AVS POST

ટૅગ Yog

  • હિંમતનગર:11 મો વિશ્વ યોગ દિવસ ભારે ઉત્સાહથી અનેક જગ્યાએ ઉજવવામાં આવ્યો

    હિંમતનગર:11 મો વિશ્વ યોગ દિવસ ભારે ઉત્સાહથી અનેક જગ્યાએ ઉજવવામાં આવ્યો

    નિરવ જોશી ,હિંમતનગર (M – 9106814540)

    પુરા વિશ્વમાં 11 મો વિશ્વ યોગ દિવસ ખૂબ જ હર્ષ ઉલ્લાસ થી ઉજવવામાં આવ્યો હતો સાબરકાંઠાના હિંમતનગરમાં પણ દર વર્ષની જેમ પોલીસ ગ્રાઉન્ડ ખાતે 11માં વિશ્વ એક દિવસની ઉજવણી ખૂબ યાદગાર રહી હતી  જેમાં મોટા ઉપાડે હિંમતનગર ની સરકારી શાળાઓના અને હાઈસ્કૂલના બાળકોએ ઉત્સાહથી ભાગ લીધો હતો.

    આ ઉપરાંત સાંસદ શોભનાબેન બારૈયા, ધારાસભ્ય વીડી ઝાલા, સાબરકાંઠા જિલ્લા કલેકટર લલિત નારાયણ સિંગ સાંદૂ તેમજ  જિલ્લા પોલીસવડા વિજય પટેલ, નગરપાલિકા પ્રમુખ વિમલ ઉપાધ્યાય, પૂર્વ પ્રમુખ યતીન બેન મોદી, ભાજપના પદાધિકારીઓ તેમજ સરકારી કચેરીઓના યોગ પ્રેમી કર્મચારીઓ ,ગુજરાત યોગ બોર્ડના યોગ પ્રશિક્ષકો અને પ્રબુદ્ધ નાગરિકો યોગ દિવસની ઉજવણીમાં ઉત્સાહભર ભાગ લઈને કાર્યક્રમને સફળ બનાવ્યો હતો.

    જોકે આ કાર્યક્રમમાં હિંમતનગરના યુવાનો અને નાગરિકોની સંખ્યા ઓછી દેખાતી હતી.

    નોંધનીય છે કે સરકારી શાળાઓ જેવી કે હિંમત હાઇસ્કુલ ,માય own સ્કૂલ, ત્રિવેણી હાઇસ્કુલ તેમજ અન્ય શાળાઓના બાળકો અને સ્કાઉટના વિદ્યાર્થીઓ તેમજ Himatnagar ડિફેન્સ એકેડેમીના યુવાનોએ પણ ઉત્સાહભેર યોગ દિવસમાં ભાગ લીધો હતો

     હિંમતનગરમાં અન્ય જગ્યાએ પણ વિશ્વ યોગ દિવસની ઉજવણી અલગ અલગ રીતે ઉજવવામાં આવી હતી… જેમકે સાબર સ્ટેડિયમમાં પાણીમાં યોગ કરવામાં આવ્યો હતો. તેમ જ જિલ્લાની જેલમાં કાનૂની સેવા મંડળ વડે સાબરકાંઠા જેલના કેદીઓને યોગ પ્રાણાયામ કરાવવામાં આવ્યો હતો. તેમજ ગુજરાતી યોગ બોર્ડ વડે પ્રશિક્ષિત યોગ પ્રશિક્ષકોએ અલગ અલગ જગ્યાએ પણ હિંમતનગરના આઇકોનિક જગ્યાએ યોગ કરાવ્યો હતો.

    આમ હિંમતનગરના યોગ પ્રેમીઓએ મોટી સંખ્યામાં વિશ્વ યોગ દિવસ ને અલગ અલગ રીતે અલગ અલગ જગ્યાએ ઉજવણી કરીને ખુબ ઉત્સાહ દેખાડ્યો હતો.

  • પહેલું સુખ એ જાતે નર્યા – કહેવત સાર્થક કરતું મિલિન્દ સોમણનો પરિવાર

    પહેલું સુખ એ જાતે નર્યા – કહેવત સાર્થક કરતું મિલિન્દ સોમણનો પરિવાર

    સંકલન: નિરવ જોશી અમદાવાદ (M-7838880134  & 9106814540)

    રાજ ગોસ્વામી ( લેખક, વરિષ્ઠ એડિટર)

    મોર્નિંગ મ્યુસિંગ્સ (રવિવાર સ્પેશિયલ):

    મિલિંદ સોમણનું નામ યાદ છે? વર્ષો પહેલાં તેની તે વખતની ગર્લફ્રેન્ડ અને મોડેલ મધુ સપ્રે સાથે ટફ શૂઝની એક જાહેરાતના વિવાદને લઈને અથવા ગાયક અલિશા ચિનોયના મ્યુઝિક વિડીઓ ‘મેઈડ ઇન ઇન્ડિયા’ના કારણે મિલિંદનું નામ મનમાં ગુંજે તે શક્ય છે, પરંતુ તેની એ ઓળખાણ પુરતી નથી. આજે 57 વર્ષની વયે આ એક્ટર અને મોડેલ તેની ફિટનેસને કારણે વધુ જાણીતો છે.


    એમાં જાણે મોણ નાખ્યું હોય તેમ, તેની વૃદ્ધ માતા અને પત્ની પણ ‘વટલાયાં’ છે. કદાચ ભારતનો આ પહેલો પરિવાર છે જ્યાં મા-દીકરો અને પુત્રવધુ ત્રણેય ફિટનેસ પાછળ દીવાનાં છે. કદાચ એટલે જ તેમને ભારતનું ‘ફિટેસ્ટ ફેમિલી’ કહેવાય છે.
    બે વર્ષ પહેલાં, તેની 55મા જન્મદિવસનું સેલિબ્રેશન કરવા માટે મિલિંદે ગોવામાં એક બીચ પર નિર્વસ્ત્ર દોડ લગાવી હતી. તેનો હેતુ નગ્નતા બતાવાનો નહોતો, પણ તેની ફિટનેસનું પ્રદર્શન કરવાનો હતો. પાછી એ તસવીર તેની પત્નીએ જ લીધી હતી અને સાર્વજનિક કરી હતી. મિલિંદે તે તસવીર સાથે લખ્યું હતું, “હેપ્પી બર્થ ડે ટૂ મી, ફિફ્ટી ફાઈવ એન્ડ રનિંગ.”

    આ સાથેની તસવીર જુવો. તેમાં 57 વર્ષનો મિલિંદ, તેની 84 વર્ષની માતા ઉષા અને 32 વર્ષની પત્ની અંકિતા છે. ત્રણેય કેવાં ફિટનેસ પ્રેમી છે તે તમને તેમના શરીર અને ચહેરા પરથી દેખાશે (ઉષા બહેને સાડી પહેરીને દીકરા સાથે અમદાવાદથી મુંબઇની દોડ કરી હતી). ત્રણેયે ભેગા મળીને તેમની ફિટનેસ ફિલોસોફી પર ‘કીપ મૂવિંગ’ નામનું આ એક સરસ પ્રેરણાદાયી પુસ્તક લખ્યું છે.

    પુસ્તકનો મુખ્ય સંદેશ એ છે કે સ્વાસ્થ્ય અને ફિટનેસ માટે કોઈપણ ઉંમરે માનસિકતા ઘડી શકાય છે. ત્રણે જણાએ તેમની ઉંમરના અલગ અલગ પડાવ પર ફિટનેસને લક્ષ્ય બનાવ્યું હતું. અર્થાત, “આ ઉંમરે હવે કંઈ ના થાય” અથવા “મારે હજુ વાર છે” જેવું કશું હોતું નથી. જગ્યા ત્યાંથી સવાર.

    શરીર કોઇ પણ ઉંમરે ફિટ થવા માટે કહ્યાગરા બાળકની જેમ તૈયાર હોય છે. મુસીબત ખાલી મનની હોય છે, જે વંઠેલા વયસ્ક જેવું હોય છે.

    “If you do not challenge yourself every day, consciously create small challenges for yourself, your body begins to get weaker and weaker.”
    – Milind Soman, Keep Moving.

  • સાધક કોન હૈ? – योगी कौन है

    સાધક કોન હૈ? – योगी कौन है

    *🛕 सत्संग / कथा ज्ञानामृत 🛕*

    *साधक कौन है।*

    साधक वही है जो अपने आपको साधकर रखता है।

    साधक वही है जो मन वचन कर्म से शालीन आचरण करने वाला होता है।

    कुछ विशेष मंत्र का सवा लाख जप कर लिया या फिर किसी विशेष स्तोत्र का पाठ कर लिया या फिर अन्य कोई भी छोटी मोटी साधना कर ली उससे कोई भी व्यक्ति साधक नहीं बन जाता है।

    जब आप सही अर्थ में साधक बनते है तब आपके अंदर विवेक का उदय होता है। आप सत्य और असत्य के बीच का भेद भलीभांति जान पाते है। और दुनिया की सुनने के बाद ये पता नहीं चलता मगर आपके अंदर के आत्म चिंतन से ही ये आपको पता चल जाता है।

    साधक वही है जो धीरे धीरे अपने स्वयं के विकारों से मुक्त होने की यात्रा पर आगे बढ़ रहा है। आज जितना है उससे अधिक मुक्त होने पर अग्रसर होता है। वो धीरे धीरे अपने विकारों से ऊपर बढ़ता चला जाता है।

    साधक वही है जो अपने कर्म के प्रति सभान होने लगता है। उसका प्रत्येक कर्म उसके विवेक और उसके ज्ञान से युक्त होता है। जो अपने प्रत्येक कर्म को अन्य की भाती बिना सोचे समझे नहीं करता जाता है।

    साधक वही है जो अपने इंद्रियों को नियंत्रण से मुक्त होने लगता है और वो स्वयं अपनी इंद्रियों पर पूर्ण नियंत्रण प्राप्त कर लेता है। उसके लिए दिन प्रतिदिन वो स्वयं जागृत होते जाता है। उसका नियंत्रण इतना सटीक होता है कि फिर उसे कोई भी प्रलोभन तोड़ नहीं सकता है।

    साधक वही है जो पूर्ण रूप से स्वतंत्र होते जाता है। जो धीरे धीरे सभी प्रकार के विचारों या पूर्वग्रह से मुक्त होकर अपनी स्वतंत्र विचारधारा को जन्म देता है। इसे ऐसा समझे की वो अपने हृदय के ग्रन्थ को खोलता है और उसी का अनुसरण करने लगता है।

    साधक एक निष्ट होता है। उसके इष्ट और इष्ट सेवा निरंतर और एक निष्ठा के साथ चलती है। कोई भी उसकी श्रद्धा को चलित नहीं कर सकता है। कोई भी उसके मार्ग को रोक नई सकता है। क्योंकि उसकी निष्ठा ही उसका आधार होता है।

    साधक वही है जो केवल कल्पनाएं नहीं करता है अपितु अपने पथ पर हर पल हर समय चलता है जब तक उसे मूल हासिल नहीं होता है। जब तक उसे मूल तत्व प्राप्त नहीं होता है या उसका उद्देश्य सिद्ध नहीं होता है तब तक बिना रुके जो परिश्रम करने के पथ पर अग्रसर होता है।

    साधक वही है जो अपने गुणों को खोता नहीं है अपितु दूसरों के सद्गुण स्वयं धारण कर लेता है । जो दिन प्रतिदिन अपने सद्गुणों में वृद्धि और दुर्गुणों का त्याग करता है।

    साधक वही है जो सहजता और सरलता को धारण करते जाता हैं। जो आपके पास होता है तो आप अपने समग्र अस्तित्व को खोकर उसके अस्तित्व से युक्त हो जाते है। जो अपनी सरलता और सहजता से आपके समग्र अस्तित्व को अपने अंदर समाहित कर लेता है। जहा आप पूर्ण रूप से मुक्त होकर अपने आपको प्रगट कर सकते है।

    साधक बनें। यदि नहीं है तो उसकी और आगे बढ़ने की यात्रा शुरू करें। एक दिन अवश्य ही आप पहुंच जाएंगे।

  • ગુજરાત યોગ બોર્ડ વડે યોગ પ્રોટોકોલ શિબિર યોજાઈ

    ગુજરાત યોગ બોર્ડ વડે યોગ પ્રોટોકોલ શિબિર યોજાઈ

    નીરવ જોશી,  હિંમતનગર (M-7838880134)

    આવનાર 21 જૂન – વિશ્વ યોગ દિવસ ને અનુલક્ષીને અનેક પ્રકારની યોગ શિબિરો હિંમતનગરમાં આયોજિત થવા જઈ રહી છે, આ અનુસંધાનમાં ગુજરાત રાજ્ય યોગ બૉર્ડ દ્વારા યોગ પ્રોટોકોલ શિબિરનું બુધવારના રોજ સવારે 5:30 થી 6:30 કેનાલફ્રન્ટ ગાર્ડન, મહાવીરનગર, હિંમતનગર ખાતે, કોડિનેટર અમીબેન, યોગકોચ રાજેશભાઈ મોદી, ફાલ્ગુનીબેન, & યોગ ટ્રેનેરો દ્વારા સુંદર આયોજન કરવામાં આવ્યું.

    100 થી વધુ લોકોએ લાભ લીધો. યોગ શિબિરની સાથે સાથે યોગ પ્રેમીઓને મતદાન અવશ્ય કરવા માટે સ્ટેજ પણ બનાવવામાં આવ્યું હતું અને આગામી લોકસભા ચૂંટણીને અનુલક્ષીને મતદાન કરવા માટે પ્રેરિત કરવામાં આવ્યા હતા. ઉલ્લેખનીએ છે કે ગુજરાત યોગ બોર્ડના અલગ અલગ જગ્યાએ શિબીરો એમના પ્રસિક્ષિત કોચ વડે છેલ્લા ઘણા મહિનાથી કરાવવામાં આવે છે આ ઉપરાંત વિશ્વ યોગ દિવસને અનુલક્ષીને પણ બે મહિનાની શિબિરો ચાલુ થઈ ગઈ છે જેનો બહોળો લાભ હિંમતનગરવાસીઓ લઈ રહ્યા છે.

    સંપર્ક : રાજેશભાઈ મોદી – (Canal Front Garden) 9328930201

    FALGUNIBEN (Sharda Kunj Society)-  યોગ coach – 9408412622

    🙏ૐ

  • સાબરકાંઠામાં આંતરરાષ્ટ્રીય યોગ દિવસની ઉજવણી માટે તાલીમ શિબિર યોજાઈ

    સાબરકાંઠામાં આંતરરાષ્ટ્રીય યોગ દિવસની ઉજવણી માટે તાલીમ શિબિર યોજાઈ

    નીરવ જોશી , હિંમતનગર

    (M-7838880134 & 9106814540)

    આગામી 21 જૂન 2024 ના રોજ આંતરરાષ્ટ્રીય યોગ દિવસ ને 100 દિવસ બાકી છે ત્યારે તેને અનુસંધાનમાં યોગ ઉત્સવ – કોમન યોગ પ્રોટોકોલ તાલીમ સત્ર હિંમતનગરના મોતીપુરા વિસ્તારમાં આયોજિત કરવામાં આવ્યું હતું. ઉદ્દેશ છે વધુમાં વધુ યોગ પ્રશિક્ષકો અને યોગ કરનારા નાગરિકો તૈયાર કરવા.

    ગુજરાત રાજ્ય યોગ બોર્ડ દ્વારા આયોજિત 21 જૂન યોગ દિવસની અનુલક્ષીને 100 DAY COUNT DOWN અભિયાનનો શુભારંભ ગત રોજ માનનીય ગૃહ અને રાજ્ય મંત્રી શ્રી હર્ષભાઈ સંઘવી સાહેબના વરદ હસ્તે કરવામાં આવ્યો, જેના ભાગરૂપે આજે સાબરકાંઠા જિલ્લામાંCOUNT DOWN 98DAY નો કાર્યક્રમ થયો.

     

    સાબરકાંઠાને યોગમય અને નિરામય સાબરકાંઠા બનાવવા માટે ગુજરાત રાજ્ય યોગ બોર્ડના પ્રતિનિધિ તરીકે શ્રી અજીતભાઈ પટેલ, જિલ્લા કોર્ડીનેટર અમીબેન પટેલ, યોગ કોચ, યોગ ટ્રેનર, સહિત ઉપસ્થિત મહેમાન તરીકે પતંજલિ જિલ્લા પ્રભારી લલિતભાઈ પટેલ, નગરપાલિકાના પૂર્વ પ્રમુખ યતિની બેન મોદી, BJP મહિલા મોરચાના પૂર્વ પ્રમુખ અને હિંમતનગર પાલિકા કોર્પોરેટ હંસાબેન પિત્રોડા, આરએસએસ ના કાર્યકર્તા અનિલભાઈ, અને હર્ષભાઈ, તથા તાલુકા સદસ્ય શ્રી પ્રકાશભાઈ વૈધ, આ કાર્યક્રમમાં ઉપસ્થિત રહ્યા.

     

    ગઈકાલે સાંજે 4:30 થી લઈ 6:30 સુધી યોગ કોર્ડીનેટર અમીબેન તેમજ ફાલ્ગુનીબેન અને બીજા યોગ પ્રશિક્ષકો વડે યોગ રેલી નું આયોજન પણ મોતીપુરા વિસ્તારમાં કરવામાં આવ્યું હતું.

    શુક્રવારે સવારના 6:30 થી 8:30 સુધી ખૂબ મોટી સંખ્યામાં યોગી ભાઈ બહેનો ઉપસ્થિત રહી કોમન યોગ પ્રોટોકોલ ના અભ્યાસ સાથે ખુબ સુંદર કાર્યક્રમનું આયોજન કરવામાં આવ્યું, મહેસાણા થી આવેલા જોન પ્રભારી અજીતભાઈ પટેલે યોગ કોચને ખુબ સુંદર માર્ગદર્શન આપ્યું હતું અને વધુમાં વધુ સંખ્યામાં લોકોને યોગ કરતા કરવા તે અંગે ખૂબ જ ઉત્તમ અને વ્યવહારુ સૂચનો કર્યા હતા.

    🕉️🙏👏

  • દેવસંસ્કૃતિ વિશ્વવિદ્યાલયના વિદ્યાર્થીઓની ટીમ ખેડબ્રહ્મા તાલુકામાં પરિભ્રમણ

    દેવસંસ્કૃતિ વિશ્વવિદ્યાલયના વિદ્યાર્થીઓની ટીમ ખેડબ્રહ્મા તાલુકામાં પરિભ્રમણ

    • દેવ સંસ્કૃતિ વિશ્વવિદ્યાલયના વિદ્યાર્થીઓની ટીમ માં તાલુકામાં પરિભ્રમણ
    • ઇડર વડાલી તેમજ ખેડબ્રહ્મા તાલુકામાં ભ્રમણ કરી યોગ વિદ્યા અંગે સમજૂતી આપી

    સાબરકાંઠામાં છેલ્લા 15 દિવસથી હરિદ્વારના ગાયત્રી શાંતિ કુંજ પરિવાર માં આવેલી વિશ્વપ્રસિધ્ધિ દેવ સંસ્કૃતિ વિશ્વ વિદ્યાલયના વિદ્યાર્થીઓ હિંમતનગર ઇડર વડાલી તેમજ ખેડબ્રહ્મા તાલુકામાં યોગના પ્રચાર માટે વિદ્યાર્થી જગત પાસે પહોંચ્યા છે.


    દેવ સંસ્કૃત વિશ્વવિદ્યાલયના વિદ્યાર્થીઓ દર વર્ષે ભારત ભરના જિલ્લાઓમાં ચાર હજાર થી વધુ ગાયત્રી પરિવારની શક્તિપીઠો સંસ્થાઓમાં ઇન્ટરશીપ હેતુ વિદ્યાર્થીઓની ટીમ મોકલવામાં આવે છે. દરેક જિલ્લામાં ત્રણ વિદ્યાર્થીઓની ટીમ એક મહિનાના સુધી પરિભ્રમણ કરે છે. શાળા કોલેજમાં નૈતિક સામાજિક બૌદ્ધિક અને સ્વાસ્થ્ય અંતર્ગત અલગ અલગ વિષયો પર માર્ગદર્શન આપવામાં આવે છે. સાથે સાથે યોગ આસાન પ્રાણાયામ તેમજ વૈકલ્પિક ચિકિત્સા જેવી કે એક્યુપ્રેશર અંતર્ગત પ્રેક્ટીકલ પ્રયોગ કરી સમજણ આપવામાં આવે છે.

     

  • હિંમતનગરમાં ૯ મા આંતરરાષ્ટ્રીય યોગ દિવસની જિલ્લા કક્ષાની ઉજવણી

    હિંમતનગરમાં ૯ મા આંતરરાષ્ટ્રીય યોગ દિવસની જિલ્લા કક્ષાની ઉજવણી

    નીરવ જોશી, હિંમતનગર (M-7838880134)

    G20-ONE EARTH,ONE HEALTH’
    ‘વસુધૈવ કુટુમ્બકમ માટે યોગ’, ‘હર ઘરના આંગણે યોગ’

    * હિંમતનગર પોલીસ પરેડ ગ્રાઉન્ડ ખાતે ૯ મા આંતરરાષ્ટ્રીય યોગ દિવસની જિલ્લા કક્ષાની ઉજવણી*

    વિશાળ સંખ્યામાં લોકોએ ઉપસ્થિત રહી યોગ કર્યા
    –
    *યોગ ભારતની પ્રાચીન વિરાસત છે, જેને આજે વૈશ્વિક સ્થાન મળ્યું છે.    
         – મંત્રી શ્રી ભીખુસિંહ પરમાર*

    મહેતાપુરા ના ત્રિવેણી હાઈસ્કૂલના ધોરણ નવ થી 11 ના બાળકો. આજે અઢીસો જેટલા બાળકો એ ઉત્સાહભેર તેમની હાઈસ્કૂલ માંથી ભાગ લીધો હતો બધી શાળામાં સૌથી વધારે બાળકો ત્રિવેણી હાઈસ્કૂલના નોંધાયા. આ શાળાના કુલ ચાર શિક્ષકો દીપકભાઈ પટેલ, રાજુભાઈ પટેલ,કિંજલબેન, હીનાબેન અને આશાબેન પણ સહયોગી શિક્ષકો તરીકે હાજર રહીને બાળકોને પોલીસ ગ્રાઉન્ડ પર યોગ માટે પ્રોત્સાહિત કર્યા હતા. આ ઉપરાંત માયોન હાઇસ્કુલ, તપોવન સ્કૂલ, ગ્રો મોર હાઇસ્કુલ, હિંમત હાઇસ્કુલ તેમજ બીજી અન્ય શાળાઓના બાળકો અને સરકારી વિભાગોમાં ફરજ બજાવતા કર્મચારીઓએ પણ યોગ દિવસ પર યોગ કરી અને પોતાના સ્વાસ્થ્યના ઉત્તમ વિકાસ માટે સંકલ્પ કર્યો હતો.

    હિંમતનગર ધારાસભ્ય વીડી ઝાલા તેમ જ કલેકટર અને જિલ્લા પોલીસ વડા તેમજ અન્ય ભાજપના પદાધિકારીઓએ પણ ઉત્સાહથી હાજરી આપી અને યોગ કર્યો.
    હિંમતનગર ખાતે સાબરકાંઠા જિલ્લામાં ગુજરાત યોગ બોર્ડના કોઓર્ડીનેટર અમીબેન પટેલ અને તેમના સાથેના 15 જેટલા સહયોગી યોગ પ્રશિક્ષકોએ ખુબ સરસ રીતે માર્ગદર્શન આપીને બધાને યોગ કરાવ્યા હતા.

    સાબરકાંઠા જિલ્લાના હિંમતનગર પોલીસ પરેડ ગ્રાઉન્ડ ખાતે અન્ન અને નાગરિક પુરવઠા મંત્રી શ્રી ભીખુસિંહ પરમારની અધ્યક્ષતામાં વહેલી સવારે  ૯મા આંતરરાષ્ટ્રીય યોગ દિવસની જિલ્લાકક્ષાની ઉજવણીની કરવામાં આવી હતી. જેમાં વિશાળ સંખ્યામાં નાગરિકો જોડાયા હતા અને યોગ કર્યા હતા.

     

     મંત્રીશ્રીએ આ પ્રસંગે જણાવ્યું હતું કે, યોગ એ ભારતની પુરાતન સંસ્કૃતિ એ વિશ્વને આપેલી અણમોલ ભેટ છે. યોગ એ ઋષિમુનિઓની પરંપરા છે. જેને આજે સમગ્ર વિશ્વએ સ્વીકારી છે. યોગ એટલે જોડવુ, યોગ શરીર, મન અને આત્માને જોડે છે. અષ્ટાંગ યોગ એ આપણી પ્રાચીન વિરાસત છે.

    તેમણે વધુ ઉમેરતાં કહ્યું હતું કે વડાપ્રધાનશ્રીએ સંયુક્ત રાષ્ટ્રસંઘમાં યોગ દિવસની ઉજવણી માટે મુકેલા પ્રસ્તાવને સમગ્ર વિશ્વએ સ્વિકારી પ્રતિ વર્ષ ૨૧મી જૂનનાં રોજ આંતરરાષ્ટ્રીય યોગ દિવસ મનાવવાની સ્વીકૃતિ આપી હતી. ભારતીય સંસ્કૃતિની આ પરંપરાના ફાયદા સ્વીકારીને સમગ્ર વિશ્વ ૨૧ મી જૂનના રોજ યોગમય બને છે. ચાલુ વર્ષે રાજ્યમાં આંતરરાષ્ટ્રીય યોગ દિવસ G-20 ની One Earth, One Health ની થીમને ધ્યાનમાં રાખતા આ વર્ષે “એક પૃથ્વી એક સ્વાસ્થ્ય” ના નારા સાથે “વસુધૈવ કુટુમ્બકમ માટે યોગ” અને “હર ઘરના આંગણે યોગ” ની થીમ સાથે ઉજવણી કરવામાં આવી છે.

    આ અવસરે વડાપ્રધાન શ્રી નરેન્દ્રભાઇ મોદી યુનાઈટેડ નેશન્સથી વીડિયો સંદેશ દ્વારાથી જોડાયા હતા. તેમજ મુખ્યમંત્રીશ્રી ભૂપેન્દ્રભાઈ પટેલ સુરત ખાતેથી જીવંત પ્રસારણ દ્વારા જોડાયા હતા.

    આ કાર્યક્રમમાં  હિંમતનગર ધારાસભ્ય શ્રી વી ડી ઝાલા, , કલેક્ટરશ્રી નૈમેશ દવે,  જિલ્લા વિકાસ અધિકારીશ્રી હર્ષદ વોરા, જિલ્લા પોલીસ વડા શ્રી વિશાલ વાઘેલા, નિવાસી અધિક કલેકટર શ્રીબ્રહ્મભટ્ટ, નગરપાલિકા પ્રમુખ શ્રીમતી યતીનબેન મોદીમહિલા અગ્રણી કૌશલ્યા કુંવરબા, શહેર અગ્રણી શ્રી જે ડી પટેલ, સિદ્ધાર્થ પટેલ, અધિકારીશ્રીઓ, યોગ સાધકો તેમજ બહોળી સંખ્યામાં  યોગપ્રેમી જનતા વિદ્યાર્થીઓ ઉપસ્થિત રહ્યાં હતાં.

  • વ્યક્તિત્વ વિકાસ,યોગાસન તાલીમ શિબિર અને કલા મહાકુંભમાં ભાગ લેવા સંપર્ક કરો

    વ્યક્તિત્વ વિકાસ,યોગાસન તાલીમ શિબિર અને કલા મહાકુંભમાં ભાગ લેવા સંપર્ક કરો

    નીરવ જોશી, હિંમતનગર ( M-7838880134)

    વ્યક્તિત્વ વિકાસ અને યોગાસન તાલીમ શિબિરમાં ભાગ લેવા બાબત.

    કમિશન્નશ્રી યુવક, સેવા અને સાંસ્ક્રુતિક પ્રવૃત્તિઓ ગાંધીનગર દ્વારા પ્રેરિત અને જિલ્લા રમતગમત અધિકારીની કચેરી, સાબરકાંઠા દ્વારા આયોજીત તાલુકાકક્ષા વ્યક્તિત્વ વિકાસ અને યોગાસન તાલીમ શિબિર પ્રતિ વર્ષની જેમ ચાલું વર્ષે અનુચુચિત જન જાતી અને અનુસુચિત જાતીના ૧૫ થી ૩૫ વયના યુવક/યુવતીઓ માટે આયોજન હાથ ધરવામાં આવનાર છે. જેમાં યુવક-યુવતીઓને આ તાલીમ શિબિરમાં જોડાવા અનુરોધ કરવામાં આવે છે.

    આ શિબિરમાં ભાગ લેવા ઇચ્છુક યુવક-યુવતીઓની અરજી તા.૨૦/૦૮/૨૦૨૨ સુધીમાં જિલ્લા રમતગમત અધિકારીની કચેરી, સર્વોદય સર્જીકલ કમ્પાઉન્ડ, સબ જેલ રોડ, હિંમતનગર સાબરકાંઠા ખાતે મોકલી આપવા રમત ગમત વિભાગની એક અખબારી યાદીમાં જણાવવામાં આવ્યું છે.

    ————————————————————————–

    કલામહાકુંભ – ૨૦૨૨ અંગેની સાબરકાંઠા જિલ્લાના કલાકારો માટે મહત્વપૂર્ણ જાણકારી

     રાજ્યના સાંસ્કૃતિક વારસાનું જતન થાય, કલા સાહિત્ય અને સાંસ્કૃતિક માં આગવી ઓળખ ધરાવનાર અલગ અલગ વયજૂથના કલાપ્રેમીઓ અને પસંદગી પામેલ કૃતિઓનું તાલુકા કક્ષાએથી શરૂ કરી તબક્કાવાર રાજ્ય કક્ષા સુધી તંદુરસ્ત સ્પર્ધા યોજાશે.

    રાજ્યની કલા સંસ્કૃતિથી લોકો માહિતગાર થાય તે હેતુથી રાજ્ય સરકારના રમત ગમત, યુવા અને સાંસ્કૃતિક પ્રવૃત્તિઓ વિભાગ, ગાંધીનગર તેમજ કમિશ્નરશ્રી, યુવક સેવા અને સાંસ્કૃતિક પ્રવૃત્તિઓ, ગાંધીનગર દ્વારા આ વર્ષે રાજ્યમાં કલામહાકુંભ-૨૦૨૨માં તાલુકાકક્ષાની ઇવેન્ટ તા.૧૯થી ૩૦ ઓગસ્ટ ૨૦૨૨, જિલ્લાકક્ષાની ઇવેન્ટ તા.૦૨ થી તા.૧૧ સપ્ટેમ્બર ૨૦૨૨ દરમ્યાન વિવિધ ચાર વયજૂથ ની સાહિત્ય, કલા, નૃત્ય અને ગાયન વિભાગમાં વકતૃત્વ, નિબંધ લેખન,કાવ્ય લેખન, ગઝલ શાયરી, લોકવાર્તા, દુહા-છંદ-ચોપાઈ, ચિત્રકલા, સર્જનાત્મક કારીગરી, લોકનૃત્ય, રાસ, ગરબા, ભરતનાટ્યમ, કથ્થક, કુચીપુડી, ઓડીસી, મોહિનીઅટ્ટમ, શાસ્ત્રીય કંઠ્ય સંગીત (હિન્દુસ્તાની), સુગમ સંગીત, લગ્નગીત, સમુહગીત, લોકગીત/ભજન, હાર્મોનિયમ (હળવું), તબલા, ઓરગન, સ્કૂલ બેન્ડ, વાંસળી, સિતાર, ગિટાર, સરોદ, સારંગી, પખાવજ, વાયોલીન, મૃદંગમ, રાવણ હથ્થો, જોડિયા પાવા એમ કુલ-૩૭ ઇવેન્ટોની સ્પર્ધાઓનું આયોજન ૦૬ થી ૧૪,  ૧૫ થી ૨૦ અને ૨૧ થી ૫૯ વયગૃપમાં કરવામાં આવશે. 

     ભાગ લેવા ઇચ્છુક કલાકાર પ્રવેશપત્ર જિલ્લા રમતગમત કચેરી, ક્રિષ્ના હોસ્પિટલ કમ્પાઉન્ડ સબ જેલ પાસે ,હિંમતનગર સાબરકાંઠા ખાતેથી મેળવી તા.૧૮ ઓગસ્ટ ૨૦૨૨ સુધી પરત કરવાના રહેશે.

  • આઝાદી કા અમૃત મહોત્સવ અને યોગમય ગુજરાત મિશનને સાંકળવામાં આવ્યા

    આઝાદી કા અમૃત મહોત્સવ અને યોગમય ગુજરાત મિશનને સાંકળવામાં આવ્યા

    નીરવ જોશી , હિંમતનગર (M-7838880134)

    ” આઝાદી કા અમૃત મહોત્સવ” અને ” યોગમય ગુજરાત ” અભિયાન અંતર્ગત સાબરકાંઠા જિલ્લાને યોગમય બનાવવા માટે તાલુકા કક્ષા સુધી યોગ પહોંચે અને દરેક ગામે ગામના લોકો યોગ કરતા થાય એવા આશયથી ગુજરાત રાજ્ય યોગ બોર્ડના માન. ચેરમેન શ્રી યોગસેવક શીશપાલજીની અધ્યક્ષતામાં હિંમતનગર ખાતે ગાયત્રી મંદિરના હોલમાં તાલુકા યોગ શિબિર કાર્યક્રમ યોજાયો.

    યોગ શિબિરમાં ઉત્તર ગુજરાત ઝોન કો ઓર્ડીનેટર શ્રી રાધેશ્યામ યાદવ, જિલ્લાના કો-ઓર્ડીનેટરશ્રી, યોગ કોચ, યોગ ટ્રેનર, ટીમ લીડર, ટીમ મેમ્બર અને યોગ સાધકો ઉપસ્થિત રહ્યા.


    ત્યારબાદ હિંમતનગર જિલ્લાના તમામ યોગ કોચ, ટ્રેનર, ટીમ લીડર અને ટીમ મેમ્બર સાથે ચિંતન બેઠક કરી. બેઠકમાં જિલ્લાના વડા કલેકટર શ્રી હિતેશભાઈ કોયા, હિંમતનગર નગરપાલિકા પ્રમુખ શ્રીમતી યતિનબેન મોદી ઉપસ્થિત રહ્યા હતા.

    સર્વેને આપણાં દેશના વડાપ્રધાન માન. શ્રી નરેન્દ્રભાઇ મોદીજી દ્વારા સ્વતંત્રતા દિવસ સંદર્ભમાં સૂચવેલ કાર્યક્રમ ” હર ઘર તિરંગા” ના મિશન વિશે પણ ચર્ચા કરીને માહિતગાર કર્યા.

    ગુજરાત યોગ બોર્ડ અને તેના વિસ્તૃત કાર્યો અંગે ગુજરાતમાં દરેક જિલ્લામાં કેવી જાગૃતિ છે???

    જો કે ગુજરાત યોગ બોર્ડના નિર્માણ થયા ને ત્રણ વર્ષ થયા છતાં પણ હજુ સમગ્ર જિલ્લાને અને સમગ્ર ગુજરાતના દરેક જિલ્લાને સાંકળતા યોગ ક્રાંતિના સૂત્રને જોઈએ તે પ્રમાણે સાર્થક કરાયું હોય તેવું કંઈ ખાસ નોંધનીય નથી …..એટલું જ નહીં આ કોરોનાના બે વર્ષો પણ અનેક રીતે પડતાજનક રહ્યા હતા .

    બીજું ગુજરાત યોગ બોર્ડના કુલ કેટલા પ્રશિક્ષકો છે ?? જિલ્લા વાઇઝ અને રાજ્યમાં બધા જિલ્લાઓમાં એની બધી માહિતી કોઈ એક ગુજરાત યોગ બોર્ડની વેબસાઈટ પર હોય…… તેમના નામ શું છે નંબર શું છે …એમના યોગ કરાવવાના સ્થળો સ્થળો કયા છે .. આ બધું જાહેર રીતે લોકોને ઉપલબ્ધ હોય એ જરૂરી છે, પરંતુ એ દિશામાં પણ કઈ અસરકારક કામગીરી થતી નથી.

    ફક્ત કાર્યક્રમના નામે વરસમાં થોડા મહિનાઓમાં એક બે જાહેરમાં કે કોઈ ટાઉનહોલ કે કોઈ બીજા ખાનગી હોલમાં યોગ નિર્દર્શનનો કાર્યક્રમમાં થઈ જાય છે એટલું જ અત્યારે જોવાઈ રહ્યું છે. કેટલાક પ્રશિક્ષકો યોગની તાલીમ આપે છે પરંતુ જે પ્રમાણે સંખ્યા જોડાવી જોઈએ તેવી જોડાતી નથી આમ લોકોમાં પણ યોગ સાથે જોડાવાનો ઉત્સાહ કે જાગૃતિ નો અભાવ જોવાઈ રહ્યો છે!

     

  • શ્રી શ્રી રવિશંકરજી રચિત પુસ્તક – એન ઇન્ટિમેટ નોટ ટુ ધ સિન્સિયર સીકર વિશે જાણો

    શ્રી શ્રી રવિશંકરજી રચિત પુસ્તક – એન ઇન્ટિમેટ નોટ ટુ ધ સિન્સિયર સીકર વિશે જાણો

    ઉદયભાઇ ક્રિશ્નન, યોગ સાધક(AOL)

    જીવન માં વ્યાવહારિક, વ્યક્તિગત, પારિવારિક વ્યાવસાયિક કે આધ્યાત્મિક ક્ષેત્રે ઉદ્દભવતા પ્રશ્નો નું સરળ સમાધાન: ગુરુદેવ શ્રી શ્રી રવિશંકરજી રચિત પુસ્તક “એન ઇન્ટિમેટ નોટ ટુ ધ સિન્સિયર સીકર”

    જયારે સહકાર્યકરો – કર્મચારીઓનું વલણ સહકારભર્યું નથી, તો આ સ્થિતિમાં પૂરી ક્ષમતા સાથે કઈ રીતે કામ કરવું? અવ્યવસ્થા અને અંધાધૂંધી ના સંજોગોમાં મન શાંત અને કેન્દ્રિત રાખીને કઈ રીતે સાચા નિર્ણય લેવા? ઈશ્વર એટલે શું? કર્મ નો સિદ્ધાંત કઈ રીતે કામ કરે છે? પ્રિયજન નાં મૃત્યુ ના દુઃખ માં થી કઈ રીતે બહાર નીકળી શકાય? પ્રેમ શું છે?

    જીવનમાં આપણે અનેક વિવિધ પરિસ્થિતિઓનો સામનો કરીએ છીએ ત્યારે આ પ્રશ્નો આપણી સમક્ષ આવીને ઉભા રહે છે. પરંતુ આ પ્રશ્નોના સાચા ઉત્તર ક્યાંથી મેળવવા તે આપણે જાણતાં નથી. આ પ્રશ્નોના ઉત્તર માટે કોના ઉપર વિશ્વાસ રાખી શકાય તે પણ આપણે જાણતાં નથી.

    ગુરુદેવ શ્રી શ્રી રવિશંકરજી એ, જીવનનાં અસંખ્ય પાસાંઓ ને આવરી લેતા,આવા અનેક સાચા પ્રશ્નોના ઉત્તર તથા જીવન યાત્રામાં આવતા અવરોધોને પાર કરવા સહાયરૂપ જ્ઞાન, સાત વર્ષ સુધી, પ્રતિ સપ્તાહ એક-એક જ્ઞાન પત્ર દ્વારા વિશ્વભરમાં લાખો સાધકોને પાઠવેલ છે. આ બધાં જ જ્ઞાન-પત્રો નું સંકલન , “એન ઇન્ટિમેટ નોટ ટુ ધ સિન્સિયર સીકર” નામક પુસ્તકમાં કરવામાં આવ્યું છે.

    પૂજ્ય ગુરુદેવ શ્રી શ્રી રવિશંકરજી દ્વારા રચિત આ પુસ્તકનું, આર્ટ ઓફ લિવિંગ સંસ્થા દ્વારા તાજેતરમાં વિમોચન કરવામાં આવ્યું છે. આ પુસ્તકમાં જીવનનાં લગભગ બધાં જ પરિમાણોને આવરી લેવાયાં છે. સંબંધો, લોકો સાથે વ્યવહાર, શું છોડવું અને શું પકડી રાખવું, મન અને તેની વૃત્તિઓ, મનોવલણો, પ્રેમ, સૃજનાત્મક્તા, પ્રગતિ, સફળતા, કર્મ ના સિદ્ધાંતો, અહંકાર, પ્રારબ્ધ અને પુરુષાર્થ, સત્ય, ઈશ્વર જેવા અનેક પ્રશ્નોના ઉત્તર આ પુસ્તકમાં છે. જેમ કે આ પુસ્તકમાં ગુરુદેવ કહે છે કે જૂઠું બોલનાર નિર્દોષ હોય છે! તેઓ કહે છે કે જગત એક સુંદર ગિફ્ટ પેપરથી સજાવેલ ગિફ્ટ બોક્સ છે, જેની અંદર ખૂબ અમૂલ્ય ઉપહાર છે. બ્રહ્માંડનાં સૌથી સુંદર સ્થાન વિષે તેઓ વાત કરે છે અને ઈશ્વર શા માટે એક બિઝનેસમેન છે તેવું પણ તેઓ કહે છે.

    અસ્તિત્વની જટિલતાને તેઓએ ખૂબ સરળ છતાં ગહન અર્થ સાથે, હળવી શૈલીમાં સમજાવી છે. ગુજરાતી રંગભૂમિનાં પ્રખ્યાત કલાકાર અભિજ્ઞા મહેતા કહે છે , “મારા મનમાં કોઈ પ્રશ્ન હોય કે દ્વિધામાં હોઉ અને આ પુસ્તકનું કોઈપણ એક પાનું ખોલીને જોઉં તો તેમાં મને મારા પ્રશ્નનો જવાબ મળી જ જાય છે.” સુપ્રસિદ્ધ સુગમ સંગીત કલાકાર સોનલ રાવલ જણાવે છે કે “ગુરુદેવ ના સરળ શબ્દો મનને તરત જ હળવું કરે છે અને હૃદયને શીતળતા પ્રદાન કરે છે.”

    જેને જીવન અને તેનાં સત્યને સમજવા ની જિજ્ઞાસા છે, તેને માટે આ પુસ્તક હૃદયની સદાય નિકટ રહેતું, અંતરંગ બની રહેશે.

    ગુરુદેવ શ્રી શ્રી રવિશંકરજી વૈશ્વિક સ્તરે સન્માનીય આધ્યાત્મિક અને માનવતાવાદી ગુરુ છે. એક એક વ્યક્તિના ચહેરા પર સ્મિત હોય, મન તણાવમુક્ત હોય અને સમાજ હિંસામુક્ત હોય, તે ધ્યેયથી ગુરુદેવની પ્રેરણાથી, આર્ટ ઓફ લિવિંગ સંસ્થાન 155 દેશોમાં સેવારત છે. ગુરુદેવ શ્રી શ્રી એ વ્યક્તિ વિકાસ, આધ્યાત્મિક પ્રગતિ તથા દિવ્ય સમાજ નિર્માણ માટે વિભિન્ન કોર્સ ની રચના કરી છે. જેના દ્વારા લાખો લોકોનાં જીવનમાં સકારાત્મક પરિવર્તન આવ્યું છે.