AVS POST

ટૅગ leaders

  • આજે સાબરકાંઠામાં હિંમતનગર ખાતે કોંગ્રેસની મહત્વપૂર્ણ બેઠક

    આજે સાબરકાંઠામાં હિંમતનગર ખાતે કોંગ્રેસની મહત્વપૂર્ણ બેઠક

    નીરવ જોશી, હિંમતનગર (M-7838880134)

    છેલ્લા કેટલાક સમયથી ખાસ કરીને વિધાનસભાની ચૂંટણી પછી હિંમતનગર તેમજ સાબરકાંઠા કોંગ્રેસમાં વાતાવરણ શુષ્ક થઈ ગયું છે. ઉલ્લેખનીય છે કે ડિસેમ્બરમાં સ્થાનિક સ્વરાજની ચૂંટણી અરવલ્લી અને સાબરકાંઠામાં પણ અનેક જગ્યાએ થવાની છે.પરિણામે આવનારી ગ્રામ પંચાયતો અને કેટલીક નગરપાલિકાઓની ચૂંટણી -સ્થાનિક સ્વરાજ્યની ડિસેમ્બરમાં ચૂંટણી તેમજ 2024 મે મહિનામાં લોકસભાની ચૂંટણી માટે સાબરકાંઠામાં કોંગ્રેસને અને તેમને તેના નેતાઓ અને કાર્યકર્તાઓને મજબૂત કરવા માટે મહત્વપૂર્ણ બેઠક થવા જઈ રહી છે.

    ગુજરાત પ્રદેશ કોંગ્રેસ સમિતિના પ્રમુખ શ્રી શક્તિસિંહ ગોહિલ ની સૂચના અનુસાર સાબરકાંઠા જિલ્લા સંગઠન કોંગ્રેસની કારોબારીની બેઠક *ઉત્તર ઝોનના પ્રભારી શ્રી રામકિશન ઓઝા* અને ગુજરાત પ્રદેશ કોંગ્રેસ સમિતિના પ્રભારી શ્રીઓ શ્રી દિનેશભાઈ ગઢવી અને શ્રી વિજયભાઈ પટેલ ની ઉપસ્થિતમાં *તારીખ 26-08-2023,* *શનિવાર* ના રોજ *હિંમતનગર નવા સર્કિટ હાઉસ ખાતે બપોરે *2-00 કલાકે* રાખેલ છે..

    તો આ મીટિંગમાં જીલ્લા કોંગ્રેસ ના કાર્યકારી પ્રમુખશ્રીઓ,જીલ્લા સંગઠનના તમામ હોદ્દેદારશ્રીઓ,જિલ્લા ની વિધાનસભા લડેલા તમામ ઉમેદવારશ્રીઓ,જિલ્લાના પ્રદેશ ના હોદ્દેદારશ્રીઓ, તમામ તાલુકા/શહેર કોંગ્રેસના પ્રમુખશ્રીઓ,જિલ્લાના તમામ ફ્રન્ટલ સેલ ના એ.સી.,એસ.ટી.,ઓબીસી, માઈનોરીટી,મહિલા, સેવાદળ,યુથ,Nsui ના હોદ્દેદારશ્રીઓ,જિલ્લા/તાલુકા પંચાયત નગરપાલિકા ચુંટાયેલા અને ચૂંટણી લડેલા ઉમેદવારશ્રીઓ,જિલ્લા ના પૂર્વ પ્રમુખશ્રીઓ અને જિલ્લાના તમામ આગેવાનશ્રી સૌએ આ મીટીંગ મી ઉપસ્થિત રહેવા વિનંતી છે.

     

    *સ્થળ-નવા સર્કિટહાઉસ હિંમતનગર* *સમય/તારીખ*- *બપોરે 2-00 વાગે* *26/8/2023*,*શનિવાર*

    *નિમંત્રક*
    *શ્રી સુરેશભાઈ પટેલ*
    *પ્રમુખ.* અશ્વિનભાઈ ડામોર. ભરતસિંહ મકવાણા. કાર્યકારી પ્રમુખ *જિલ્લા કોંગ્રેસ સમિતિ.*

  • UCC મુદ્દે આદિવાસી સમાજમાં ભડકો, જિલ્લાના આદિવાસી સમુદાયની મીટીંગ બોલાવાઈ

    UCC મુદ્દે આદિવાસી સમાજમાં ભડકો, જિલ્લાના આદિવાસી સમુદાયની મીટીંગ બોલાવાઈ

    એવીએસ પોસ્ટ બ્યુરો, હિંમતનગર (M-7838880134)

    ઉત્તર ગુજરાત આદિવાસી સમુદાય ની મિટિંગ ખેડબ્રહ્મા ખાતે ucc ના મુદ્દે મળી હતી ucc સમાન સિવિલ કોડ અમલ થશે તો આદિવાસી સમુદાય ને સામાજિક, શૈક્ષણિક, સાંસ્કૃતિક નોકરી, રોજગાર, દરેક ક્ષેત્ર અનામત, સંવિધાનિક હક્ક અધિકારો રૂઢિ, જળ જંગલ જમીન ને શુ અસર કે નુકસાન થશે ? તે અંગે ગ્રહન ચર્ચા ઓ કરવામાં આવી તેમજ આ UCC ને વિરોધ વ્યક્ત કરવા આજે ખેડબ્રહ્મા ખાતે યોજાયેલ મિટિંગ મા ભિલોડા, વિજયનગર, ખેડબ્રહ્મા, પોશીના, દાંતા, અમીરગઢ તાલુકાઓ માંથી મોટી સંખ્યા મા સમાજ ના જાગૃત સામાજિક આગેવાનો, પ્રતિનિધિઓ,ડોક્ટર, એન્જીનીયર, નિવૃત અધિકારી, કર્મચારી, જિલ્લા, તાલુકા પંચાયત સદસ્યોં વગેરે હાજર રહ્યા હતા.

    મિટિંગ નું સંચાલન રસિક પરમાર દ્રારા કરવા મા આવેલ આ મિટિંગ મા પૂર્વ સાંસદ શ્રી અમરસિંહ ઝેડ. ચૌધરી, mla માન્યશ્રી ડૉ. તુષાર ભાઈ ચૌધરી, આદિવાસી એક્ટિવિસ્ટ શ્રી પ્રવીણભાઈ પારગી, વકીલ સાહેબ શ્રી રમેશભાઈ ચૌધરી, ભુપેન્દ્રભાઈ, લાલસીંગભાઈ,આમ આદમી પાર્ટી ના બિપીનભાઈ ગામેતી નિવૃત ડે. કલેક્ટર શ્રી આર. બી. અંગારી સાહેબ, નિવૃત dysp શ્રી સી. ડી. પરમાર, ડૉ. કિંજલભાઈ સોલંકી, નિવૃત બેન્ક મેનેજર શ્રી આર. ડી. કટેરિયા, શ્રી અશોકભાઈ ડામોર, નિવૃત p. I. શ્રી આર. જે નિનામા, પી. જે. અસારી સાહેબ, નિવૃત બેન્ક મેનેજર શ્રી બાબુભાઇ ખરાડી, મગનભાઈ પરમાર,જગદીશભાઈ તરાળ, વગેરે ઉપસ્થિત રહી ને માર્ગ દર્શન આપ્યું હતું.

    શું હતો મિટિંગનો મુદ્દો?

    ઉલ્લેખનીએ છે કે સોશિયલ મીડિયામાં અને અલગ અલગ પ્લેટફોર્મ પર આદિવાસીઓમાં સમાન સિવિલ કોડ અંગે ઘણી મૂંઝવણ ઊભી થઈ છે. ત્યારે ખાસ કરીને કોંગ્રેસ તરફી અને અન્ય આદિવાસી સમુદાયના અગ્રણીઓને ભેગા કરવા માટે એક meeting મેસેજ અલગ અલગ whatsapp ગ્રુપમાં ફરતો થયો હતો…જે નીચે મુજબ છે.

    ઉત્તર ગુજરાત ના ખેડબ્રહ્મા, પોશીના, દાંતા, અમીરગઢ, વિજયનગ, ભિલોડા તાલુકા ના આદિવાસી સમાજ ના દરેક ભાઈ બહેનો ને જય આદિવાસી સાથે જણાવવાનું કે તારીખ 9/7/2023 રવિવારે એટલે કે આવતી કાલે સવારે 11 વાગે ખેડબ્રહ્મા. માતાજી મા સમાન સિવિલ કોડ (ucc) થી સમાજ ને ફાયદો કે ગેર ફાયદો એ અંગે જરૂરી ચર્ચાઓ કરવા માટે સમાજ ની મિટિંગ નું આયોજન કરેલ છે તો આપણા સમાજ મા સામાજિક, શૈક્ષણિક,સાંસ્કૃતિક,સંવિધાનીક, હક્ક અધિકારો માટે સક્રિય એવા વડીલો, યુવાનો, ભાઈઓ બહેનો, સરપંચશ્રીઓ, તાલુકા. જિલ્લા સદસ્યશ્રીઓ, પદાધિકારીશ્રીઓ, કર્મચારીશ્રીઓ, આ બેઠક મા જરૂર થી ઉપસ્થિત રહીને સમાજના હિતમાં સાચી દિશા અને માર્ગ દર્શન કરવા આપ સૌને વિનંતી છે જાહેર આમંત્રણ છે 🙏🙏🙏🙏🙏

     

  • ઈડરના વીરપુર ખાતે જિલ્લાકક્ષાનો વિશ્વ પર્યાવરણ દિવસ ઉજવાયો

    ઈડરના વીરપુર ખાતે જિલ્લાકક્ષાનો વિશ્વ પર્યાવરણ દિવસ ઉજવાયો

    નિરવ જોશી, હિંમતનગર (M-7838880134)

    “બિટ પ્લાસ્ટિક વેસ્ટ” થીમ અંતર્ગત ‘‘વિશ્વ પર્યાવરણ દિવસ’’ની ઉજવણી કરાઇ

    કોરોના એ આપણને વૃક્ષ અને ઓક્સિજનની કિંમત સમજાવી છે

                -શ્રી ધીરજભાઈ પટેલ

    ઈડરના વીરપુર ખાતે જિલ્લાકક્ષાનો વિશ્વ પર્યાવરણ દિવસ ઉજવાયો

          સાબરકાંઠા જિલ્લાના ઈડર ના વીરપુર ખાતે જિલ્લા પંચાયત પ્રમુખ શ્રી ધીરજભાઈ પટેલની  અધ્યક્ષતામાં ‘‘વિશ્વ પર્યાવરણ દિવસ’’ તેમજ મિશન લાઈફની સામૂહિક ગતિશીલતાની જિલ્લા કક્ષાની ઉજવણી કરવામાં આવી હતી.

          આ પ્રસંગે જિલ્લા પંચાયત પ્રમુખશ્રી ધીરજભાઈ પટેલે જણાવ્યું હતું કે, જળવાયુ પરિવર્તન એ વૈશ્વિક ચિંતાનું કારણ બન્યું છે.  ત્યારે વધતા જતા શહેરીકરણની સાથે સાથે વનીકરણ પણ વધારીને સમતોલન સ્થાપવું જરૂરી છે. શહેરમાં બનતા નવા આવાસો સાથે વૃક્ષો વાવવા અનુરોધ કર્યો હતો. તેમજ આ વર્ષે “બિટ પ્લાસ્ટિક વેસ્ટ” થીમ પર પર્યાવરણ દિન ઉજવાઈ રહ્યો છે ત્યારે પ્લાસ્ટિકનો કચરો ક્યારેય જ્યાં ત્યાં ન ફેંકવા પ્રતિજ્ઞા લેવી જોઈએ. 

            વધુમાં તેમણે જણાવ્યું હતું કે, ગ્રીન ગ્રોથ એટલે કે ‘‘પર્યાવરણ પ્રિય વિકાસ’’ની રાજ્ય સરકારની નેમ છે. ગુજરાતમાં ૨૨ સાંસ્કૃતિક વનો તેમજ અનેક જગ્યાએ ‘‘નમો વડ વન’’ તૈયાર કરવામાં આવ્યા છે. તેમજ આજે વાવેલ વૃક્ષોનું સમગ્ર વર્ષ જતન કરવા અપીલ કરી હતી

            આ પ્રસંગે કલેકટરશ્રી નૈમેશ દવે એ ઉદબોધન કરતા કહ્યું હતું કે, પર્યાવરણને લગતા કાયદાઓના અમલીકરણ સાથે આપણી જીવનશૈલીમાં પર્યાવરણલક્ષી ફેરફાર કરીએ તો જ પર્યાવરણનું જતન શક્ય બનશે. ગ્લોબલ વોર્મિંગ ના કારણે બરફના પહાડો ઓગળી રહ્યા છે દરિયાઈ સપાટીમાં વધારો થઈ રહ્યો છે જેના કારણે આવનારા ભવિષ્યમાં દરિયા કિનારે વસતા મોટા શહેરો અને દેશો પાણીમાં ઘરકાવ થઈ જવાનો ખતરો ઊભો થઈ રહ્યો છે. જેનો  એકમાત્ર ઉપાય ઘનિષ્ઠ વનીકરણ જ છે. વધુમાં તેમણે જણાવ્યું કે વિશ્વમાં 31% વિસ્તાર વન છે. જ્યારે આપણા દેશમાં 24.5 ટકા વિસ્તાર માં જંગલો છે જ્યારે ગુજરાતમાં 11.46% વિસ્તારમાં જંગલોનું પ્રમાણ છે માટે મહત્તમ વૃક્ષોનું જતન કરવું એ આપણી નૈતિક ફરજ છે. 

          સાંસદશ્રી દિપસિંહ રાઠોડએ આ પ્રસંગે વૃક્ષો વાવી, પાણી બચાવીને સૌને પર્યાવરણની જાળવણીની ફરજ બજાવવા તેમજ વડાપ્રધાન શ્રીના પ્લાસ્ટિક મુક્ત ભારતના આહવાન સ્વીકારી પ્લાસ્ટિકનો ઉપયોગ ન કરી તેના બદલે કાપડની બેગનો ઉપયોગ કરવા અપીલ કરી હતી.

         આ પ્રસંગે શાળાના વિધાર્થીઓના પર્યાવરણ બચાવ પર દોરવામાં આવેલ ચિત્ર સ્પર્ધાના વિજેતાઓને ઇનામ વિતરણ કરવામાં આવ્યું હતું. મહાનુભવોના હસ્તે વૃક્ષારોપણ કરી ગામના જળસંચય અભિયાન અંતર્ગત ગામના તળાવને ઉંડુ કરવાની કામગીરીનું નિરીક્ષણ કરવામાં આવ્યું હતું.      

          આ કાર્યક્રમમાં જિલ્લા વિકાસ અધિકારીશ્રી હર્ષદ વોરા, જિલ્લા પંચાયત આરોગ્ય સમિતિના ચેરમેન શ્રી શંકરભાઈ બેગડીયા, ઈડર તાલુકા પંચાયતના શ્રીમતી હર્ષાબેન વણકર, નાયબ વન સંરક્ષક સામાજિક વનીકરણ શ્રી પટેલ, નાયબ વન સંરક્ષક શ્રી હર્ષ ઠક્કર, રિલાયન્સ ફાઉન્ડેશન ના શ્રી જયરામભાઈ દેસાઈ ગામના સરપંચ શ્રીમતી ધર્મિષ્ઠાબેન અન્ય અધિકારીશ્રીઓ તેમજ શાળાના વિદ્યાર્થીઓ ગ્રામજનો મોટી સંખ્યામાં ઉપસ્થિત રહ્યાં હતા.

  • પડદા પાછળનું સત્ય: ઓપિનિયન પોલ તમને કઈ રીતે મૂર્ખ બનાવે છે?

    પડદા પાછળનું સત્ય: ઓપિનિયન પોલ તમને કઈ રીતે મૂર્ખ બનાવે છે?

    Source : Truth Seekers , 6 Dec.

    ઓપિનિયન પોલ તમને કઈ રીતે મૂર્ખ બનાવે છે?

    ગુજરાત વિધાનસભાની ચૂંટણી પહેલા ઓપિનિયન પોલની વણઝાર શરૂ થઈ ગઈ છે. દરેક ચેનલ 7 કરોડ ગુજરાતીમાંથી ગણતરીના જ શહેરોના માત્ર 20-25 હજાર લોકોને પુછીને કોને કેટલી સીટ આવશે તેની ભવિષ્યવાણી કરી દે છે(કોઈ ખાસ પક્ષ માટે માહોલ બનાવવાનું કામ કરે છે). ગઈકાલે જ ABP-CVoterનો સર્વે આવ્યો એમાં ભારતીય જનતા પાર્ટીને 134થી 142 બેઠકો પર જીતતી દેખાડવામાં આવી છે.

    હવે એક નજર નીચેના આંકડાઓ પર નાંખો

    2002માં ભાજપને 127 બેઠકો મળી હતી.
    2007માં ભાજપને 117 બેઠકો મળી હતી.
    2012માં ભાજપને 115 બેઠકો મળી હતી.
    2017માં ભાજપને 99 બેઠકો મળી હતી.

    આમ, 2002થી લઈને આજ સુધી ભાજપની બેઠકમાં સતત ઘટાડો જ થયો છે. ભલે પછી નરેન્દ્ર મોદી મુખ્યમંત્રી હોય, આનંદીબેન હોય કે વિજય રૂપાણી હોય. (નોંધ 2017ની ચૂંટણીમાં પણ ડબલ એન્જિન સરકાર હતી હો).

    અત્યારે ચેનલવાળા ભાજપની 140 બેઠક દેખાડે છે તો છેલ્લા 5 વર્ષમાં એવું તે શું કર્યું છે આ સરકારે જે નરેન્દ્ર મોદી, આનંદીબેન કે વિજયભાઈ કરતા પણ વધારે બેઠક આવી જશે.

    તો આવો તમને 5 વર્ષમાં ભાજપના કામો(કાંડો)ની ગણતરી કરાવી દઉ.. આ વાયબ્રંટ ગુજરાતમાં છેલ્લા 5 વર્ષથી શું થાય છે..

     

    ↘️કરોડો રૂપિયાના મગફળી કૌભાંડમાં ગોડાઉન સળગે છે

    ↘️મંત્રીનો દિકરો લેડી કોન્સ્ટેબલ સાથે દાદાગીરી કરે છે
    ↘️માથાભારે તત્વો મેહુલ બોઘરાનું માથુ ફોડે છે

    ↘️20થી વધુ ભૂલકાઓ તંત્રના પાપે તક્ષશીલામાં ભડથુ થઈ જાય છે.

    ↘️દિકરો 27 કાપલી સાથે ચોરી કરતા પકડાય અને બાપને શિક્ષણ ખાતુ અપાય છે.

    ↘️નેતાઓ સરકારી દવાખાને સારવાર લેતા ડરે છે
    રેમડિસિવિર ઇન્જેક્શનનો વેપાર થયો.

    ↘️કોરોના કાળમાં તંત્રના પાપે લાશોનો ઢગલો થયો.

    ↘️સરકારી પૂલ 7 દિવસમાં ધ્વસ્ત થઈ જાય છે.

    ↘️નહેરો ઉંદરડાઓ તોડી જાય છે.

    ↘️ગૌચર ઉદ્યોગતિઓ ખાય જાય છે.

    ↘️ગૌમાતા ને રાષ્ટ્રીય દરજ્જો આપવા 603 દિવસ દિલ્લી ધરણાં કરતા ગુજરાત ના યુવાન ને અને એના સાથીયો ને 31 દિવસ જેલમાં નખાઈ છે.

    ↘️કરોડોનું ડ્રગ્સ વેચાય છે

    ↘️ઝેરી શરાબનો વેપલો થાય છે

    ↘️પાકવીમાથી માત્ર કંપનીઓને ફાયદો થાય છે

    ↘️જમીન સર્વેના નામથી ભાઈ ભાઈને લડાવાય છે

    ↘️ટ્રાફિક નિયમના નામે રીતસર ઊઘરાણા થાય છે

    ↘️શિક્ષણનો બિઝનેસ થાય છે

    ↘️સારવાર માટે લાખો પડાવાય છે

    ↘️FIR માત્ર ખેંસ પહેરનારની જ લેવાય છે

    ↘️20 લાખમાં તૈયાર થતા બંધારા માટે 200 કરોડ ફળવાય છે

    ↘️વિરોધ કરનારને ધમકાવાય કે ખરીદાય છે

    ↘️દિવસ રાત મહેનત કરતા વિદ્યાર્થીઓના નસીબરૂપી પેપર ફૂટી જાય છે (22 ફૂટ્યા પણ હજુ માસ્ટમાઇન્ડ ઝડપાયો નથી)

    ↘️સરકારી નોકરીઓના ભાવ બોલાય છે

    ↘️”ખેડૂતો પોતાના પાપે દુખી થાય છે” એવું કહેવાય છે

    ↘️અન્યાય સામે બોલનારા સામે IT સેલ ખુલ્લુ છોડી દેવાય છે

    ↘️રસ્તાઓ પર ચાલતા કમરના મણકા તૂટી જાય છે

    ↘️135 લાશો પડી હોય તો પણ રંગરોગાન અને ઉત્સવો થાય છે

    ↘️ચિતાને આગ આપ્યા પહેલા સભાઓ ગજવાય છે

    ↘️ગમે એવા કાંડ કરે તો પણ મળતિયા છૂટી જાય છે

    ↘️અપરાધીઓ ખેંસ પહેરે તો નિર્દોષ બની જાય છે

    ↘️ભાજપના પૂર્વ ધારાસભ્યોની સીડીઓ આવે છે અને ખૂની ખેલ ખેલાય છે

    ↘️શિક્ષણ અને આરોગ્યની સુવિધાની ઘોળ ખોદાઈ ગઈ

    ↘️ચોમાસામાં રસ્તાઓ પર દોઢ દોઢ ફૂટના ખાડા પડી ગયા
    સરકારી એજન્સીમાં કૌભાંડ જેવા કે જીએસપીસી કૌભાંડ, ફિશીંગ કૌભાંડ
    વેન્ટિલેટર ખરીદીમાં કૌભાંડ
    રોડ પર સેંકડો ભૂવા પડ્યા
    લોકોએ આધાર, મા કાર્ડ, આવકનો દાખલો, જાતિનો દાખલો કઢાવવા માટે લાંબી લાઈન અને ધક્કા ખાવા પડે.

    ↘️માર્કેટિંગ યાર્ડમાં ખેડૂતોને પુરતા ભાવ ન મળે

    ↘️પેટ્રોલ, ડિઝલ અને ગેસનો ભાવ આસમાને
    મોંઘવારીએ સામાન્ય માણસોની કમર તોડી નાખી

    ↘️ભાજપના ગુંડાઓની દાદાગીરી

    ↘️ભાજપના બધા સ્થાનિક નેતાઓ કરોડપતિ બની ગયા અને કાર્યકરો ગાભા મારતા રહી ગયા.

    ↘️મોટાભાગના કોંગ્રેસના નેતાઓ ભાજપમાં આવીને મેવા ખાતા થઈ ગયા અને મૂળ ભાજપીઓ બધાની ચરણચંપી કરતા થઈ ગયા.

    ↘️ભાઉ 107ની દાદાગીરી વધી ગઈ ભાજપની અંદર આંતરિક અસંતોષ વધી ગયો.

     

    આટલુ થયું છતા ગઈ વખત કરતા વધારે સીટ આવતી દેખાડવામાં આવે છે. કારણ કે, માનસિક દબાણ ઉભુ કરવાનો પ્રયાસ છે. ખોટા ભરમાતા નહી આ વખતે ભાજપ જાય છે કારણ કે,

    પોલિસકર્મીઓ ભાજપથી નારાજ છે
    તમામ સરકારી કર્મચારીઓ નારાજ છે
    આંગણવાડી બહેનો નારાજ છે
    ખેડૂતોમાં ખુબ રોષ છે
    આશા વર્કર બહનો અને શિક્ષકો નારાજ છે
    VCE ઓપરેટર્સ નારાજ છે
    સરકારી નોકરીની તૈયારી કરતા 40 લાખ યુવાનો નારાજ છે
    નાના વેપારીઓ ખુબ નારાજ છે
    સાચા ગૌભકતો નારાજ છે
    આરોગ્યકર્મીઓ નારાજ છે
    પેટ્રોલ-ડિઝલના ભાવને કારણે ટ્રાન્સપોર્ટર્સ અને ડ્રાઇવર્સ નારાજ છે
    મોંઘવારીને કારણે ગરીબ અને મધ્યમ વર્ગ નારાજ છે
    ખુશ માત્ર અમીર લોકો છે જેને કશો ફર્ક નથી પડતો

    એટલે મીડિયાના ભ્રમિત પ્રચારમાં ન આવતા. મીડિયાનું કામ જ ભાજપને જીતાડવાનું છે. એના જ એને પૈસા મળે છે. અને હા આ લખનાર પણ લાંબો સમય મીડિયામાં કામ કરી ચુક્યો છે એટલે અંદરની વાત જાણે છે.

  • દેશની પ્રથમ આદિવાસી મહિલા ભારતની રાષ્ટ્રપતિ બની

    દેશની પ્રથમ આદિવાસી મહિલા ભારતની રાષ્ટ્રપતિ બની

    નિરવ જોશી, હિંમતનગર (M-7838880134)

    દેશના 15 માં રાષ્ટ્રપતિ તરીકે આદિવાસી સમાજના મહિલા દ્રોપદી મુરમુ ની પસંદગી થઈ છે. ખાસ કરીને જે રીતે ભાજપ વડે દેશની સર્વપ્રથમ આદિવાસી મહિલાને રાષ્ટ્રપતિ બનાવવાનો પ્લાન થયો એને શરૂઆતથી જ ઘણું મોટું પાયે આવકાર મળ્યો, ના કેવલ ભાજપના સાથી પક્ષો વડે પરંતુ વિપક્ષમાં પણ આદિવાસી મહિલાને સર્વ પ્રથમ રાષ્ટ્રપતિ બનાવવાની અપીલ ઘણી કામ કરી ગઈ,બીજું એ કે દ્રૌપદી મોરમુ સૌથી વધારે સમય દલિત મહિલા નેતા તરીકે પણ ભારતીય રાજકારણમાં જાણીતા થયા છે, તેઓ ઓરિસ્સામાં ને રાજકીય નેતા તેમજ મિનિસ્ટર પણ રહ્યા છે અને ઝારખંડમાં ગવર્નર તરીકે પણ રહી ચૂક્યા છે. તેઓ ઓરિસ્સાના ગરીબ આદિવાસી સમાજમાંથી આવે છે. તેમણે અત્યંત ગરીબાઈમાં પોતાનું જીવન વિતાવ્યું હતું અને તેમના રાજ્યમાં તેમના ગામમાં તેઓ સર્વપ્રથમ ગ્રેજ્યુએશન કરનારા મહિલા હતા. આ ઉપરાંત બીજા પણ કેટલાક સર્વપ્રથમ રહેનારા આદિવાસી મહિલા તરીકે તેમને ઓળખ -આગવી ઓળખ મેળવી હતી.

    આજે દ્રોપદીના દિલ્લી ખાતેના નિવાસ સ્થાને અનેક રાજ્યોના કલાકારો આવીને ભારે ઉત્સાહથી દ્રોપદીના રાષ્ટ્રપતિ બનવાના પ્રસંગ પર રંગારંગ કાર્યક્રમ કર્યો હતો. સાંસ્કૃતિક કાર્યક્રમો  કરવામાં આવ્યા હતા અને વડાપ્રધાન મોદીએ દ્રૌપદી મૂરમુના ઘરે જઈને બુકે આપી અને તેમને ખૂબ ખૂબ અભિનંદન આપ્યા હતા… બીજા અન્ય નેતાઓ પણ તેમના નિવાસ્થાને જઈને અભિનંદન આપી રહ્યા છે.આમ દ્રોપદી મોરમુ કેવળ સત્તાધારી પક્ષ નહીં પરંતુ વિપક્ષમાં પણ ખૂબ જ મોટા પાયે નેતાઓનું સમર્થન મેળવીને ખૂબ જ લોકપ્રિય રાષ્ટ્રપતિ બનશે તેવી આશા સેવાઈ રહી છે.

  • સાબરકાંઠામાં ભાજપ દ્વારા જન આશીર્વાદ યાત્રા આયોજીત કરાઇ

    સાબરકાંઠામાં ભાજપ દ્વારા જન આશીર્વાદ યાત્રા આયોજીત કરાઇ

    • સાબરકાંઠામાં જન આશીર્વાદ યાત્રાનું ભવ્ય સ્વાગત
      પોલાજપુર – આરસોડિયા – જાદર માં ભવ્ય સ્વાગત – સભા યોજાઈ
      રાજ્યકક્ષાના મંત્રી કિર્તીસિંહ વાઘેલા ઉપસ્થિત રહ્યા

    પ્રતિનિધિ ,હિંમતનગર

    રાજ્યના નવનિયુક્ત મુખ્યમંત્રી ભુપેન્દ્રભાઈ પટેલ સંપૂર્ણ મંત્રીમંડળ જન આશીર્વાદ યાત્રા કાર્યક્રમ થકી અહીં તમારા બધાનો આશીર્વાદ લેવા આવ્યો છું રાજ્ય સરકારના શિક્ષણ મંત્રી કિર્તીસિંહ વાઘેલા એ આજ રોજ પ્રાંતિજ તાલુકાના ઘડકન સુખડ ગામે થી જન આશીર્વાદ યાત્રાની શરૂઆત કરી પ્રાંતિજ શહેર માં સ્વામી વિવેકાનંદજીની પ્રતિમાને પુષ્પાંજલિ કરી તેમનું ભવ્ય સ્વાગત કરવામાં આવેલ જ્યારે યાત્રા હિંમતનગરમાં પ્રવેશતા મોતીપુરા ગાંધીજીની પ્રતિમાને સુતરની આંટી પહેરાવી હિંમતનગર શહેરના ભાજપના કાર્યકરો દ્વારા તેમનો ભવ્ય સ્વાગત કરવામાં આવેલ હિંમતનગર તાલુકાના પોલાજપુર ગામે પણ તેમનું ભવ્ય સ્વાગત કરવામાં આવેલ.

    આ પ્રસંગે મંત્રી કિર્તીસિંહ વાઘેલા જણાવેલ કે, કોઈપણ જવાબદારીઓ એ ભાજપના કાર્યકર્તા માટે વિશેષ મહત્ત્વ રહ્યું છે ભાજપના કાર્યકર્તાને જે જવાબદારી આપવામાં આવે તે ન્યાયપૂર્વક અને નિષ્ઠાપૂર્વક નિભાવે છે ભાજપની સરકારમાં આજે રાષ્ટ્રમાં વડાપ્રધાન આદરણીય નરેન્દ્રભાઈ મોદી,  આપણા દેશના લોકલાડીલા ગૃહમંત્રી અમિત ભાઈ શાહ, જે.પી.નડ્ડા જી સહિત આપણા મુખ્યમંત્રી ભુપેન્દ્રભાઈ પટેલ અને પ્રદેશ પ્રમુખ સી આર પાટીલ જી એ મારામાં જે વિશ્વાસ મૂકી મને પ્રધાનમંડળમાં લીધો જેથી હું તમારા બધાનો અહીં આશીર્વાદ લેવા આવ્યો છું આમ તો આ વિસ્તાર 27 વર્ષથી ભાજપના નેતૃત્વમાં કામ કરી રહ્યો છે તે ગર્વની બાબત છે. અહીં પરબડા શીટ ના આપણા ઉમેદવાર ને તમે જંગી બહુમતથી જીતાડી તમારા વિસ્તારમાં વિકાસના કામોને વધુ વિસ્તારો તેવી હું આપ સૌને અપીલ કરું છું.

     

    મંત્રીશ્રી કિર્તીસિંહ વાઘેલા એ વધુમાં જણાવેલ કે, જેમ બુથ સ્તરથી આપણા દેશના ગૃહ મંત્રી તરીકે અમિતભાઈ શાહ કામ કરે છે તેમ આજે આપણા ગુજરાતના પનોતા પુત્ર સામાન્ય પરિવારમાંથી આવતા ઓબીસી સમાજના વડા પ્રધાન નરેન્દ્ર મોદીજી અનેક જનકલ્યાણ દ્વારા છેવાડાના માણસોની ચિંતા કરી અનેક યોજનાઓ લાવ્યા છે તેમ અમે પણ નવા પ્રધાનમંડળમાં યુવાન અને શિક્ષિત કાર્યકર્તાઓને મંત્રીમંડળમાં સમાવેશ કર્યા છે તે ઐતિહાસિક નિર્ણય ભાજપમાં થઈ શકે મારું સન્માન અને સ્વાગત કર્યું તે તેમે મને આશીર્વાદ આપ્યા હું પણ તેમને વિનંતી કરું છું આ વિસ્તારમાં તમામ મતદારો આપણા ઉમેદવારને જીતાડો તમારો ભાજપ પ્રત્યેનો પ્રેમ-લાગણીને ભાજપના કાર્યકર્તાનું સન્માન છે આપના આશીર્વાદ એ જ ભાજપની તાકાત છે આપના આશીર્વાદ એ મોદી સાહેબને છે તેથી મોદી સાહેબ પણ કહે છે મારી તાકાત એ હિન્દુસ્તાનની પ્રજા છે અહીંનો ઉમેદવાર જીતશે તેથી ગુજરાતના વિકાસ માટે કામ કરી રહ્યા છે તે તમે મહોર મારી કહેવાય મારું સન્માન એ જ ભાજપના કાર્યકર્તા નું સન્માન છે.

    આ પ્રસંગે પોલાજપુર સહિત આજુબાજુના ગામોના અનેક આગેવાનો એ મંત્રીશ્રીનું સ્વાગત સન્માન કર્યું હતું. કેટલાક યુવાનો પણ ભાજપમાં જોડાતાં મંત્રીશ્રી કિર્તીસિંહ વાઘેલા ના હસ્તે ખેસ પહેરાવી આવકાર આપ્યો હતો.

     

    આ પ્રસંગે સાસંદ દિપસિંહ રાઠોડ, ધારાસભ્ય રાજેન્દ્રસિંહ ચાવડા એ પણ પ્રાસંગિક પ્રવચન કરી રાજ્ય અને કેન્દ્ર સરકારની યોજનાઓની માહિતી આપી હતી તેમજ હિંમતનગર તાલુકામાં, પ્રાંતિજ તાલુકામાં, ઇડર તાલુકાના થયેલા વિકાસના કામોની માહિતી તેમજ કેન્દ્ર સરકાર દ્વારા તથા કામોની માહિતી આપી હતી. આ પ્રસંગે પ્રદેશ ભાજપ ઉપાધ્યક્ષ કું. કૌશલ્ય કુવરબા પરમાર, સંગઠન પ્રભારી ભરતભાઇ આર્ય, જિલ્લા પંચાયતના પ્રમુખ ધીરજભાઈ પટેલ, જીલ્લા મહામંત્રી વિજયભાઈ પંડ્યા, મહેન્દ્રસિંહ રહેવર સહિત શહેર તાલુકાના સંગઠનના કાર્યકરો, હોદ્દેદારો હાજર રહ્યા હતા.