AVS POST

ટૅગ Sanskrit

  • ગીતા જયંતી: જિલ્લા સ્તરીય ગીતા મહોત્સવની ઉજવણી ઇડર ટાઉન હોલ ખાતે કરાઇ

    ગીતા જયંતી: જિલ્લા સ્તરીય ગીતા મહોત્સવની ઉજવણી ઇડર ટાઉન હોલ ખાતે કરાઇ

    નીરવ જોશી, હિંમતનગર (M-9106814540)

    ગીતા જયંતીના જિલ્લા સ્તરીય ‘ગીતા મહોત્સવ’ની ઉજવણી ઇડર ટાઉન હોલ ખાતે કરાઇ

    જિલ્લા સ્તરીય કાર્યક્રમમાં ગીતા પૂજન, ભગવદગીતાના અધ્યાયનો સમૂહ પાઠ, સંસ્કૃત ભાષા તેમજ સંસ્કૃતિને લગતી પ્રદર્શનીનું આયોજન

    ગુજરાત રાજ્ય સંસ્કૃત બોર્ડ અને જિલ્લા શિક્ષણાધિકારી કચેરી, સાબરકાંઠાના સંયુક્ત ઇડર નગરપાલિકા ટાઉન હોલ ખાતે ગીતા જયંતીના અવસરે ઇડર ધારાસભ્યશ્રી રમણલાલ વોરાની અધ્યક્ષતામાં અને ગુજરાત રાજ્ય પ્રાથમિક શિક્ષણ નિયામકશ્રી મહેશભાઇ જોષીની ઉપસ્થિતિમાં જિલ્લા સ્તરીય ‘ગીતા મહોત્સવ’નું આયોજન કરવામાં આવ્યું હતું.

    આ પ્રસંગે ધારાસભ્યશ્રી એ જણાવ્યું હતું કે, આજે સમગ્ર રાજ્યમાં ગીતા જ્યંતીની ઉજવણી કરવામાં આવી રહી છે. ગીતામાં આપવામાં આવેલા ઉપદેશોનું અનુસરણ કરી જીવન ઉન્નત બનાવીએ અન્યને પણ મદદ કરીએ. આપણા વડાપ્રધાનશ્રી નરેન્દ્રભાઇ મોદી વાત કરે છે કે વિકાસ કરવાનો છે, પણ સાથે વિરાસત પણ જાળવી ને વિકાસ કરવાનો છે. આ સંસ્કૃત ભાષા આપણી વિરાસત છે. આ વિરાસત જાળવવાની જવાબદારી આપણા સૌની છે.

    પ્રાથમિક શિક્ષણ નિયામકશ્રી મહેશભાઇ જોષીએ જણાવ્યું હતું કે, ટેકનોલોજીના જમાનામાં સંસ્કૃત કોડિંગની ભાષા બની રહી છે. સંસ્કૃત એ સંસ્કૃતીની ભાષા છે. વૈદિક ભાષા છે. ભાષાઓની જનની છે. જેને સંસ્કૃત ભાષા શીખી લીધી તે તમામ ભાષા શીખી શકે છે. વધુમાં તેમણે ઉમેર્યું કે, આજે પણ આપણા દેશમાં સંસ્કૃત ભાષાના વિધ્વાનો રહેલા છે. જે આપણી આ સમૃધ્ધ ભાષાને જાણે અને તેને જનજન સુધી પહોંચાડી રહ્યા છે.

    આ પ્રસંગે વક્તા શ્રી પારૂલબેન શુક્લા અને પ્રો. શ્રી અરવિંદભાઇ પટેલે ગીતા જયંતી અને સંસ્કૃત ભાષાના મહત્વ પર સુંદર વક્તવ્ય પાઠવ્યું હતું.

    આ પ્રસંગે જિલ્લા શિક્ષણ સમીતીના ચેરમેન શ્રી હિમાંશુ નિનામા, ઇડર તા.પં પ્રમુખશ્રી કાંતીભાઇ પટેલ, જિલ્લા શિક્ષણાધિકારીશ્રી મીતાબેન ગઢવી, જિલ્લા પ્રાથમિક શિક્ષણાધિકારીશ્રી કેયુર ઉપાધ્યાય, ડાયેટ પ્રાચાર્યશ્રી મદનસિંહ ચૌહાણ, અગ્રણી શ્રી પ્રકાશભાઇ પરમાર, શિક્ષકો સહિત મોટી સંખ્યામાં વિધાર્થીઓ ઉપસ્થિત રહ્યા હતા.

    હિંમતનગર શહેરમાં પણ ગીતા જયંતી પર સ્વાધ્યાય પરિવાર સમગ્ર ગીતાના 18 અધ્યાયનું સામુદાયિક પારાયણ સાંજે 5 થી 9 દરમિયાન તત્વ તીર્થ હોલ શારદા કુંજ સોસાયટી ખાતે કરશે. મહાવીર નગર ચાર રસ્તા પાસે જગન્નાથ ધામ ના ભક્તો ઇસ્કોન સંસ્થા પ્રકાશિત ભગવત ગીતા ગ્રંથનું વિતરણ પણ સમગ્ર દિવસ દરમિયાન કરવાના છે. આ ઉપરાંત શહેરના અન્ય મંદિરોમાં પણ ભગવદ ગીતા જયંતી ઉજવાઈ રહી છે.

     

    હિંમતનગર સ્પોર્ટ્સ કોમ્પલેક્ષ ખાતે જિલ્લા કક્ષાના કરાટે ખેલાડીઓનું ઉત્કૃષ્ટ પ્રદર્શન: ખેલ મહાકુંભ ૨૦૨૫

    સાબરકાંઠા જિલ્લાના હિંમતનગર સ્પોર્ટ્સ કોમ્પલેક્ષ ખાતે સ્પોર્ટ્સ ઓથોરિટી ઓફ ગુજરાત , રમત ગમત યુવા અને સાંસ્કૃતિક પ્રવૃત્તિઓ વિભાગ, ગુજરાત સરકાર દ્વારા આયોજિત ખેલ મહાકુંભ ૨૦૨૫ અંતર્ગત સાબરકાંઠા જિલ્લા કક્ષાની કરાટે સ્પર્ધાનું આયોજન કરવામાં આવ્યું હતું. જેમાં ૪૦૦ થી ૫૦૦ જેટલા ખેલાડીઓએ ઉત્સાહભેર ભાગ લીધો હતો.

    આ સ્પર્ધાનું ટેક્નિકલ સંચાલન સાબરકાંઠા ડિસ્ટ્રીક્ટ કરાટે એસોસિએશન દ્વારા કરવામાં આવ્યું હતું, જે કરાટે ડો ફેડરેશન ગુજરાત (KDF) અને કરાટે ઇન્ડિયા ઓર્ગેનાઈઝર (KIO) નું સભ્ય છે. સ્પર્ધામાં સાબરકાંઠા જિલ્લાની અલગ-અલગ શાળાઓના ખેલાડીઓએ ઉત્સાહભેર ભાગ લીધો હતો અને અલગ-અલગ વયજૂથ તથા વજનગૃપમાં ઉત્કૃષ્ટ પ્રદર્શન કર્યું હતું. આ સ્પર્ધામાં પસંદગી પામેલા ખેલાડીઓ હવે આગામી રાજ્યકક્ષા ખેલમહાકુંભ કરાટે સ્પર્ધામાં સાબરકાંઠા જિલ્લાનું પ્રતિધિત્વ કરશે.

    આ પ્રસંગે રમત ગમત અધિકારી સાબરકાંઠા ત્રિવેણીબેન સરવૈયા, કન્વીનર જુજારસિંહ વાઘેલા, કીર્તિસિંહ વાઘેલા , નટુભાઇ સડાત, નિકુજભાઈ પટેલ, અલ્પેશ રામાણી, તખતસિંહ રાઠોડ સહિત્ના મહાનુભાવો ઉપસ્થિત રહી ખેલાડીઓને પ્રોત્સાહિત કર્યા હતા.

  • સંસ્કૃત ભાષા બોધન વર્ગનો શુભારંભ 26મી મે થી શરૂ થશે

    સંસ્કૃત ભાષા બોધન વર્ગનો શુભારંભ 26મી મે થી શરૂ થશે

    નીરવ જોશી , અમદાવાદ (M-7838880134)

    સંસ્કૃત ભાષા બોધન વર્ગનો શુભારંભ 26મી મે થી

    સંસ્કૃત ભાષાને પુનઃ લોકભાષા બનાવવા માટે પ્રયત્ન રત સંસ્થા સંસ્કૃત ભારતી અને સ્વામિનારાયણ મંદિર મણીનગરના સંયુક્ત તત્વાવધાનમાં સ્વામિનારાયણ મંદિર કમ્પાઉન્ડ મણિનગર ખાતે પંચ દિવસીય સંસ્કૃત ભાષા બોધન વર્ગનો શુભારંભ 26 મે થી થવા જઈ રહ્યો છે.


    સંસ્કૃત ભાષા શીખવા માટે આ એક સરસ અવસર છે . કાર્યક્રમની માહિતી આપતા સંસ્કૃત ભારતીના કર્ણાવતી મહાનગરના પ્રચાર પ્રમુખ સુકુમાર ત્રિવેદીએ જણાવ્યું કે સંસ્કૃત ભાષા બોધન વર્ગનો સમય સવારે 08:45 થી સાંજે 5-30 સુધી નો નિર્ધારિત કરવામાં આવ્યો છે. સંસ્કૃત ભાષાને જનભાષા બનાવવા માટે દશદિવસીય નિ:શુલ્કશિબિરો, ભાષા શુદ્ધિ માટે ભાષા બોધન વર્ગો, ભગવદ્ ગીતા કેન્દ્રો,બાલકેન્દ્રો, પત્રાચાર દ્વારા સંસ્કૃત શિક્ષણ આદિ માધ્યમો વળે ભારતમાં અને વિશ્વમાં સંસ્કૃત ભાષાનો પ્રચાર કરવામાં આવે છે.સંસ્કૃત ભાષા શીખવા માટે અને વર્ગમાં જોડાવા માટે આ વિદ્વજ્જનોનો સંપર્ક કરવો.. સંસ્કૃત ભારતી ના મહાનગર કર્ણાવતી મહાનગરના અધ્યક્ષ શ્રી રામ કિશોર ત્રિપાઠી
    8320 524510, ,

    કર્ણાવતી વિભાગ સંયોજક શ્રી રાજેન્દ્ર મહેતા ‌ 9638863660

    સંસ્કૃત ભારતીના વિભાગ સહસંયોજક શ્રી નિલેશ ધનાણી 9825778830

    सुकुमार त्रिवेदी
    प्रचार प्रमुख
    संस्कृतभारती कर्णावती महानगर
    दूरभाष – 9429613622

  • કર્ણાવતી મહાનગરમાં સંસ્કૃતભારતી વડે સંસ્કૃતનુંરાગી સંમેલનમ કાર્યક્રમ યોજાયો

    કર્ણાવતી મહાનગરમાં સંસ્કૃતભારતી વડે સંસ્કૃતનુંરાગી સંમેલનમ કાર્યક્રમ યોજાયો

    નીરવ જોશી, અમદાવાદ (M-9106814540)

    ગુજરાત યુનિવર્સિટીના પ્રાંગણમાં આવેલા જીઓલોજી ભવનના હોલમાં તારીખ 17 નવેમ્બરના સાંજે સંસ્કૃત પ્રત્યે અનુરાગ એટલે કે પ્રેમ અને સંવર્ધનની ભાવના ધરાવનારા સંસ્કૃતને દેવભાષા તેમજ રાષ્ટ્રભાષા જોવાની તીવ્ર ભાવના ધરાવનારા સંસ્કૃત પ્રેમીઓ નું દિવાળી પર્વ નિમિત્તે સ્નેહ સંમેલન યોજાયું હતું.

    ગુજરાત પ્રાંત સંસ્કૃત ભારતી ના પદાધિકારીઓ અને ગુજરાત યુનિવર્સિટીના સંસ્કૃત વિભાગના અધ્યક્ષા શ્રીમતી ડોક્ટર મયુરી ભાટીયા તેમજ સંસ્કૃત ભારતી કર્ણાવતી મહાનગરના અધ્યક્ષ રામ કિશોર ત્રિપાઠી જી, મુખ્ય અતિથિ શ્રીમાન ધનંજય રાવલ, મુખ્ય વક્તા શ્રી નવીન અત્રી, કર્ણાવતી મહાનગર સંગઠન મંત્રી તેમજ સંસ્કૃત ભારતી કર્ણાવતી કાર્યકર્તાઓ મોટી સંખ્યામાં ઉપસ્થિત થઈને કાર્યક્રમને સફળતાપૂર્વક ઉજવ્યો હતો.

     દિવાળીના વિદાય પછી દર વર્ષે યોજતા સંસ્કૃત સ્નેહ સંમેલન માં ગુજરાત પ્રાંતના સંસ્કૃત પ્રેમીઓની સંખ્યા વધુને વધુ વધે અને સંસ્કૃત દેશની રાષ્ટ્રભાષા બને તેવું શુભ સંકલ્પ પણ કરવામાં આવ્યો હતો.

    કાર્યક્રમનું સંચાલન જયેશ પંડ્યા એ કર્યું હતું અને કાર્યક્રમની માહિતી સુકુમાર ત્રિવેદી (પ્રચાર પ્રમુખ, સંસ્કૃતભારતી, કર્ણાવતી મહાનગર)એ આપી હતી.

    સંપર્ક સૂત્ર: સંસ્કૃત ભારતી ના અગત્યના હોદ્દેદારો તેમજ સંસ્કૃત ભાષાના પ્રચાર પ્રસાર માટે સમર્પિત કાર્યકર્તાઓ તેમજ પદ અધિકારીઓના નંબર નીચે મુજબ છે.

    • સુકુમાર ત્રિવેદી : 9429613622
    • જયેશ પંડ્યા: 9879345229
    • નવીન અત્રી: 9015131514

    કાર્યક્રમમાં નાના બાળકોએ પણ સંસ્કૃત સંભાષણ કરીને લોકોને મંત્રમુગ્ધ કર્યા હતા.

  • ચેન્નઈમાં એક સમારોહમાં સંસ્કૃત શોર્ટ ફિલ્મ ‘શાશ્વતમ’ પ્રથમ વિજેતા – BEST MOVIE રહી

    ચેન્નઈમાં એક સમારોહમાં સંસ્કૃત શોર્ટ ફિલ્મ ‘શાશ્વતમ’ પ્રથમ વિજેતા – BEST MOVIE રહી

    નીરવ જોશી, અમદાવાદ (M-7838880134)Avs post media

    સંસ્કૃત ભાષાના પ્રચાર પ્રસાર માટે હવે નવી પદ્ધતિઓ અને નવા પ્રયોગો થવા લાગ્યા છે, મારા એક દસ વર્ષ જુના મિત્ર અભિષેક ઉપાધ્યાય કે જે સંસ્કૃત પાઠશાળાના આચાર્ય છે તેમણે તેમની મિત્રો સાથે મળીને સંસ્કૃત ભાષાના પ્રચાર પ્રસાર માટે ઘણા પ્રયાસો કર્યા છે. આ સંદર્ભમાં તેમણે એક વધુ એક સિદ્ધિ મેળવી છે, જે નીચે મુજબ છે.

    સુજ્ઞ મહોદય,

    નીચે મુજબની માહિતી વાંચી અને સંસ્કૃત ફિલ્મ નિહાળી આપના બહુમૂલ્ય અભિપ્રાય પાઠવો એવી હૃદયના ઊંડાણથી અરજ.

    🔗 લિંક👇🏻

    https://youtu.be/Ixgk2eoOqxk?si=mVMt6kdGh9VXNwMK

    નમસ્કાર,

    દેવભાષા સંસ્કૃત આપણો અદ્ભુત વારસો છે. તેનું ઊંડાણ અને ઉંચાઇ બંને અનન્ય અને અનુપમ છે. માનવજીવનને સાર્થક કરવામાં અને તેને સર્વોચ્ચ દરજ્જો આપવામાં સંસ્કૃત સાહિત્ય નિઃશંકપણે શ્રેષ્ઠ છે.

    ચેન્નાઈમાં આયોજિત આંતરરાષ્ટ્રીય સંસ્કૃત શોર્ટ ફિલ્મ ફેસ્ટિવલ 2024 માં M K Films (સુરત) દ્વારા નિર્મિત સંસ્કૃત શોર્ટ ફિલ્મ ‘શાશ્વતમ’ પ્રથમ વિજેતા – “BEST MOVIE” રહી.. આંતરરાષ્ટ્રીય 63 ફિલ્મોમાંથી 2024ની સ્પર્ધામાં ‘શાશ્વતમ’ને શ્રેષ્ઠ ફિલ્મનો એવોર્ડ મળ્યો હતો. અન્ય ત્રણ એવોર્ડ પણ મળ્યા. જેમાં શ્રીમોનાક્ષ એન. કાનિરકર – શ્રેષ્ઠ દિગ્દર્શક અને શ્રેષ્ઠ સિનેમેટોગ્રાફી (સતત બીજી વખત) માટે બે પુરસ્કારો જીત્યા તથા ફિલ્મમાં મુખ્ય ભૂમિકા ભજવનાર અભિનેતા શ્રીમહારુદ્ર કે. શર્માને સતત બીજી વખત શ્રેષ્ઠ અભિનેતાનો એવોર્ડ મળ્યો હતો.
    આ ફિલ્મોત્સવમાં કેન્દ્રીય માહિતી અને પ્રસારણ રાજ્ય મંત્રી શ્રી એલ.મુરુગન જીની અધ્યક્ષતા અને બોલિવૂડના “THE KASHMIR FILES” ફિલ્મના નિર્માતા-નિર્દેશક શ્રી વિવેક રંજન અગ્નિહોત્રીજી તથા પ્રખ્યાત દક્ષિણ ફિલ્મ નિર્દેશક શ્રી મોહન-જી એ પણ જજ અને જ્યુરીની ભૂમિકા ભજવી હતી.
    આંતરરાષ્ટ્રીય શોર્ટ ફિલ્મ ફેસ્ટિવલમાં આ વર્ષે ભારત સહિત અમેરિકા, ઓસ્ટ્રેલિયા, કઝાકિસ્તાન જેવા દેશોએ પણ ભાગ લીધો હતો. કુલ 63 ફિલ્મોમાંથી છ ફિલ્મોની પસંદગી કરવામાં આવી હતી અને ફેસ્ટિવલમાં પ્રદર્શિત કરવામાં આવી હતી. સુરતની ‘શાશ્વતમ’ ફિલ્મે ચાર એવોર્ડ મેળવી પ્રથમ સ્થાન મેળવ્યું હતું.
    આ પ્રસંગે રાજ્યમંત્રી શ્રી એલ. મુરુગનજીએ કહ્યું, “સંસ્કૃતને પ્રોત્સાહન આપવાનો આ પ્રયાસ પ્રશંસનીય છે, સરકાર પણ આવા માધ્યમ દ્વારા આપણી સંસ્કૃતિને ઓસ્કાર સુધી લઈ જવા માટે ઉત્સુક છે.”
    શ્રી વિવેક અગ્નિહોત્રીજીએ ઉત્સાહપૂર્ણ સ્વરમાં કહ્યું, “આટલી બધી ફિલ્મો સંસ્કૃત ભાષામાં બને છે. અને તેમાંથી મોટાભાગના મોનાક્ષ જેવા યુવાનો દ્વારા બનાવવામાં આવી છે આ.લોકો જે કામ કરી રહ્યા છે તેનાથી હું અભિભૂત છું. જો આ ઉમદા હેતુ માટે મારું યોગદાન જરૂરી હશે, તો હું ખુશ થઈને નિભાવીશ.” અંતમાં, દરેકે વિજેતાઓને તેમની જીત માટે અભિનંદન આપ્યા.
    જો કે અહીં મુખ્ય હેતુ સંસ્કૃતને ચેતનવંતી રાખવાનો છે, પરંતુ આ માધ્યમમાં એક વાર્તા પણ આવશ્યક છે, તેથી કેટલાક સામાજિક પ્રેરણાદાયી સંદેશ પસંદ કરવાનો હોય છે. અંગદાન દ્વારા, ‘શરીરામાદ્યમ ખલુ ધર્મસાધનમ્’ કહેવત મૃત્યુ પછી બળીને રાખ થઈ જાય તેવા શરીર માટે સાર્થક બની શકે છે. આ પ્રેરણાદાયી સંદેશ ‘શાશ્વતમ’માંથી મળે છે. પૌરાણિક સંદર્ભો પણ અહીં આપવામાં આવ્યા છે. એક વ્યક્તિનું અંગ દાન પાંચ લોકોના જીવનને ઉજ્જવળ બનાવે છે.” જેમ એક શાખામાં બીજી શાખા રોપવાથી છોડ જીવી જાય છે અને ખીલે છે, તેવી જ રીતે આપણે હૃદયને હૃદય સાથે જોડીએ, આ રીતે શરીરનો નાશ થયા પછી પણ અંગદાન દ્વારા માનવતાને શાશ્વત રાખી શકાય છે.

    અહીં બોલચાલની સંસ્કૃત ભાષાનો ઉપયોગ કરીને સંસ્કૃત અઘરી છે એવી ગેરસમજ પણ દૂર થાય છે.દેશની આ વારસાની જાળવણી માટે આપણે સતત પ્રયત્નો કરવા જોઈએ. આપણા વર્તમાન વડાપ્રધાન શ્રી નરેન્દ્ર મોદી પણ નિયમિતપણે તેમના નિવેદનોમાં સંસ્કૃત સાહિત્યની મહાન સૂક્તિઓનો ઉલ્લેખ કરે છે.

    અમે ત્રણેય સંસ્કૃતના આ પ્રચારયજ્ઞમાં એક નાનકડું યોગદાન આપીને અપાર આનંદ અને સંતોષની લાગણી અનુભવીએ છીએ. પુરસ્કારો ગૌણ હોય તો પણ તે ઉત્સાહ વધારતા હોય છે અને નવા કાર્યો કરવા માટે જોશ ભરે છે.

    “શાશ્વતમ” માટે ગર્વની બાબત એ છે કે તેને પ્રતિષ્ઠિત ‘દાદાસાહેબ ફાળકે ઇન્ટરનેશનલ ફિલ્મ ફેસ્ટિવલ-2024’માં WINNER OF TOP 100 SHORT FILM નો એવોર્ડ પણ મળ્યો છે. તેને અન્ય પુરસ્કારો પણ મળ્યા છે અને અન્ય આંતરરાષ્ટ્રીય ફિલ્મ ફેસ્ટિવલ માટે નોમિનેશન માટે મોકલવામાં આવી છે –

    No. Film Festival Award Name
    01 International Sanskrit Short Film Festival 2024.
    (Chennai.) BEST MOVIE SHASHWATAM
    02 BEST DIRECTOR Monaksh N. Kanirkar
    03 BEST ACTOR Maharudra K. Sharma
    04 BEST Cinematography Monaksh N. Kanirkar
    05 Madras Independent Film Festival BEST INDIAN SHORT FILM SHASHWATAM
    06 Dada Saheb Phalke International Film Festival Winner – TOP 100 SHASHWATAM
    07 Chitrangan International Film & Theatre Festival
    (Rewa, Madhya Pradesh.) Official Selection & Screening SHASHWATAM

    ભવદિય
    અભિષેક ઉપાધ્યાય
    શ્રી સૂર્યપુર સંસ્કૃત પાઠશાળા,
    આમલીરાન, કવિ નર્મદના ઘર પાસે,
    સુરત
    મો.9726556339