નિરવ જોષી, અમદાવાદ (7838880134)
ધ ઇન્સ્ટીટ્યુટ ઓફ કોસ્ટ એકાઉન્ટસ ઓફ ઇન્ડિયા અને જી.એલ.એસ. યુનિવર્સિટી, અમદાવાદ દ્વારા તા.૨૭/૦૬/૨૦૨૨ ના રોજ એમ.ઓ.યુ. ઉપર હસ્તાક્ષર સમારોહ સી.એમ.એ ભવન, નવી દિલ્હી ખાતે યોજાયેલ અને તેમા ધ ઇન્સ્ટીટ્યુટ ઓફ કોસ્ટ એકાઉન્ટસ ઓફ ઇન્ડિયાના પ્રેસિડન્ટ સી.એમ.એ. પી.રાજુ ઐયર, વાઇસ પ્રેસિડન્ટ સી.એમ.એ. વિજેન્દ્ર શર્મા, અગાઉના પ્રેસિડન્ટ સી.એમ.એ. બિશ્વરૂપ બાસુ તથા અમદાવાદ ચેપ્ટરના ચેરમેન સી.એમ.એ મલ્હાર દલવાડી અને સેક્રેટરી સી.એમ.એ મીતેષ પ્રજાપતિએ હાજર રહી હસ્તાક્ષર કરેલ.
જ્યારે જી.એલ.એસ. યુનિવર્સિટીના એક્ઝુક્યુટીવ ડાયરેક્ટર ડૉ.ચાંદની કાપડીયા, રજિસ્ટ્રાર ડૉ.ધર્મેશ શાહ તથા ડીન સી.એમ.એ ડૉ.મારઝુન જોખીએ હાજર રહી હસ્તાક્ષર કરેલ. આ એમ.ઓ.યુ.નો ઉદ્દેશ ઇન્સ્ટીટ્યુટના મેમ્બેર્સ અને વિદ્યાર્થીઓ માટે વિવિધ વ્યવસાયિક કાર્યક્રમો વિકસાવવાનો, જીએલએસ યુનિવર્સિટી અને ઇન્સ્ટિટ્યૂટ ઓફ કોસ્ટ એકાઉન્ટન્ટ્સની વિવિધ સેવાઓનો ઉપયોગ, વિવિધ સેવાઓ અને પ્રોફેસર્સનુ આદાન-પ્રદાન અને પ્રોફેસર્સ ડેવલપમેન્ટ પ્રોગ્રામનું આયોજન કરવાનો છે.