AVS POST

ટૅગ #students

  • KSV દ્વારા સંચાલિત પત્રકારત્વ અભ્યાસક્રમમાં પ્રવેશ શરૂ, 30 જુલાઈ સુધી મળશે તક

    KSV દ્વારા સંચાલિત પત્રકારત્વ અભ્યાસક્રમમાં પ્રવેશ શરૂ, 30 જુલાઈ સુધી મળશે તક

    નીરવ જોશી, ગાંધીનગર (M-9662412621)

    *મીડિયા ક્ષેત્રે કારકિર્દી ઘડવાની સુવર્ણ તક :

    * KSV દ્વારા સંચાલિત પત્રકારત્વ અભ્યાસક્રમમાં પ્રવેશ શરૂ, 30 જુલાઈ સુધી મળશે તક

    ગાંધીનગર, તા. 21/07/2026

    મીડિયા અને પત્રકારત્વ ક્ષેત્રમાં ઉજ્જવળ કારકિર્દી બનાવવા ઇચ્છુક યુવાનો માટે એલ.ડી.આર.પી. કેમ્પસ, કડી સર્વ વિશ્વવિદ્યાલયના પત્રકારત્વ વિભાગ દ્વારા એક વર્ષીય પોસ્ટ ગ્રેજ્યુએટ ડિપ્લોમા ઇન જર્નાલિઝમ એન્ડ માસ કોમ્યુનિકેશન (PGDJMC) અભ્યાસક્રમમાં પ્રવેશ પ્રક્રિયા શરૂ કરવામાં આવી છે. આ અભ્યાસક્રમમાં પ્રવેશ મેળવવાની છેલ્લી તારીખ 30 જુલાઈ, 2026 છે.

    આ બે સેમિસ્ટરના વ્યવસાયલક્ષી અભ્યાસક્રમમાં વિદ્યાર્થીઓને પ્રિન્ટ, ઇલેક્ટ્રોનિક, ડિજિટલ અને સોશિયલ મીડિયા, સમાચાર લેખન, રિપોર્ટિંગ, સંપાદન, એન્કરિંગ, જનસંપર્ક, ફોટો જર્નાલિઝમ અને મીડિયા મેનેજમેન્ટ જેવા વિષયોમાં થિયરી સાથે પ્રાયોગિક તાલીમ આપવામાં આવશે. મીડિયા ક્ષેત્રના અનુભવી અધ્યાપકોના માર્ગદર્શન હેઠળ વિદ્યાર્થીઓને આધુનિક મીડિયા ઉદ્યોગની જરૂરિયાતોને અનુરૂપ કૌશલ્ય વિકસાવવાની તક મળશે.

    કોઈપણ વિષયમાં સ્નાતક થયેલા વિદ્યાર્થીઓ આ અભ્યાસક્રમમાં પ્રવેશ માટે પાત્ર છે. ખાસ વાત એ છે કે વર્ગો સાંજના સમયે યોજાતા હોવાથી નોકરી કરતા, સ્પર્ધાત્મક પરીક્ષાની તૈયારી કરતા તેમજ અન્ય ઉચ્ચ અભ્યાસ સાથે જોડાયેલા વિદ્યાર્થીઓ માટે પણ આ અભ્યાસક્રમ અનુકૂળ રહેશે.

    મીડિયા ક્ષેત્રમાં રિપોર્ટર, ન્યૂઝ એન્કર, કન્ટેન્ટ રાઇટર, ડિજિટલ મીડિયા એક્ઝિક્યુટિવ, સોશિયલ મીડિયા મેનેજર, પીઆર પ્રોફેશનલ અને ફોટો જર્નાલિસ્ટ જેવી વિવિધ કારકિર્દીની તકોને ધ્યાનમાં રાખીને આ અભ્યાસક્રમ તૈયાર કરવામાં આવ્યો છે.

    પ્રવેશ અને અભ્યાસક્રમ અંગે વધુ માહિતી માટે મો. 8401863229 પર સંપર્ક કરી શકાય છે અથવા પત્રકારત્વ વિભાગ,

    એલ.ડી.આર.પી. કેમ્પસ, સેક્ટર-15, ગાંધીનગર ખાતે રૂબરૂ મુલાકાત લઈ શકાય છે.

    સંપર્ક :
    પત્રકારત્વ વિભાગ, એલ.ડી.આર.પી. કેમ્પસ, કડી સર્વ વિશ્વવિદ્યાલય, સેક્ટર-15, ગાંધીનગર
    મો. : 8401863229

  • સાબરકાંઠા: માનસિક દિવ્યાંગ બાળકોની સંસ્થામાં વિશ્વ દિવ્યાંગ દિવસની ઉજવણી કરવામાં આવી

    સાબરકાંઠા: માનસિક દિવ્યાંગ બાળકોની સંસ્થામાં વિશ્વ દિવ્યાંગ દિવસની ઉજવણી કરવામાં આવી

    નીરવ જોશી , હિંમતનગર (M-9106814540)

    હિંમતનગર માનસિક દિવ્યાંગ બાળકોની સંસ્થામાં વિશ્વ દિવ્યાંગ દિવસની ઉજવણી કરવામાં આવી.

    ત્રીજી ડિસેમ્બર વિશ્વ દિવ્યાંગ દિવસની ઉજવણી હિંમતનગરના મોતીપુરા વિસ્તારમાં ચાલતી સાબરકાંઠા ચેરીટેબલ ટ્રસ્ટ સંચાલિત માનસિક દિવ્યાંગ બાળકોની સંસ્થા હિંમતનગરમાં સમાજ સુરક્ષા અધિકારી શ્રી મનીષભાઈ જોશીના અધ્યક્ષ સ્થાને કરવામાં આવી જેમાં સંસ્થાના મેનેજિંગ ટ્રસ્ટી ડોક્ટર વી એ ગોપલાણી સાહેબ ની વિશેષ ઉપસ્થિતિમાં આજના સ્પેશિયલ દિવસ ની દિવ્યાંગોને શુભકામના પાઠવવામાં આવી હતી.

    હિંમતનગર તાલુકાના કુલ 50 દિવ્યાંગોને સાધન સહાય તેમજ સમાજ સુરક્ષા ખાતા દ્વારા મળતા લાભો ની જાણકારી આપવામાં આવી.

    આ પ્રસંગે માનસિક દિવ્યાંગ બાળકો દ્વારા સાંસ્કૃતિક કાર્યક્રમ કરવામાં આવેલ તથા સંસ્થા તરફથી દિવ્યાંગોને મિષ્ટાન ભોજન આપવામાં આવેલ.

    આ સંસ્થાને સમગ્ર સાબરકાંઠા તેમજ ગુજરાતના  સેવાભાવી લોકો જાણીને એની મુલાકાતે આવતા હોય છે. છેલ્લા 33 વર્ષથી પણ વધુ સમયથી આ સંસ્થા મંદ બુદ્ધિના બાળકોને પોતાના ઘરના સભ્યો જેમ સાચવે છે!

    આ સમગ્ર કાર્યક્રમનું આયોજન સંસ્થાના વહીવટી સંચાલક શ્રી જીતુભાઈ પટેલ દ્વારા કરવામાં આવેલ.

    સંસ્થાની જાત તપાસ અને મુલાકાત લેવા માટે જીતુભાઈ પટેલ નો સંપર્ક નંબર -9998828975 

    ઇડર ભાસ્કર ભવન ખાતે વિશ્વ કોમ્પ્યુટર સાક્ષરતા દિવસ અને વિશ્વ દિવ્યાંગ દિવસની ઉજવણી કરાઈ


    સાબરકાંઠા જિલ્લામાં રાષ્ટ્રીય અંધજન મંડળ (NAB) સાબરકાંઠા અને NAB દિલ્હીના સંયુક્ત ઉપક્રમે ભાસ્કર ભવન, ઈડર ખાતે વિશ્વ કોમ્પ્યુટર સાક્ષરતા દિવસ અને વિશ્વ દિવ્યાંગ દિવસના ઉપલક્ષમાં એક દિવસીય માહિતી અને સંચાર ટેકનોલોજી (ICT) તાલીમ કાર્યક્રમ યોજાયો હતો.

    કાર્યક્રમમા દિલ્હીની ટીમે પ્રજ્ઞાચક્ષુ વ્યક્તિઓને ટેકનોલોજીનો ઉપયોગ કરીને શિક્ષણ તેમજ રોજિંદી જીવનમાં કેવી રીતે આત્મનિર્ભર બનાવી શકાય તેની વિગતવાર તાલીમ આપી હતી. આ તાલીમ દ્વારા પ્રજ્ઞાચક્ષુ વ્યક્તિઓમાં આધુનિક ટેકનોલોજીના ઉપયોગ અંગે જાગૃતિ અને કૌશલ્યનો વિકાસ થશે.

    આ કાર્યક્રમમાં સંસ્થાના જનરલ સેક્રેટરી સંદીપ કે. રામી અને
    સંસ્થાના ઉપ-પ્રમુખ પ્રવિણાબેન મહેતાએ સંસ્થાના કાર્ય અને ઉદ્દેશો વિશે પરિચય આપ્યો હતો.

    આ કાર્યક્રમમાં સંસ્થાના વરિષ્ઠ અધ્યક્ષ પ્રોફેસર ભાસ્કરભાઈ મહેતા,સંસ્થાના પ્રમુખ ગોપાલસિંહ રાઠોડ,સંસ્થાના કારોબારી સભ્ય મયુર ચૌધરી,જિલ્લા શિક્ષણ અધિકારી સાબરકાંઠા કચેરીથી શ્રી કાગ, શિક્ષણ ખાતા સાથે જોડાયેલા કિરીટભાઈ (ઈડર), ગિરીશભાઈ પરમાર (ઈડર),સાબરકાંઠા અને અરવલ્લી જિલ્લાના પ્રજ્ઞાચક્ષુ વિદ્યાર્થીઓ, વ્યક્તિઓ તેમજ વિશિષ્ટ શિક્ષકોએ ઉપસ્થિત રહ્યા હતા.

  • ખેડબ્રહ્માની જ્યોતિ હાઈસ્કૂલના ભૂતપૂર્વ પ્રિન્સિપાલ સુરેશભાઈ પટેલ તાજેતરમાં રિટાયર્ડ થયા

    ખેડબ્રહ્માની જ્યોતિ હાઈસ્કૂલના ભૂતપૂર્વ પ્રિન્સિપાલ સુરેશભાઈ પટેલ તાજેતરમાં રિટાયર્ડ થયા

    નીરવ જોશી, હિંમતનગર (M-9106814540)

    તાજેતરમાં એટલે કે મહિના પહેલા રિટાયર્ડ(સેવા નિવૃત થયેલા) પરંતુ નહીં જરા પણ ટાયર્ડ થયેલા ( થાકેલા નહીં) આદરણીય જ્યોતિ હાઇસ્કુલના ભૂતપૂર્વ પ્રિન્સિપલ સુરેશભાઈ પટેલ સાથે મંગળવાર ની સાંજે એક પાર્ટી પ્લોટ માં મળવાનું થયેલું… તેમના ચહેરા પરની તાજગી અને હેર સ્ટાઇલ ખૂબ આકર્ષક લાગતી હતી!

    એક જમાનો હતો(30-40 વર્ષ પહેલાનો) જ્યારે કેટી હાઈસ્કૂલ અને જ્યોતિ હાઈસ્કૂલ એ ઐતિહાસિક નગર ખેડબ્રહ્મા માં સ્થાપવામાં આવેલી ખૂબ જાણીતી શિક્ષણ સંસ્થાઓ …એકબીજાને પછાડવામાં (ટેલીફોનના ડબલા ઉપર બંને હાઈસ્કૂલના ગતિવિધિઓની જાસુસી થતી !)..ને છોકરાઓ તાણી જવામાં એટલે કે (નવા એડમિશન અને સંખ્યા વધારવામાં) ખૂબ જ આક્રમક હતી!!! શાળાના બાળકોને વધારે સારું રિઝલ્ટ આપો (grace marks)!તો આવી જશે …આપણી શાળામાં એવું પણ જોવામાં આવતું!

    જ્યોતિ હાઈસ્કૂલના મેનેજમેન્ટમાં ખાસ કરીને કચ્છી પટેલો જ સર્વે સર્વ હતા અને તેમાં આદરણીય તત્કાલીન પ્રમુખ જેઠાભાઈ પટેલ ની દુરદેશી અને તેમનું વહીવટી કાર્યક્ષમતા અને મજબૂત મનોબળ સુરેશભાઈ પટેલની પ્રિન્સિપાલ તરીકેની કાર્યશેલીને માર્ગદર્શન આપવામાં ખૂબ નિર્ણાયક બનતું રહ્યું છે. એમનો – આચાર્ય સુરેશભાઈ નો સમગ્ર કાર્યકાળ જેઠાભાઇના આજ્ઞાકારી સેનાપતિ તરીકે જોવામાં આવે તો પણ નવાઈ નહીં!!!

    એક વખત એવું થયેલું કે 11 – 12 સાયન્સ ની મંજૂરી જ્યોતિ હાઈસ્કૂલ નું મેનેજમેન્ટ એ વખતના શિક્ષણ મંત્રી આનંદીબેન પટેલને ખૂબ મનાવી અને પોતાનું કેસ મજબૂત રજૂ કરીને આદિવાસી વિસ્તારમાં 11 – 12 સાયન્સની મંજૂરી પહેલા લઈ આવી ! પરિણામે કેટી હાઈસ્કૂલના ટ્રસ્ટને ગુજરાત હાઇકોર્ટમાં કેસ લઈને ગુજરાત સરકાર સામે કેસ લડવાની ફરજ પડેલી ! પછી તો એવું થયું કે બંને હાઈ સ્કૂલ પાસે 11 12 સાયન્સના વિદ્યાર્થીઓની ફોજ લાગી ગઈ અને આ બાળકોને ઈડર કે વડાલી 11 12 સાયન્સ ભણવા જવાના ખર્ચા થતા હતા એમાં 25 વર્ષથી વિદ્યાર્થી આલમ અને માતા પિતા બચી ગયા!!!!

    એક કેટી હાઈસ્કૂલ જેમાં ગોમતીવળ બ્રાહ્મણોનું અને બીજી જ્યોતિ હાઇસ્કુલ જે કચ્છી પટેલ સમાજનું વર્ચસ્વ જોવામાં આવતું હતું! હજી પણ ત્રીસ વર્ષ પછી પણ આ જ પરિસ્થિતિ જોવામાં આવે છે!

    અમે શાળાના તરુણો હતા ત્યારે સામેની પ્રતિસ્પર્ધી સ્કૂલના વિદ્યાર્થીઓ ટ્યુશનમાં મળતા ત્યારે …એવી પણ એક મજાકમાં વાક્ય જ્યોતિ હાઈસ્કૂલના  વિદ્યાર્થીઓને ચીડવવા કહેતા હતા કે — જ્યોતિ હંમેશા રોતી અને સામે Jyoti હાઈસ્કૂલના બાળકો અમને ચીડવવા એટલે કેટી હાઈસ્કૂલના બાળકોને ચીડવવા કહેતા કે KT હાઈસ્કૂલ તો કચરાપેટી!😅🤣🤣

    પરંતુ હવે છેલ્લા ત્રણ દાયકામાં પરિસ્થિતિઓ બદલાય છે… માણસોનું આનંદ માનસ તંત્ર પણ બદલાય છે.. વિચારના દ્રષ્ટિકોણો પણ બદલાયા છે અને આખી પેઢી પણ બદલાય છે… અને ખેડબ્રહ્મા જેવા ઐતિહાસિક અને પૌરાણિક ગામમાં કે નગરમાં શિક્ષણની દિશા અને દશા પણ બદલાય છે!

    આના વિશે હું ભવિષ્યમાં કોઈ વાર બીજી વાર લખીશ…

    પરંતુ આજે ખેડબ્રહ્માના જ્યોતિ હાઈસ્કૂલના એક મહિના પહેલા સેવા નિવૃત થયેલા એટલે કે રિટાયર્ડ થયેલા જવાન પ્રિન્સિપાલ સુરેશભાઈ પટેલને ગતરોજ હિંમતનગરમાં એક લગ્ન પ્રસંગ ના રિસેપ્શનમાં મળીને ખૂબ આનંદ આવ્યો! I like his personality and dedication for the Jyoti highschool! 😀❤💐⚘🎂 તેમનો ઉત્સાહી વ્યક્તિત્વ, પ્રભાવ અને આજ્ઞાકારીતા તેમજ સ્કૂલ માટેનું સમર્પણ અને તેમના વિશેની વાતો ઘણી સાંભળેલી હતી. તેમનું એક હુલામણું નું નામ સુરેશભાઈ દાઢી પણ છે! મોટાભાગના લોકો એમને આ નામથી જ વધારે બોલાવે છે!😀 ખરું ને?

    હું જ્યારે ખેડબ્રહ્મા જાવ ત્યારે એમને કેટલીક વાર મળતો પણ હોવ…

    હજુ મને કચ્છી પટેલ સમાજ માટે ખૂબ પ્રેમ છે અને રહેશે… પરંતુ હું કેટી high સ્કૂલનો વિદ્યાર્થી રહ્યો છું,  KT  સ્કૂલ મારી માતા સંસ્થા છે એટલે જ્યોતિ હાઈસ્કૂલ મારા માટે સગી માસી જેવી પ્રેમાળ સંસ્થા છે!😀❤💐💐⚘🎂

    બધું આવતી વખતે જણાવીશ…

    શુભેચ્છાઓ આપવા માટે જ્યોતિ હાઈસ્કૂલના ભૂતપૂર્વ પ્રિન્સિપાલ સુરેશભાઈ પટેલનો મોબાઇલ નં ( 9428186006)

    💐💐⚘
    #highschool
    #Khedbrahma
    #education

  • ફુટા પ્રાથમિક શાળાના શિક્ષક નટવરભાઈ બબાભાઈ ઓડનો વિદાય સમારંભ રડાવી ગયો

    ફુટા પ્રાથમિક શાળાના શિક્ષક નટવરભાઈ બબાભાઈ ઓડનો વિદાય સમારંભ રડાવી ગયો

    ફુટા પ્રાથમિક શાળાના શિક્ષક નટવરભાઈ બબાભાઈ ઓડનો વિદાય સમારંભ

    અમિત ડેડુણ , મેઘરજ

    મેઘરજ, અરવલ્લી: મેઘરજ તાલુકાની ફુટા પ્રાથમિક શાળામાં છેલ્લા દોઢથી બે વર્ષથી સેવા આપતા શિક્ષક શ્રી નટવરભાઈ બબાભાઈ ઓડની તાજેતરમાં વતન ખાતે બદલી થતાં શાળા પરિવાર અને ગ્રામજનો દ્વારા તેમને ભાવભરી વિદાય આપવામાં આવી હતી. સમગ્ર વાતાવરણમાં પોતાનું કોઈ સ્વજન વિદાય લઈ રહ્યું હોય એવી વણકહી વેદના કે વ્યથા પણ અનેક લોકોને ચહેરા પર દેખાઈ રહી હતી!

    શાળાના શિક્ષકો, બાળકો અને ગ્રામજનો માટે આ વિદાય એક દુઃખદ ક્ષણ હતી, કારણ કે નટવરભાઈએ ટૂંકા ગાળામાં જ સૌના હૃદયમાં સ્થાન બનાવી લીધું હતું. પરંતુ, પોતાના પ્રિય શિક્ષક તેમના મનગમતા વતન માં બદલી થઈ એ વાતની ખુશી પણ સૌના ચહેરા પર સ્પષ્ટપણે જોવા મળતી હતી.

    આ પ્રસંગે યોજાયેલા વિદાય સમારંભમાં ગ્રામજનોએ મોટી સંખ્યામાં હાજરી આપી હતી.
    નટવરભાઈના સન્માનમાં ગ્રામજનોએ તેમને પરંપરાગત રીતે પાઘડી પહેરાવી તેમનું સન્માન કર્યું હતું. આ સન્માન દર્શાવે છે કે નટવરભાઈએ આ સમયગાળા દરમિયાન કેવું ઉમદા કાર્ય કર્યું હતું. બાળકો સાથે તેમનો લગાવ, નિષ્ઠા અને મમતા તેમજ આદિવાસી બાળકોને લગાવથી ભણાવવાની તેમની આગવી શૈલી સૌને ખૂબ જ પસંદ હતી!

    આ પ્રસંગે ઉપસ્થિત લોકોએ નટવરભાઈ સાથેના પોતાના અનુભવો હૃદયથી વ્યક્ત કર્યા હતા. અને તેમની સેવાઓને બિરદાવી હતી.

    નટવરભાઈએ પણ પોતાના વક્તવ્યમાં શાળા પરિવાર અને ગ્રામજનોનો આભાર વ્યક્ત કર્યો હતો. તેમણે કહ્યું કે ફુટા ગામના લોકોનો પ્રેમ અને સહકાર તેઓ ક્યારેય નહીં ભૂલી શકે. આ વિદાય સમારંભ દુઃખ સાથે આનંદની લાગણીઓથી ભરેલો એક યાદગાર પ્રસંગ સમગ્ર ગામની જનતા માટે બની રહ્યો હતો.

    *વતન બદલી ગૌરવ અને ગમનો સંગમ – ઓડ નટવરભાઈ બાબાભાઈનો બદલી વિદાય સન્માન*

    ગામ અંબસરના રહેવાસી અને ફુટા સ્કૂલ તા મેઘરજ જિલ્લો અરવલ્લી મા માત્ર 1.5 વર્ષની ટૂંકી નોકરી ની અવધિમાં પોતાની ફરજનિષ્ઠા, સરળ સ્વભાવ અને વિદ્યાર્થીપ્રેમથી ગામ ના હ્રદયમાં જગ્યા બનાવનાર શિક્ષક શ્રી ઓડ નટવરભાઈ બાબાભાઈની બદલીની ઘડીએ આખા ગામમાં એક અનોખી લાગણી છવાઈ ગઈ।

    જ્યારે તેમની બદલી પોતાના વતનના ગામમાં નિર્ધારિત થયું, ત્યારે ફુટા ગામના લોકોમાં આનંદ સાથે સાથે દુખની લાગણી પણ હતી – કેમ કે આવા શ્રેષ્ઠ શિક્ષકનું સાથ છોડવું સહેલું નથી।

    ગામલોકોએ ઉદ્દાત હ્રદયથી તેમનું સન્માન કર્યું – શાનદાર પાગડી બાંધી, જે ગામના આદર, સન્માન અને ગૌરવનું પ્રતિક છે। આવું સન્માન ભાગ્યે જ કોઈ શિક્ષકને ગ્રામજનો તરફથી મળતું હોય – અને એ પોતે ઓડ નટવરભાઈ સાહેબના કાર્યોની ઊંચી ઓળખ છે।

    આ પ્રસંગે એક ગામના જ એક વડીલએ કહ્યું:

    “આવા શિક્ષક ગામમાં ફરીથી ક્યારે આવશે કે નહીં, એ કહેવું મુશ્કેલ છે – પણ ગામ ના દરેક બાળક અને ગામ ના લોકો ના હ્રદયમાં નટવરભાઈનું નામ હંમેશાં રહેશે.”

    *આ દિવસ ફુટા ગામ માટે ગૌરવ અને વિદાયરૂપી ગમ – બે ભિન્ન લાગણીઓનો સંગમ હતો!

  • હિંમતનગર:11 મો વિશ્વ યોગ દિવસ ભારે ઉત્સાહથી અનેક જગ્યાએ ઉજવવામાં આવ્યો

    હિંમતનગર:11 મો વિશ્વ યોગ દિવસ ભારે ઉત્સાહથી અનેક જગ્યાએ ઉજવવામાં આવ્યો

    નિરવ જોશી ,હિંમતનગર (M – 9106814540)

    પુરા વિશ્વમાં 11 મો વિશ્વ યોગ દિવસ ખૂબ જ હર્ષ ઉલ્લાસ થી ઉજવવામાં આવ્યો હતો સાબરકાંઠાના હિંમતનગરમાં પણ દર વર્ષની જેમ પોલીસ ગ્રાઉન્ડ ખાતે 11માં વિશ્વ એક દિવસની ઉજવણી ખૂબ યાદગાર રહી હતી  જેમાં મોટા ઉપાડે હિંમતનગર ની સરકારી શાળાઓના અને હાઈસ્કૂલના બાળકોએ ઉત્સાહથી ભાગ લીધો હતો.

    આ ઉપરાંત સાંસદ શોભનાબેન બારૈયા, ધારાસભ્ય વીડી ઝાલા, સાબરકાંઠા જિલ્લા કલેકટર લલિત નારાયણ સિંગ સાંદૂ તેમજ  જિલ્લા પોલીસવડા વિજય પટેલ, નગરપાલિકા પ્રમુખ વિમલ ઉપાધ્યાય, પૂર્વ પ્રમુખ યતીન બેન મોદી, ભાજપના પદાધિકારીઓ તેમજ સરકારી કચેરીઓના યોગ પ્રેમી કર્મચારીઓ ,ગુજરાત યોગ બોર્ડના યોગ પ્રશિક્ષકો અને પ્રબુદ્ધ નાગરિકો યોગ દિવસની ઉજવણીમાં ઉત્સાહભર ભાગ લઈને કાર્યક્રમને સફળ બનાવ્યો હતો.

    જોકે આ કાર્યક્રમમાં હિંમતનગરના યુવાનો અને નાગરિકોની સંખ્યા ઓછી દેખાતી હતી.

    નોંધનીય છે કે સરકારી શાળાઓ જેવી કે હિંમત હાઇસ્કુલ ,માય own સ્કૂલ, ત્રિવેણી હાઇસ્કુલ તેમજ અન્ય શાળાઓના બાળકો અને સ્કાઉટના વિદ્યાર્થીઓ તેમજ Himatnagar ડિફેન્સ એકેડેમીના યુવાનોએ પણ ઉત્સાહભેર યોગ દિવસમાં ભાગ લીધો હતો

     હિંમતનગરમાં અન્ય જગ્યાએ પણ વિશ્વ યોગ દિવસની ઉજવણી અલગ અલગ રીતે ઉજવવામાં આવી હતી… જેમકે સાબર સ્ટેડિયમમાં પાણીમાં યોગ કરવામાં આવ્યો હતો. તેમ જ જિલ્લાની જેલમાં કાનૂની સેવા મંડળ વડે સાબરકાંઠા જેલના કેદીઓને યોગ પ્રાણાયામ કરાવવામાં આવ્યો હતો. તેમજ ગુજરાતી યોગ બોર્ડ વડે પ્રશિક્ષિત યોગ પ્રશિક્ષકોએ અલગ અલગ જગ્યાએ પણ હિંમતનગરના આઇકોનિક જગ્યાએ યોગ કરાવ્યો હતો.

    આમ હિંમતનગરના યોગ પ્રેમીઓએ મોટી સંખ્યામાં વિશ્વ યોગ દિવસ ને અલગ અલગ રીતે અલગ અલગ જગ્યાએ ઉજવણી કરીને ખુબ ઉત્સાહ દેખાડ્યો હતો.

  • સિલ્વર ઓક યુનિવર્સિટીનો ત્રીજો પદવીદાન સમારોહ મંગળવારે યોજાશે

    સિલ્વર ઓક યુનિવર્સિટીનો ત્રીજો પદવીદાન સમારોહ મંગળવારે યોજાશે

    નીરવ જોશી  અમદાવાદ (M-9106814540)

     સિલ્વર ઓક યુનિવર્સિટીનો ત્રીજો પદવીદાન સમારોહ યોજાશે.

    સિલ્વર ઓક યુનિવર્સિટી દ્વારા ત્રીજા પદવીદાન સમારોહનું આયોજન કરવામાં આવ્યું છે, જેમાં 4000થી વધુ વિદ્યાર્થીઓને ડિગ્રી એનાયત કરવામાં આવશે. સાથે 40 વિદ્યાર્થીઓને ગોલ્ડ મેડલ્સ અને 14 વિદ્યાર્થીઓને મેરિટ સર્ટિફિકેટ્સ એનાયત કરવામાં આવશે.
    ગુજરાત રાજ્યના માનનીય મુખ્યમંત્રી શ્રી ભુપેન્દ્રભાઈ પટેલ મુખ્ય અતિથિ તરીકે પદવીદાન સમારોહનું ગૌરવ વધારશે અને પોરબંદરના ધારાસભ્ય શ્રી અર્જુનભાઈ મોઢવાડીયા અતિથિ વિશેષ તરીકે ઉપસ્થિત રહેશે.

    તદુપરાંત ‘સુપર 30’કાર્યક્રમના સ્થાપક પદ્મશ્રી આનંદકુમાર અને વિદ્વાન વૈષ્ણવાચાર્ય ડૉ. દ્વારકેશલાલજી જેવા વિશિષ્ઠ મહાનુભાવો પદવીદાન સમારોહની શોભા વધારશે.

    ઉલ્લેખનીય છે કે ટૂંકા સમય ગાળામાં સિલ્વર ઓક યુનિવર્સિટીએ શિક્ષણ ક્ષેત્રે ખૂબ સફળતાપૂર્વક પ્રગતિની ફાળ ભરી છે એટલું જ નહીં પરંતુ સિલ્વર ઓક યુનિવર્સિટીના વિદ્યાર્થીઓ અને અધ્યાપકો સૌ કોઈ વખાણવા લાયક પ્રવૃત્તિમાં તેમજ અધ્યાપન કાર્યમાં અમદાવાદમાં પ્રશંસા પાત્ર બન્યા છે. વિદ્યાર્થીઓનો સર્વાંગી વિકાસ થાય તે માટે યુનિવર્સિટીના દરેક વિભાગ ખૂબ ઉત્સાહભેર પ્રવૃત્તિઓમાં ભાગ લે છે તેમ જ વિદ્યાર્થીઓને પ્રેરણા આપે છે આગામી સમયમાં આ યુનિવર્સિટી સમગ્ર એસ જી હાઈવે ના સફળ શૈક્ષણિક સંકુલ માં – વિસ્તારમાં વધારે પ્રખ્યાત થાય તેવું જોવાઈ રહ્યું છે.

    સંપર્ક સૂત્ર:  દર્શન પટેલ – 9978663065

    તારીખ:* 07/01/2025
    *સમય:* સાંજે 6:00 કલાકથી
    *સ્થળ:* નિરવાણાં પાર્ટીપ્લોટ,
    એસ.જી. હાઇવે, અમદાવાદ.

  • બ્રહ્મસમાજ હિમતનગર દ્વારા વિદ્યા ઉત્તેજક ઇનામ વિતરણ સ્નેહમિલન કાર્યક્રમ

    બ્રહ્મસમાજ હિમતનગર દ્વારા વિદ્યા ઉત્તેજક ઇનામ વિતરણ સ્નેહમિલન કાર્યક્રમ

    નીરવ જોશી,હિંમતનગર (M-7838880134 & 9106814540)

    આજના સમયમાં ભણતરની સાથે સાથે બાળકોના મન અને ઉત્સાહને દિશા આપે તેવા કાર્યક્રમોની પણ જરૂર છે આવા જ એક કાર્યક્રમ અંતર્ગત સમસ્ત બ્રહ્મ સમાજ હિમતનગર દ્વારા વિદ્યા ઉત્તેજક ઇનામ વિતરણ સ્નેહ મિલન કાર્યક્રમ તા.15-09-24 રવિવાર ના રોજ હિમતનગર ટાઉન હોલ ખાતે આયોજિત કરાયો હતો.

    જેમાં મુખ્ય વક્તા તરીકે શ્રી ધર્મેન્દ્ર ભાઈ જોષી કહ્યું હતું કે આજનો જમાનો Artificial intelligence નો છે, જેથી આપણે તન અને મનની સાથે સાથે મગજ પર વધુ ભાર આપવો પડશે.

    પ્રમુખ મુકેશ ભાઈ જાનીએ બ્રહ્મ સમાજ માં વિવિધ કાર્યક્રમોની પ્રોજેક્ટર પર આછી ઝલક આપી પ્રેઝન્ટેશન આપ્યું હતું.

    આ પ્રસંગે નાગરિક બેંકના ચેરમેન હિરેનભાઈ ગોર,પ્રફુલભાઇ વ્યાસ , સર્વાનંદભાઈ ભટ્ટ અને ડૉ.વિપુલભાઈ જાનીની ઉપસ્થિતિ રહેલ.


    સંજયભાઈ વેદિયાએ સમગ્ર કાર્યક્રમ નું સંચાલન કરેલ.
    ભરતભાઇ ભટ્ટ પંકજભાઈ મહેતા અને રીટાબેન જોષી એ સ્પર્ધક વિજેતાઓ ની જાહેરાત કરી હતી મહામંત્રી જયંતભાઈ જોષીએ દાતાઓ તથા સમગ્ર બ્રહ્મ બંધુઓનો આભાર માન્યો હતો.

  • દેવસંસ્કૃતિ વિશ્વવિદ્યાલયના વિદ્યાર્થીઓની ટીમ ખેડબ્રહ્મા તાલુકામાં પરિભ્રમણ

    દેવસંસ્કૃતિ વિશ્વવિદ્યાલયના વિદ્યાર્થીઓની ટીમ ખેડબ્રહ્મા તાલુકામાં પરિભ્રમણ

    • દેવ સંસ્કૃતિ વિશ્વવિદ્યાલયના વિદ્યાર્થીઓની ટીમ માં તાલુકામાં પરિભ્રમણ
    • ઇડર વડાલી તેમજ ખેડબ્રહ્મા તાલુકામાં ભ્રમણ કરી યોગ વિદ્યા અંગે સમજૂતી આપી

    સાબરકાંઠામાં છેલ્લા 15 દિવસથી હરિદ્વારના ગાયત્રી શાંતિ કુંજ પરિવાર માં આવેલી વિશ્વપ્રસિધ્ધિ દેવ સંસ્કૃતિ વિશ્વ વિદ્યાલયના વિદ્યાર્થીઓ હિંમતનગર ઇડર વડાલી તેમજ ખેડબ્રહ્મા તાલુકામાં યોગના પ્રચાર માટે વિદ્યાર્થી જગત પાસે પહોંચ્યા છે.


    દેવ સંસ્કૃત વિશ્વવિદ્યાલયના વિદ્યાર્થીઓ દર વર્ષે ભારત ભરના જિલ્લાઓમાં ચાર હજાર થી વધુ ગાયત્રી પરિવારની શક્તિપીઠો સંસ્થાઓમાં ઇન્ટરશીપ હેતુ વિદ્યાર્થીઓની ટીમ મોકલવામાં આવે છે. દરેક જિલ્લામાં ત્રણ વિદ્યાર્થીઓની ટીમ એક મહિનાના સુધી પરિભ્રમણ કરે છે. શાળા કોલેજમાં નૈતિક સામાજિક બૌદ્ધિક અને સ્વાસ્થ્ય અંતર્ગત અલગ અલગ વિષયો પર માર્ગદર્શન આપવામાં આવે છે. સાથે સાથે યોગ આસાન પ્રાણાયામ તેમજ વૈકલ્પિક ચિકિત્સા જેવી કે એક્યુપ્રેશર અંતર્ગત પ્રેક્ટીકલ પ્રયોગ કરી સમજણ આપવામાં આવે છે.

     

  • સાબરકાંઠાની ૪૭૩ શાળાઓમાં જિલ્લા શૈક્ષણિક સિદ્ધિ સર્વેક્ષણ યોજાયુ

    સાબરકાંઠાની ૪૭૩ શાળાઓમાં જિલ્લા શૈક્ષણિક સિદ્ધિ સર્વેક્ષણ યોજાયુ

    નીરવ જોશી , હિંમતનગર (M-7838880134)

    સાબરાકાંઠાની ૪૭૩ શાળાઓમાં જિલ્લા શૈક્ષણિક સિદ્ધિ સર્વેક્ષણ યોજાયુ

    અંગ્રેજી અને ગુજરાતી માધ્યમના કુલ ૧૩,૪૦૮  જેટલા વિદ્યાર્થીઓ સર્વેક્ષણમાં  જોડાયા

    રાષ્ટ્રીય સ્તરે પરખ PARAKH ( Performance Assessment, Review and Analysis of Knowledge for Holistic Development) & NCERT દ્વારા બીજી અને ત્રીજી નવેમ્બરના રોજ State Education Achievement Survey (SEAS)-2023 અંતર્ગત ધોરણ ત્રણ,છ અને નવ ના વિદ્યાર્થીઓનું મૂલ્યાંકનનું આયોજન  કરવામાં આવ્યુ હતુ. આ સર્વેક્ષણ ગોખણપટ્ટીને બદલે ક્ષમતા આધારિત શીખવાની પદ્ધતિની પસંદગી અને બેન્ચમાર્ક મૂલ્યાંકનનું પ્રતિનિધિત્વ કરે છે. ક્ષમતા-આધારિત શિક્ષણને અપનાવવાથી વિદ્યાર્થીઓના સર્વાંગી વિકાસને પ્રોત્સાહન મળે એ માટે શૈક્ષણિક સિદ્ધિ સર્વેક્ષણ કેન્દ્ર અને રાજ્ય સરકારી  શાળાઓ, સરકારી સહાયિત શાળાઓ અને ખાનગી શાળાઓમાં યોજાયુ હતુ. .

    સાબરકાંઠા જિલ્લાના આઠ તાલુકાઓમાં  ૪૭૩  શાળાઓમાં ધોરણ ત્રણ ,છ અને નવમાં શૈક્ષણિક સિદ્ધિ સર્વેક્ષણ હાથ ધરવામાં આવ્યું હતું.જેમાં અંગ્રેજી માધ્યમ અને ગુજરાતી માધ્યમના કુલ ૧૩,૪૦૮  જેટલા વિદ્યાર્થીઓ સર્વેક્ષણમાં  જોડાયા હતા. આ સર્વેની કામગરી માટે  બી.એડ કોલેજના ૫૨૧ જેટલા પ્રશિક્ષણાર્થીઓને ફિલ્ડ ઈન્વેસ્ટીગેટર તરીકેની તાલીમથી સજ્જ કરવામાં આવ્યા હતા.

    આ સર્વેક્ષણની કામગીરીમાં જિલ્લા શિક્ષણાધિકારીશ્રીમતિ  મીતાબેન ગઢવી, જિલ્લા પ્રાથમિક  શિક્ષણાધિકારીશ્રી હર્ષદભાઈ ચૌધરી, જિલ્લા શિક્ષણ તાલીમ ભવનના પ્રાચાર્યશ્રી કે ટી પોરાણીયા, નાયબ ડીપીઇઓ અલકાબેન નીનામા, ડૉ. એમ.જી ચૌહાણ,ડો. નિશાદ ઓઝા, તા.પ્રાથમિક શિક્ષણાધિકારીશ્રીઓ, બીઆરસી કો-ઓર્ડીનેટરશ્રીઓ,સીઆરસી કોઓર્ડીનેટશ્રીઓ  જોડાયા હતા. સમગ્ર સર્વેક્ષણનું અમલીકરણ અને આયોજન ડાયટ ના સિનિયર લેક્ચરર અશ્વિન મો.પટેલે કરી હતી.

  • દાહોદ: દેવગઢ બારીયાના સ્પોર્ટ કોમ્પ્લેક્સ ખાતે ખરેડી પ્રાથમિક શાળાના વિદ્યાર્થીઓનું શાનદાર પ્રદર્શન

    દાહોદ: દેવગઢ બારીયાના સ્પોર્ટ કોમ્પ્લેક્સ ખાતે ખરેડી પ્રાથમિક શાળાના વિદ્યાર્થીઓનું શાનદાર પ્રદર્શન

    નીરવ જોશી , દાહોદ (M-7838880134)

    31-10-2023 મંગળવાર ના રોજ દેવગઢબારિયા મુકામે સ્પોર્ટ કોમ્પ્લેક્સ ખાતે દાહોદ જિલ્લા સબ જુનિયર જુડો ટ્રાયલ યોજાયેલ હતી જેમાં ખરેડી પ્રાથમિક શાળાના બાળકોએ ભાગ લીધો હતો અને સુંદર પ્રદર્શન કર્યું હતું.

    ટીમ ખરેડી માં કોચ ચૌહાણ ગૌરવકુમાર હસમુખભાઈ ,
    બોયઝ ટીમ મેનેજર મુનિયા કાનજીભાઈ માનસિંગભાઈ,
    ગર્લ્સ ટીમ મેનેજર જાડેજા નીલાક્ષીબા ભરતસિંહ
    માર્ગદર્શન હેઠળ મીનામાં બાદલભાઈ, કરારા કિંજલબેન, ચૌહાણ મહેકબેન, ભાભોર સ્મિત કુમાર, ચૌહાણ વૈભવીબેન, કલારા અર્ચનાબેન, કલારા આરતીબેન, બારીયા પાયલબેન, મીનામાં વિષ્ણુભાઈ, ડામોર આકાશભાઈ સબ જુનિયર જુડો ટ્રાયલ ભાગ લીધો.


    જેમાં 35 kg વર્ગમાં કુમારમાં મીનામા વિષ્ણુ બીજા અને ભાભોર સ્મિત કુમાર ત્રીજા સ્થાન પર આવેલ છે.

    36 kg વર્ગમાં કન્યામાં કરારા કિંજલબેન પ્રતાપભાઈ દ્વિતીય સ્થાને આવેલા છે.

    40 કિલોગ્રામ વર્ગમાં કુમારમાં મીનામાં બાદલભાઈ ત્રીજું સ્થાન પ્રાપ્ત કરેલ છે.

    40 કિલોગ્રામ વર્ગમાં કન્યામાં કલારા અર્ચનાબેન બીજા સ્થાને અને ચૌહાણ વૈભવીબેન ત્રીજા સ્થાને આવેલ છે.

    44 કિલોગ્રામ વર્ગમાં કન્યામાં બારીયા પાયલબેન મગનભાઈ ત્રીજા સ્થાને આવેલ છે.

    48 કિલોગ્રામ વર્ગમાં કન્યામાં ચૌહાણ મહેક બેન પ્રથમ સ્થાને આવેલ છે. 

    કલારા આરતીબેન દ્વિતીય સ્થાને આવેલ છે.

    55 કિલોગ્રામ વર્ગમાં ભાઈઓમાં ડામોર આકાશભાઈ પ્રથમ નંબરે આવેલ છે.

    ટીમ ખરેડી અને ખરેડી પ્રાથમિક શાળા પરિવાર ને ખુબ ખુબ અભિનંદન