ટૅગ voters

સાબરકાંઠા મતદાર યાદી સુધારણા ૫ થી ૨૦ એપ્રિલ સુધી યોજાશે, ગવર્નર હિંમતનગરની મુલાકાતે આજે આવશે
Avspost.com, Himatnagar(M-7838880134)
- સાબરકાંઠા જીલ્લામાં મતદાર યાદી સુધારણા કાર્યકમ તા. ૫ થી ૨૦ એપ્રિલ સુધી યોજાશે
- ગુજરાતના ગવર્નર હિંમતનગરની મુલાકાતે, સાબર ડેરી ખાતે પ્રાકૃતિક ખેતી કરનારા ખેડૂતોને સંબોધન કરશે
- આજે રાજ્યપાલશ્રી આચાર્ય દેવવ્રત સાબર ડેરી ખાતે ખેડૂતો સાથે “પ્રાકૃતિક કૃષિ પરીસંવાદ” કરશે
          ભારતના ચુંટણી પંચ દ્રારા મતદારયાદીમાં નામ નોંધણી કરાવવા, નામ કમી કરાવવા તથા મતદારની વિગતમાં સુધારો કરવા માટે હકક-દાવાઓ અને વાંધા અરજીઓ સ્વીકારવાનો સમયગાળો તા.૫ એપ્રિલ  ૨૦૨૩ થી તા. ૨૦ એપ્રિલ  ૨૦૨૩ નિયત કરવામાં આવી છે.

       મતદાર યાદીમાં તા. ૦૧/૦૪/૨૦૨૩ના રોજ ૧૮ વર્ષ કે તેથી વધુ ઉંમરના નાગરિકનુ નામ નોંધાવવા માટે  નમુનો—૬,અવસાન પામેલ વ્યક્તિનુ નામ કમી કરાવા, બેવડાયેલ નામ માટે નમુનો-૭, મતદારયાદીમાં નોંધાયેલ પોતાનું નામ તથા અન્ય વિગતો સુધારવા નમુનો-૮ અને સ્થળાંતર, ફોટો સુધારવા, પી.ડબલ્યુ. ડી. ફ્લેગીંગ કરવા માટે નમૂનો- ૮માં રજુ કરવાનુ રહેશે.

        ઉપર્યુકત નમુના બુથ લેવલ ઓફિસર પાસેથી વિના મૂલ્યે મેળવી શકશે તેમજ આ  આ નમૂનો ભરીને જરૂરી પુરાવા સાથે ત્યાં જ આપી શકશે.

         જિલ્લાની તમામ જનતાને અપીલ કરવામાં આવે છે  કે મતદારયાદીની ખાસ સંક્ષિપ્ત સુધારણા કાર્યકમ દરમિયાન બહોળી સંખ્યામાં ભાગ લઇ મતદારયાદીને   ૧૦૦ % ક્ષતિમુકત  બનાવવામાં આપનો અમુલ્ય ફાળો આપશો એમ જિલ્લા નાયબ ચુંટણી અધિકારી હિંમતનગર સાબરકાંઠાની એક અખબારીયાદીમાં જણાવવામાં આવ્યું છે.

ગુજરાતના ગવર્નર હિંમતનગરની મુલાકાતે, સાબર ડેરી ખાતે પ્રાકૃતિક ખેતી કરનારા ખેડૂતોને સંબોધન કરશે

આજે રાજ્યપાલશ્રી આચાર્ય દેવવ્રત સાબર ડેરી ખાતે ખેડૂતો સાથે “પ્રાકૃતિક કૃષિ પરીસંવાદ” કરશે

જિલ્લા કલેક્ટરશ્રી એન. એન. દવેની અધ્યક્ષતામાં પરીસંવાદને લઇ બેઠક યોજાઈ

માન.રાજ્યપાલશ્રી આચાર્ય દેવવ્રતની અધ્યક્ષતામાં ખેડૂતો સાથે “પ્રાકૃતિક કૃષિ પરીસંવાદ” યોજાનાર છે. જેના સંદર્ભે જિલ્લા કલેક્ટરશ્રી એન.એન.દવેની અધ્યક્ષાતા અને જિલ્લા વિકાસ અધિકારીશ્રી હર્ષદ વોરાની ઉપસ્થિતિમાં આખરી સમીક્ષા બેઠક યોજાઇ હતી.

આજે તા.૬ એપ્રિલ ૨૦૨૩ને ગુરુવારના રોજ સવારે ૯.૦૦ કલાકે હિંમતનગરની સાબર ડેરી ખાતે “પ્રાકૃતિક કૃષિ પરીસંવાદ” યોજાશે.જેમાં સાબરકાંઠા અને અરવલ્લી જિલ્લાના ખેડૂતોના ઉત્કર્ષ અને હિતાર્થ પ્રાકૃતિક કૃષિ અભિયાનમાં સહભાગીદારી કરવા પ્રયત્નશીલ છે તેવાં પ્રગતિશીલ ત્રણ ખેડૂતોનું સન્માન કરવામાં આવશે.

આ કાર્યક્રમ પૂર્વે ગુજરાતનું ઇથનોવેટ યુનિટ પ્લાન્ટનું નિરીક્ષણ કરી ડેરીના સભાગૃહ ખાતે ખેડૂતો સાથે સંવાદ સાધશે. ઉપરાંત સાબરડેરી દ્વારા ઉત્પાદિત “સાબર મધ”નું રાજ્યપાલશ્રીના હસ્તે લોકાર્પણ કરવામાં આવશે.

આ કાર્યક્રમમાં મંત્રીશ્રી ઉદ્યોગ અને જિલ્લા પ્રભારીમંત્રી શ્રી બળવંતસિંહ રાજપૂત, મંત્રીશ્રી અન્ન, નાગરિક પુરવઠા, સામાજિક ન્યાય અને અધિકારીતા શ્રી ભીખુસિંહજી પરમાર, સાંસદશ્રી દિપસિંહ રાઠોડ સહિત મોટી સંખ્યામાં ખેડૂતો ઉપસ્થિત રહેશે.

રાજ્યપાલ શ્રીના હસ્તે  હિંમતનગર રેડક્રોસને આઉટ સ્ટેન્ડિંગ રેડક્રોસ ડિસ્ટ્રીક બ્રાન્ચ નું સન્માન મળ્યુ

       સમગ્ર રાજ્યમાં ઇન્ડિયન રેડક્રોસ સોસાયટી દ્વારા આરોગ્ય ક્ષેત્રે ખૂબ જ સારી સુવિધા પૂરી પાડવામાં આવી રહી છે.  ઇન્ડિયન રેડક્રોસ સોસાયટી ગુજરાત રાજ્યના શાખાની એજીએમમાં ઇન્ડિયન રેડક્રોસ સોસાયટી સાબરકાંઠા જિલ્લા શાખા ફરી એકવાર ગુજરાત રાજ્યની શ્રેષ્ઠ રેડક્રોસ જિલ્લા શાખા માંથી આઉટ સ્ટેન્ડિંગ રેડક્રોસ ડિસ્ટ્રીક બ્રાન્ચ તરીકે પ્રથમ સ્થાન મેળવ્યું હતું.  રાજ્યપાલ શ્રી આચાર્ય દેવવ્રતના હસ્તે સાબરકાંઠા ટીમ વતી ચેરમેનશ્રી ડો. ભુપેન્દ્ર શાહ આ એવોર્ડ લીધો હતો.  આ પ્રસંગે રાજ્ય શાખાના ચેરમેન શ્રી અજયભાઈ પટેલ અને ડો. અનિલ કુમાર નાયક કો-ઓર્ડીનેટર ઉત્તર ગુજરાત ઝોન તેમજ ઉપસ્થિત રહ્યા હતા

  આ એવોર્ડ માટે ચેરમેન શ્રીએ રેડક્રોસની સમગ્ર ટીમનો સ્ટાફનો અને જિલ્લાના રેડક્રોસ સોસાયટીના લાભાર્થી નાગરિકોને અભિનંદન પાઠવી આભાર વ્યક્ત કર્યો હતો.
એપ્રિલ 5, 2023
સાબરકાંઠામાં ૧૩મા રાષ્ટ્રીય મતદાતા દિવસની ઉજવણી કરાઈ

નીરવ જોશી , હિંમતનગર (M-7838880134)

જિલ્લા કલેક્ટરશ્રી હિતેષ કોયાની અધ્યક્ષતામાં કલેક્ટર કચેરી ખાતે ૧૩મા “રાષ્ટ્રીય મતદાતા દિવસ”ની ઉજવણી કરાઈ

સાબરકાંઠા જિલ્લા ચૂંટણી અધિકારી અને કલેકટરશ્રી હિતેષ કોયાની અધ્યક્ષતામાં ૨૫ જાન્યુઆરીએ કલેક્ટર કચેરી સભાખંડ ખાતે “મતદાનથી વિશેષ કંઈ નથી, મતદાન અવશ્ય કરીએ” ની થીમ આધારિત ૧૩માં રાષ્ટ્રીય મતદાતા દિવસની ઉત્સાહભેર ઉજવણી કરવામાં આવી હતી.

આ પ્રસંગે જિલ્લા કલકટરશ્રીએ જણાવ્યું હતુ કે ભારત સરકાર દ્વારા, વધુને વધુ લોકો તથા યુવા મતદારોને મતદાન પ્રત્યે જાગૃત કરવા તેમને પ્રોત્સાહિત કરવા અને મતદાનની લોકશાહી પ્રણાલીમાં જોડવાના ઉદ્દેશથી દર વર્ષે ૨૫ જાન્યુઆરીના દિવસને રાષ્ટ્રીય મતદાતા દિવસ તરીકે દેશભરમાં ઉજવવામાં આવે છે.આપણો દેશ લોકશાહી પ્રણાલીકાવાળો દેશ છે. જેમાં નિષ્પક્ષ ન્યાય,મુક્ત ચૂંટણી પ્રક્રિયા ખુબ અગત્યનો ભાગ ભજવે છે.આજે આપણે ૧૩માં રાષ્ટ્રીય મતદાતા દિવસની ઉજવણી કરી રહ્યા છીએ. ત્યારે તાજેતરમાં યોજાયેલ વિધાનસભા સામાન્ય ચૂંટણી-૨૦૨૨ દરમિયાન જિલ્લાના તમામ બી.એલ.ઓ,ચૂંટણી સાથે સંકળાયેલા તમામ અધિકારી/કર્મચારીઓએ ખુબ નિષ્ઠા પૂર્વક કાર્ય કર્યુ છે.તેમને અભિનંદન પાઠવું છું. જેના પરીણામે વિધાનસભા સામાન્ય ચૂંટણી-૨૦૨૨માં સમગ્ર રાજ્યમાં મતદાનમાં બનાસકાંઠા પછી સાબરકાંઠા જિલ્લો બીજા ક્રમે આવ્યો છે.જે બદલ હું જિલ્લાના બી.એલ.ઓ, સંબધિત અધિકારીશ્રીઓ અને કર્મચારીશ્રીઓની કામગીરીને બિરદાવું છું અને આગામી ચૂંટણીઓમાં પણ સુંદર કામગીરી કરવા અપિલ કરું છું.

રાષ્ટ્રીયકક્ષાના કાર્યક્રમ દરમિયાન મુખ્ય નિર્વાચન અધિકારીશ્રી રાજીવકુમારનો વિડીયો સંદેશ ઉપસ્થિત સૌએ નિહાળ્યો હતો. જિલ્લાના બેસ્ટ બી.એલ.ઓ, બેસ્ટ સુપરવાઇઝર,બેસ્ટ કેમ્પસ એમ્બેસેડર્સ,એન.સી.સી કેડેટ્સ સહિત બેસ્ટ નાયબ મામલતદારને ટ્રોફી અને પ્રમાણપત્ર આપી સન્માનિત કરવામાં આવ્યા હતા.તેમજ ૧૮ વર્ષ પૂર્ણ થયા હોય તેવા નવા યુવા નાગરિકને આગામી ચૂંટણીમાં મતદાન કરવા અંગે શુભેચ્છાઓ પાઠવવામાં આવી હતી. કાર્યક્રમના અંતે ઉપસ્થિત તમામ અધિકારીશ્રીઓ/કર્મચારીશ્રીઓ દ્રારા મતદાર અંગેની પ્રતિજ્ઞા લેવામાં આવી હતી.

આ કાર્યક્રના પ્રારંભમાં જિલ્લા ચૂંટણી અધિકારી અને કલેક્ટરશ્રીનું નાયબ ચૂંટણી અધિકારીશ્રી સોલંકી દ્વારા સ્વાગત કરવામાં આવ્યું હતું.

આ કાર્યક્રમમાં નાયબ ચૂંટણી અધિકારીશ્રી સોલંકી, હિંમતનગર પ્રાંત અધિકારીશ્રી,જિલ્લા શિક્ષણાધિકારીશ્રીમતી મિતાબેન ગઢવી,નાયબ માહિતી નિયામકશ્રી અરવિંભાઇ મછાર, મામલતદારશ્રી ચૂંટણી, બી.એલ.ઓ તથા સંબધિત અધિકારી/કર્મચારીશ્રીઓ ઉપસ્થિત રહી મતદાતા દિવસને સફળ બનાવ્યો હતો. સ્વીપના નોડેલ અધિકારી અને જિલ્લા શિક્ષણાધિકારી દ્વારા આભાર વિધી કરવામાં આવી હતી.

જાન્યુઆરી 25, 2023

સાબરકાંઠા જિલ્લામાં શાંતિપૂર્ણ માહોલમાં મતદાન ગણતરી સંપન્ન

નીરવ જોશી , હિંમતનગર (M-7838880134)

સાબરકાંઠા જિલ્લામાં શાંતિપૂર્ણ માહોલમાં મતદાન ગણતરી સંપન્ન

હિંમતનગર, ઇડર અને પ્રાંતિજ બેઠક પર ભાજપ વિજેતા, ખેડબ્રહ્મા બેઠક પર કોંગ્રેસ વિજેતા

વિધાનસભા સામાન્‍ય ચૂંટણી-૨૦૨૨ અંતર્ગત સાબરકાંઠા જિલ્‍લામાં ગુરૂવારના રોજ હિંમતનગરની પોલિટેકનિક કોલેજ ખાતે સાબરકાંઠા જિલ્લાની ચારેય વિધાનસભા બેઠકની મતગણતરી યોજાઇ હતી આ મતગણના શાંતિપૂર્ણ માહોલમાં મતદાન સંપન્ન થઇ હતી. સાબરકાંઠા જેમાં સાબરકાંઠા જિલ્‍લાના ૧૩૨૩ મતદાન મથકો પર કુલ ૧૧,૧૦,૦૩૧મતદારો પૈકી ૭,૯૨,૮૫૪ મતદારોએ પોતાના મતાધિકારનો ઉપયોગ કરી ૭૧.૪૩ ટકા મતદાન નોધાવ્યું હતું

સાબરકાંઠા જિલ્લામાં સમાવિષ્ટ હિંમતનગર, ઇડર, ખેડબ્રહ્મા અને પ્રાંતિજ બેઠકની મતગણતરી સવારે ૮ કલાકે પોલિટેકનિક કોલેજ ખાતે યોજાયેલ મતગણતરીમાં હિંમતનગર, ઇડર અને પ્રાંતિજ બેઠક પર ભારતીય જનતા પાર્ટી વિજેતા થઇ હતી જયારે ખેડબ્રહ્મા બેઠક પર કોંગ્રેસ પક્ષનો વિજય થયો હતો. જેમાં હિંમતનગર બેઠક પર ૨૪૫૬, ઇડરમાં ૩૫૬૮ ખેડબ્રહ્મામાં ૭૩૩૧ અને પ્રાંતિજમાં ૩૧૧૪ મતદારોએ નોટા (NOTA)માં મતદાન કર્યુ હતું.

૨૭-હિંમતનગર વિધાનસભા મતવિસ્તારનું પરીણામ
ક્રમ	ઉમેદવારનું નામ	પક્ષ જોડાણ		મેળવેલ મત
૧	કમલેશભાઇ જ્યંતિભાઇ પટેલ	ઇન્ડીયન નેશનલ કોંગ્રેસ		૮૯૯૩૨
૨	પરમાર અનિલકુમાર રમણલાલ	બહુજન સમાજ પાર્ટી		૧૧૮૧
૩	*વિરેન્દ્રસિંહ દિલીપસિંહ ઝાલા*	*ભારતીય જનતા પાર્ટી*		*૯૮૭૯૨*		*વિજેતા*
૪	નિર્મળસિંહ અજબસિંહ પરમાર	આમ આદમી પાર્ટી		૧૦૦૧૧
૫	પઠાણ ઉસ્માનગની મહમદખાન	અપક્ષ		૩૧૬
૬	સંઘાણી સલમાનખાન મુસ્તાકભાઇ	અપક્ષ		૩૨૭
૭	સંઘાણી સિકંદરભાઇ મુસ્તાકભાઇ	અપક્ષ		૭૩૬
૮	સોલંકી મગનભાઇ લખાભાઇ	અપક્ષ		૫૭૯
૯	નોટા			૨૪૫૬
૨૮-ઇડર (અ.જા) વિધાનસભા મતવિસ્તારના ઉમેદવારોના નામ
ક્રમ	ઉમેદવારનું નામ		પક્ષ જોડાણ		મેળવેલ મત
૧	*રમણલાલ ઇશ્વરલાલ વોરા*		*ભારતીય જનતા પાર્ટી*		*૧૧૩૯૨૧*	*વિજેતા*
૨	રામાભાઇ વિરચંદભાઇ સોલંકી		ઇન્ડીયન નેશનલ કોંગ્રેસ		૭૪૪૮૧
૩	જ્યંતીભાઇ પ્રણામી		આમ આદમી પાર્ટી		૧૪૫૬૮
૪	નોટા				૩૫૬૮

૨૯- ખેડબ્રહ્મા(અ.જ.જા) વિધાનસભા મતવિસ્તારનું પરીણામ
ક્રમ	ઉમેદવારનું નામ	પક્ષ જોડાણ	મેળવેલ મત
૧	અશ્વિન કોટવાલ	ભારતીય જનતા પાર્ટી	૬૫૬૮૫
૨	ડો. તુષાર અમરસિંહ ચૌધરી	ઇન્ડીયન નેશનલ કોંગ્રેસ	૬૭૩૪૯	*વિજેતા*
૩	ગામેતી બીપીનચંદ્ર રુપસીભાઇ	આમ આદમી પાર્ટી	૫૫૫૯૦
૪	ડાભી સવજીભાઇ લખમાભાઇ	ભારતીય જન પરીષદ	૨૧૮૮
૫	પાંડોર રવજીભાઇ વેલજીભાઇ	ભારતીય ટ્રાયબલ પાર્ટી	૧૫૩૯
૬	રોબિન્સનભાઇ સીમોનભાઇ ચૌહાણ	લોકતાંત્રિક રાષ્ટ્રવાદી પાર્ટી	૬૯૩
૭	પરમાર રાકેશકુમાર બાબુભાઇ	અપક્ષ	૧૩૨૧
૮	રમેશકુમાર રામજીભાઇ મોડિયા	અપક્ષ	૧૮૮૬
૯	શાંતિલાલ અસારી	અપક્ષ	૨૫૯૨
	નોટા		૭૩૩૧

33-પ્રાંતિજ વિધાનસભા મતવિસ્તારનું પરીણામ
ક્રમ	ઉમેદવારનું નામ	પક્ષ જોડાણ	મેળવેલ મત
૧	*ગજેન્દ્રસિંહ ઉદેસિંહ પરમાર*	*ભારતીય જનતા પાર્ટી*	*૧૦૫૩૨૪*	*વિજેતા*
૨	બહેચરસિંહ હરીસિંહ રાઠોડ	ઇન્ડીયન નેશનલ કોંગ્રેસ	૪૦૭૦૨
૩	અલ્પેશકુમાર નરેશભાઇ પટેલ	આમ આદમી પાર્ટી	૩૨૧૩૯
૪	જ્યોતિબેન અશોકભાઇ રાઠોડ	રાઇટ ટુ રીકોલ પાર્ટી	૬૨૧
૫	ચૌહાણ વિજયસિંહ કરણસિંહ	અપક્ષ	૧૦૧૮
૬	નાડિયા ચંદુભાઇ મોતીભાઇ	અપક્ષ	૧૧૧૦
૭	નોટા		૩૧૧૪

ડિસેમ્બર 8, 2022

ગુજરાતના મુખ્ય ચૂંટણી અધિકારીએ કર્યું મતદાન, સમગ્ર રાજ્યમાં ઉત્સાહનો ભારે માહોલ

નીરવ જોષી, અમદાવાદ (M-7838880134)

• મુખ્ય નિર્વાચન અધિકારી શ્રીમતી પી. ભારતી અને અધિક મુખ્ય નિર્વાચન અધિકારી શ્રી કુલદીપ આર્યએ સો પ્રથમ સવારે 8:00 વાગે ગાંધીનગરના સેક્ટર-9 માં મતદાન કર્યું

ગુજરાતના મુખ્ય નિર્વાચન અધિકારી શ્રીમતી પી. ભારતીએ પરિવારજનો સાથે આજે સવારે 8:00 વાગે ૩૬-ગાંધીનગર (ઉત્તર) વિધાનસભા મત વિભાગ માટે મતદાન કર્યું હતું. ગાંધીનગરના સેક્ટર-9 માં બુથ નંબર-144 ખાતે શ્રીમતી પી. ભારતી સાથે તેમના પરિવારજનો; પતિ શ્રી સુમન રત્નમ દરશી અને દીકરી ઈશાએ મતદાન કર્યું હતું. દીકરી ઈશાએ ફર્સ્ટ ટાઈમ વોટર તરીકે પહેલી વખત મતદાન કર્યું હતું. અધિક મુખ્ય નિર્વાચન અધિકારી શ્રી કુલદીપ આર્યએ પણ સેક્ટર-9 માં બૂથ નંબર-144 ખાતે 36-ગાંધીનગર (ઉત્તર) વિધાનસભા મત વિભાગ માટે મતદાન કર્યું. જ્યારે અધિક મુખ્ય નિર્વાચન અધિકારી શ્રી અશોક માણેકે ગાંધીનગરના સેક્ટર-7 માં સરદાર પટેલ વિદ્યામંદિર ખાતે મતદાન કર્યું હતું હતું.

*• મુખ્ય નિર્વાચન અધિકારી શ્રીમતી પી. ભારતી અને અધિક મુખ્ય નિર્વાચન અધિકારી શ્રી કુલદીપ આર્યએ કમાન્ડ એન્ડ કંટ્રોલ સેન્ટરની મુલાકાત લીધી*

મુખ્ય નિર્વાચન અધિકારી શ્રીમતી પી. ભારતી અને અધિક મુખ્ય નિર્વાચન અધિકારી શ્રી કુલદીપ આર્યએ આજે સવારે ગાંધીનગરના સેક્ટર-19 માં આવેલા વિદ્યા સમીક્ષા કેન્દ્રમાં કાર્યરત કમાન્ડ એન્ડ કંટ્રોલ સેન્ટરની મુલાકાત લીધી હતી.
ગુજરાત વિધાનસભાની ચૂંટણીમાં બીજા તબક્કાના મતદાનમાં 93 બેઠકો પર આજે સવારે 8:00 વાગ્યાથી મતદાન શરૂ થયું છે. 14 જિલ્લાઓમાં 26,409 મતદાન મથકો પર શાંતિપૂર્ણ રીતે મતદાન યોજાઈ રહ્યું છે. 50% થી વધારે મતદાન મથકોનું લાઈવ વેબકાસ્ટિંગ થઈ રહ્યું છે. બીજા તબક્કામાં 13,319 મતદાન મથકો પરથી લાઈવ વેબકાસ્ટિંગ કરવામાં આવી રહ્યું છે. ગાંધીનગરના વિદ્યા સમીક્ષા કેન્દ્રમાં ઊભા કરાયેલા કમાન્ડ એન્ડ કંટ્રોલ સેન્ટરમાં 50થી વધારે અધિકારીઓ અને કર્મચારીઓ લાઈવ વેબકાસ્ટિંગ પર ચાંપતી નજર રાખી રહ્યા છે.
મુખ્ય નિર્વાચન અધિકારી શ્રીમતી પી. ભારતી અને અધિક મુખ્ય નિર્વાચન અધિકારી શ્રી કુલદીપ આર્યએ આજે સવારે આ સેન્ટરની મુલાકાત લઈને સમગ્ર કામગીરીનું નિરીક્ષણ કર્યું હતું અને સંતોષ વ્યક્ત કર્યો હતો.

*• ગાંધીનગર-*
• ૮૨ વર્ષના વડીલોનો લોકશાહીના મહાપર્વ માટેનો અનેરો ઉત્સાહઃ સૌ પ્રથમ મતદાન કરવા સેક્ટર-૨૦ ખાતે જૈફ દંપતિ નિયત સમય કરતાં પહેલાં જ મતદાન મથકે પહોચી સમયસર સૌથી પહેલા મતદાન કરીને પ્રેરણાદાયી દાખલો બેસાડ્યો.

• દિવ્યાંગ દંપતિ મુકેશ ભારતી જોશી અને આશાબેન મત મથક પર આવી પોતાનો પવિત્ર મત આપી ગર્વ અનુભવ્યો. આ સાથે જણાવ્યું હતું કે શારીરિક રીતે ભલે અશકત છીએ પણ , અમને ખુશી છે કે અમારા મત થકી અમે દેશના ભવિષ્યમાટે મતદાન થકી એક નાનો આધાર બની રહયા છીએ એ વાતનો ગર્વ અનુભવ્યે છીએ.
• ૮૫ વર્ષીય નિવૃત્ત શિક્ષક પ્રવીણભાઈ ઓઝાએ ઉત્સાહપૂર્વક મતદાન કરતાં કહ્યું કે, દેશ અને રાષ્ટ્રને મજબૂત બનાવવા હું જીવું છું ત્યાં સુધી મારી આ મતદાનની ફરજ નહીં ચૂકું.

• ગાંધીનગરના કલ્હાર પટેલે પોતાના જીવનનો પ્રથમ મત આપતાં આનંદની લાગણી અનુભવતાં કહ્યું કે, નાનપણથી મતદાન કરવા માટેની મારી આતુરતાનો આજે અંત આવ્યો.

*• મહીસાગર-*
o પ્રથમ પાંચ મતદાતાઓનું પોલીંગ સ્ટાફ દ્વારા પુષ્પગુચ્છ આપી સ્વાગત કરાયું.
o જિલ્લા ચૂંટણી તંત્ર દ્વારા કડાણા ડેમ જળાશયમાં આવેલા રાઠડાબેટમાં મતદાન મથક સ્થાપિત કરાયું. આ મતદાન મથક પર પહોચવા માટે પોલીંગ સ્ટાફ જરૂરી સાધનો સાથે બોટ લઈને પહોચી ગયા.

*• પાટણ-*
o ૮૦ વર્ષના મહિલા મતદાર સીતાબેન પટેલે સવારે મતદાન કરીને અન્ય મતદારોને મતદાન માટે અપીલ કરી.

*• અરવલ્લીઃ*
o પ્રથમવખત મતદાન કરનાર યુવા મતદારોને વિવિધ છોડ આપી અભિવાદન કરાયું.

*• વડોદરા-*
o નવતર પહેલઃ જિલ્લા શિક્ષણ અને તાલીમ ભવન ખાતે ઈકો ફ્રેન્ડલી મતદાન મથકના પહેલા મતદાતા પાસે યાદગારી ના ભાગરૂપે વૃક્ષારોપણ કરાવવામાં આવ્યું.

ડિસેમ્બર 5, 2022
ચૂંટણીપંચે મતદારની ઓળખ માટે રજુ કરી શકાય તેવા દસ્તાવેજોની યાદી જાહેર

નીરવ જોશી , હિંમતનગર (M-7838880134)

અવસર લોકશાહીનો – વિધાનસભા સામાન્ય ચૂંટણી – ૨૦૨૨

મતદાન વખતે ચૂંટણી તંત્ર/ ઉમેદવારો દ્રારા આપવામાં આવતી ફોટો મતદાર કાપલી ઓળખના પુરાવા માટે માન્ય રહેશે નહી

ઓળખના પુરાવા ડિઝિટલ(ડીઝી) લોકરમાં એટલે કે મોબાઇલ ફોનમાં માન્ય ગણાશે નહી

ભારતના ચૂંટણીપંચના હુકમથી વિધાનસભા સામાન્ય ચૂંટણી-૨૦૨૨ માટે

મતદાન મથકે મતદારની ઓળખ માટે રજુ કરી શકાય તેવા દસ્તાવેજોની યાદી જાહેર કરી છે. આયોગે નિર્દેશ કર્યો છે કે જે મતદારોને મતદાર ફોટો ઓળખકાર્ડ આપવામાં આવ્યા છે તેવા દરેક મતદારોએ મતદાન મથકે પોતાનો મત આપતા પહેલાં ઓળખ માટે આ મતદાર ફોટો ઓળખકાર્ડ રજુ કરવાનું રહેશે. જે મતદારો પોતાનું મતદાર ફોટો ઓળખકાર્ડ રજૂ કરી શકે તેમ ન હોય તેઓએ પોતાની ઓળખ માટે નીચેના દસ્તાવેજો પૈકી કોઈ એક દસ્તાવેજ રજુ કરવાનો રહે છેઃ

     જેમાં (૧) પાસપોર્ટ, (૨) ડ્રાઇવિંગ લાઇસન્સ, (૩) કેન્દ્ર કે રાજ્ય સરકાર, જાહેર ક્ષેત્રના એકમો, પબ્લિક લિમિટેડ કંપનીઓએ કર્મચારીઓને આપેલા ફોટા સાથેના સેવા ઓળખકાર્ડ, (૪) બેંક કે પોસ્ટ ઓફિસ દ્વારા આપવામાં આવેલ ફોટો સાથેની પાસબુક, (૫) પાનકાર્ડ, (૬) એન.પી.આર. હેઠળ રજિસ્ટ્રાર જનરલ ઓફ ઇન્ડિયા દ્વારા આપવામાં આવેલું સ્માર્ટ કાર્ડ, (૭) નરેગા જોબકાર્ડ, (૮) શ્રમ મંત્રાલયની યોજના હેઠળ આપવામાં આવેલું આરોગ્ય વીમા કાર્ડ સ્માર્ટ કાર્ડ, (૯) ફોટો સાથેનો પેન્શન દસ્તાવેજ, (૧૦) સંસદસભ્યશ્રી, ધારાસભ્યશ્રી અથવા વિધાનપરિષદના સભ્યોને આપવામાં આવેલ ફોટો ઓળખ કાર્ડ,(૧૧) આધાર કાર્ડનો સમાવેશ થાય છે.

ફોટો મતદાર કાપલીને મતદાન માટે ઓળખના પુરાવા તરીકે સ્વીકારવામાં નહીં આવે. તેમજ મોબાઇલ/સ્માર્ટ ફોનના ડીઝિટલ લોકરમાં રહેલા ઓળખ પુરાવા માન્ય ગણાશે નહી તેની દરેક મતદારે ખાસ નોંધ લેવા જિલ્લા સમાહર્તા અને જિલ્લા ચૂંટણી અધિકારીશ્રીની એક અખબારી યાદીમાં જણાવવામાં આવ્યું છે.

******

અવસર લોકશાહીનો – વિધાનસભા સામાન્ય ચૂંટણી – ૨૦૨૨

વિધાનસભા સામાન્ય ચૂંટણી-૨૦૨૨માં મતદાન કેન્દ્રની ૧૦૦ મીટરની ત્રિજ્યામાં મોબાઇલ સહિતના આધુનિક સંદેશા વ્યવહારના સાધનો પર પ્રતિબંધ

           ભારતના ચૂંટણી આયોગ દ્વારા વિધાનસભા સામાન્ય ચૂંટણી-૨૦૨૨ની જાહેરાત થયેલ હોઇ આદર્શ આચાર સંહિતા અમલી બની છે. તે મુજબ સાબરકાંઠા જિલ્લામાં ચૂંટણી માટે મતદાન તા.૦૫/૧૨/૨૦૧૨ના રોજ યોજાનાર છે અને મતગણતરી તા.૦૮/૧૨/૨૦૨૨ના રોજ હાથ ધરાનાર છે. મતદાન મથકો ઉપર શાંતિપૂર્ણ, મુક્ત અને નિષ્પક્ષ રીતે મતદાન થાય અને મતદારો શાંતિપૂર્વક કોઈ પણ ત્રાસ કે અવરોધ વિના પોતાના મતાધિકારનો ઉપયોગ કરી શકે તે હેતુથી મતદાન મથકો અંદર અને તેના ૧૦૦ મીટરની ત્રિજયાના વિસ્તારમાં શાંતિ જળવાઇ રહે તે હેતુથી મતદાન મથકની અંદર મતદાન કરવા આવતા મતદારો પોતાની પાસે મોબાઇલ ફોન, કોડલેસ ફોન, પેજર, વોકીટોકી, વાયરલેસ સેટ વિ. જેવા આધુનિક સંદેશા વ્યવહારના સાધનો ન લઇ શકે અને તેનો ઉપયોગ ન કરી શકે તે હેતુથી નિયંત્રણ મુકવુ જરૂરી જણાય છે.

           શ્રી હિતેષ કોયા(આઇ.એ.એસ) જિલ્લા મેજીસ્ટ્રેટશ્રી, સાબરકાંઠાને ફોજદારી કાર્યરીતિ અધિનિયમ-૧૯૭૩ ની કલમ-૧૪૪ થી મળેલ સત્તાની રૂએ ચૂંટણી સંદર્ભે સાબરકાંઠા જિલ્લાના તમામ મતદાન મથકોની અંદર કે તેના ૧૦૦ મીટરની ત્રિજ્યાના વિસ્તારમાં કોઇપણ વ્યક્તિ તા.૦૫/૧૨/૨૦૨૨ના રોજ મતદાનના સમયે (મતદાન પૂર્ણ થાય ત્યાં સુધી) દરમિયાન મોબાઇલ ફોન, કોડલેસ ફોન, પેજર, વોકીટોકી, વાયરલેસ સેટ વિ. જેવા આધુનિક સંદેશા વ્યવહારના સાધનોના લઇ જવા કે તેના ઉપયોગ કરવા ઉપર પ્રતિબંધ ફરમાવવામાં આવે છે. મતદારોને ધાક ધમકી આપવી કે રંજાળીને મતદાન કરાવવા જતા અટકાવવા પર, મત માટે પ્રચાર કરવા પર, કોઈ મતદારને મત આપવા આગ્રહ પૂર્વક વિનંતી કરવા, કોઈપણ અમુક ઉમેદવારને મત ન આપવા કોઈ મતદાનને સમજાવવા પર, કોઈ મતદાનને ચૂંટણીમાં મત ન આપવા સમજાવવા પર, ચૂંટણીને લગતી સરકારી નોટિસ સિવાયની કોઈ નોટિસ કે નિશાની પ્રદર્શિત કરવા પર, વાહનો સાથે આવવા પર, મતદાન મથકમાં મતદાન માટે આવેલ ઉમેદવાર, મતદાર તથા રાજ્ય ચૂંટણી આયોગ દ્વારા અધિકૃત કરેલ વ્યક્તિ સિવાયની વ્યક્તિ એ પ્રવેશ કરવા પર, રાજકીય પક્ષના પ્રતિકો,  ઉમેદવારોના પ્રતિકો લાવવા પર કે નિશાનીઓ રાખવા પર, એક ઉમેદવારના એકથી વધારે મતદાન એજન્ટોની મતદાન મથક ઉપર હાજર રહેવા પર, કોઈપણ પક્ષના ચિન્હ વાળી સ્લીપો વહેંચવા પર, મતદાન સમય દરમિયાન મતદાન એજન્ટોની મતદાર યાદી મતદાન મથકની બહાર લઈ જવા પર પ્રતિબંધ ફરમાવવામાં આવે છે.

     આ આદેશનો ભંગ કરનાર વ્યક્તિને ભારતીય દંડ સંહિતાની કલમ-૧૮૮ હેઠળ સજાને પાત્ર થશે.

ડિસેમ્બર 4, 2022
હિંમતનગર ૨૭ વિધાનસભા: મતદાન જાગૃતી રેલી યોજાઇ

નિરવ જોષી, હિંમતનગર(M-7838880134)

લોકશાહીનો અવસર ૨૦૨૨

સાબરકાંઠા જિલ્લાની ચાર વિધાનસભા વિસ્તારમાં લોકશાહીનો અવસર અંતર્ગત હિંમતનગર ૨૭ વિધાનસભા મત વિસ્તારમાં ઇકો ફ્રેન્ડલી ઊંટ લારીના શણગાર સાથે મતદાન જાગૃતી રેલી યોજાઇ.

હિંમતનગરના સહકારી જીન રોડ અંકિતા ડેરી ખાતેથી જિલ્લા પ્રાથમિક શિક્ષણાધિકારી, પ્રાંત અધિકારી અને તાલુકા વિકાસ અધિકારી દ્વારા રેલીને લીલી ઝંડી આપી પ્રસ્થાન કરાવ્યું: રેલીએ હિંમતનગરના વિસ્તારોમાં ફરીને મતદાન જાગૃતિ સંદેશ પ્રસરાવ્યો

     ગુજરાત વિધાનસભા સામાન્ય ચૂંટણી ૨૦૨૨ અંતર્ગત ઉત્તર ગુજરાતમાં બીજા તબક્કાનું મતદાન આગામી તા. પમી ડિસેમ્બર ૨૦૨૨ યોજાનાર છે. તે પૂર્વે મતદારોમાં જાગૃતતા આવે અને વધુમાં વધુ લોકો મતદાન કરે તે આશયથી જિલ્લા વહીવટી તંત્ર સાબરકાંઠા દ્વારા જિલ્લા ચૂંટણી અધિકારી શ્રી હિતેષ કોયાના માર્ગદર્શન હેઠળ આજે તા. ૨૯/૧૧/૨૦૨૨ ના રોજ સવારે ૧૦:00 કલાકે ૨૭ હિંમતનગર વિધાનસભા મત વિસ્તારના સહકારી જીન રોડ અંકિતા ડેરી ખાતેથી આર.ઓ. અને પ્રાંત અધિકારીશ્રી અનિલ ગોસ્વામી અને જિલ્લા પ્રાથમિક શિક્ષણાધિકારી શ્રી ચૌધરી તથા તાલુકા વિકાસ અધિકારી અને શિક્ષકો, શાળા કોલેજના વિદ્યાર્થીઓ દ્વારા એક વિશાળ રેલીને લીલી ઝંડી આપી પ્રસ્થાન કરાવવામાં આવ્યું હતું. સર્વે અધિકારીઓએ ઊંટલારીમાં સવારી કરી રેલીને ભ્રમણ માટે આગળ ધપાવી હતી.

    આ લોકશાહી અવસર ઇકો ફ્રેન્ડલી રેલીમાં ઊંટ લારીઓને સુંદર રીતે શણગારવામાં આવી હતી અને વિદ્યાર્થીઓ દ્વારા પ્લેકાર્ડ બેનર્સ સાથે એન.એસ.એસ. એન.સી.સી. કેડેટ્સ અને વિદ્યાર્થીઓ તથા કર્મચારીઓ દ્રારા બાઇક રેલી યોજવામાં આવી હતી. રેલીમાં ડી.જે.ના તાલે દેશભક્તિ ગીત અને લોકશાહીમાં મતદાન અચુક કરવું આપણી નૈતિક ફરજ છે અવશ્ય મતદાન કરો ના નારા લગાવવામાં આવ્યા હતા. જેમાં પરંપરાગત ડ્રેસ અને યુનિફોર્મમાં સજજ બાળકોએ ઉત્સાહભેર ભાગ લીધો અને મોબાઇલ દ્રારા સેલ્ફી વિડીયો ઉતારી અનેરો આનંદ વ્યક્ત કર્યો હતો. આ રેલીમાં આદર્શ વિદ્યાલય, લો કોલેજ તથા શહેરની અન્ય શાળાઓએ પણ ભાગ લીધો હતો.

    આ રેલી બે થી ત્રણ કિલોમીટર જેટલા અંતરે શહેરના વિવિધ માર્ગો જેવા કે સહકારી જીન, રાધે સ્વીટ માર્ટ, છાપરીયા વિસ્તાર, ચાર રસ્તા મહાવીરનગર સર્કલ વિસ્તારમાં ફરીને અનેરૂ આકર્ષણ જમાવ્યું હતું. અને લોકોને મતદાન માટે જાગૃતતાનો સંદેશ પ્રસરાવ્યો હતો. આ રેલીનું રિવરફ્રન્ટ ખાતે સમાપન કરવામાં આવ્યું હતું.

આ જ રીતે સાબરકાંઠા જિલ્લાની ચાર વિધાનસભા હિંમતનગર, પ્રાંતિજ, ઈડર અને ખેડબ્રહ્મા ખાતે પણ ઇકો ફ્રેન્ડલી રેલીનું આયોજન કરવામાં આવ્યું હતું અને લોકોને મતદાન કરવા માટે હર્ષભેર અપીલ કરવામાં આવી હતી.

નવેમ્બર 30, 2022
અવસર રથ – ફરી લોકોને મતદાન અંગે જાગૃત કરશે

સંકલન: નીરવ જોશી, હિંમતનગર

અવસર લોકશાહીનો!!!

સાબરકાંઠા જિલ્લાની ચાર વિધાનસભા બેઠક પર “અવસર રથ” ફરી લોકોને મતદાન અંગે જાગૃત કરશે.

    સાબરકાંઠા જિલ્લામાં ગુજરાત વિધાનસભા સામાન્ય ચૂંટણી ૨૦૨૨ સંદર્ભે અવસર લોકશાહીના કેમ્પેઇન અંતર્ગત સમાજનાં વિવિધ વર્ગોનાં લોકો સ્થળાંતરિત મતદારો તથા વંચિત મતદારોની ભાગીદારીથી ઉચ્ચ મતદાન થાય તથા વધુને વધુ લોકોમાં મતદાન જાગૃતિ હેતુ થી અવસર રથ દ્વારા લોકોને મતદાન કરવા અંગેની જાણકારી આપવામાં આવશે. રાજ્ય ચૂંટણી પંચ દ્રારા લોકોમાં વધુમાં વધુ મતદાન અંગે જાગૃતતા આવે તે માટે આ અવસર રથ જિલ્લાના ગ્રામ્ય અને શહેરી વિસ્તારમાં ભ્રમણ કરશે.

સાબરકાંઠા જિલ્લામાં આજ રોજ તા. ૮ થી ૧૧/૧૧/૨૦૨૨ થી “અવસર રથ” ભ્રમણ કરશે. જેમાં પ્રથમ દિવસે તા. ૮ના રોજ  ૩૩-પ્રાંતિજ વિધાનસભા બેઠકમાં ફરશે અને મતદાન અંગે જાગૃતિ ફેલાવશે. તા. ૯ ૨૮-ઇડર(અ.જા.), તા.૧૦ ૨૯-ખેડબ્રહ્મા(અ.જ.જા), તા.૧૧ ૨૭- હિંમતનગરનાં તમામ મત વિસ્તાર ખાતે “અવસર રથ” ફરી લોકોને મતદાન કરવા અપીલ કરશે.

************

સાબરકાંઠા જિલ્લામાંથી સરકારી મિલકત પરથી ૨૫૮૨ હોર્ડિગ્સ –બેનરો દૂર કરાયા

            સમગ્ર રાજયમાં આદર્શ આચારસંહિતનો અમલ થતા જ રાજકીય પક્ષો તેમજ યોજનાકીય જાણકારી આપતી જાહેરખબરોને લગતા પોસ્ટર, હોર્ડિગ્સ બેનરો દૂર કરવાની કામગીરી હાથ ધરવામાં આવી છે જે અંતર્ગત સાબરકાંઠા જિલ્લાના શહેરી અને ગ્રામ્ય વિસ્તારમાંથી સરકારી મિલકત પરના કુલ ૨૫૮૨  હોર્ડિગ્સ બેનર્સ દૂર કરવામાં આવ્યા છે. જ્યારે ખાનગી મિલકત પરથી ૧૧૮૧ હોર્ડિગ્સ અને બેનર્સ દૂર કરવામાં આવ્યા છે.

***************
જિલ્લા કલેકટર અને ચૂંટણી અધિકારીશ્રી હિતેષ કોયાની અધ્યક્ષતામાં રાજકીય પક્ષો સાથે આદર્શ આચાર સંહિતા ખર્ચ સંદર્ભે બેઠક યોજાઈ

******

સાબરકાંઠા જિલ્લામાં સમાવિષ્ટ ચાર વિધાનસભામાં રાજકીય પક્ષો આદર્શ આચારસંહિતાનો ચુસ્ત અમલ કરે ઉપસ્થિત માન્ય પક્ષોના પ્રતિનિધિઓને ચૂંટણીલક્ષી સમજ આપી. ચૂંટણી પ્રક્રિયામાં રાષ્ટ્રીય પક્ષોની હાજરી અપેક્ષિત અને અનિવાર્ય છે – જિલ્લા ચૂંટણી અધિકારીશ્રી હિતેષ કોયા.

સાબરકાંઠા જિલ્લા ચૂંટણી અધિકારી અને જિલ્લા કલેકટરશ્રી હિતેષ કોયાની અધ્યક્ષતામાં કલેકટર કચેરી ખાતે તારીખ ૪/૧૧/૨૦૨૨ના રોજ બપોરે ૧૨:૦૦ કલાકે રાજકીય પક્ષોની આદર્શ આચાર સંહિતા તથા ખર્ચ અંગે બેઠક મળી હતી. આ બેઠકમાં ભાજપ, કોંગ્રેસ, સી.પી.એમ, બહુજન સમાજ પાર્ટીના પ્રતિનિધિઓ તથા જિલ્લા વિકાસ અધિકારીશ્રી દિપેશ શાહ, જિલ્લા પોલીસ વડાશ્રી વિશાલ વાઘેલા, નાયબ ચૂંટણી અધિકારી દીપ્તિબેન પ્રજાપતિ તથા જિલ્લા ગ્રામ વિકાસ એજન્સીના નિયામક  અને એમ.સી.સી નોડેલ અધિકારીશ્રી પાટીદાર અને ચૂંટણી સંબંધિત અધિકારીઓ બેઠકમાં ઉપસ્થિત રહ્યા હતા અને ચૂંટણી એસ.ઓ.પી. મુજબ ચર્ચા કરી હતી.

     આ બેઠકમાં જિલ્લા કલેક્ટરશ્રી હિતેષ કોયાએ જણાવ્યું હતું કે ગઈકાલે ચૂંટણી પંચ દ્વારા ગુજરાત વિધાનસભા ૨૦૨૨ની ચૂંટણીની તારીખો જાહેર કરવામાં આવી છે અને ગઈકાલથી આદર્શ આચારસંહિતાનો અમલ શરૂ થઈ ગયો છે. ચૂંટણી જાહેરનામું બહાર પાડવાની તારીખ ૧૦/૧૧/૨૦૨૨ ગુરુવાર ઉમેદવારી પત્રો ભરવાની છેલ્લી તારીખ ૧૭/૧૧/૨૦૨૨ ઉમેદવારી પત્રોની ચકાસણી તારીખ ૧૮/૧૧/૨૦૨૨ ઉમેદવારી પત્રો પાછા ખેંચવાની તારીખ ૨૧/૧૧/૨૦૨૨ છે. મતદાનની તારીખ ૫/૧૨/૨૦૨૨ અને મત ગણતરીની તારીખ ૮/૧૨/૨૦૨૨ છે.

     આપણા જિલ્લામાં બીજા તબક્કામાં ચૂંટણી યોજાશે. જિલ્લામાં ચૂંટણી પારદર્શક મુક્ત અને ન્યાય પ્રક્રિયામાં યોજાય તે અંગે ચૂંટણીના તમામ તબક્કે રાજકીય પક્ષોની હાજરી અપેક્ષિત અને અનિવાર્ય છે. સ્ટ્રોંગ રૂમ ખોલવા ઇ.વી.એમ. રેન્ડમાઈઝેશન જેવી બાબતોમાં આપના અધિકૃત પ્રતિનિધિઓ ને બોલાવવામાં આવે ત્યારે હાજર રહેવાનું રહેશે અને સૌએ સહકાર આપવાનો રહેશે. ચૂંટણી તંત્રની ગાઈડલાઈન મુજબ લોકશાહી ઢબે કામગીરી કરવામાં આવશે. ખર્ચની બાબત,  કાયદો વ્યવસ્થા, જિલ્લા વહીવટીતંત્ર પાસે આર.ઓ પાસેથી ચૂંટણીલક્ષી મંજૂરી મેળવવાની પ્રક્રિયા માટે સિંગલ વિન્ડો તેમજ દરેક વિધાનસભાના ચૂંટણી અધિકારીઓની ઓફિસમાં જરૂરી મંજૂરી આપવા માટેની અધિકારી-કર્મચારીઓની વ્યવસ્થા ગોઠવવામાં આવશે.

    આ ઉપરાંત જિલ્લામાં બેનર પોસ્ટર હોડિંગ હટાવાની કામગીરી હાલ કરવામાં આવી રહી છે. પેડ હોડિંગ દૂર ન કરાશે પણ જયાં પણ આપના હોડિંગ લગાડેલા છે તેની જાણકારી આપવાની રહેશે અને કાયમી રાખવા માંગશે તો તેનો ખર્ચ પક્ષ અને ઉમેદવારના ખાતામાં ઉધારવાનું રહેશે પણ ઉમેદવાર જાહેર થયા પછી આ ખર્ચ ઉમેદવારનો ગણવાનો રહેશે અને સમાન તક આપવામાં આવશે.

    આ ઉપરાંત કોઈ પ્રાઇવેટ સોસાયટી કે મકાન પર હોડિંગ બેનર્સ પોસ્ટર લગાવતા પહેલા માલિકની સંમતિ અને પરવાનગી લેવાની રહેશે અને પરમિશન કોપી જે તે આર.ઓ.ને મોકલવાની રહેશે. જ્યારે ઉમેદવારી ફોર્મ ભરવાની પ્રક્રિયા શરૂ થાય ત્યારે વાહન પરમિશન જેવી પરમિશન લેવાની રહેશે અને છ થી દસ વાગ્યાના સમય પછી ક્લાઉડ સ્પીકર વગાડી શકાશે નહીં અને ઉમેદવારી ફોર્મ ભરતી વખતે પાંચ જ વ્યક્તિઓ જઈ શકશે, ત્રણ વાહનો કમ્પાઉન્ડમાં જઈ શકશે. આર.ટી.ઓ.ની જરૂરી મંજૂરી લેવી મંજૂરી માટે સુવિધા એપનો ઉપયોગ કરીને ઓનલાઈન ઓફલાઈન મંજૂરી મેળવી શકાશે.

     ખર્ચના નોડેલ અધિકારી અને જિલ્લા વિકાસ અધિકારીશ્રી દિપેશ શાહ દ્વારા આદર્શ આચાર સંહિતા અને ખર્ચ અંગેની વિગતો આપતા જણાવ્યું હતું કે, કોઈપણ ઉમેદવાર વિધાનસભાની અંદર ૪૦ લાખની મર્યાદામાં ખર્ચ કરી શકશે. ઉમેદવારો જ્યારે ઉમેદવારી પત્રો ભરે તેના આગલા દિવસે બેંકમાં પોતાના નામનું અલગ ખાતું ખોલાવવાનું રહેશે. એરેસ્ટેડ કોપી સાથે એકલું સિંગલ ખાતું અથવા ચૂંટણી એજન્ટ જોઈન્ટ ખાતું ખોલાવવાનું રહેશે. ચૂંટણી અંગેનું અલગ તેમાં નાણાકીય વ્યવહાર કરી શકાશે અને દરેક ઉમેદવારોએ ખર્ચના હિસાબો રજૂ કરવાના રહેશે. ખર્ચનું રજીસ્ટર નિભાવવાનું રહેશે અને ચૂંટણી અધિકારી ચકાસણી અર્થે બોલાવે ત્યારે આવવાનું રહેશે. ચૂંટણીનું પરિણામ જાહેર થયાના 30 દિવસમાં સંપૂર્ણ હિસાબો રજૂ કરવાના રહેશે. આવું નહીં કરનાર સામે આઇ.પી.સી કલમ હેઠળ એફ.આઈ.આર પણ થઈ શકે છે અને ત્રણ વર્ષ માટે ચૂંટણી લડવા પર પ્રતિબંધ મૂકવાની પણ જોગવાઈ છે.

     પ્રસાર-પ્રચારનો ખર્ચ ઉમેદવારે રજીસ્ટરમાં લખવાનું રહેશે. દસ હજાર ઉપરનો રોકડનો ખર્ચ કરવાનો નથી. સ્ટાર પ્રચારક દ્વારા ઉમેદવારને મત આપવા માટેની અપીલ કરશે તો ઉમેદવારના ખાતામાં ખર્ચ ગણવાનો રહેશે. ઉમેદવાર હેલિકોપ્ટર કે પ્રચારકની ગાડીઓમાં બેસે તો ૫૦% ખર્ચ ઉમેદવારના ખાતામાં ઉધારવાનો રહેશે. રેલી ખર્ચ આવશે. રેલીમાં ખાનગી વાહન ધ્વજ,પોસ્ટર્સનો ખર્ચ ગણવાનો રહેશે. ૫૦ હજારથી વધુની રોકડ રકમ જપ્ત કરવામાં આવશે. કોઈ કિંમતી મોટી ભેટ આપે તો પણ જપ્ત થશે. ખર્ચ અંગે ભાગ-ક રોજે રોજના ખર્ચનું રજીસ્ટર ભાગ-ખ રોકડ વ્યવહાર અને ભાગ-ગ બેંક મારફત ટ્રાન્જેક્શન ની વિગતો ઉમેદવારોએ અથવા એજન્ટે ભરવાની રહેશે અને જ્યારે પણ ચૂંટણી તંત્ર દ્વારા કહેવામાં આવે ત્યારે ત્રણ વાર આ રજીસ્ટર અને હિસાબોનું ચેકિંગ કરવામાં આવશે અને જે એજન્ટની નિમણૂક કરો છો તેની અપ્રુવલ જે તે આર.ઓ. પાસેથી મેળવવાની રહેશે.

આમ આ બેઠકમાં આદર્શ આચાર સંહિતા અને ખર્ચ અંગેની બાબતોની રાજકીય પક્ષોની ઉપસ્થિતિમાં વિસ્તૃત સમજ આપવામાં આવી હતી અને ચૂંટણી સંદર્ભે જરૂરી મંજૂરી માર્ગદર્શન અને તકેદારી રાખવાની બાબતો અંગે બેઠકમાં માન્ય પક્ષો સાથે ચર્ચા કરવામાં આવી હતી.

***********

આર.ટી.ઓ કચેરી દ્રારા વાહનોના નંબરની ઓનલાઇન હરાજી

સીરીઝ GJ09DK (2w) અને GJ09BK(4w)  હરાજી

  સાબરકાંઠાની આર.ટી.ઓ.માં સીરીઝ GJ09DK (2w) અને  GJ09BK (4w) માં બાકી રહેલ સિલ્વર અને ગોલ્ડન કેટેગરીના નંબરો માટેની ઇ – ઓક્શન તા. ૧૦ નવેમ્બર ૨૦૨૨થી શરૂ કરવામાં આવશે. ઇચ્છા ધરાવનાર વાહન માલિકે તેમના વાહનની સેલ તારીખ તથા વિમા તારીખએ બે માંથી જે વહેલુ હોય તે મુજબ દિન-૭માં રજીસ્ટ્રેશન કરાવી વેબ સાઇટ  https://Parivahan.gov.in/fancynumber  પર ઓનલાઇન સી.એન.એ કરી ઇ-ઓકસનમાં ભાગ લઈ શકાશે.

પ્રક્રિયા તા. ૧૦ થી ૧૨ નવેમ્બર ૨૦૨૨ સુધી વાહન માલિકોએ પોતે પસંદ કરેલ નંબર માટેની પાયાની રકમ ઓનલાઇન ભરી ઓનલાઇન અરજી કરવાની રહેશે. તા.  ૧૨ થી ૧૪ નવેમ્બર ૨૦૨૨ ના રોજ પોતે પસંદ કરેલ નંબર માટેની ઓક્શન પ્રક્રિયામાં ભાગ લેવાનો રહેશે. તા. ૧૪ નવેમ્બર ૨૦૨૨ ના રોજ ઇ-ઓક્સનના નંબર ઓનલાઇન જ ફાળવી દેવામાં આવશે. વધુમાં સફળ અરજદારો દ્રારા વધારાની ભરપાઇ કરવાની રકમ રસીદ સાથે દિન-૦૫માં  જમા કરાવવાના રહેશે.

       વાહનની સેલ તારીખ અને વિમા તારીખએ બે માંથી જે વહેલુ હોય તે જ અરજદારો પસંદગીના નંબર માટે ૬૦ દિવસ સુધી ઇ-ઓક્સનમાં ભાગ લઈ શકશે.

નવેમ્બર 7, 2022
જાણો, મતદાર યાદી સુધારણા કાર્યક્રમના પ્રથમ રવિવારે કેટલા મતદારો ઉમેરાયા
Avspost.com, Himatnagar
- સાબરકાંઠામાં મતદાર યાદી સુધારણા કાર્યક્રમના પ્રથમ રવિવારે નવા ૩,૭૦૧ મતદારો ઉમેરાયા
- મતદારની વિગતમાં સુધારો કરવા માટે હકક-દાવા અને વાંધા અરજી સ્વીકારવાની સમયગાળો
- તા. ૧૨ ઓગસ્ટ થી તા.૧૧ સપ્ટેમ્બર ૨૦૨૨ નિયત કરવામાં આવ્યો
ભારતના ચૂંટણી પંચ દ્વારા મતદાર યાદીમાં નામ નોંધણી કરાવવા, નામ કમી કરાવવા તથા મતદારની વિગતમાં સુધારો કરવા માટે હકક-દાવા અને વાંધા અરજી સ્વીકારવાની સમયગાળો તા. ૧૨ ઓગસ્ટ થી તા.૧૧ સપ્ટેમ્બર ૨૦૨૨ નિયત કરવામાં આવ્યો છે. જે અંતર્ગત તા. ૨૧ ઓગસ્ટના રવિવારના રોજ નવા ૩૭૦૧ મતદારોનો ઉમેરો થયો હતો.

        તા.૧૨ ઓગસ્ટ ૨૦૨૨થી આરંભાયેલા મતદારયાદી ખાસ સંક્ષિપ્ત સુધારણાના કાર્યક્રમ અન્વયે તા. ૨૧ ઓગસ્ટ ૨૦૨૨(રવિવાર), તા.૨૮ ઓગસ્ટ ૨૦૨૨(રવિવાર), તા. ૦૪ સપ્ટેમ્બર ૨૦૨૨(શનિવાર) તથા તા.૧૧ સપ્ટેમ્બર ૨૦૨૨(રવિવાર) ના દિવસોને ખાસ ઝુંબેશના દિવસો તરીકે નક્કી કરવામાં  આવેલ છે.

        મતદાર યાદીમાં તા. ૦૧/૧૦/૨૦૨૨ના રોજ ૧૮ વર્ષ કે તેથી વધુ ઉંમરના નાગરિકનુ નામ નોંધાવવા માટે  નમુનો—૬માં અત્યાર સુધી ૩૮૯૩ અરજીઓ, ૬(ખ) ૭૧૫૬,નમુનો-૭ ૫૫૦, મતદારયાદીમાં નોંધાયેલ પોતાનું નામ તથા અન્ય વિગતો સુધારવા નમુનો-૮ ૧૨૧૫ અને એક જ વિધાનસભા મતવિભાગના એક ભાગમાંથી બીજા ભાગમાં નામ તબદીલ કરવા માટે નમૂનો- ૮કમાં રજુ કરવાનુ રહેશે. જે અંતર્ગત જિલ્લામાં કુલ ૧૨,૮૧૪ અરજી મળી છે.

ઉપર્યુકત નમુનો કલેકટર કચેરી, મતદાર નોંધણી  અધિકારી/ મદદનીશ મતદાર નોંધણી અધિકારીની કચેરી, પ્રાંત/ મામલતદારની કચેરી તેમજ બુથ લેવલ ઓફિસર પાસેથી વિના મૂલ્યે મેળવી શકાશે. આ નમૂનો ભરીને જરૂરી પુરાવા સાથે ત્યાં જ આપી શકાશે.

૦૦૦૦૦૦૦૦૦૦૦૦૦

ગુરુવારે પ્રાંતિજ ખાતે મંત્રી શ્રી ગજેન્દ્રસિંહ પરમાર ની ઉપસ્થિતિમાં પર્યાવરણ સંવાદ યોજાશે

    અમૃત વર્ષની ઉજવણીના ભાગરૂપે ગુજરાત ઇકોલોજી કમિશન, વન અને પર્યાવરણ વિભાગ, ગુજરાત સરકાર દ્વારા પર્યાવરણ સંવાદ યોજાશે. આ કાર્યક્રમમાં અન્ન અને નાગરિક પુરવઠા મંત્રી શ્રી ગજેન્દ્રસિંહ પરમારની અધ્યક્ષતામાં યોજાશે.

    પ્રધાનમંત્રી શ્રી નરેન્દ્રભાઈ મોદીના પર્યાવરણને અનુકૂળ જીવનશૈલી અપનાવવાના અભિગમને ચરિતાર્થ કરવા સાથે જ પર્યાવરણ, સ્વચ્છતા, જળ સંચય અને જળ સંરક્ષણ માટે સંવેદનશીલ ભારતના નિર્માણ અનિવાર્ય છે. આ દિશામાં પર્યાવરણ સંવાદિતા સાધી શકાય તે માટે પ્રખ્યાત વક્તાઓ અને આ ક્ષેત્રમાં અમૂલ્ય ફાળો આપનારા મહાનુભાવો સાથે વિચારો નું આદાન-પ્રદાન કરવામાં માટે ખાસ કાર્યક્રમનુ આયોજન કરવામાં આવ્યું છે.

જે તા. ૨૫ ઓગસ્ટ ૨૦૨૨ના ગુરૂવારના રોજ સવારે ૧0:00 કલાકે ઉમિયા સમાજ વાડી ગુજરાત વિદ્યુત બોર્ડ ની પાસે પ્રાંતિજ-તલોદ રોડ પ્રાંતિજ ખાતે વિશેષ પર્યાવરણ સંવાદ યોજાશે.

આ કાર્યક્રમમાં સાંસદશ્રી દિપસિંહ રાઠોડ,  પૂર્વ શિક્ષણ મંત્રી શ્રી જયસિંહ ચૌહાણ, આઇ.એફ.એસ. શ્રી મહેશ સિંઘ ઉપસ્થિત રહેશે.
ઓગસ્ટ 24, 2022
સાબરકાંઠા: મતદાર યાદી સુધારણા કાર્યકમ તા. ૧૨ ઓગસ્ટ થી તા.૧૧ સપ્ટેમ્બર સુધી યોજાશે

Avspost.com, Himatnagar

સાબરકાંઠા જીલ્લામાં મતદાર યાદી સુધારણા કાર્યકમ તા. ૧૨ ઓગસ્ટ થી તા.૧૧ સપ્ટેમ્બર સુધી યોજાશે

ભારતના ચુંટણી પંચ દ્રારા મતદારયાદીમાં નામ નોંધણી કરાવવા, નામ કમી કરાવવા તથા મતદારની વિગતમાં સુધારો કરાવા માટે હકક-દાવાઓ અને વાંધા અરજીઓ સ્વીકારવાનો સમયગાળો તા. ૧૨ ઓગસ્ટ થી તા.૧૧ સપ્ટેમ્બર ૨૦૨૨ નિયત કરવામાં આવી છે.

તા.૧૨ ઓગસ્ટ ૨૦૨૨ના રોજથી શરૂ થનાર મતદારયાદીની ખાસ સંક્ષિપ્ત સુધારણાના કાર્યકમ અનવ્યે તા. ૨૧ ઓગસ્ટ ૨૦૨૨(રવિવાર), તા.૨૮ ઓગસ્ટ ૨૦૨૨(રવિવાર), તા. ૦૪ સપ્ટેમ્બર ૨૦૨૨(શનિવાર) તથા તા.૧૧ સપ્ટેમ્બર ૨૦૨૨(રવિવાર) ના દિવસોને ખાસ ઝુંબેશના દિવસો તરીકે નકકી કરવામાં આવેલ છે.

મતદાર યાદીમાં તા. ૦૧/૧૦/૨૦૨૨ના રોજ ૧૮ વર્ષ કે તેથી વધુ ઉંમરના નાગરિકનુ નામ નોંધાવવા માટે નમુનો—

૬, નમુનો-૭, મતદારયાદીમાં નોંધાયેલ પોતાનું નામ તથા અન્ય વિગતો સુધારવા નમુનો-૮ અને એક જ વિધાનસભા મતવિભાગના એક ભાગમાંથી બીજા ભાગમાં નામ તબદલી કરવા માટે નમૂનો- ૮કમાં રજુ કરવાનુ રહેશે.

        ઉપર્યુકત નમુના કલેકટર કચેરી, મતદાર નોંધણી અધિકારી/ મદદનીશ મતદારનોંધણી અધિકારીની કચેરી, પ્રાંત/ મામલદારની કચેરી તેમજ બુથ લેવલ ઓફીસર પાસેથી વિના મૂલ્યે મેળવી શકશે તેમજ આ આ નમૂનો ભરીને જરૂરી પુરાવા સાથે ત્યાં જ આપી શકશે.

         ખાસ ઝુંબેશના દિવસોએ સવારના-૧૦-૦૦ થી સાંજે ૫-૦૦ કલાક દરમિયાન મતદાન મથક ખાતે બુથ લેવલ ઓફીસર મારફત આ નમૂના મેળવી શકાશે તેમજ ભરેલ અરજીઓ તે જ સ્થળોએ ઉપરોકત દિવસોએ પરત આપી શકાશે. જિલ્લાની તમામ જનતાને અપીલ કરવામાં આવે છે કે મતદારયાદીની ખાસ સંક્ષિપ્ત સુધારણા કાર્યકમ દરમિયાન બહોળી સંખ્યામાં ભાગ લઇ મતદારયાદીને   ૧૦૦ % ક્ષતિમુકત બનાવવામાં આપનો અમુલ્ય ફાળો આપશો એમ જિલ્લા નાયબ ચુંટણી અધિકારી હિંમતનગર સાબરકાંઠાની એક અખબારીયાદીમાં જણાવવામાં આવ્યું છે.

ઓગસ્ટ 13, 2022

સાબરકાંઠા જીલ્લાની કુલ ૩૨૩ ગ્રામ પંચાયતો પર 19 ડિસેમ્બર ચૂંટણી

સાબરકાંઠા જિલ્લામાં ગ્રામ પંચાયતોની ચૂંટણી મુક્ત અને ન્યાયી વાતાવરણમાં યોજવા વહિવટીતંત્ર સજ્જ

જિલ્લાની ૩૨૩ પંચાયતોની ચૂંટણીમાં ૫.૨૦ લાખથી વધુ મતદારો

૩૫૧૯ પોલીંગ સ્ટાફ અને ૧૪૫૫ પોલીસ સ્ટાફ ચૂંટણીમાં ફરજ બજાવશે.

ગુજરાતના રાજ્ય ચૂંટણી આયોગ દ્વારા ગ્રામ પંચાયત ચૂંટણી ડિસેમ્બર-૨૦૨૧નો ચૂંટણી કાર્યક્રમ જાહેર થયેલ છે. જે મુજબ સાબરકાંઠા જીલ્લાની કુલ ૩૨૩ ગ્રામ પંચાયતો પર ચૂંટણી યોજાનાર છે. અને તે ગ્રામ પંચાયત ચૂંટણીનું મતદાન તા.૧૯ ડિસેમ્બર ૨૦૨૧ ના રોજ સવારના ૦૭.૦૦ વાગ્યાથી સાંજના ૦૬.૦૦ કલાક સુધી યોજાનાર છે. તેમજ ૨૧ ડિસેમ્બર ૨૦૨૧ના રોજ મતગણતરી હાથ ધરાશે.

સમગ્ર ચૂંટણી પ્રક્રિયા જરૂરી શાંતિમય વાતાવરણમાં યોજાય તે માટે જિલ્લા વહિવટીતંત્ર સજ્જ બની કાર્યવાહી હાથ ધરી છે.

જે અંગે માહિતી આપતા જીલ્લા કલેકટર શ્રી હિતેષ કોયાએ જણાવ્યું હતું કે, જિલ્લાની ૩૨૩ ગ્રામ પંચાયતોમાં ચૂંટણી યોજાશે.જેમાં ૨૬૫ સરપંચની બેઠક અને ૨૩૧૦ વોર્ડના સભ્યોની બેઠકનો સમાવિષ્ટ થાય છે. ગ્રામ પંચાયતની ચૂંટણીમાં ૨,૬૭, ૪૫૫ પુરૂષ, ૨,૫૩,૩૧૧ મહિલા તેમજ બે અન્ય મતદાર મળી કુલ ૫,૨૦,૭૬૮ મતદારો મતાધિકારનો ઉપયોગ કરશે. જેના માટે ૭૭ ચૂંટણી અધિકારી અને ૭૭ મદદનીશ ચૂંટણી અધિકારીની નિમણૂંક કરાઇ છે.

તાલુકાવાર વિગત જોઇએ તો હિંમતનગર અને ઇડરમાં ૮૨-૮૨, પ્રાંતિજ અને તલોદમાં ૩૮-૩૮ ગ્રામ પંચાયતોની જયારે વડાલીમાં ૩૨, ખેડબ્રહ્મામાં ૧૯, પોશીનામાં ૮ અને વિજયનગરમાં ૨૪ પંચાયતોની ચૂંટણી યોજાશે.

તાલુકો	પંચાયતની સંખ્યા	મતદાન મથકો	મતદાન પ્રક્રિયા સ્ટાફ	પોલીસ સ્ટાફ	પુરૂષ મતદાર	સ્ત્રી મતદાર	કુલ મતદાર
હિંમતનગર	૮૨	૨૦૦	૫૫૩	૨૧૦	૭૨૦૫૯	૬૮૩૧૫	૧૪૦૩૭૪
ઇડર	૮૨	૧૮૮	૧૧૦૧	૩૭૪	૭૩૭૦૪	૭૦૪૨૭	૧૪૪૧૩૧
વડાલી	૩૨	૫૪	૨૯૯	૧૦૮	૧૮૮૮૦	૧૭૮૧૧	૩૬૬૯૨
ખેડબ્રહ્મા	૧૯	૪૩	૨૫૦	૯૭	૧૭૦૦૨	૧૫૯૫૯	૩૨૯૬૧
પોશીના	૮	૩૭	૨૧૮	૧૭૦	૧૭૦૭૩	૧૫૪૬૯	૩૨૫૪૨
પ્રાંતિજ	૩૮	૭૧	૩૫૫	૧૪૨	૨૩૪૬૨	૨૧૭૨૭	૪૫૧૮૯
તલોદ	૩૮	૬૫	૩૫૮	૧૯૭	૨૧૦૯૫	૧૯૩૦૫	૪૦૪૦૧
વિજયનગર	૨૪	૬૫	૩૮૫	૧૫૭	૨૪૧૮૦	૨૪૨૯૮	૪૮૪૭૮

ડિસેમ્બર 2, 2021