કેટેગરી દિવસ વિશેષ

સાબરકાંઠાની બેંક સખી દ્વારા કલેક્ટર તેમજ ડીડીઓ ખાતે સમસ્યાઓની રજૂઆત કરવામાં આવી

નીરવ જોશી, હિંમતનગર ( M-783888034)

આજરોજ હિંમતનગર ખાતે સાબરકાંઠાની બેંક સખી દ્વારા કલેક્ટર કચેરી ખાતે રજૂઆત કરવામાં આવી હતી. આ રજૂઆતના મુદ્દાઓ આ પ્રમાણે છે…

ખાસ કરીને આ બહેનોએ જે વાસ્તવિક કોરોના કારણે બે વર્ષમાં પરિસ્થિતિ ઉદ્ભવી છે અને એના વડે જે સમસ્યાઓ વ્યવહારિક સ્તરે ઉકેલવી જોઈએ એ પ્રમાણે કાર્ય નથી થયું તે અંગે પોતાનું આક્રોશ અને મનનો ગુસ્સો ઠાલવતા મીડિયા સમક્ષ જણાવ્યું કે અમે બધી સાબરકાંઠાની બેંક સખી મંડળની મહિલાઓને જે પ્રમાણે મહેનતાણું ચુકવવું જોઈએ તે પ્રમાણે ચૂકવવામાં ગ્રામ વિકાસ એજન્સી ઠાગાઠૈયા કરી રહી છે.

કોરોનાના કપરા સમયમાં કેટલાય સમયથી તેમને પગાર પણ સમયસર મહિનાના અંતમાં ચૂકવાતો નથી. કેટલાક સમય તો બે ત્રણ મહિનાનો પગાર ભેગો આવે છે તે પણ સાવ નજીવો!!! તેમને ફક્ત મહિનાને 12 દિવસ નો જ પગાર મળે છે જ્યારે કામમાં અનેક પ્રકારની કામગીરીઓ કરાવીને ખૂબ જ વ્યસ્ત રાખવામાં આવે છે .આવી તેમજ બીજી કેટલીક અન્ય વ્યાજબી માગણીયો લઈને આજે સાબરકાંઠા સખીમંડળની બહેનોએ કલેકટરને તેમજ ડીડીઓને આવેદનપત્ર આપીને પોતાને પડતી સમસ્યાઓનો તાત્કાલિક ધોરણે નિવેડો આવે તેવી અરજ કરી હતી. ગ્રામ વિકાસ એજન્સીના નિયામક પાટીદાર વ્યસ્ત હોવાના કારણે મહિલાઓ બપોર સુધી તેમનો સમય માગી રહી હતી.

હવે જોવાનું એ રહે છે કે આગામી સમયમાં ગ્રામ વિકાસ એજન્સી અને તેમના નિયામક કઈ રીતે આ મહિલા મંડળની સમસ્યાઓને નિવારવા માટે એવા અસરકારક પગલાં લે છે.

જુલાઇ 18, 2022
સૂરીનામમાં ભારતીય ગુરૂનુ સર્વોચ્ચ નાગરિક ખિતાબ દ્વારા બહુમાન

નિરવ જોષી, અમદાવાદ (M-7838880134)

સૂરીનામમાં ગુરુદેવ શ્રી શ્રી રવિશંકરજીનું સર્વોચ્ચ નાગરિક ખિતાબ દ્વારા બહુમાન…

એશિયામાંથી ગુરુદેવ પ્રથમ છે કે જેમને ઓનરરી ઓર્ડર ઓફ ધી યલો સ્ટાર એનાયત કરવામાં આવ્યો છે.

*૧૫ જુલાઈ,૨૦૨૨,બેંગલોર:* વૈશ્વિક આધ્યાત્મિક ગુરુ અને ધી આર્ટ ઓફ લિવિંગના સ્થાપક શ્રી શ્રી રવિશંકરજીને તેમના માનવતાવાદી કાર્યો માટે સૂરીનામના માનનીય પ્રમુખ શ્રી ચંદ્રિકાપેર્સાદ સંતોખી દ્વારા ધી *ગ્રાન્ડ કોર્ડન- ઓનરરી ઓર્ડર ઓફ ધી યલો સ્ટાર(Ere-Order van de Gele Ster)* થી નવાજવામાં આવ્યા છે.
પોતાના વક્તવ્યમાં માનનીય પ્રમુખ શ્રી સંતોખીએ કહ્યું,” આપ પ્રવર્તમાન તથા ભવિષ્યની પેઢીએ પણ જોવો અને અનુભવવો જોઈએ એવો પ્રકાશ ફેલાવી રહ્યા છો તેનું અમને ગૌરવ છે.આપ અમને સૌને શાંતિ તથા સંવાદિતા તરફ દોરી જશો…સૂરીનામની પ્રજા આપનું ઉમળકાભેર સ્વાગત કરે છે.”

સમારોહનું આયોજન પ્રમુખશ્રીના મહેલમાં કરવામાં આવ્યું હતું. ગુરુદેવ એશિયામાંથી પ્રથમ છે કે જેને આ ખિતાબ થી નવાજવામાં આવ્યા છે.ઐતિહાસિક રીતે આ ખિતાબ દેશોના વડાઓને આપવામાં આવતો હોય છે.સૌ પ્રથમ વખત એ કોઈ આધ્યાત્મિક નેતાને આપવામાં આવ્યો છે.સમારોહમાં સૂરીનામમાં ભારતના રાજદૂત શ્રી શંકર ભાલચંદ્રન પણ ઉપસ્થિત હતા.

ગુરુદેવે ટ્વીટ કરી કે,” હું આ દેશમાં પ્રશંસનીય કાર્ય કરી રહેલા શિક્ષકો અને સ્વયંસેવકોને આ ખિતાબનું શ્રેય અર્પણ કરું છું.હું પ્રમુખ શ્રી સંતોખી તથા આ બહુમાનના જજોનો આભાર માનું છું.”

ગુરુદેવે દક્ષિણ અમેરિકાના આ દેશની ૨૧ વર્ષ પછી મુલાકાત લીધી છે, જ્યાં તેમનું સ્વાગત સૂરીનામના માનનીય રક્ષાબંધન મંત્રી દ્વારા કરવામાં આવ્યું હતું. સવારે ગુરુદેવ દેશના અગ્રણી વેપારીઓને મળ્યા હતા. ત્યાં તેમણે કર્મચારી ગણના માનસિક સ્વાસ્થ્યની જાળવણી માટે આધ્યાત્મિકતાની અગત્યતા વિશે વાત કરી.સાંજે તેમણે પેરામારીબોમાં નેશનલ ઈન્ડોર સ્ટેડીયમ(એન્થની નેસ્ટી સ્પોર્થલ )માં ખીચોખીચ ભરેલી મેદનીને સંબોધન કર્યું. તેમણે એક ધ્યાન પણ કરાવ્યું તથા ત્યાં ઉપસ્થિત હજારો લોકો સાથે આદાનપ્રદાન કર્યું.મેદનીએ આર્ટ ઓફ લિવિંગના ‘જીવન એક ઉત્સવ’ના સંદેશાને અમલમાં મુકતા હોય તેમ પૌરાણિક મંત્રો અને સંગીતનો રસાસ્વાદ ભરપૂર માણ્યો.
માનનીય પ્રમુખે પણ ‘I stand for peace'(‘હું શાંતિની હિમાયત કરું છું’) ના શપથ લીધા.’I stand for peace’ એ ગુરુદેવ દ્વારા શાંતિમય વિકાસ,એકતા અને સંવાદિતા તરફ દુનિયાને પાછી વાળવા માટે શરુ કરેલું અભિયાન છે.

જુલાઇ 15, 2022
જન્મદિવસ સવારે મુખ્યમંત્રીએ અધ્યાત્મગુરૂના કર્યા વંદન! મોદીએ જન્મદિવસની શુભેચ્છાઓ પાઠવી

નિરવ જોષી, ગાંધીનગર

મુખ્યમંત્રીશ્રી ભૂપેન્દ્ર પટેલના ૬૧માં જન્મ દિવસે વડાપ્રધાનશ્રી નરેન્દ્રભાઈ મોદીએ તેમને ટેલીફોન કરીને જન્મદિવસની શુભેચ્છાઓ પાઠવી હતી.
મુખ્યમંત્રીશ્રીના નમ્ર અને વિકાસલક્ષી નેતા તરીકે ગુજરાતના વિકાસ પ્રત્યેના સેવા ભાવની વડાપ્રધાનશ્રીએ સરાહના કરી છે

વડાપ્રધાનશ્રીએ ગુજરાત મુખ્યમંત્રીશ્રી ભૂપેન્દ્ર પટેલના નેતૃત્વમાં નવી ઊંચાઈઓ પાર કરે અને ગુજરાતના લોકોની સેવા તેઓ લાંબા સમય સુધી સ્વસ્થ જીવન અને તંદુરસ્તી સાથે કરી શકે તેવી મનોકામના વ્યક્ત કરી હતી.
મુખ્યમંત્રીશ્રીએ આવી લાગણી સભર શુભેચ્છાઓ માટે વડાપ્રધાનશ્રીનો આભાર વ્યક્ત કરીને ગુજરાતના વિકાસમાં તેમનું માર્ગદર્શન અને પ્રેરણા સતત મળતા રહે છે તેનો પણ આભાર માન્યો હતો.

જન્મ દિવસ સવારે મુખ્યમંત્રીએ અધ્યાત્મ ગુરૂના કર્યા વંદન!

મુખ્યમંત્રીશ્રી ભૂપેન્દ્ર પટેલે આજે પોતાના ૬૧માં જન્મ દિવસે દિવસનો પ્રારંભ અડાલજ ત્રીમંદિર જઈને દર્શન અર્ચનથી કર્યો છે.તેમણે આ મંદિર પરિસરમાં શ્રી સીમનધર સ્વામી તથા યોગેશ્વર ભગવાન સહિત દેવ પૂજા અર્ચના પૂજ્ય દાદા ભગવાન ને ભાવ વંદન તેમજ પૂજ્ય નિરૂ માં સમાધિ દર્શન કરીને કૃપા આશિષ યાચના કરી હતી.

જુલાઇ 15, 2022
આરબીઆઇએ વિદેશથી આયાત-નિકાસ રૂપિયામાં કરવાની મંજૂરી આપી

નીરવ જોશી, અમદાવાદ (M-7838880134)

રશિયા યુક્રેન વચ્ચે ચાલી રહેલા યુદ્ધને લીધે અમેરિકા એ રશિયા પર અનેક પ્રતિબંધો લાદી દીધા છે.

છેલ્લા ચાર મહિનાથી પણ વધુ સમયથી ચાલી રહેલા રશિયા યુકેનના યુદ્ધના પરિણામે તેની વધુ અસર સુરતના હિરા ઉધોગકારો પર પડી છે પરંતુ રીઝૅવ બેન્કે વિદેશી ચલણ ને બદલે રૂપિયા માં ચલણ રૂપિયા માં જ આયાત નિકાસ કરવાની મંજૂરી આપતા સૌથી વધુ રાહત.
સુરતના ઉધોગકારોને થવાની છે કારણ કે હવે રશિયા થી આવતી રફના નાણાં રૂપિયા માં ચૂકવી શકશે.

વિવેકાનંદ ડાયમંડ એસોસિએશન ના પ્રમુખ શ્રી નરસિંહ પટેલ એક નિવેદન માં જણાવ્યું છે કે રશિયા યુકેન વચ્ચે ચાલી રહેલા
યુદ્ધ લીધે રશિયા ઉપર અમેરિકા સરકારે રશિયા પર અનેક પ્રતિબંધ મૂક્યા હતા. રિઝૅવ બેન્ક ઓફ ઈન્ડિયા દ્વારા આયાત નિકાસ રૂપિયા માં કરવાની મંજૂરી આપવામાં આવતા જે હિરા ઉધોગકારો પેમેન્ટ માં મુશ્કેલીઓ અનુભવી પડતી હતી હવે તેમાં મોટા રાહત તેઓને હવે ડાયરેક્ટ રૂપિયા માં પેમેન્ટ છૂટ મળતા સરળતાથી પેમેન્ટ કરી શકશે.

સુરતમાં હિરા ઉધોગમા મોટેભાગે રશિયા થી રફ હિરા આયાત કરવામાં આવે છે.જેનો પેમેન્ટ ભારતીય હિરાઉધોગકારો તેમને બેન્કો દ્વારા અન્ય એક મધ્યસ્થી બેન્કના માધ્યમથી કરે છે.
મોટા ભાગની બેન્કો-મદ્યસ્થી બેન્કો અમેરિકામાં હતી.સુરતના હિરા ઉધોગકારો રૂપિયા માં પેમેન્ટ કરે છે.જે મદ્યસ્થી બેન્કો ડોલરમા રૂપિયા રૂપાંતર કરીને રશિયાનીની પાર્ટી ને ચૂકવતી હતી.પરંતુ રશિયા અને યુકેન ના યુદ્ધ બાદ અમેરિકા દ્વારા રશિયા પર કેટલાક આથિક પ્રતિબંધો મૂકવામાં આવ્યા હતા.

જેમાં કેટલીક મદ્યસ્થી બેન્કો ને પણ સ્વીફટ કોરોમાથી બાદ કરાયા તેઓ ભારતીય ઉધોગકારોને પેમેન્ટ રશિયા માં કરી શકતી નહોતી જેથી ભારતીય હિરા ઉધોગકારો કે જેઓ રશિયા થી રફ હિરાની ખરીદી કરતી હતી, તેઓ પેમેન્ટ કરવામાં મુશ્કેલીઓ અનુભવી રહ્યા હતાં અને અન્ય માધ્યમો શોધી રહ્યા હતા.

આ અંગે હિરા ઉધોગકારો દ્વારા રજૂઆત કરવામાં આવી હતી
તેઓને હવે ડાયરેક્ટ રૂપિયા માં પેમેન્ટ ભરવાની છૂટ મળતા હવે સરળતાથી પેમેન્ટ કરી શકશે.જોકે આ માટે તેઓને રિઝૅવ બેન્ક ઓફ ઈન્ડિયા પાસે થી પેમેન્ટ ની સંબંધિત મંજુરી લેવી પડશે. ત્યારબાદ પેમેન્ટ થશે. વિવેકાનંદ ડાયમંડ એસોસિએશન ના પ્રમુખ શ્રી નરસિંહ પટેલ એક નિવેદન માં જણાવ્યું છે કે રશિયા યુકેન વચ્ચે ચાલી રહેલા યુદ્ધ લીધે રશિયા ઉપર અમેરિકા સરકારે રશિયા પર અનેક પ્રતિબંધ મૂક્યા હતા રિઝૅવ બેન્ક ઓફ ઈન્ડિયાદ્વારા આયાત નિકાસ રૂપિયા માં કરવાની મંજૂરી આપવામાં આવતા જે હિરા ઉધોગકારો પેમેન્ટ માં મુશ્કેલીઓ અનુભવી પડતી હતી હવે તેમાં મોટા રાહત તેઓને હવે ડાયરેક્ટ રૂપિયા માં પેમેન્ટ છૂટ મળતા સરળતાથી પેમેન્ટ કરી શકશે.

જુલાઇ 14, 2022
સાબરકાંઠામાં સાર્વત્રિક મેઘમહેર: જિલ્લામાં અત્યાર સુધીમાં ૩૨.૦૩ ટકા વરસાદ વરસ્યો

નીરવ જોશી, હિંમતનગર (M-7838880134)

સાબરકાંઠામાં સાર્વત્રિક મેઘમહેર: જિલ્લામાં અત્યાર સુધીમાં ૩૨.૦૩ ટકા વરસાદ વરસ્યો

સમગ્ર ગુજરાતમાં છેલ્લા બે દિવસ દરમિયાન ભારેથી અતિભારે વરસાદ વરસવાના કારણે કેટલાક જિલ્લામાં તારાજીના દશ્યો સામે આવ્યા છે.પરંતુ સાબરકાંઠા જિલ્લામાં વરસેલા વરસાદથી નદી-નાળા અને જળાશયોમાં નવા નીરની આવક વધતા ધરતીપુત્રોમાં આનંદ છવાયો છે.

જિલ્લામાં અત્યાર સુધી ૩૨.૦૩ટકા વરસાદ વરસતા ખેડૂતો માટે વાવણી લાયક વરસાદ પડતા હરખ જોવા મળી રહ્યો છે. જિલ્લા ડિઝાસ્ટર દ્વાર નોંધાયેલા વરસાદમાં અત્યાર સુધી સૌથી વધુ વરસાદ હિંમતનગર તાલુકામાં જયારે સૌથી ઓછો વરસાદ પ્રાંતિજમાં નોંધાયા છે તાલુકાવાર વરસાદની વાત કરીએ તો ઇડર તાલુકામાં ૨૩.૦૧ ટકા, ખેડબ્રહ્મામાં ૩૬.૩૭, તલોદમાં ૨૭.૧૯, પ્રાંતિજમાં ૧૮.૨૮, પોશીનામાં ૩૩.૬૧, વડાલીમાં ૩૪.૯૯, વિજયનગરમાં ૩૮.૪૯ અને હિંમતનગર તાલુકામાં ૪૩.૬૬ ટકા વરસાદ વરસ્યો હોવાનું જિલ્લા ડિઝાસ્ટર કચેરીની એક અખબારી યાદીમાં જણાવાયું છે.

જુલાઇ 14, 2022
ખોડલધામના નરેશભાઈ પટેલનો 57 મો જન્મદિવસ અનોખી રીતે ઉજવાયો

નીરવ જોશી, અમદાવાદ(M-7838880134)

શ્રી ખોડલધામ ટૃસ્ટ કાગવડ ના ચેરમેનશ્રી નરેશભાઇ પટેલ ના 57મો જન્મદિવસ માનવતાના સેવાના કાર્ય માટે ઉજવવામાં આવ્યો હતો ઉલ્લેખનીય છે કે અમદાવાદ શહેર ના પૂવૅ વિસ્તારમાં ખોડિયાર મંદિર નિકોલ હોલમા બ્લડ કેમ્પમાં મોટી સંખ્યામાં રક્તદાતા પોતાનુ અમૂલ્ય લોહી દાન આપતા જણાય છે.

આ માટે નરેશભાઈ ના ચાહકો, અંગત મિત્રો તેમજ સમર્થક મિત્રોએ whatsapp પર નરેશભાઈ પટેલ ના જન્મદિવસ અંગે રક્તદાન કરવાની જાહેરાત કરી હતી. ખોડલધામ ના ટૃસ્ટી શ્રી દિનેશભાઇ કુભાણી, શ્રી ખોડલધામ સમિતિ અમદાવાદના નરસિંહ પટેલ, કન્વીનર ડોક્ટર સુરેશ પટેલ, સોનલબહેન પટેલ- મહિલા કન્વીનર સાથે ટીમ ટેક્સફાઉન્ડેશન દ્વારા ગીફટ તેમેજ હિલટાઉન ગ્રુપ એ બ્લડ આપનારને પ્રોત્સાહિત કરવામાં આવ્યા હતા.

શ્રી ખોડલધામ સમિતિ અમદાવાદ દ્વારા ખોડલધામ કાગવડ ના ટૃસ્ટી શ્રી દિનેશભાઇ કુભાણીના હસ્તે ખોડલધામ કાગવડ ના ચેરમેનશ્રી નરેશભાઈ પટેલ ના 57મો જન્મદિવસ માં 20 જગ્યાએ વૃક્ષારોપણ અને છ સ્થળે બ્લડ કેમ્પમાં મોટી સંખ્યામાં કાર્યકરોએ ને હોદ્દેદારો પોતાનું રક્તદાન આપ્યું. કાર્યકર્તાઓ તેમ જ મિત્રોનો ઉત્સાહ ફોટા માં-તસ્વીરમાં જણાય છે!

જુલાઇ 11, 2022
જિલ્લાનો સ્વચ્છ ભારત, સ્વચ્છ વિદ્યાલય પુરસ્કાર કઈ શાળાઓને મળ્યો?

AVSPost bureau, Himatnagar

જિલ્લાકક્ષાનો સ્વચ્છ વિદ્યાલય પુરસ્કાર સમારોહ ૨૦૨૧-૨૨ જિલ્લા સમાહર્તાશ્રીના અધ્યક્ષતામાં યોજાયો

સ્વચ્છ ભારત, સ્વચ્છ વિદ્યાલય પુરસ્કાર ગ્રામ્યકક્ષાએ પોગલુ પ્રાથમિક શાળા અને શહેરી વિસ્તારની ખેડબ્રહ્મા-૧ ને ફાળે

   સાબરકાંઠા જિલ્લાકક્ષાનો સ્વચ્છ ભારત, સ્વચ્છ વિદ્યાલય પુરસ્કાર સમારોહ ૨૦૨૧-૨૨ જિલ્લા સમાહર્તાશ્રી હિતેષ કોયાની અધ્યક્ષતામાં ઇડર ડાયેટ ખાતે યોજાયો હતો.

આઝાદીના અમૃત મહોત્સવ વર્ષમાં મહાત્મા ગાંધીજીના સ્વચ્છ ભારતના સ્વપ્નને દિર્ઘ દ્રષ્ટ્રા વડાપ્રધાનશ્રી નરેંદ્રભાઇ મોદીના અથાગ પ્રયાસોને મકકમ સફળતાઓ મળી રહી છે. બાળકોમાં બાળપણથી જ સ્વચ્છતાના ગુણોનો વિકાસ થાય તે માટે માનવ સંસાધન વિકાસ મંત્રાલય દ્વારા ૧૨ જાન્યુઆરી ૨૦૨૨ એટલે કે સ્વામી વિવેકાનંદના જન્મ દિન  થી સ્વચ્છ વિદ્યાલય પુરસ્કાર કાર્યક્રમ અમલમાં મૂકવામાં આવ્યો હતો. આ પુરસ્કાર માટે જિલ્લાની ૧૭૩૭ શાળાઓએ સ્વ-મૂલ્યાંકન કર્યું હતું.

પોગલુ શાળાના આચાર્ય સુશ્રી જીનલબેન પટેલે જણાવ્યું હતું કે, આ સ્પર્ધા માટે ૧૭૩૭ શાળાઓ પૈકિ ૧૧૧ શાળાઓનું ૩,૪,૫ સ્ટાર રેકિંગ આપવામાં આવ્યું હતું. આ શાળાઓનું જિલ્લાકક્ષાના એવોર્ડ માટે ઇવેલ્યુએટર દ્રારા બાહ્ય મૂલ્યાંકન કરી તેઓની માહિતી SVP વેબ પોર્ટલ પર સબમિટ કરવામાં આવી. બાહ્ય મૂલ્યાંકન બાદ જિલ્લા કક્ષાના પુરસ્કાર માટે ઓવરઓલ રેંકિંગ મુજબ જિલ્લાની  ૮ શાળાઓ અને કેટેગરી વાઈઝ મૂલ્યાંકનમાં ૨૯ મળીને કુલ ૩૭ શાળાઓ પસંદ થઈ.

જેમાં રેંકિંગ મુજબ ગ્રામ્ય કક્ષાએ પોગલું પ્રાથમિક શાળા, શહેરી કક્ષાએ ખેડબ્રહ્મા-૧ પ્રાથમિક શાળા તથા ઓવરઓલ કેટેગરીમાં પોદાર ઇન્ટરનેશનલ સ્કૂલની પસંદગી થઈ હતી. જેમને રાજ્ય કક્ષાએ સ્પર્ધા માટે નોમિનેટ કરવામાં આવ્યા. જિલ્લા કક્ષાએ ગ્રામ્યમાં પ્રાંતિજ તાલુકાની પોગલું પ્રાથમિક શાળા પ્રથમ અને બીજો નંબર જીંજવા પ્રાથમિક શાળા તથા ત્રીજો નંબર હિંમતનગર તાલુકાની સવગઢ પાણપુર પ્રાથમિક શાળા અને શહેરી વિસ્તાર માટે પ્રથમ નંબર ખેડબ્રહ્મા તાલુકા શાળા તેમજ સબ કેટેગરી પ્રમાણે છ શાળાઓનીની પસંદગી થઈ હતી. આ શાળાઓને રૂ. ૭૦૦૦ થી લઇ ૧૫,૦૦૦ સુધીના કુલ રૂ. ૯૪,૦૦૦/-ના રોકડ પુરસ્કાર તેમજ પ્રમાણપત્ર અને જિલ્લા કક્ષાએ ૨૭ શાળાઓને  પ્રમાણપત્ર એનાયત કરવામાં આવ્યા હતા.

આ કાર્યક્ર્મમાં જિલ્લા વિકાસ અધિકારી શ્રીશાહ, જિલ્લા પ્રાથમિક શિક્ષણાધિકારીશ્રી ચૌધરી, ઇડર ડાયેટના પ્રાચાર્યશ્રી પુરણીયા, તમામ શાળાના સક્રિય બાલ મંત્રી મંડળના સભ્યો,એસ.એમ.સી સમિતિના સભ્યો, શાળાના આચાર્યશ્રીઓ, સી.આર.સી તથા બી.આર.સી અન્ય મહેમાનોની હાજરીમાં સ્વચ્છ વિદ્યાલય પુરસ્કાર અને સર્ટિફિકેટ આપવામાં આવ્યું.

જુલાઇ 7, 2022
સાબરકાંઠા: કયા મંત્રી વંદે ગુજરાત વિકાસ યાત્રાનો શુભારંભ કરાવશે

નીરવ જોશી , હિંમતનગર( M-7838880134, josnirav@gmail.com)

સાબરકાંઠા જિલ્લામાં મંત્રીશ્રી કિર્તીસિંહ વાઘેલાની ઉપસ્થિતિમાં વંદે ગુજરાત વિકાસ યાત્રાનો શુભારંભ થશે

જિલ્લા પંચાયતની ૩૬ સીટોના ૭૨ ગામ અને ૬ નગરપાલિકાઓમાં ભ્રમણ કરશે

જ્યારે વિધાનસભાની ચૂંટણી નજીકમાં છે ત્યારે વર્તમાન ભાજપ સરકાર નવા નવા મંત્રીઓ મોકલીને સાબરકાંઠાની જનતાને છેલ્લા આઠ વર્ષમાં વડાપ્રધાન મોદીની ગેરહાજરીમાં કેવા પ્રકારનો વિકાસ થયો છે અને એનાથી સાબરકાંઠાને શું લાભ થયો છે એની પાઠશાળા અલગ અલગ સ્વરૂપે ઉજવણી કરીને લોકોને જણાવી રહી છે એના અંતર્ગત આઝાદીકા અમૃત મહોત્સવની ઉજવણીના ભાગરૂપે ગુજરાતમાં છેલ્લા બે દાયકામાં થયેલ વિકાસને લોકો સુધી પહોંચાડવાના પ્રયાસ સ્વરૂપે રાજ્ય સરકાર દ્વારા રાજ્યના તમામ જિલ્લાઓમાં વંદે ગુજરાત વિકાસયાત્રાનું આયોજન કરવામાં આવ્યું છે. જિલ્લા પંચાયતની ૩૬ સીટોના ૭૨ ગામ અને ૬ નગરપાલિકાઓમાં ભ્રમણ કરશે.

સાબરકાંઠા જિલ્લામાં પ્રાથમિક માધ્યમિક અને પ્રોઢ શિક્ષણ વિભાગ રાજ્ય કક્ષા મંત્રીશ્રી કિર્તીસિંહ વાઘેલાની ઉપસ્થિતિમાં વંદે ગુજરાત વિકાસ યાત્રાનો શુભારંભ થશે. તા. ૫ જુલાઈ ૨૦૨૨ ના મંગળવારના રોજ સાંજે ૪:૩૦ કલાકે ડૉ.નલિનકાંત ગાંધી ટાઉન હોલ ખાતે થી થશે. આ કાર્યક્રમમાં સાંસદ શ્રીમતી રમીલાબેન બારા, જિલ્લા પંચાયત પ્રમુખ શ્રી ધીરજભાઈ પટેલ, સાંસદ શ્રી દિપસિંહ રાઠોડ, હિંમતનગર ધારાસભ્ય શ્રી રાજેન્દ્રસિંહ ચાવડા, ઈડર ધારાસભ્યશ્રી હિતુભાઈ કનોડીયા, નગરપાલિકા પ્રમુખ શ્રીમતી યતીનબેન મોદી, ખેડબ્રહ્મા પૂર્વ ધારાસભ્યશ્રી અશ્વિનભાઈ કોટવાલ, પૂર્વ મંત્રીશ્રી ગુજરાત રાજ્ય શ્રી રમણલાલ વોરા, જી.યુ.ડી.સી. ડાયરેક્ટર શ્રી જે. ડી. પટેલ ઉપસ્થિત રહેશે.

આ કાર્યક્રમ અંતર્ગત ૫૦૩૮ લાભાર્થીઓને રૂ.૩,૭૮,૫૫,૯૫૪ની સાધન સહાય ચૂકવવામાં આવશે.

આ સાથે રૂ. ૧૦,૧૪,૬૪,૦૦૦ના ખર્ચે તૈયાર થયેલા ૩૬૯ જાહેર કામોના લોકાર્પણ કરવામાં આવશે. તેમજ વિકાસના ૪૧૯ કામોનું જેનો અંદાજિત ખર્ચ રૂ.૬,૫૮,૪૯,૨૦૧ ખાતમુહૂર્ત કરવામાં આવશે તેમજ આવનારા સમયમાં નવા વિકાસના ૧૪૭ કામો અંદાજીત રૂ.૨,૫૨,૩૨,૬૪૨ના ખર્ચે થશે જેની જાહેરાત કરવામાં આવશે.

જુલાઇ 4, 2022
હિંમતનગર ખાતે દિવ્યાંગજનો માટે નિ:શુલ્ક સાધન સહાય કેમ્પ યોજાયો

નીરવ જોશી, હિંમતનગર (M-7838880134)

હિંમતનગર ખાતે દિવ્યાંગજનો માટે નિ:શુલ્ક સાધન સહાય કેમ્પ યોજાયો

નિ:શુલ્ક સાધન સહાય કેમ્પમાં હિંમતનગર તાલુકાના ૩૧૫ અરજદારો હાજર રહ્યા

સમાજમાં દિવ્યાંગોને હંમેશા મદદ કરવી જોઈએ કારણ કે તેઓ પણ સમાજનો ભાગ છે. આ ઉપક્રમે સાબરકાંઠા જિલ્લાના હિંમતનગરની બહેરા મુંગા શાળા મોતીપુરા ખાતે એલીમ્કો અને જિલ્લા વહીવટી તંત્ર સાબરકાંઠાના સંયુકત ઉપક્રમે દિવ્યાંગ સાધન સહાય માટેના એસેસમેન્ટ કેમ્પનું આયોજન કરવામાં આવ્યું હતુ.

સામાજિક ન્યાય અને અધિકારીતા વિભાગ ભારત સરકાર તથા ગુજરાત રાજ્યની ભારતીય કૃત્રિમ અંગ નિર્માણ નિગમ કાનપુર તથા એલીમ્કો તથા જિલ્લા વહીવટીતંત્ર સાબરકાંઠાના ઉપક્રમે આ કેમ્પનું આયોજન કરવામાં આવ્યું હતુ.આ કેમ્પમાં દિવ્યાંગજનોની શારીરિક દિવ્યાંગતામાં મદદરૂપ થઈ શકે તે અર્થે ટ્રાઇસીકલ, વ્હિલચેર,કાખઘોડી, કાનનુ મશીન,બ્લાઇન્ડ ફોલ્ડિંગ સ્ટીક, એમ.એસ.આઇ.ડી.કીટ, કૃત્રિમ અંગો, કેલીપર્સ,ઇલેક્ટ્રીક મોટર સાઇકલ,મોબાઇલ ફોન વગેરે કીટોનું નિઃશુલ્ક વિતરણ કરવામાં આવ્યું હતુ. હિંમતનગર ખાતે યોજાયેલા નિ:શુલ્ક સાધન સહાય કેમ્પમાં હિંમતનગર તાલુકાના ૩૧૫ જેટલા દિવ્યાંગજનો મુલ્યાંકન શીબીર (એસેસમેન્ટ કેમ્પ)માં હાજર રહ્યા હતા.

જુલાઇ 1, 2022
MSME નો વ્યાપ એટલો વધ્યો કે મોદી થયા એના દીવાના!

નીરવ જોષી ,હિંમતનગર (M-7838880134)

નવી દિલ્હીના ના વિજ્ઞાન ભવન ખાતે MSME યોજનાઓનો શુભારંભ પીએમ મોદી આજે કરાવ્યો હતો. વડાપ્રધાને ઉપસ્થિત અધિકારીઓ અને ઉદ્યોગકારોને માહિતી આપતા જણાવ્યું કે એમ.એસ.એમ.ઈ ની મદદ માટે અનેક પગલા લેવાઈ રહ્યા છે. ઉદ્યમી ભારત કાર્યક્રમમાં વડાપ્રધાન મોદીએ રસપ્રદ સંબોધન કર્યું હતું. આ સંબોધનમાં તેમણે જણાવ્યું હતું કે દેશના MSME સેકટરને મજબૂત અને એનો વ્યાપ વિશાળ કરવો જરૂરી હતો. એમ.એસ.એમ.ઈ વાળી ઉદ્યોગોથી માઇક્રોઇકોનોમિક્સ મજબૂત થાય છે. આજે ભારત મજબૂત છે તેનો મોટાભાગનો હિસ્સો એમ.એસ.એમ.ઈ સેક્ટરનો ફાળો છે!

ભારત જે સો રૂપિયા રૂપિયા કમાય છે તો એમાં 30 રૂપિયા નો ફાળો MSME તરફથી આવે છે! MSME ના પ્રમોશન માટે તેમજ તેના વ્યાપક વિકાસ માટે પાછલા આઠ વર્ષમાં સરકારે 650 પ્રતિશત કેન્દ્રીય બજેટમાં વધારો કર્યો છે. પીએમ મોદીનું કહેવું છે કે 11 કરોડ લોકો ડાયરેક્ટ – ઇનડાયરેક્ટ રીતે MSME સાથે જોડાયેલા છે. મોદીએ MSME સંબંધી યોજનાઓનું શુભારંભ આજે વિજ્ઞાન ભવન ખાતે કરાવ્યું હતું.

નાના લઘુ ઉદ્યોગોને બચાવવા માટે, એને નવી તાકાત આપવા માટે મોદીએ અનેક પ્રકારના ઉપાયોનો ખાસ ભાર મૂક્યો હતો. MSME ની ક્રેડિટ લાઈન ગેરંટી સ્કીમ હેઠળ સાડા ત્રણ લાખ કરોડની મદદ MSME માટે સુરક્ષિત કરી છે. આના પરિણામે 1.5 લાખ કરોડ જેટલો રોજગાર જે ખતમ થવાના આરે આવેલો હતો તેનો હવે ખતરો ટાળ્યો છે. દેશના MSME સેક્ટરમાં નવા રોજગાર માટે પ્રોત્સાહક નીતિની જાહેર કરતા મોદીને જણાવ્યું કે આ વખતે અમે MSME સેક્ટર નવી યોજનાઓ પણ અમલમાં મૂકી છે. નવી નવી યોજનાઓ અંતર્ગત 50,000 કરોડના બજેટથી પાંચ લાખ કરોડ જેટલું બજેટ ફાળવાયું છે!

વર્તમાન સમયમાં MSME ચેપ્ટર એ ભારતની આત્મનિર્ભર ભારત માટે ખૂબ મહત્વનું આંદોલન કહી શકાય. મોદીએ પહેલાંની સરકાર ઉપર હુમલો કરતા કહ્યું હતું કે MSME ને ભૂતકાળની સરકારોએ જોઈએ એવો ટેકો આપ્યો નથી. મતલબ એના માટે માટે ખૂબ મોટા પાયે ચિંતા નથી કરી.

કોરોના કાળમાં નાના ઉદ્યોગોને બચાવવા માટે MSMEની ખૂબ મહત્વપૂર્ણ કામગીરી કરી હતી.

પહેલાના સમયમાં નાના ઉદ્યોગો માટે એવી પરિભાષા નક્કી કરવામાં આવી હતી કે જેના પરિણામે MSME માં કોઈ પ્રોત્સાહન નીતિ એટલી બધી મજબૂત નહોતી. મોદીએ ખાસ ભાર મૂક્યો હતો કે દેશમાં MSME ક્ષેત્ર મજબૂત હોવું ખૂબ જ જરૂરી છે. સૂક્ષ્મ અને લઘુ ઉદ્યોગોને પ્રોત્સાહન આપતી MSME સેક્ટર એ આ સમયમાં ખૂબ જ મહત્વનું બની ગયું છે. અમે MSMEના સેક્ટરની આખી પરિભાષા જ સરકાર આવતા બદલી નાખી હતી. સૂક્ષ્મ , લઘુ, મધ્યમ ઉદ્યોગોની માટે અમે નવા નવા ઉપાયોની ઘોષણા કરી.

જો કોઈ ઉદ્યોગ સાહસિક આગળ વધવા માંગે છે કે તેનો વિસ્તાર કરવા માંગે છે તો સરકાર તેને સહયોગ આપશે અને નીતિઓમાં સરકાર જરૂરી બદલાવ પણ કરી આપશે.- એવી અમારી નીતિ રહી છે. આજે અમારી સરકાર છે પરિણામે MSME સાથે સંકળાયેલા લોકો નવી નીતિઓનો લાભ લઇ રહ્યા છે.

ખાદી અંગે પીએમ નરેન્દ્ર મોદીએ કરી આ આશ્ચર્યજનક વાતો!

ભારતની ખાદી લોકલ થી ગ્લોબલ બની ગઈ છે એટલું જ નહીં ખાદીનું માર્કેટ અત્યારે એક લાખ કરોડ સુધી પહોંચી ગયું છે !અને છેલ્લા આઠ વર્ષમાં ખાદીની વેચાણ અમારી સરકાર દરમિયાન ચાર ઘણું વધ્યું છે! આઝાદી વખતે ખાદી બહુ ચાલી પરંતુ પછી એ નેતાઓનું એક કોશ્યુમ બની ગયું! એમ નરેન્દ્ર મોદીએ જણાવ્યું હતું. પરંતુ અમારી સરકાર આવ્યા બાદ આજે ખાદી અને તેના વસ્ત્રોને અમે એક નવી ઊંચાઈએ પહોંચાડ્યું છે.

એન્ટરપ્રિન્યોરશિપ MSME એના કારણે ખૂબ જ સહજ જીવનના દરેક લેવલના માણસ માટે સહજ બન્યું છે. ભારતની ખાદી લોકલ થી ગ્લોબલ થઈ રહી છે. આઠ વર્ષમાં ખાદીની ખરીદીમાં ચાર ગણો વધારો થયો!

2014માં સબના સાથ સૌનો વિકાસ ના મંત્રને લઈને અમે MSME સેક્ટરનો વ્યાપ ખૂબ મોટા પાયે વધાર્યો છે ,વધુ લોકો જોડાયેલા છે કોરોના ને કારણે નાના ઉદ્યોગોને બચાવવા એમએસએમઈએ સારી કામગીરી કરી.. બજેટ 650 ટકા વધ્યું

મુદ્રા યોજના ના પરિણામે સાત લાખ જેટલા લોકો નવા ઉદ્યોગકાર બન્યા છે.એ લોકો જોબ સીકર નહીં પણ જોબ ક્રિએટર બન્યા છે.

જૂન 30, 2022