવ પૂજા અર્ચના પૂજ્ય દાદા ભગવાન ને ભાવ વંદન તેમજ પૂજ્ય નિરૂ માં સમાધિ દર્શન કરીને કૃપા આશિષ યાચના કરી હતી.

  • આરબીઆઇએ વિદેશથી આયાત-નિકાસ રૂપિયામાં કરવાની મંજૂરી આપી

    આરબીઆઇએ વિદેશથી આયાત-નિકાસ રૂપિયામાં કરવાની મંજૂરી આપી

    નીરવ જોશી, અમદાવાદ (M-7838880134)

    રશિયા યુક્રેન વચ્ચે ચાલી રહેલા યુદ્ધને લીધે અમેરિકા એ રશિયા પર અનેક પ્રતિબંધો લાદી દીધા છે.

    છેલ્લા ચાર મહિનાથી પણ વધુ સમયથી ચાલી રહેલા રશિયા યુકેનના યુદ્ધના પરિણામે તેની વધુ અસર સુરતના હિરા ઉધોગકારો પર પડી છે પરંતુ રીઝૅવ બેન્કે વિદેશી ચલણ ને બદલે રૂપિયા માં ચલણ રૂપિયા માં જ આયાત નિકાસ કરવાની મંજૂરી આપતા સૌથી વધુ રાહત.
    સુરતના ઉધોગકારોને થવાની છે કારણ કે હવે રશિયા થી આવતી રફના નાણાં રૂપિયા માં ચૂકવી શકશે.

    વિવેકાનંદ ડાયમંડ એસોસિએશન ના પ્રમુખ શ્રી નરસિંહ પટેલ એક નિવેદન માં જણાવ્યું છે કે રશિયા યુકેન વચ્ચે ચાલી રહેલા
    યુદ્ધ લીધે રશિયા ઉપર અમેરિકા સરકારે રશિયા પર અનેક પ્રતિબંધ મૂક્યા હતા. રિઝૅવ બેન્ક ઓફ ઈન્ડિયા દ્વારા આયાત નિકાસ રૂપિયા માં કરવાની મંજૂરી આપવામાં આવતા જે હિરા ઉધોગકારો પેમેન્ટ માં મુશ્કેલીઓ અનુભવી પડતી હતી હવે તેમાં મોટા રાહત તેઓને હવે ડાયરેક્ટ રૂપિયા માં પેમેન્ટ છૂટ મળતા સરળતાથી પેમેન્ટ કરી શકશે.

    સુરતમાં હિરા ઉધોગમા મોટેભાગે રશિયા થી રફ હિરા આયાત કરવામાં આવે છે.જેનો પેમેન્ટ ભારતીય હિરાઉધોગકારો તેમને બેન્કો દ્વારા અન્ય એક મધ્યસ્થી બેન્કના માધ્યમથી કરે છે.
    મોટા ભાગની બેન્કો-મદ્યસ્થી બેન્કો અમેરિકામાં હતી.સુરતના હિરા ઉધોગકારો રૂપિયા માં પેમેન્ટ કરે છે.જે મદ્યસ્થી બેન્કો ડોલરમા રૂપિયા રૂપાંતર કરીને રશિયાનીની પાર્ટી ને ચૂકવતી હતી.પરંતુ રશિયા અને યુકેન ના યુદ્ધ બાદ અમેરિકા દ્વારા રશિયા પર કેટલાક આથિક પ્રતિબંધો મૂકવામાં આવ્યા હતા.

    જેમાં કેટલીક મદ્યસ્થી બેન્કો ને પણ સ્વીફટ કોરોમાથી બાદ કરાયા તેઓ ભારતીય ઉધોગકારોને પેમેન્ટ રશિયા માં કરી શકતી નહોતી જેથી ભારતીય હિરા ઉધોગકારો કે જેઓ રશિયા થી રફ હિરાની ખરીદી કરતી હતી, તેઓ પેમેન્ટ કરવામાં મુશ્કેલીઓ અનુભવી રહ્યા હતાં અને અન્ય માધ્યમો શોધી રહ્યા હતા.

    આ અંગે હિરા ઉધોગકારો દ્વારા રજૂઆત કરવામાં આવી હતી
    તેઓને હવે ડાયરેક્ટ રૂપિયા માં પેમેન્ટ ભરવાની છૂટ મળતા હવે સરળતાથી પેમેન્ટ કરી શકશે.જોકે આ માટે તેઓને રિઝૅવ બેન્ક ઓફ ઈન્ડિયા પાસે થી પેમેન્ટ ની સંબંધિત મંજુરી લેવી પડશે. ત્યારબાદ પેમેન્ટ થશે. વિવેકાનંદ ડાયમંડ એસોસિએશન ના પ્રમુખ શ્રી નરસિંહ પટેલ એક નિવેદન માં જણાવ્યું છે કે રશિયા  યુકેન વચ્ચે ચાલી રહેલા યુદ્ધ લીધે રશિયા ઉપર અમેરિકા સરકારે રશિયા પર અનેક પ્રતિબંધ મૂક્યા હતા રિઝૅવ બેન્ક ઓફ ઈન્ડિયાદ્વારા આયાત નિકાસ રૂપિયા માં કરવાની મંજૂરી આપવામાં આવતા જે હિરા ઉધોગકારો પેમેન્ટ માં મુશ્કેલીઓ અનુભવી પડતી હતી હવે તેમાં મોટા રાહત તેઓને હવે ડાયરેક્ટ  રૂપિયા માં પેમેન્ટ છૂટ મળતા સરળતાથી પેમેન્ટ કરી શકશે.

  • ખોડલધામના નરેશભાઈ પટેલનો 57 મો જન્મદિવસ અનોખી રીતે ઉજવાયો

    ખોડલધામના નરેશભાઈ પટેલનો 57 મો જન્મદિવસ અનોખી રીતે ઉજવાયો

    નીરવ જોશી, અમદાવાદ(M-7838880134)

    શ્રી ખોડલધામ ટૃસ્ટ કાગવડ ના ચેરમેનશ્રી નરેશભાઇ પટેલ ના 57મો જન્મદિવસ માનવતાના સેવાના કાર્ય માટે ઉજવવામાં આવ્યો હતો ઉલ્લેખનીય છે કે અમદાવાદ શહેર ના પૂવૅ વિસ્તારમાં ખોડિયાર મંદિર નિકોલ હોલમા બ્લડ કેમ્પમાં મોટી સંખ્યામાં રક્તદાતા પોતાનુ અમૂલ્ય લોહી દાન આપતા જણાય છે.

    આ માટે નરેશભાઈ ના ચાહકો, અંગત મિત્રો તેમજ સમર્થક મિત્રોએ whatsapp પર નરેશભાઈ પટેલ ના જન્મદિવસ અંગે રક્તદાન કરવાની જાહેરાત કરી હતી. ખોડલધામ ના ટૃસ્ટી શ્રી દિનેશભાઇ કુભાણી, શ્રી ખોડલધામ સમિતિ અમદાવાદના નરસિંહ પટેલ, કન્વીનર ડોક્ટર સુરેશ પટેલ, સોનલબહેન પટેલ- મહિલા કન્વીનર સાથે ટીમ ટેક્સફાઉન્ડેશન દ્વારા ગીફટ તેમેજ હિલટાઉન ગ્રુપ એ બ્લડ આપનારને પ્રોત્સાહિત કરવામાં આવ્યા હતા.

    શ્રી ખોડલધામ સમિતિ અમદાવાદ દ્વારા ખોડલધામ કાગવડ ના ટૃસ્ટી શ્રી દિનેશભાઇ કુભાણીના હસ્તે ખોડલધામ કાગવડ ના ચેરમેનશ્રી નરેશભાઈ પટેલ ના 57મો જન્મદિવસ માં 20 જગ્યાએ વૃક્ષારોપણ અને છ સ્થળે બ્લડ કેમ્પમાં મોટી સંખ્યામાં કાર્યકરોએ ને હોદ્દેદારો પોતાનું રક્તદાન આપ્યું. કાર્યકર્તાઓ તેમ જ મિત્રોનો ઉત્સાહ ફોટા માં-તસ્વીરમાં જણાય છે!

  • MSME નો વ્યાપ એટલો વધ્યો કે મોદી થયા એના દીવાના!

    MSME નો વ્યાપ એટલો વધ્યો કે મોદી થયા એના દીવાના!

    નીરવ જોષી ,હિંમતનગર (M-7838880134)

    નવી દિલ્હીના ના વિજ્ઞાન ભવન ખાતે MSME યોજનાઓનો શુભારંભ પીએમ મોદી આજે કરાવ્યો હતો. વડાપ્રધાને ઉપસ્થિત અધિકારીઓ અને ઉદ્યોગકારોને માહિતી આપતા જણાવ્યું કે એમ.એસ.એમ.ઈ ની મદદ માટે અનેક પગલા લેવાઈ રહ્યા છે. ઉદ્યમી ભારત કાર્યક્રમમાં વડાપ્રધાન મોદીએ રસપ્રદ સંબોધન કર્યું હતું. આ સંબોધનમાં તેમણે જણાવ્યું હતું કે દેશના MSME સેકટરને મજબૂત અને એનો વ્યાપ વિશાળ કરવો જરૂરી હતો. એમ.એસ.એમ.ઈ વાળી ઉદ્યોગોથી માઇક્રોઇકોનોમિક્સ મજબૂત થાય છે. આજે ભારત મજબૂત છે તેનો મોટાભાગનો હિસ્સો એમ.એસ.એમ.ઈ સેક્ટરનો ફાળો છે!

    ભારત જે સો રૂપિયા રૂપિયા કમાય છે તો એમાં 30 રૂપિયા નો ફાળો MSME તરફથી આવે છે! MSME ના પ્રમોશન માટે તેમજ તેના વ્યાપક વિકાસ માટે પાછલા આઠ વર્ષમાં સરકારે 650 પ્રતિશત કેન્દ્રીય બજેટમાં વધારો કર્યો છે. પીએમ મોદીનું કહેવું છે કે 11 કરોડ લોકો ડાયરેક્ટ – ઇનડાયરેક્ટ રીતે MSME સાથે જોડાયેલા છે. મોદીએ MSME સંબંધી યોજનાઓનું શુભારંભ આજે વિજ્ઞાન ભવન ખાતે કરાવ્યું હતું.

    નાના લઘુ ઉદ્યોગોને બચાવવા માટે, એને નવી તાકાત આપવા માટે મોદીએ અનેક પ્રકારના ઉપાયોનો ખાસ ભાર મૂક્યો હતો. MSME ની ક્રેડિટ લાઈન ગેરંટી સ્કીમ હેઠળ સાડા ત્રણ લાખ કરોડની મદદ MSME માટે સુરક્ષિત કરી છે. આના પરિણામે 1.5 લાખ કરોડ જેટલો રોજગાર જે ખતમ થવાના  આરે આવેલો હતો તેનો હવે ખતરો ટાળ્યો છે. દેશના MSME સેક્ટરમાં નવા રોજગાર માટે પ્રોત્સાહક નીતિની જાહેર કરતા મોદીને જણાવ્યું કે આ વખતે અમે MSME સેક્ટર નવી યોજનાઓ પણ અમલમાં મૂકી છે. નવી નવી યોજનાઓ અંતર્ગત 50,000 કરોડના બજેટથી પાંચ લાખ કરોડ જેટલું બજેટ ફાળવાયું છે!

    વર્તમાન સમયમાં MSME ચેપ્ટર એ ભારતની આત્મનિર્ભર ભારત માટે ખૂબ મહત્વનું આંદોલન કહી શકાય. મોદીએ પહેલાંની સરકાર ઉપર હુમલો કરતા કહ્યું હતું કે MSME ને ભૂતકાળની સરકારોએ  જોઈએ એવો ટેકો આપ્યો નથી. મતલબ એના માટે માટે ખૂબ મોટા પાયે ચિંતા નથી કરી.

    કોરોના કાળમાં નાના ઉદ્યોગોને બચાવવા માટે MSMEની ખૂબ મહત્વપૂર્ણ કામગીરી કરી હતી.

    પહેલાના સમયમાં નાના ઉદ્યોગો માટે એવી પરિભાષા નક્કી કરવામાં આવી હતી કે જેના પરિણામે MSME માં કોઈ પ્રોત્સાહન નીતિ એટલી બધી મજબૂત નહોતી. મોદીએ ખાસ ભાર મૂક્યો હતો કે દેશમાં MSME ક્ષેત્ર મજબૂત હોવું ખૂબ જ જરૂરી છે. સૂક્ષ્મ અને લઘુ ઉદ્યોગોને પ્રોત્સાહન આપતી MSME સેક્ટર એ આ સમયમાં ખૂબ જ મહત્વનું બની ગયું છે. અમે MSMEના સેક્ટરની આખી પરિભાષા જ સરકાર આવતા બદલી નાખી હતી. સૂક્ષ્મ , લઘુ, મધ્યમ ઉદ્યોગોની માટે અમે નવા નવા ઉપાયોની ઘોષણા કરી.

    જો કોઈ ઉદ્યોગ સાહસિક આગળ વધવા માંગે છે કે તેનો વિસ્તાર કરવા માંગે છે તો સરકાર તેને સહયોગ આપશે અને નીતિઓમાં સરકાર જરૂરી બદલાવ પણ કરી આપશે.- એવી અમારી નીતિ રહી છે. આજે અમારી સરકાર છે પરિણામે MSME સાથે સંકળાયેલા લોકો નવી નીતિઓનો લાભ લઇ રહ્યા છે.

    ખાદી અંગે પીએમ નરેન્દ્ર મોદીએ કરી આ આશ્ચર્યજનક વાતો!

    ભારતની ખાદી લોકલ થી ગ્લોબલ બની ગઈ છે એટલું જ નહીં ખાદીનું માર્કેટ અત્યારે એક લાખ કરોડ સુધી પહોંચી ગયું છે !અને છેલ્લા આઠ વર્ષમાં ખાદીની વેચાણ અમારી સરકાર દરમિયાન ચાર ઘણું વધ્યું છે! આઝાદી વખતે ખાદી બહુ ચાલી પરંતુ પછી એ નેતાઓનું એક કોશ્યુમ બની ગયું! એમ નરેન્દ્ર મોદીએ જણાવ્યું હતું. પરંતુ અમારી સરકાર આવ્યા બાદ આજે ખાદી અને તેના વસ્ત્રોને અમે એક નવી ઊંચાઈએ પહોંચાડ્યું છે.

    એન્ટરપ્રિન્યોરશિપ MSME એના કારણે ખૂબ જ સહજ જીવનના  દરેક લેવલના માણસ માટે સહજ બન્યું છે. ભારતની ખાદી લોકલ થી ગ્લોબલ થઈ રહી છે. આઠ વર્ષમાં ખાદીની ખરીદીમાં ચાર ગણો વધારો થયો!

    2014માં સબના સાથ સૌનો વિકાસ ના મંત્રને લઈને અમે MSME સેક્ટરનો  વ્યાપ ખૂબ મોટા પાયે વધાર્યો છે ,વધુ લોકો જોડાયેલા છે કોરોના ને કારણે નાના ઉદ્યોગોને બચાવવા એમએસએમઈએ સારી કામગીરી કરી.. બજેટ 650 ટકા વધ્યું

    મુદ્રા યોજના ના પરિણામે સાત લાખ જેટલા લોકો નવા ઉદ્યોગકાર બન્યા છે.એ લોકો જોબ સીકર નહીં પણ જોબ ક્રિએટર બન્યા છે.

  • સાબરકાંઠા: રાષ્ટ્રીય ગ્રામીણ આજીવિકા મિશન એટલે ગ્રામીણ મહિલાઓની શસક્તિકરણની પ્રયોગશાળા

    સાબરકાંઠા: રાષ્ટ્રીય ગ્રામીણ આજીવિકા મિશન એટલે ગ્રામીણ મહિલાઓની શસક્તિકરણની પ્રયોગશાળા

    નીરવ જોષી, હિંમતનગર (M-7838880134)

    બુધવારના રોજ હિંમતનગરના ટાઉનહોલ ખાતે મહિલા સશક્તિકરણનો એક અનુભવ અમૂલ્ય અને અવિસ્મરણીય સ્વ અનુભવ મને ખુદને થયો જ્યારે આખો હોલ -હિંમતનગર નો ટાઉનહોલ સંપૂર્ણપણે મહિલાઓ કે જેઓ સાબરકાંઠાના આઠ તાલુકાઓમાંથી આવી હતી તેમનાથી ભરાઈ ગયો હતો! આ સમગ્ર કાર્યક્રમ – રાષ્ટ્રીય ગ્રામીણ આજીવિકા મિશન એવા ગ્રામીણ મહિલાઓને અપાતી આર્થિક સહાય અંગે હતો જેના વિશે સમાજને હવે વધારે ગહન ચિંતન કરવાની જરૂર છે. કાર્યક્રમનો હેતુ એ છે મહિલાઓને વધારે ઉદ્યમશીલ બનાવી અને ખાસ કરીને ગ્રામીણ મહિલાઓને રોજગારીની અનેક ઉપાયો અંગે માહિતગાર તેમજ તાલીમ આપી અને તેમને લોન આપવી જેથી તેઓ તેમના આત્મનિર્ભય પ્રયાસો થકી તેમની ઓળખ જીવી શકે અને ગૃહિણી તરીકે સમાજમાં સ્વમાનભેર જીવી શકે.

    રાષ્ટ્રીય ગ્રામીણ આજીવિકા મિશન થકી આજે મહિલાઓ અબળા નહીં સબળા બની છે. તેનું શ્રેય પ્રધાનમંત્રી શ્રી નરેન્દ્રભાઈ મોદી અને આપણી આ સંવેદનશીલ સરકારને આભારી છે. આત્મનિર્ભર તરફ મહિલાઓ આગળ વધી રહી છે

    – મંત્રીશ્રી નિમિષાબેન સુથાર

     

    સાબરકાંઠા જિલ્લાના હિંમતનગર ખાતે ડો. નલિનકાંન્ત ગાંધી ટાઉન હોલ ખાતે રાષ્ટ્રીય ગ્રામીણ આજીવિકા મિશન અન્વયે સ્વ સહાય જૂથોને સામૂહિક લોન ધિરાણનો કાર્યક્રમ શ્રીમતી નિમિષાબેન સુથારની અધ્યક્ષતામાં યોજાયો

    સ્ટેજ પર પ્રતિકાત્મક રૂપે રૂપિયા ૨૦ લાખના ચેક મંત્રીશ્રી અને મહાનુભાવોના વરદ હસ્તે અર્પણ કરાયા ઓવર ઓલ જિલ્લામાં કુલ રૂપિયા ૧૨.૩૧ કરોડનું વિવિધ બેંકો દ્વારા મહિલાઓને  ધિરાણ અપાયું.

    સખી મંડળ બચત મંડળની શ્રેષ્ઠ કામગીરી કરનાર ધિરાણકર્તા, બેન્ક મેનેજર, શ્રેષ્ઠ કામગીરી કરનાર બેંક સખી તાલુકા લાઇવલીહૂડ મેનેજર કલસ્ટર કો-ઓર્ડીનેટર,  વિશેષ કામગીરી કરનારનું ટ્રોફી પ્રમાણપત્ર આપી સન્માન કરાયું

    સાબરકાંઠા જિલ્લાના હિંમતનગર ખાતે આવેલા ડો. નલિનકાન્ત ગાંધી ટાઉન હોલ ખાતે રાજ્યકક્ષાના આદિજાતિ વિકાસ આરોગ્ય અને પરિવાર કલ્યાણ અને તબીબી શિક્ષણ મંત્રી શ્રીમતી ડો.નિમિષાબેન સુથારની અધ્યક્ષતામાં રાષ્ટ્રીય ગ્રામીણ આજીવિકા મિશન સ્વસહાય જૂથો માટે બેન્ક લિંકેજ અન્વયે કેશ ક્રેડિટ ધિરાણ કેમ્પ તથા યોજનાકીય ધિરાણ-મંજુરી પત્રો અને ચેક વિતરણનો કાર્યક્રમ વહિવટી તંત્ર અને જિલ્લા ગ્રામ વિકાસ એજન્સી સાબરકાંઠા હિંમતનગર દ્વારા યોજાયો હતો. જેમાં સ્ટેજ ઉપર રૂપિયા ૨૦ લાખના ચેક તથા જિલ્લાની ઓવર ઓલ બહેનોને વિવિધ તાલુકામાંથી આવેલી બહેનોને અંદાજે રૂપિયા ૧૨.૩૧ કરોડનુ વિવિધ બેન્કો દ્વારા ધિરાણ મહાનુભાવોના હસ્તે અર્પણ કરવામાં આવ્યું હતું.તેમજ શ્રેષ્ઠ કામગીરી કરનારને ટ્રોફી પ્રમાણપત્ર તથા યોજનાકીય મંજૂરીપત્ર વિતરણ કરવામાં આવ્યા હતા.

    આ પ્રસંગે રાજ્યમંત્રી શ્રી ડો. નિમિષાબેન સુથારે જણાવ્યું હતું કે રાષ્ટ્રીય ગ્રામીણ આજીવિકા મિશન થકી આજે મહિલાઓ પગભર થઇ છે આજે મહિલાઓ અબળા નહીં સબળા સાબિત થઈ છે જેનું શ્રેય પ્રધાનમંત્રી શ્રી નરેન્દ્ર ભાઈ મોદી અને આપણા સંવેદનશીલ મુખ્યમંત્રી શ્રી ભુપેન્દ્રભાઈ પટેલની સરકારને જાય છે. આત્મનિર્ભર ગુજરાત આત્મનિર્ભર ભારત તરફ મહિલાઓ આગળ વધી રહી છે અને પંડિત દીન દયાળ ઉપાધ્યાયનું સ્વપ્ન હતું છેવાડાના માનવીનુ કલ્યાણ એ  સ્વપ્ન આજે સાકાર થઇ રહ્યું છે. આજે પ્રથમ વખત સાબરકાંઠા જિલ્લામાં આવવાનું થયું અને આજે વિશાળ સંખ્યામાં માતા બહેનોના દર્શન અને આશીર્વાદ ના અવસરને ધન્યતા અનુભવું છું. મહિલાઓને એક પ્લેટફોર્મની જરૂર છે જે મિશન મંગલમ થકી પૂરું પડાયું છે. કોરોના કાળમાં પણ સખી મંડળની બહેનોએ માસ્ક બનાવીને લોકોને સુરક્ષા કવચ  પૂરું પાડ્યું છે. સાથે સાથે હાથ બનાવટની અને ઉત્પાદિત ચીજવસ્તુઓનું વેચાણ કરીને આર્થિક ઉપાર્જન મેળવવા સરાહનીય કામ કર્યું છે. મહિલાઓ પાસે હુન્નર અને કળા કૌશલ્ય પડેલું છે.

     

    સુરતની વલોડની બહેનો દ્વારા લિજ્જત પાપડ બનાવીને બ્રાન્ડિંગ કરી કરોડો રૂપિયા આજે કમાય છે. ડાંગ વલસાડની બહેનો પણ નાગલી તેમજ બેકરી ઉદ્યોગ અને વલસાડની બહેનો ગાલીચાના ઉદ્યોગ ઉત્પાદન થકી સારું હુડિયામણ વિદેશમાંથી પણ મેળવે છે. બહેનોને ઘરના બાળકોને સંસ્કાર તથા પાલનની જવાબદારી  સાથે પૂરક વ્યવસાયથી આગળ વધીને ઘરનું ગુજરાત ચલાવે છે. મહિલાઓના નામે ઘરની મિલકતો આજે થઈ છે.પ્રધાનમંત્રી આવાસ યોજના મહિલાના નામે છે. ઉજ્વલા યોજના થકી બહેનોને આરોગ્ય કવચ મળ્યું છે. સાથે પી.એમ.જે.વાય કાર્ડથી કુટુંબમાં માંદગી વખતે મદદ મળે છે. જન ધન ખાતા ખોલીને સીધા પૈસા તેમના ખાતામાં જમા થાય છે. આત્મનિર્ભર ભારત રાષ્ટ્રનિર્માણમાં મહિલાઓની મોટી ભૂમિકા રહી છે અને તેઓ સુપેરે નિભાવી રહી છે.

    આ પ્રસંગે જિલ્લા પંચાયતના પ્રમુખ શ્રી ધીરજભાઈ પટેલે જણાવ્યું હતું કે દરેકને સરકારી નોકરી મળે તે શક્ય નથી પણ બહેનો સ્વસહાય જૂથો ઊભા કરીને આર્થિક પ્રવૃત્તિ કરીને રોજગારી મેળવી શકે છે અને બીજાઓને રોજગારી આપી શકે છે અને જીરો ટકાએ સરકાર વ્યાજ રહિત લોન આપે છે.મહિલા સશક્તિકરણના અનેક અવસરો પ્રદાન કરે છે. શાહુકારોના ચુંગાલમાંથી આ સ્વસહાય જૂથ કુટુંબને ઉગારે છે. તેમ જણાવ્યું હતું.

     

    આ પ્રસંગે મહિલા અગ્રણી કૌશલ્યા કુવરબાએ જણાવ્યું હતું કે મહિલાઓ આત્મનિર્ભર ભારતના સ્વપ્નને પોતાના પરિશ્રમ થકી ઉજાગર કરે છે. મુદ્રા યોજના, બેટી પઢાઓ બેટી બચાવોનું કામ પણ મહિલાઓ કરી રહી છે. પ્રધાનમંત્રી શ્રી નરેન્દ્રભાઈ મોદીએ અને તત્કાલીન મુખ્યમંત્રી શ્રીમતી આનંદીબેન પટેલે પણ મહિલા સશક્તિકરણનું ગુજરાતમાં ઉત્તમ કામ કર્યું છે. આ સરકારે વ્યાજખોરોના ચુંગાલમાંથી સખી મંડળના માધ્યમથી ઉગારવાનું કામ કર્યુ છે.

    આ પ્રસંગે જિલ્લા કલેકટર શ્રી હિતેષ કોયાએ જણાવ્યું હતું કે આઝાદીના અમૃત મહોત્સવ અન્વયે સ્વસહાય જુથોને સામૂહિક ધિરાણ આપવાની પહેલ વર્ષ ૨૦૧૧માં લાઇવલીહુડ કંપની દ્વારા શરૂ કરવામાં આવી.જેનો સીધો ફાયદો સખીમંડળોને મળી રહ્યો છે. એક લાખથી દસ લાખ સુધીનું ધીરાણ બહેનોને પગભર થવા મળે છે. આ આર્થિક ઉપાર્જન માટે આપવામાં આવે છે. અને સાથે બેંકો અને વહીવટી તંત્રના હકારાત્મક અભિગમથી સુંદર પરિણામો જિલ્લામાંમળ્યા છે. ધિરાણ અંગેની આંકડાકીય વિસ્તૃત માહિતી આપવામાં આવી હતી. જ્યારે જિલ્લા વિકાસ અધિકારીશ્રી દિપેશ શાહ દ્વારા સૌને આવકારી આજીવિકા મિશનના ઉદ્દેશો અંગે સુંદર સમજ આપી હતી. સૌ ઉપસ્થિત મહાનુભાવો અને બહેનોનો આભાર માન્યો હતો.

    આ પ્રસંગે હિંમતનગરના ધારાસભ્ય શ્રી રાજેન્દ્રસિંહ ચાવડા,જિલ્લા પંચાયતના પ્રમુખ શ્રી ધીરજભાઈ પટેલ, નગરપાલિકાના પ્રમુખશ્રી યતિનબેન મોદી, તાલુકા પંચાયતના પ્રમુખ શ્રી વિનોદભાઈ પટેલ, તાલુકા જિલ્લા પંચાયતના સદસ્યો, સંગઠન અગ્રણીઓ, જિલ્લા ગ્રામ વિકાસ એજન્સીના અધિકારીઓ, કર્મચારીઓ, વિવિધ બેંકોના મેનેજરો તથા મહિલાઓ મોટી સંખ્યામાં ઉપસ્થિત રહ્યા હતા

  • પ્રવેશોત્સવના તૃતિય દિવસે કોણે બાળકોને કુમકુમ પગલે પ્રવેશ કરાવ્યો

    પ્રવેશોત્સવના તૃતિય દિવસે કોણે બાળકોને કુમકુમ પગલે પ્રવેશ કરાવ્યો

    નીરવ જોષી, હિંમતનગર(M-7838880134)

    શાળા પ્રવેશોત્સવના તૃતિય દિવસે ૫૧ બાળકોને શાળા અને આંગણવાડીના ભૂલકાઓના કુમ કુમ પગલા પાડી નંદઘરમાં આવકારતા મંત્રીશ્રી ગજેન્દ્રસિંહ પરમાર

    પ્રાંતિજ તાલુકાની મોયદ-૧,  રૂપપુરા અને મોયદ રૂપાજી ગામમાં કન્યા કેળવણી મહોત્સવ અને શાળા પ્રવેશોત્સવ ૨૦૨૨ની ઉજવણી કરાઇ

    શિક્ષણ થકી જ સમાજનું ઘડતર થાય છે માટે બાળકોને સારૂ શિક્ષણ આપો-   ગજેન્દ્રસિંહ પરમાર

     

          સાબરકાંઠા જિલ્લામાં કન્યા કેળવણી મહોત્સવ અને શાળા પ્રવેશોત્સવ ૨૦૨૨ના ત્રીજા અને અંતિમ  દિવસે અન્ન નાગરિક પુરવઠા અને ગ્રાહક સુરક્ષાની બાબતો રાજ્યકક્ષા મંત્રીશ્રી ગજેન્દ્રસિંહ પરમાર પ્રાંતિજ તાલુકાની મોયદ, રૂપપુરા, મોયદ રૂપાજીમાં પ્રાથમિક શાળાઓ ખાતે ઉપસ્થિત રહીને આંગણવાડી તેમજ ધોરણ-૧માં  ૫૧ બાલકોનુ નામાંકન કરાવ્યું હતું.

           આ પ્રસંગે મંત્રીશ્રીએ જણાવ્યું હતુ કે, આ સદી જ્ઞાન અને શિક્ષણની સદી છે. આજે દિકરીઓ શિક્ષણ ક્ષેત્રે ખુબ આગળ વધી રહી છે. શિક્ષણ થકી જ સમાજ આગળ આવે છે. સરકાર દ્વારા શાળાઓમા તમામ પ્રકારની પ્રાથમિક સુવિધાઓની સાથે ઉત્તમ શિક્ષકો ઉપલબ્ધ કરાવ્યા છે. જેના કારણે ખાનગી શાળામાથી વાલીઓ પોતાના બાળકોને સરકારી શાળામા ભણાવવા લાગ્યા છે.‘કન્યા કેળવણી‘ અને ‘શાળા પ્રવેશોત્સવ‘ કાર્યક્રમો થકી સરકાર સમાજને સો ટકા સાક્ષરતા તરફ લઈ જઈ રહી છે. દેશને આત્મનિર્ભર બનાવવાની પણ મંત્રીશ્રીએ આ વેળા નેમ વ્યક્ત કરી હતી.

           વધુમાં તેમણે જણાવ્યું કે, શાળાના શિક્ષકો વાલીઓ વધુ જાગૃત બની ગામનુ એક પણ બાળક શાળા પ્રવેશથી વંચીત ન રહે તે ખાસ ધ્યાન રાખવામાં આવે.મોબાઇલના દૂષણ પરત્વે ધ્યાન દોરતા કહ્યું કે આજે બાળકો ગેમમાં વધુ સમય બેસી રહે છે. મેદાનની રમતો રમાતી ઓછી થઈ ગઈ છે. જેથી બાળકો નબળા પડી રહ્યા છે માટે મોબાઇલ ન આપતા અથવા એના માટે સમય મર્યાદા નક્કિ કરવા જણાવ્યું હતું. શાળામાં બાળક પાંચ થી છ કલાક વિતાવે જ્યારે ઘરે વધુ સમય રહે છે તેથી માતા-પિતા, વડીલો બાળકોને શિક્ષણ અને સંસ્કાર આપે.

         શાળા પ્રવેશ ઉત્સવની સાથે શાળાના તેજસ્વી તારલાઓનુ સન્માન અને ગામના દાતાશ્રીઓનુ સન્માન કરવામાં આવ્યું હતું. શાળાની એસ.એમ.સી.ની બેઠકમાં ગ્રામજનો દ્રારા રજુ કરવામાં આવેલ શાળાના, ગામના રસ્તા અંગેના અને પાણીના પ્રશ્નો મંત્રીશ્રીઓ ધ્યાનથી સાંભળ્યા હતા અને તેનો હકારાત્મક ઉકેલ લાવવા જણાવ્યું હતું.શાળામાં મંત્રીશ્રી અને મહાનુભવોના હસ્તે વૃક્ષારોપણ કરવામાં આવ્યું હતું. 

        આ પ્રસંગે જિલ્લા પંચાયત સદસ્યશ્રી વિપુલભાઇ પટેલ, તાલુકા પંચાયત સભ્યશ્રી કરતુજી રાઠોડ, કે.કે મકવાણા, મહેન્દ્રભાઇ પટેલ, કૌશિકભાઇ પટેલ, રાજુભાઇ, જિલ્લા પુરવઠા અધિકારીશ્રી દિપ્તિબેન પ્રજાપતિ, તાલુકા વિકાસ અધિકારીશ્રી ચૌધરી,ફુડ ઇન્સપેક્ટર તાલુકા પંચાયત સદસ્યશ્રીઓ, ગામના

    સરપંચશ્રીઓ, એસ.એમ.સીના સભ્યો,શાળાના આચાર્યશ્રી, શિક્ષકો, આંગણવાડી કાર્યકરરો, વાલીઓ, બાળકો અને વિધાર્થીઓ મોટી સંખ્યામાં ઉપસ્થિત રહ્યા હતા.   

  • હિંમતનગર પોલીસ પરેડ ગ્રાઉન્ડ ખાતે ઉજવાયો આંતરરાષ્ટ્રીય યોગ દિવસ

    હિંમતનગર પોલીસ પરેડ ગ્રાઉન્ડ ખાતે ઉજવાયો આંતરરાષ્ટ્રીય યોગ દિવસ

    નીરવ જોષી, હિંમતનગર (M-7838880134)

    ૨૧મી જૂન વિશ્વ યોગ દિવસે પોલીસ પરેડ ગ્રાઉન્ડ હિંમતનગર ખાતે રાજ્યમંત્રીશ્રી ગજેન્દ્રસિંહ પરમારની ઉપસ્થિતિમાં સૌએ યોગ કર્યા

    સાંસદશ્રી દિપસિંહ રાઠોડ,નગરપાલિકાના પ્રમુખ, અગ્રણીઓ, પદાધિકારીઓ,અધિકારીઓ,શાળા-કોલેજના વિદ્યાર્થીઓ મોટી સંખ્યામાં યોગમય બન્યા, રાષ્ટ્રીય તેમજ રાજ્ય લેવલનું પ્રસારણ નિહાળી યોગનો પ્રેરક સંદેશો ઝીલ્યો

       આંતરરાષ્ટ્રીય વિશ્વ યોગ દિવસ ૨૧મી જૂને સાબરકાંઠા જિલ્લાના મુખ્યમથક હિંમતનગર પોલીસ પરેડ ગ્રાઉન્ડ ખાતે રાજ્યના અન્ન અને નાગરિક પુરવઠા રાજ્યમંત્રીશ્રી ગજેન્દ્રસિંહ પરમારની ઉપસ્થિતિમાં યોગ નિદર્શન યોજવામાં આવ્યું હતું. આ પ્રસંગે લોકસભાના સાંસદશ્રી દિપસિંહ રાઠોડ,નગરપાલિકાના પ્રમુખ શ્રીમતી યતિનાબેન મોદી, જિલ્લા અગ્રણીશ્રી જે.ડી.પટેલ, કૌશલ્યા કુંવરબા તથા જિલ્લા કલેકટરશ્રી હિતેષ કોયા, જિલ્લા વિકાસ અધિકારી શ્રી દિપેન શાહ,  જિલ્લા પોલીસ વડાશ્રી વિશાલ વાઘેલા તથા જિલ્લાના અમલીકરણ અધિકારીઓ, શાળા-કોલેજના વિદ્યાર્થીઓ, નગરના જાગૃત નાગરિકો, શૌષ્ઠવપ્રેમી લોક વહેલી સવારમાં પોલીસ પરેડ ગ્રાઉન્ડ ખાતે યોગ કરવા અને નિદર્શન જોવા ઉમટી પડ્યા હતા. આ યોગ દિનમાં  ૩,૦૦૦થી  વધુ લોકો યોગમાં જોડાયા હતા.

    આ પ્રસંગે મંત્રીશ્રી ગજેન્દ્રસિંહ પરમારે પણ યોગ કર્યા હતા અને નગરજનોને સંબોધન કરતાં જણાવ્યું હતું કે પ્રાચીનકાળમાં ભારતીય સંસ્કૃતિના ગ્રંથોમાં યોગનું મહત્વ અને જ્ઞાન પડેલું છે. તેના થકી પ્રાચીન ઋષિ-મુનિઓએ યોગ, પ્રાણાયામ,યોગસાધના દ્વારા શરીર શૌષ્ઠવની સાથે માનસિક આધ્યાત્મિક શક્તિ કેળવીને સ્વસ્થ અને તંદુરસ્ત નિરોગી સાથે લાંબુ આયુષ્ય પ્રાપ્ત કરતા હતા. જે યોગવિદ્યા સફળ રહી છે.જે સહજ સ્વીકૃત બની આજે ભારતીય વિરાસત બની છે. જેમાં કોઈ બે મત નથી. ભારતના પ્રધાનમંત્રી શ્રી નરેન્દ્રભાઈ મોદીના નેતૃત્વમાં વર્ષ ૨૦૧૪માં યુનાઇટેડ નેશનમાં પ્રસ્તાવ મૂકવામાં આવ્યો. તેનો સહજ સ્વીકાર થઈને ૧૭૭ દેશોએ આ પ્રસ્તાવને મંજૂરી રાખીને ૨૧મી જૂનને વિશ્વ યોગ દિવસ તરીકે સ્વીકાર કર્યો. તે આપણા સૌનું ગૌરવ છે.

     ૨૧મી જૂનએ સૂર્યભ્રમણ પૃથ્વી ધરી પર ફરતો હોય છે ત્યારે ૨૧મી જૂનએ લાંબામાં લાંબો દિવસ છે.

    ઉલ્લેખનીય છે કે વિશ્વ યોગ દિવસ નિમિત્તે ગુજરાત યોગ બોર્ડના જિલ્લા કોડિનેટર અમીબેન પટેલ તેમજ તેમની સાથે પ્રશિક્ષિત યોગ શિક્ષકોએ હિંમતનગર પોલીસ પરેડ ગ્રાઉન્ડ પર યોગ નિદર્શન કરીને સમગ્ર કાર્યક્રમને ખુબ સુંદર રીતે સંચાલિત કર્યું હતું. બીજી કેટલીક સંસ્થાઓના યોગ શિક્ષકો પણ આ કાર્યક્રમમાં હાજર રહ્યા હતા અને યોગ કર્યો હતો. આ ઉપરાંત અન્ય સંસ્થાઓના તેમજ હિંમતનગરની જાણીતી સ્કૂલના બાળકોએ મોટી સંખ્યામાં યોગ કરીને સમગ્ર વિશ્વ યોગ દિવસ ખૂબ જ યાદગાર બનાવ્યો હતો.

    ઉપસ્થિત યોગ પ્રેમીઓને સંબોધિત કરતા મંત્રી ગજેન્દ્રસિંહ પરમારે જણાવ્યું હતું કે વર્તમાન સમયમાં લોકોની જીવનશૈલી બદલાવાના કારણે ડાયાબિટીસ, હાર્ટએટેક, કીડની જેવા રોગો વધ્યાં છે.ત્યારે યોગ દ્વારા લોકોની ઈમ્યુનિટી પાવરમાં વધારો કરી રોગો સામે રક્ષણ મળે છે. યોગએ ભારતીય સંસ્કૃતિથી આપણને મળેલી અમૂલ્ય ભેટ છે. જે નિશુલ્ક સ્વંયમ જાતે શીખીને તથા યોગ બોર્ડના ટ્રેનરો દ્વારા તાલીમ લઇને શીખી શકાય છે અને બીજાને શીખવી શકાય છે. તેનાથી મન પ્રફુલ્લીત અને શાંતિનો અનુભવ કરે છે. યાદશક્તિમાં વધારો થાય છે. પાચનતંત્રમાં સુધાર થાય છે. આજના યોગ દિવસે સૌને સ્વસ્થ, તંદુરસ્ત, નિરોગી રહે તેવી શુભકામના પાઠવું છું.

    આ પ્રસંગે પોલીસ પરેડ ગ્રાઉન્ડ ખાતે મોટી સંખ્યામાં લોકો યોગ કરવા શાળા-કોલેજના વિદ્યાર્થીઓ અને શરીર શૌષ્ઠવપ્રેમી લોકો ઉમટી પડ્યા હતા અને એક કલાકથી વધુ સમય માટે યોગમય બન્યા હતા અને એલ.ઇ.ડી સ્ક્રીન પર અને યોગ બોર્ડ દ્વારા નિદર્શન યોગ જોઈને યોગ કર્યા હતા અને સુંદર વાતાવરણ નિર્માણ કર્યું હતું.

     

    દરેક યોગ પ્રેમીએ નિરવ શાંતિ અને યોગનો સ્વંયમ અનુભવ કર્યો હતો.

    હિંમતનગરની જાણીતી હિમ્મત હાઇસ્કુલ ,સેન્ટ ઝેવિયર્સ હાઇસ્કુલ, માય ઓન હાઇસ્કૂલ, પઢીયાર હાઇસ્કુલ,ત્રિવેણી હાઈસ્કૂલ – મહેતાપુરા અને અન્ય હાઈસ્કુલના વિદ્યાર્થીઓ મોટી સંખ્યામાં યોગ કરીને વાતાવરણને ખૂબ ઉત્સાહિત બનાવ્યું હતું.

     

    પ્રધાનમંત્રી શ્રી નરેન્દ્રભાઈ મોદી દ્વારા કર્ણાટકના મૈસુરથી અને મુખ્યમંત્રી શ્રી ભુપેન્દ્રભાઈ પટેલનો રિવરફ્રન્ટ અમદાવાદ ખાતેથી યોગ દિવસનો પ્રેરક સંદેશો નજરે નિહાળી ઝીલ્યો હતો. અને યોગ કરવા સંકલ્પ બધ્ધ બન્યા હતા. આરોગ્ય પ્રત્યે જાગૃતતા સંદેશ પ્રસરાવ્યો હતો. વાઈટ ડ્રેસમાં સફેદ ટી-શર્ટ અને શાંતિના પ્રતિકની જેમ સુંદર નજારોનું નિર્માણ કર્યું હતું.

     

    આ પ્રસંગે આરોગ્ય વિભાગ દ્વારા આયુર્વેદિક ઉકાળા તથા બાળકોને દૂધની વ્યવસ્થા તથા માસ્ક  સેનેટાઈઝર અને કોવિડ ગાઈડલાઈનનું પાલન કરવામાં આવ્યું હતું.

     આ ઉપરાંત સાબરકાંઠા જિલ્લામાં તાલુકા કક્ષાએ,ગ્રામ્ય કક્ષાએ તથા જિલ્લાના મહત્વના આઇકોનિક વિસ્તાર ઈડરિયો ગઢ, પોળો ફોરેસ્ટના શરણેશ્વર મંદિર તથા પોશીના દરબારગઢ ખાતે પણ યોગ યોજવામાં આવ્યા હતા અને મોટી સંખ્યામાં લોકો વહેલી સવારથી સમય કાઢીને સ્વાસ્થ્ય પ્રત્યે જાગૃતતા બતાવી હતી. સાબરકાંઠા જિલ્લાની શાળા કોલેજમાં પણ યોગ કાર્યક્રમ યોજાયા હતા.

    આંતરરાષ્ટ્રીય વિશ્વ યોગ દિન નિમિત્તે વિજયનગર પોળોના શારણેશ્વર મંદિર ખાતે સાંસદ શ્રીમતિ રમીલાબેન બારા અને જિલ્લા પંચાયત પ્રમુખશ્રી ધીરજભાઇ પટેલની ઉપસ્થિતિમાં સફેદ વસ્ત્રો સાથે શાંતિમય માહોલમા યોગ દિનની ઉજવણી કરવામાં આવી હતી.

    આ ઉપરાંત તાલુકાકક્ષાએ પ્રાંતિજની અવર ઓન હાઇસ્કૂલ, તલોદની જે.બી. ઉપાધ્યાય હાઇસ્કૂલ, મહિયલ, ઇડર યુનિક યુ ઇન્ટરનેશનલ સ્કૂલ જવાનપુરા, વડાલી શારદા વિધ્યા મંદિર, ખેડબ્રહ્મા આર્ડેકતા કોલેજ, નવીમેત્રાલ, વિજયનગર એમ.એચ.હાઇસ્કૂલ અને પોશીનાનો સ્વામિનારાયણ મંદિર એમ મળી સાત તાલુકાના ૩૫૦૦ લોકો યોગ દિવસમાં ભાગીદારી થયા હતા.

    નગરપાલિકા વિસ્તારમાં  પ્રાંતિજની શેઠ પી.એન.આર. હાઇહાઇસ્કૂલ, તલોદ પંડિત દીન દયાલ ઉપાધ્યાય ઉધ્યાય ટી.આર. ચોકડી, ઇડર સરપ્રતાપ હાઇસ્કૂલના મેદાનમા, વડાલી શેઠ શ્રી સી.જે. હાઇસ્કૂલ, ખેડબ્રહ્મા શ્રી શેઠ કે.ટી. હાઇસ્કૂલ ખાતે  ૨૫૦૦ લોકો યોગ દિવસમાં જોડાયા હતા.

      ગ્રામ્યકક્ષાએ  હિંમતનગરની ૧૦૭ ગ્રામપંચાયતો, પ્રાંતિજની ૬૬, તલોદ ૭૦, ઇડર ૧૧૦, વડાલી ૪૦, ખેડબ્રહ્મા ૪૪, વિજયનગર ૪૨ અને પોશીનાની ૩૦ ગ્રામ પંચાયતોના અંદાજીત ૧૨,૭૨૫ લોકો યોગ દિવસમાં ભાગીદાર થયા હતા.

    સાબરકાંઠા જિલ્લાના ઐતિહાસિક વિરાસત ધરાવતા ઇડરીયા ગઢ, વિજયનગર પોળોના શારણેશ્વર મંદિર અને પોશીનાના દરબાર ગઢનો ખાતે યોગ દિનની ઉજવણીમાં ૨૨૫ લોકો ભાગીદાર થયા હતા.